Fréttablaðið - 16.06.2004, Blaðsíða 2
2 16. júní 2004 MIÐVIKUDAGUR
Ísraelar skoða möguleika á byggingu þúsunda húsa fyrir landtökumenn:
Stækka byggðir á Vesturbakkanum
Ísraelsk stjórnvöld eru að skoða
möguleika á byggingu nokkur þús-
und íbúða landtökumanna á Vestur-
bakkanum. Þar með virðast vera að
rætast áhyggjur Palestínumanna
sem sögðu að brotthvarf frá Gaza
væri til þess eins að draga athyglina
frá frekari uppbyggingu landnema-
byggða og upptöku lands Palestínu-
manna á Vesturbakkanum.
Ísraelska dagblaðið Maariv
sagði frá því í gær að Shaul Mofaz
varnarmálaráðherra hefði falið
ísraelska hernum að gera áætlanir
um byggingu þúsunda heimila í
þremur landnemabyggðum sem
eru þegar til staðar á Vesturbakk-
anum. Á mánudag sagði Mofaz full-
trúum landtökumanna að hann
myndi taka afstöðu til beiðni þeirra
um byggingu þúsund til tvö þúsund
nýrra íbúða innan þriggja mánaða.
Það er sá tími sem hann gefur
hernum til að skila áætlun um frek-
ari uppbyggingu landnemabyggða.
Ariel Sharon, forsætisráðherra
Ísraels, hefur sagt að hann vilji
efla byggðir landtökumanna á
Vesturbakkanum í skiptum fyrir
brotthvarf frá Gaza. George W.
Bush Bandaríkjaforseti lýsti sig
fylgjandi því fyrir nokkru. Land-
nemabyggðir á palestínsku land-
svæði eru ólöglegar og hafa Sam-
einuðu þjóðirnar ítrekað ályktað
gegn þeim. ■
FÉLAGSMÁL „Það verður ógerlegt að
starfrækja Leigjendasamtökin
með einungis eina milljón króna
til rekstrar á ári, ef heldur fram
sem horfir,“ sagði Guðmundur St.
Ragnarsson, formaður samtak-
anna, spurður um þann þrönga
fjárhagslegan kost sem samtökin
búa nú við.
Leigjendasamtökin fjármagna
reksturinn einungis með fram-
lögum frá hinu opinbera. Guð-
mundur sagði að á árinu 2003
hefðu þau fengið tvær milljónir
króna á fjárlögum. Í ár hefðu þau
einungis fengið eina milljón. Hún
væri greidd út með jöfnum
greiðslum mánaðarlega.
Spurður um starfsemi Leigj-
endasamtakanna sagði Guðmund-
ur að þau hefðu nú engan starfs-
mann, en störfuðu þó enn. Hann
kvaðst sjálfur hafa annast þau
störf sem fyrir hefðu legið, auk
þess sem stjórn samtakanna hefði
einnig lagt drjúgan skerf til
starfsins. Hann sagði enn fremur
að enginn félagsmaður væri í
samtökunum og því ekkert félaga-
tal fyrir hendi. Samtökin fengju
því engin félagsgjöld.
„Við höfum, auk eigin vinnu-
framlags, verið í samvinnu við Iðn-
nemasamband Íslands um að sjá
um símsvörun og upplýsingaþjón-
ustu fyrir okkur, þannig að við
getum samnýtt þar ákveðna hluti,“
sagði Guðmundur. „Hlutverk
Leigjendasamtakanna er að sinna
upplýsingagjöf og hagsmunagæslu
fyrir leigjendur. Við sinnum öllum
símtölum sem til okkar koma, bæði
frá leigjendum og leigusölum. Það
er talsvert mikið um símtöl frá
fólki sem leitar eftir upplýsingum.
Við höfum óskað eftir frekari
stuðningi frá félagsmálaráðu-
neytinu, en ekki fengið, því mið-
ur,“ sagði Guðmundur. „Samtökin
standa verulega höllum fæti
fjárhagslega. Það er ekkert laun-
ungamál. Við ætlum að leita
áfram til félagsmálaráðuneytisins
um frekari stuðning. Ef við fáum
ekki meira fjármagn verður erfitt
að starfa í framtíðinni þar sem
fjárveitingin er svo takmörkuð
sem raun ber vitni.“
jss@frettabladid.is
Á VETTVANGI
Sjúkraliði skoðar verksummerki.
