Fréttablaðið - 04.08.2004, Blaðsíða 11
11MIÐVIKUDAGUR 4. ágúst 2004
Ólympíuleikar:
Verkföll
yfirvofandi
AÞENA, AP Sjúkraflutningamenn í
Aþenu gerðu skyndiverkfall í gær
til að knýja á um launahækkanir á
við lögreglumenn í aðdraganda
ólympíuleikanna sem hefjast þar
eftir rúma viku.
Stéttarfélag sjúkraflutninga-
manna hafnaði tilboði yfirvalda um
aukaálag vegna leikanna en krafð-
ist launahækkana á við þær sem
lögreglumenn í Aþenu hafa fengið.
Hótuðu forsvarsmenn félagsins að
grípa til skyndiverkfalla meðan á
leikunum stendur frá 13. til 29.
ágúst en slíkt gæti haft alvarleg
áhrif á framkvæmd þeirra. ■
Alþjóðlega geimstöðin:
Enn ein
geimgangan
FLÓRÍDA, AP Bandaríkjamaðurinn
Mike Fincke og Rússinn Gennady
Padalka unnu í
gær að við-
gerðum utan á
a l þ j ó ð l e g u
geimstöðinni.
Þetta var
þriðja geim-
ganga þeirra félaga á einum mánuði.
Verkefni gærdagsins var að laga
lendingarhöfn á geimstöðinni fyrir
nýtt flutningageimskip sem Geim-
ferðastofnun Evrópu er að hanna. Í
lok júní þurftu geimfararnir að fara
í erfiða geimgöngu til að laga
leiðslu sem hafði brunnið yfir. ■
Náðist á flótta:
Drap
fjölskyldu
JAPAN, AP Japanskur maður á
fimmtugsaldri hefur játað að hafa
ráðið sjö úr einni fjölskyldu af
dögum með eldhúshníf í bænum
Kakogawa sem er um 450 kíló-
metra fjarðlægð frá Tókýó.
Maðurinn sem er ekki skyldur
fólkinu réðst á það á tveimur heim-
ilum þeirra og kveikti í þriðja hús-
inu í eigu þeirra. Einn slapp undan
sár eftir árás hans. Maðurinn
náðist þar sem hann keyrði á tré
við flóttann frá húsunum. Lög-
reglan þekkir enn ekki alla mála-
vöxtu en maðurinn segist hafa
framið morðin vegna óstjórnlegs
haturs á fjölskyldunni. Fólkið var
á aldrinum 26 til áttrætt. ■
UNDIR EIFFELTURNINUM
Parísarbúar og ferðamenn láta vatn úr gos-
brunnum rigna á sig í skugga Eiffelturnsins
í París. Mjög heitt er í Evrópu um þessar
mundir og öllum brögðum beitt til þess að
kæla sig niður.
HJÁLPARSTARF Fatasöfnun Rauða
kross Íslands gefur milljónir til
hjálparstarfs á hverju ári. Að auki
njóta nauðstaddir erlendis og fá-
tækir hér á landi góðs af fatnaðin-
um, að sögn Þóris Guðmundsson-
ar hjá RKÍ.
Að sögn Þóris er fötunum ráð-
stafað á ýmsan hátt. Hluti þeirra
er seldur flokkunarsvöðvum
erlendis, til dæmis í Amsterdam,
er selja þau aftur til verslana á
Vesturlöndum, sem selja notuð
föt. Þá er annar hlutinn flokkaður
Í flokkunarstöð RKÍ að Gjótu-
hrauni 7 í Hafnarfirði og seldur í
Rauða kross búðinni L12 á Laug-
avegi. Þriðji hlutinn er svo flokk-
aður og gefinn þurfandi fólki hér
á landi eða erlendis.
„Þetta er heilmikil tíska,“ sagði
Þórir um söluna á notuðu fötun-
um. „Andvirði þeirra fer eins og
það leggur sig í alþjóðlega neyð-
araðstoð. Við reynum að flokka
sem mest hér heima, því meira
sem við flokkun, þeim mun meiri
verðmæti fást út úr fatnaðinum.
Það sem okkur tekst ekki að
flokka er allt selt í flokkunar-
stöðvar erlendis.“
Samtals söfnuðust 660 tonn af
fatnaði til RKÍ á síðasta ári. Af því
fóru 4 tonn til 600 íslenskra fjöl-
skyldna sem voru með yfir 1000
börn á sínu framfæri. Þá gaf fatn-
aðurinn af sér 5 milljónir sem
RKÍ notaði í hjálparstarf erlendis.
Í flokkunina fóru um 8200 vinnu-
stundir sjálfboðaliða. ■
MILLJÓNIR
Notaður fatnaður gefur af sér milljónir á ári í hjálparstarf Rauða kross Íslands erlendis.
Fatasöfnun Rauða kross Íslands:
Notuð föt gefa milljónir
FR
ÉT
TA
B
LA
Ð
IÐ
/V
IL
H
EL
M