Fréttablaðið - 16.06.2004, Blaðsíða 36

24 16. júní 2004 MIÐVIKUDAGUR
Hin 35 ára Jónína Víglunsdóttir á skotskónum:
Lengi lifir í gömlum
Skagaglæðum
FÓTBOLTI Hin 35 ára Jónína Halla
Víglundsdóttir er farin að spila á
ný með kvennaliði Skagans í 1.
deild kvenna eftir sjö ára fjarveru
en Jónína skoraði þrennu í 6-2
sigri ÍA í fyrrakvöld og er marka-
hæsti leikmaður liðsins með fjög-
ur mörk í fyrstu þremur leikjun-
um. Jónína er þriggja barna móð-
ir en það er ekki að sjá á leik
hennar að hún hafi verið lengi frá
íslenska boltanum eða sé að koma
aftur eftir barnsburð, skotkskórn-
ir eru enn á réttum stað. Skagalið-
ið er með fullt hús og markatöluna
16-5 í þeim og stefnir hraðbyri
upp í efstu deild en þar hefur liðið
ekki spilað í fjögur ár. Jónína, sem
var valin besti leikmaður Íslands-
mótsins 1992 og 1993, lék 134 leiki
í efstu deild fyrir ÍA og skoraði í
þeim 40 mörk en hún á einnig að
baki 11 A-landsleiki. Maður Jón-
ínu er Haraldur Ingólfsson, sem
hefur verið í atvinnumennsku í
Svíþjóð og Noregi undanfarin sjö
ár, en Haraldur kom heim fyrir
þetta tímabil og spilar nú með
Skagaliðinu í Landsbankadeild
karla. ■
FORMÚLA 1 Ástralinn Mark Webber
er hugsanlega á leið til BMW
Williams á næsta ári. Sam
Michaels vill fyrir alla muni fá
Webber til BMW Williams en
hann lét orð þess efnis falla á
fundi með fréttamönnum í Montr-
eal í fyrradag: „Webber er með
hárrétt hugarfar. Hann er kjark-
aður og hraður ökumaður sem á
auðvelt með að vinna með öðrum.
Við höfum átt í viðræðum við
hann en ekkert er frágengið.“
Margt bendir til þess að Ralf
Schumacher yfirgefi liðið í lok
ársins og þá er það frágengið að
Juan Pablo Montoya fer til McL-
aren.
Vangaveltur um framtíð
Kanadamannsins Jacques Vil-
leneuve halda áfram, en hann er
bendlaður við BMW Williams og
er hugsanlegt að hann prófi BMW
Williams-bíl í ágúst. Um það mál
hafði Frank Williams eftirfarandi
að segja: „Við erum með lista yfir
ökumenn sem við erum að skoða
og Jacques Villeneuve er á hon-
um. Allt er mögulegt og við útilok-
um ekki neitt. Villeneuve er sann-
færður um að hann eigi fullt er-
indi í Formúluna aftur,“ sagði
Frank Williams en Villeneuve
varð einmitt heimsmeistari í eina
skiptið á sínum ferli árið 1997
með Williams Renault. ■
EM Í FÓTBOLTA
Í dag, miðvikudaginn 16. júní,
flytur Póst- og fjarskiptastofnun
starfsemi sína að Suðurlandsbraut 4, 2. hæð.
Viðskiptavinir eru beðnir um að sýna okkur
þolinmæði vegna þeirrar röskunar á
starfsemi stofnunarinnar sem kann að
leiða af flutningnum.
Opnað verður á nýja staðnum
föstudaginn 18. júní.
Við flytjum
ÍS
LE
N
SK
A
A
U
G
L†
SI
N
G
A
ST
O
FA
N
/S
IA
.I
S
P
O
S
25
04
0
06
/2
00
4
where safety, fun, innovation and quality are our passion.
Komdu líkamanum í gott form í sumar.