Flugskeytaárás:
Tveir féllu
VESTURBAKKINN, AP Ísraelar réðu
tvo palestínska vígamenn af dög-
um í Balata-flóttamannabúðunum
nærri Nablus á Vesturbakkanum.
Herþyrla skaut flugskeyti á bíl
sem Khalil Marshoud, leiðtogi Al-
Aqsa píslarvættanna á svæðinu,
og félagi hans voru í. Þeir létust
báðir. Samherji þeirra sem var
einnig í bílnum særðist.
Ísraelar segja Marshoud hafa
staðið á bak við fjölda árása á
Ísraela. Fyrir rúmum mánuði síð-
an bönuðu Ísraelar tveimur félög-
um Al-Aqsa í flugskeytaárás í
Nablus. ■
„Ég á ekki slíkan búning.“
Þórólfur Árnason borgarstjóri. Þjóðhátíðarnefnd
Reykjavíkur hvetur almenning til að skarta þjóð-
búningnum í tilefni 60 ára afmælis lýðveldisins.
SPURNING DAGSINS
Þórólfur, ætlar þú í þjóðbúning
á morgun?
LEIGJENDASAMTÖKIN
Leigjendasamtökin eru skráð að Hverfisgötu 105.
LANDNEMABYGGÐ Á GAZA
Mikinn hervörð þarf við landnemabyggðir
Ísraela á landsvæðum Palestínumanna.
11. september:
Síðasta
yfirheyrslan
WASHINGTON, AP Hefðu orrustuþotur
getað komið í veg fyrir hryðjuverka-
árásirnar 11. september 2001? Þetta
er spurningin sem sjálfstæð rann-
sóknarnefnd sem hefur kannað árás-
irnar leitar svara við á fundi á
morgun. Þá verður haldin síðasta op-
inbera yfirheyrslan í rannsókninni.
Öryggisvarsla á jörðu niðri kom
ekki í veg fyrir að flugræningjarnir
kæmust um borð í flugvélarnar sem
var flogið á World Trade Center og
varnarmálaráðuneytið í Washington.
Leyniþjónustan komst ekki á snoðir
um tilræðið í tíma og nú vill nefndin
vita hvort orrustuþotur hefðu getað
komið í veg fyrir árásirnar. ■
Barinn á
Patró fyrir að
vera afleitur
nágranni
– hefur þú séð DV í dag?
Vinnumálastofnun:
Atvinnuleysi
mælist 3,3%
ATVINNA Atvinnuleysi í maí mæld-
ist 3,3 prósent samkvæmt Vinnu-
málastofnun. Þetta er 0,3 prósent-
um minna en á sama tíma í fyrra.
Á höfuðborgarsvæðinu mæld-
ist atvinnuleysið 3,7% í maí en
2,6% á landsbyggðinni. Minnst er
atvinnuleysið á Norðurlandi
vestra og á Austurlandi, 1,8% en
mest á Suðurnesjum og á höfuð-
borgarsvæðinu, 3,7%. ■
Þjóðaratkvæðagreiðslan:
Frumvarp frá
andstöðunni
ÞJÓÐARATKVÆÐAGREIÐSLA Frjáls-
lyndi flokkurinn, Samfylkingin og
Vinstri grænir ætla að leggja
fram sameiginlega frumvarp um
þjóðaratkvæðagreiðslu þegar Al-
þingi kemur saman í júlí.
Ögmundur Jónasson, þing-
flokksformaður Vinstri grænna,
segir að afstaða stjórnarandstöð-
unnar sé að allir flokkar eigi að
koma sameiginlega að því hvernig
þjóðaratkvæðagreiðslunni skuli
háttað. „Út á það gekk tillaga sem
við bárum fram á fundi með ríkis-
stjórninni og frægt er hvernig
honum lauk. Tilboð okkar stendur
enn, en ef viðbrögðin verða ekki
önnur er einsýnt að stjórnarand-
staðan mun leggja fram sínar til-
lögur á þingi í sumar.“
Ögmundur segir að stjórnar-
andstaðan sé algjörlega samstíga í
þessu máli og ekki komi til greina
af .þeirra hálfu að krefjast aukins
meirihluta eða lágmarkskosninga-
þátttöku. ■
■ ASÍA
KOIZUMI TRAUSTUR Japanska
þingið felldi vantrauststillögu á
Junichiro Koizumi forsætisráð-
herra með 280 atkvæðum gegn
193. Vantraustið var borið fram
til að mótmæla umdeildum
breytingum á lífeyriskerfi Jap-
ana og þeirri ákvörðun stjórn-
valda að senda her til Íraks.
