Fréttablaðið - 04.08.2004, Blaðsíða 18
Vítamíntöflur á helst að taka inn eftir máltíðir, til dæmis
aðalmáltíð dagsins. Ef vítamín eru tekin á fastandi maga
eru meiri líkur á að þau skolist burt ónýtt með þvaginu.
Vítamíntöflur á alltaf að geyma á dimmum, svölum stað.
Karma þýðir athöfn á sanskrít.
Hver athöfn á sér afleiðingu.
Vandamál skapast í lífi fólks þeg-
ar það hugsar ekki um langtíma-
afleiðingar athafna sinna. Oft má
reikna út langtímaafleiðingar
með því að skoða skammtímaaf-
leiðingar. Þegar barn brennir sig
á hellu þarf enginn að segja því
að snerta ekki helluna aftur. Það
þarf ekki að brenna allan lík-
amann til þess að átta sig á hætt-
unni. Beita má þessari aðferð á
mataræði, fjármál, samskipti, at-
vinnu og svo framvegis. En að-
ferðin krefst umhugsunar og
framsýni. Tökum nokkur dæmi.
Hvers vegna fer fólk í skóla? Til
þess að eiga betri framtíð. Hvers
vegna sparar fólk peninga?
Vegna þess að það tekur fjár-
hagslegt sjálfstæði fram yfir
skammtíma skemmtun og skuld-
ir. Hvers vegna hættir fólk að
reykja? Vegna ávinninga eða ótta
við afleiðingar. Hvers vegna
hættir fólk að drekka? Vegna
þess að það umturnast við
drykkjuna og eyðileggur líf sitt
og annarra. Hugsunin þarf að
vera skýr og það þarf að beita
henni reglulega á öll svið lífsins.
Þeir sem ekki hlusta á skamm-
tímaafleiðingar (instant karma)
og breyta um hegðun samkvæmt
því munu þurfa að horfast í augu
við langtímaafleiðingar hvort
sem þær eru jákvæðar eða nei-
kvæðar. Þannig er lífið bara. ■
Líkami og sál
GUÐJÓN BERGMANN, JÓGAKENNARI
OG RITHÖFUNDUR, SKRIFAR UM AÐ
TAKA AFLEIÐINGUM GJÖRÐA SINNA.
Instant karma
gbergmann@gbergmann.is.
YGGDRASILL, KÁRASTÍG 1, 101 RVK., S: 5624082
- þar sem þú getur treyst á gæðin -
Lífrænt ræktaðar vörur
YOGASTÖÐIN HEILSUBÓT
Síðumúla 15, s. 5885711 og 6946103
YOGA YOGA SUMARYOGA
Líkamsæfingar, öndunaræfingar
slökun og hugleiðsla
Sértímar fyrir barnshafandi
Allir yoga unnendur velkomnir.
CAMBRIDGE KÚRINN.
Nýtt á Íslandi!
Bæði til megrunar og uppbyggingar.
Hefur öll vítamín að geyma sem líkaminn þarfnast.
Verndar innri líffæri og vöðva
Óskum eftir sölufólki um land allt
Viltu vita meira ?
Heimsæktu þá heimasíðu okkar
www.vaxtamotun.is eða í síma 894 1505 Karolína.
eða 894 1507 Þóranna
„Þetta er mjög holl hreyfing fyrir
líkamann og ekkert högg á hné og
mjaðmir eins og í hlaupi til dæm-
is,“ segir Helgi Páll Þórisson, ann-
ar eigandi linuskautar.is. Hann og
Árni Valdi Bernhöft reka þetta
fyrirtæki og er þetta þeirra fimm-
ta sumar í bransanum.
„Við tökum að okkur hópa, til
dæmis saumaklúbba, gæsa- og
steggjahópa og fyrirtækjahópa og
kennum þeim að línuskauta al-
mennilega. Við kennum þeim að
bremsa rétt, standa rétt, skauta
rétt og bakka,“ segir Árni Valdi en
bætir við að það fari eftir hópnum
hve mikið sé kennt á einu nám-
skeiði. „Það eru ekki allir sem ná
því að bakka en ef hópurinn er
góður og fljótur að læra þá kenn-
um við þeim líka að snúa við á
ferð. Síðan endum við yfirleitt á
léttu street-hokkí, sem er eins og
íshokkí bara á línuskautum,“ seg-
ir Árni en þeir félagar taka líka
fólk í einkakennslu.