VIÐ BJÓÐUM UPPÁ TVÆR STÆRÐIR AF ÞESSUM FRÁBÆRU
TRAMPOLINUM SEM ERU FRÁ BANDARÍKJUNUM.
STÆRÐIR 13 FETA (396cm) 34.500 kr. OG 14 FETA (426cm) 39.500 kr.
BJÓÐUM ÞÉR AÐ KOMA OG PRUFA - ERUM MEÐ ÞAU UPPSETT Í
GARÐINUM.
TILVALIÐ Í GARÐINN OG SUMARBÚSTAÐINN.
ALLAR NÁNARI UPPLÝSINGAR Í SÍMA 565-0313.
SENDUM Í PÓSTKRÖFU.
Hafðu það skemmtilegt frá og með deginum í dag.
Viltu eignast
ekta
Trampolin?
LEIGJUM
EINNIG ÚT FYRIR
AFMÆLI
Englendingar verða fyrir skakkaföllum á Evrópumótinu í Portúgal:
Scholes tæpur og Butt úr leik
EM Í PORTÚGAL Enski miðvallarleik-
maðurinn Nicky Butt er úr leik á
EM í Portúgal eftir að hafa meiðst
á hné á æfingu. Meiðslin eru ekki
alvarleg en það tekur Butt þó að
minnsta kosti þrjár til fjórar vik-
ur að jafna sig.
Sökum reglna UEFA er ekki
hægt að bæta við manni í 23
manna hóp enska liðsins.
Butt, sem er leikmaður
Manchester United, hefur ekki
verið fastur byrjunarliðsleikmað-
ur hjá United né landsliðinu und-
anfarin misseri. Hann er annar
leikmaður Manchester United
sem meiðist úti í Portúgal því Paul
Scholes sneri sig á ökkla í tap-
leiknum gegn Frakklandi á sunnu-
dag.
Taldar eru helmingslíkur á að
Scholes verði klár í slaginn gegn
Svisslendingum á morgun. Það
eru öllu verri tíðindi fyrir Eng-
lendinga en missir Butts og enska
liðið má einfaldlega ekki við fleiri
skakkaföllum ætli það sér að gera
rósir í þessari keppni. ■
PAUL SCHOLES
Tæpur vegna meiðsla.
Haukar reka Þorstein
Halldórsson:
Daði Dervic
tekur við
FÓTBOLTI 1. deildar lið Hauka í
knattspyrnu hefur sagt Þorsteini
Halldórssyni upp störfum sem
þjálfara liðsins.
Þorsteinn tók við þjálfun liðs-
ins af Willum Þór Þórssyni eftir
að Haukarnir unnu sig upp í 1.
deild haustið 2001.
Liðið stóð sig ágætlega undir
stjórn Þorsteins næstu tvö árin en
byrjun mótsins nú hefur vægast
sagt valdið vonbrigðum og stein-
inn tók úr þegar liðin var gjörsigr-
að 5-0 af 2. deildar liði Aftureld-
ingar í bikarkeppninni á dögun-
um.
Izudin Daði Dervic hefur verið
ráðinn sem þjálfari en hann hefur
undanfarin þrjú ár þjálfað 2. flokk
félagsins.
Fréttablaðið hafði samband við
Pál Guðmundsson, formann knatt-
spyrnudeildar Hauka:
„Þessi ákvörðun var gerð í
samráði við Þorstein og var því
sameiginleg niðurstaða stjórnar
knattspyrnudeildar og Þorsteins.
Við vorum ráðþrota varðandi
gengi liðsins hingað til í sumar.
Við erum búnir að tapa fjórum
leikjum og árangur liðsins hefur
ekki staðið undir væntingum
stjórnar eða þjálfara og eitthvað
varð að gera. Hvort þetta hafi
verið rétti tímapunkturinn eða
ekki verður bara stjórnin að stan-
da og falla með.