■ BANDARÍKIN
EDWARDS VINSÆLASTUR Sam-
kvæmt nýrri skoðanakönnun
vilja flestir Bandaríkjamenn að
öldungadeildarþingmaðurinn
John Edwards verði varaforseta-
efni Johns Kerry, forsetafram-
bjóðanda demókrata. Næstur
kemur Dick Gephardt og þriðji
er Wesley Clark.
Leigjendasamtökin
stefna í gjaldþrot
Rekstur Leigjendasamtakanna stefnir nú í þrot. Þau fá einungis eina
milljón króna í ár frá hinu opinbera. Annað rekstrarfé hafa þau ekki
upp á að hlaupa. Enginn félagsmaður er í þeim og því ekkert félagatal.
DÓMSMÁL Kaupþing Búnaðar-
banki hefur verið sýknaður af
kröfu fyrrum vaktmanns fyrir-
tækisins um bætur vegna rofs á
starfssamningi. Honum var sagt
upp störfum hjá bankanum eftir
að hafa gengið í gildru sem fyrir
hann var lögð. Hann virti fimm
sinnum fyrir sér og handlék
skjöl sem merkt voru sem trún-
aðarmál á skrifborði banka-
stjóra og afritaði. Maðurinn
krafðist tæplegra 5,8 milljóna
króna í bætur.
Maðurinn játaði sök við yfir-
heyrslu lögreglu en bar því síðar
við að hann hefði vakað í yfir 40
klukkustundir og hefði játað
hverju sem er til að komast heim
að sofa. Maðurinn sagðist ekki
hafa ritað upplýsingar úr skjöl-
um bankans niður heldur verið
að skrifa ljóð í tilefni af afmæli
dóttur sinnar. Hann hafi síðan
sett upp leikþátt til að fá starfs-
mannaviðtal vegna sögusagna
innan fyrirtækisins um að hann
hefði áður lekið upplýsingum.
Dómurinn kemst að þeirri nið-
urstöðu að maðurinn hafi með at-
hæfi sínu gefið fyrrum vinnu-
veitenda sínum fullt tilefni til að
vantreysta sér svo verulega að
hann verðskuldaði fyrirvaralaus-
an brottrekstur í samræmi við
ákvæði samnings þeirra. „Metur
dómurinn þessa skýringu hans
álíka fjarstæðukennda og fram-
burð hans um ljóðið,“ segir í
dómsúrskurði.■
Vaktmaður verðskuldaði fyrirvaralausan brottrekstur:
KB banki sýknaður
af bótakröfu
Vigdís veitir ekki
Grímuverðlaun:
Vill ekki
minna á sig
sem forseta
GRÍMAN Vigdís Finnbogadóttir, fyrr-
verandi forseti, afþakkaði boð um
að veita verðlaun á Grímunni, verð-
launahátíð leikhúsanna. Samkvæmt
fréttum Stöðvar 2 í gær er ástæðan
sú að Baugur styrkir hátíðina.
Í samtali við Fréttablaðið sagði
Vigdís að fréttin væri byggð á
kjaftasögu.
„Mér finnst þetta alveg óskap-
lega lágkúruleg vinnubrögð,“ sagði
hún.
Í fréttum Sjónvarpsins kom
fram að Vigdís hefði afþakkað boðið
vegna þess að hún hefði ekki viljað
minna á sig sem forseta eða á
forsetaembættið í ljósi allrar um-
ræðunnar sem orðið hefði um fjöl-
miðlalögin.
Helga Jónsdóttir, framkvæmda-
stjóri Grímunnar, segir að Vigdís
hafi ekki verið krafin skýringa á því
hvers vegna hún vildi ekki veita
verðlaunin.
„Hún vann ötulega að undirbún-
ingi Grímunnar í ár meðal annars
með að leita til fyrirtækja um sam-
starf og stuðning,“ segir Helga.
„Við hefjum okkur upp yfir pólitískt
þras. Það er full sátt á milli okkar og
Vigdísar. ■