Fréttablaðið - 04.08.2004, Blaðsíða 6

6 4. ágúst 2004 MIÐVIKUDAGUR
FLUTNINGAR Rúmlega átta sinnum
dýrara er að flytja 7 metra langan
flutningabíl með Herjólfi milli
lands og Eyja, en kostar að flytja
venjulegan fólksbíl eða jeppa.
Grunngjald fyrir fólksbíla, jeppa
eða tengivagna er 1.700 krónur,
eða 3.400 krónur báðar leiðir.
28.000 krónur kostar að flytja 7
metra langan flutningabíl báðar
leiðir, greiða þarf 2.000 krónur
fyrir hvern metra á bílum sem
lengri eru en 6 metrar. Einhvers
kurrs gætir meðal sjálfstætt
starfandi flutningabílstjóra með
þennan mun og hafa þær raddir
heyrst að með þessu sé fótunum
kippt undan vöruflutningum ein-
yrkja milli lands og Eyja.
Guðfinnur Þór Pálsson, rekstr-
arstjóri Herjólfs hjá Landflutn-
ingum - Samskipum, segir að
unnið sé eftir gjaldskrá Vegagerð-
ar ríkisins varðandi flutning á far-
artækjum. „Það eru nokkrir flutn-
ingaaðlilar sem flytja vörur með
Herjólfi, Landflutningar þar á
meðal. Þar sitja allir við sama
borð og greiða sama gjald fyrir
flutninga, sama hvort það eru
Samskip eða aðrir,“ segir hann og
áréttar að allar breytingar á
gjaldskrá fyrir flutninga með
Herjólfi séu háðar samþykki
Vegagerðar ríkisins. „Samskip
rýkur ekkert til og breytir gjöld-
um,“ segir hann. ■
SIGLINGAR Hafsteinn Jóhannsson,
kafari frá Akranesi, lauk ekki
hringsiglingu sinni um landið á
seglskútunni Eldingu. Hann lagði
upp í ferðina frá Kópavogi þann
18. júní sl. og sigldi vestur fyrir
land. Þegar kom á Seyðisfjörð um
verslunarmannahelgina bentu
tollayfirvöld honum á að hann
væri kominn þrjá daga fram yfir
þann tíma sem heimilt væri að
vera með skútuna hér á landi án
þess að greiða af henni toll.
Hafsteinn hefur síðustu áratugi
verið búsettur í Noregi, en þar
smíðaði hann skútuna sjálfur.
„Þú mátt aldrei vera hér með
bíl eða skemmtibát
lengur en í mesta lagi
eitt ár tollfrjálst,“
sagði Jóhann Freyr
Aðalsteinsson, deild-
arstjóri tollgæslunnar
á Seyðisfirði og stað-
festi að Hafsteini hafi
verið bent á að hann
væri kominn fram
yfir þann tíma.
Hafsteinn hélt til Fær-
eyja frá Höfn í Horna-
firði á mánudaginn, en
þaðan siglir hann til
Hjaltlandseyja og svo
til Noregs þar sem
skútan verður geymd
næsta árið.
Valdimar I. Sigur-
jónsson, sem var sam-
ferða Eldingu í litlum
rauðum hraðbáti úr
plasti á siglingunni umhverfis land-
ið, lenti svo í hrakningum á leiðinni
frá Höfn í Hornafirði þegar hann
var orðinn einn. Björgunarbáturinn
Þór frá Vestmannaeyjum tók
Valdimar í tog til Eyja aðfararnótt
sunnudagsins var.
Þar bíður hann nú
hagstæðari veður-
skilyrða áður en hann
heldur áfram för
sinni á hraðbátnum
til Þorlákshafnar.
Þegar Hafsteinn
lagði upp í ferðina
sagði hann í viðtali
við Fréttablaðið að
hann hygðist jafnvel hætta sigl-
ingum og ferðin yrði hugsanlega
hans síðasta. Hafsteinn ánafnaði
Byggðasafninu á Akranesinu
seglskútuna árið 1993, en í gjafa-
bréfinu kemur fram að hann hafi
umráð yfir skútunni þar til hann
vill skila henni. Nú er útlit fyrir
að bið verði á þeim skilum og á
því að Hafsteinn láti af siglingum,
a.m.k. þar til gengið hefur verið
frá því með hvaða hætti skútan
verður flutt inn í landið og hún
verðmetin.
Frægasta sigling Hafsteins var
þegar hann sigldi Eldingunni einn
síns liðs umhverfis hnöttinn árið
1991. Þá sigldi hann viðstöðulaust
í 241 dag, alls 25 þúsund sjómílur
og er hann eini Norðurlandabúinn
sem hingað til hefur afrekað slíka
siglingu.
olikr@frettabladid.is
Dóttir Saddams:
Verður að
fara í pólitík
AMMAN, AP Elsta dóttir Saddams
Hussain, Raghdad, lýsti yfir í gær
að hún yrði að gerast stjórnmála-
maður. „Ég er dóttir Saddams. Ég
hef skyldum að gegna þar sem ég
ber nafn hans og hann treystir á
mig,“ sagði Raghdad.
Raghdad segir föður sinn
þarfnast hjálpar hennar þar sem
bræður hennar séu báðir látnir.
„Ég er sú eina sem eftir er og þess
vegna verð ég að hjálpa föður
mínum. Að sögn Raghdad hefur
fjöldi fólks komið að máli við hana
og beðið hana um að gerast stjórn-
málamaður þar sem hún sé arf-
taki Saddams. ■
Sláturfélag A-Húnvetninga:
Nautakjöt
hækkar
LANDBÚNAÐUR Sláturfélag Austur-
Húnvetninga hækkaði verð á
flestum flokkum nautgripakjöts
til bænda núna um mánaðamótin,
að því er fram kemur á vef Lands-
sambands kúabænda, naut.is.