Izudin Daði Dervic er með
ákveðna lausn og við keyptum
hana og vonum að hún gangi upp.
Við treystum honum hundrað pró-
sent til að losa okkur úr þeim
ógöngum sem liðið er komið í,“
sagði Páll Guðmundsson. ■
Breytingar væntanlegar hjá BMW Williams:
Vilja fá Webber
D-RIÐILL
Tékkland–Lettland 2–1
0–1 Maris Verpakovskis (45.), 1–1 Milan
Baros (73.), 2–1 Marek Heinz (85.).
Þýskaland–Holland 1–1
1–0 Torsten Frings (30.), 1–1 Ruud van
Nistelrooy (80.).
STAÐAN Í RIÐLINUM
Tékkland 1 1 0 0 2–1 3
Holland 1 0 1 0 1–1 1
Þýskaland 1 0 1 0 1–1 1
Lettland 1 0 0 1 1–2 0
NÆSTU LEIKIR Í RIÐLINUM
Lettland–Þýskaland Lau. 19. júní 16:00
Holland–Tékkland Lau. 19. júní 18:45
■ STAÐA MÁLA
HEINZ VAR HETJAN
Hetja Tékka, Marek Heinz, sem skoraði sigurmarkið gegn Lettum sést hér í baráttu við
Lettann Mihailis Zemlinksis í leik liðanna í gær.
Tékkar tæpir
gegn Lettum
Lentu undir í fyrri hálfleik en náðu að skora
tvö mörk í þeim síðari.
EM Í FÓTBOLTA Fyrirfram var talið
að leikur Tékka og Letta í C-riðli
Evrópumótsins í Portúgal yrði
leikur kattarins að músinni.
Lettar, sem hafa aldrei áður spilað
í úrslitakeppni stórmóts, áttu ein-
faldlega að vera fallbyssufóður
fyrir gríðarsterkt lið Tékka en
svo fór þó aldeilis ekki þegar út í
alvöruna var komið.
Tékkar voru mikið meira með
boltann en þeir þurftu á tveimur
mörkum á síðustu sautján mínút-
unum að halda til að ná naumum
sigri, 2-1.
Lettar börðust eins og ljón í
fyrri hálfleik og þrátt fyrir að
Tékkar héldu uppi stórsókn að
marki þeirra þá gáfu þeir ekkert
eftir.
Þeir voru stórhættulegir þegar
þeir komust fram og úr einni
skyndisókninni, rétt undir lok
fyrri hálfleiks, náðu þeir óvænt
forystunni. Andrejs Prohoren-
kovs braust upp vinstri kantinn og
gaf fyrir á markahrókinn Maris
Verpakovskis sem renndi boltann
auðveldlega í netið á fjærstöng.
Í síðari hálfleik héldu Tékkar
upp stanslausri pressu á lettneska
markið en gekk illa að koma bolt-
anum fram hjá Aleksandrs Kolin-
ko sem varði oft á tíðum frábær-
lega.
Þeim tókst þó að brjóta ísinn á
73. mínútu þegar Milan Baros,
framherji Liverpool, jafnaði met-
in eftir góðan undirbúning Karels
Poborsky. Það var síðan varamað-
urinn Marke Heinz sem tryggði
Tékkum sigur með marki fimm
mínútum fyrir leikslok.
Karel Brückner, þjálfari
Tékka, var ánægður eftir leikinn.
„Við byrjuðum vel en seinni
hluti fyrri hálfleiks var lélegur.
Mínir menn lögðu ekki árar í bát
þrátt fyrir að fá mark á sig undir
lok hálfleiksins því við vissum að
það væri nægur tími eftir til að
jafna leikinn og vinna hann. Við
fórum ekki á taugum og það skóp
sigurinn,“ sagði Brückner.
Stuðningsmenn lettneska liðs-
ins voru himinlifandi með sína
menn og gáfu þeim standandi
lófaklapp að leik loknum. ■