Hækkunin er þó sögð vera nokkuð
misjöfn á milli flokka, en félagið
nú sagt greiða að jafnaði hæstu
verð allra sláturhúsa á Norður-
landi. „Sláturhúsið á Hellu greiðir
þó enn hæstu verð landsins á alla
algengustu flokka nautgripa-
kjöts,“ segir á vefnum. ■
Bobby Fischer:
Svartfjalla-
land segir nei
SERBÍA-SVARTFJALLALAND, AP Svart-
fellingar munu ekki skjóta skjóls-
húsi yfir skákmeistaranum Bobby
Fischer vegna andstöðu Banda-
ríkjamanna að sögn forseta Svart-
fjallalands. Talsmenn Fischer
lögðu víst til að hann myndi sækja
um hæli þar, en hann er ákærður
fyrir að brjóta viðskiptabann sem
hvíldi á Júgóslavíu árið 1992 þegar
hann tefldi við Borís Spasskí.
Fischer hefir verið í haldi í
Japan í þrjár vikur en vegabréf
hans reyndist útrunnið þegar hann
ætlaði að yfirgefa landið. Banda-
ríkjamenn hafa farið fram á að
Fischer verði framseldur. Hann
hefur sótt um hæli í Japan. ■
■ VIÐSKIPTI
GENGI GJALDMIÐLA
Bandaríkjadalur 71,77 0,24%
Sterlingspund 130,55 0,47%
Dönsk króna 11,62 0,10%
Evra 86,27 -0,03%
Gengisvísitala krónu 121,35 0,41%
KAUPHÖLL ÍSLANDS
Fjöldi viðskipta 240
Velta 1.016 milljónir
ICEX-15 3.076,24 -1,11%
Mestu viðskiptin
Kaupþing Búnaðarbanki hf. 390.674
Vátryggingafélag Íslands 240.172
Straumur Fjárfestingarbanki hf 125.884
Mesta hækkun
Nýherji hf. 2,70%
Hlutabréfsj. Búnaðarbankans 1,98%
Hampiðjan hf. 1,75%
Mesta lækkun
Kaupþing Búnaðarbanki hf. -2,38%
Íslandsbanki hf. -2,17%
Jarðboranir hf. -1,03%
ERLENDAR VÍSITÖLUR
DJ* 10.109,0 -0,7%
Nasdaq* 1.863,5 -1,5%
FTSE 4.429,7 0,3%
DAX 3.877,3 0,4%
NIKKEI 11140.6 -0.73%
S&P* 1.101,9 -0,4%
* Bandarískar vísitölur kl. 17
VEISTU SVARIÐ?
1Eitt frægasta naut landsins eignaðistafkvæmi í síðustu viku. Hvað heitir
nautið?
2Hvað heitir forseti Hæstaréttar?
3Hver sigraði á Shoot-out golfmótinu áSeltjarnarnesi?
Svörin eru á bls. 30
fiú veist fletta allt!
Skiptibókamarka›urinn er í fullum gangi. Komdu til okkar me›
gömlu skruddurnar og skiptu í n‡jar e›a nota›ar – og flú fær›
frábærar skólavörur fyrir afganginn.
FÍ
TO
N
/
S
ÍA
F
I0
10
23
9
HERJÓLFUR VIÐ VESTMANNAEYJAR
Gjaldskrá fyrir flutning bifreiða með
Herjólfi er komin frá Vegagerð ríkisins.
Landflutningar - Samskip sem sjá um
rekstur ferjunnar segja alla sitja við sama
borð sem flytja vörur með ferjunni.
Flutningur bíla með Herjólfi til Eyja:
Átta sinnum dýrara
fyrir flutningabíla
Sægarpur flýr til
Noregs með skútu sína
Tollamál hafa hrakið Hafstein Jóhannsson, kafara frá Akranesi, úr landi
með seglskútuna Eldingu, án þess að hann lyki hringsiglingu um landið.
HAFSTEINN Á ELDINGUNNI
Sægarpurinn Hafsteinn Jóhannsson, kafari frá Akranesi, er farinn með
heimasmíðaða skútu sína, Eldinguna í höfn í Noregi til að þurfa ekki að
greiða af henni tolla og gjöld hér.
FR
ÉT
TA
B
LA
Ð
IÐ
/R
Ó
B
ER
T
HRAÐBÁTUR VALDIMARS
Björgunarbáturinn Þór frá Vest-
mannaeyjum kom til hjálpar
eftir að leiðir skildu hjá Elding-
unni og Valdimari I. Sigurjóns-
syni, sem ætlaði að vera skút-
unni samferða á hraðbátnum
hringinn í kringum landið.
SEKT FYRIR GAGNAEYÐINGU
Bandaríska verðbréfamiðlunar-
fyrirtækið Fidelity samþykkti í
gær að greiða tvær milljónir
Bandaríkjadala (um 140 milljónir
króna) í sekt eftir að upp komst
um að félagið hafði látið eyða
gögnum af skrifstofu sinni áður
en yfirvöld gerðu árlega úttekt á
starfseminni. Brotin áttu sér stað
á árunum 2001 og 2002.
HÆKKUN VERÐBÓLGU Greining
Íslandsbanka býst við að vísitala
neysluverðs hækki um 0,1 pró-
sent milli júlí og ágúst. Fyrir var
búist við að vísitalan stæði í stað,
en hækkun á eldsneyti breytti
þeirri spá. Samkvæmt þessu ger-
ir greining Íslandsbanka ráð fyr-
ir því að tólf mánaða verðbólga
verði 3,8 prósent í ágúst.
BOBBY FISCHER
Á yfir höfði sér tíu ára fangelsisdóm í
heimalandi sínu.