Helgi og Árni Valdi eru ekki
einungis með hópnámskeið heldur
skipuleggja þeir og standa fyrir
uppákomum á línuskautum og
leikjanámskeiðum. „Við sjáum til
dæmis um línuskautahlaupið nú í
lok ágúst sem hingað til hefur ver-
ið hlaupið með Reykjavíkurmara-
þoninu,“ segir Árni Valdi en þeir
félagar stefna á að fara með hóp í
línuskautaferð til Þýskalands á
næstunni. „Við förum með ferða-
skrifstofunni Íslandsvinir og tök-
um þátt í línuskautaviðburði þar
sem tugþúsundir manna koma
saman og skauta. Þetta er gert í
mörgum borgum í Evrópu eins og
til dæmis París, London, München
og Frankfurt. Þá er miðbærinn
lokaður fyrir umferð og fólk kem-
ur bara til að skauta,“ segir Helgi
en þetta er í fyrsta sinn sem svona
hópur fer frá Íslandi. „Við verðum
svona um það bil tuttugu eða þrjá-
tíu og skráning er á linuskautar.is.
Það er nú samt æskilegt að þeir
sem skrái sig séu búnir að fara á
námskeið hjá okkur eða kunni
eitthvað á línuskauta,“ segir Árni
Valdi.
Nemendur á öllum aldri
Þeir félagar hjá linuskautar.is
stíla frekar á eldra fólk en krakk-
ar eru samt velkomnir með. „Að-
sóknin á þessi námskeið hefur
aukist gríðarlega á milli ára, eða
um þrjú hundruð prósent. Við
miðum þessi námskeið við svona
átján ára aldur og upp úr en elsti
nemandi sem við höfum kennt var
um sjötugt,“ segir Helgi og bætir
við að margir haldi að línuskautar
séu einhver tískubóla. „Því hefur
verið haldið fram að þetta sé
tískubóla í um fimm til sex ár
þannig að ég held að þetta sé kom-
ið til að vera.“
Strákarnir eru eingöngu með
þessi námskeið á sumrin. Þeir
byrja um lok apríl, byrjun maí og
eru alveg fram í ágúst eða sept-
ember. Þeir hafa góða aðstöðu í
Skautahöllinni í Laugardal þannig
að ef viðrar illa þá geta þeir alltaf
farið með hópa inn á námskeið.
„Þegar byrjar að hlýna og sólin að
skína þá fara tölvupóstarnir alveg
að hrynja inn,“ segir Árni Valdi.
Mikil brennsla
„Það er á allra færi að læra á
línuskauta,“ segir Helgi og bætir
við að þetta sé mjög alhliða hreyf-
ing. „Þú brennir meiru á línu-
skautum heldur en að hlaupa á
sama tempói. Síðan reynir þetta
mjög vel á fótleggi, rass, mjóbak,
maga og hendur,“ segir Helgi en
þeir félagar hafa kennt að minns-
ta kosti fimm til átta hundruð
manns á ári síðustu ár. „Af þess-
um fjölda hafa kannski fimm hætt
við á miðju námskeiði þannig að
þetta er greinilega eitthvað sem
allir geta,“ segir Helgi sem segir
að góðar aðstæður til línuskauta-
iðkunar séu á flestum göngustíg-
um í Reykjavík og nágrenni.
Árni Valdi og Helgi geta bæði
tekið hópa að sér niðri í Laugardal
og mætt á staðinn ef þess er óskað.
Fyrsta skrefið til að panta þessa
línuskautakennara er að fara inn á
vefsíðu þeirra, linuskautar.is, og
senda þeim tölvupóst. Síðan er
fundinn tími og þá er allt klappað
og klárt. „Það er munur á því að
skauta og skauta rétt og það er það
sem við viljum kenna fólki,“ segir
Árni Valdi að lokum.
lilja@frettabladid.is
Holl, alhliða hreyfing:
Munur á að skauta
og skauta rétt
Fjör á línuskautanámskeiði
FR
ÉT
TA
B
LA
Ð
IÐ
/S
TE
FÁ
N
Ráð frá lesendum:
Eldingavari við bílveiki
Í framhaldi af grein um bílveiki hér á síðunum hafa margir lesendur komið að máli
við blaðið með ábendingar sem reynast vel við bílveiki. Algengast var að fólk benti
á eldingavara sem góða lausn. „Þetta eru svona reimar sem hengdar eru neðan í
bílinn og þá er hann jarðtengdur,“ segir Dýrleif Skjóldal sem er búsett á Akureyri.
„Þetta veldur því að farþegarnir ná betra jarðsambandi og verða því ekki veikir. Ég
hefði ekki trúað þessu ef ég hefði ekki
reynt það sjálf en þetta svínvirkar.“
Dýrleif segir að því miður geti verið erfitt
að fá svona reimar, það sé einna helst á
bensínstöðvum og þá á Suðurlandi þar
sem „tiltölulega oft“ eru eldingar. „Við
höfðum svona á bíl sem við áttum og
strákarnir mínir urðu aldrei bílveikir á
meðan. Þegar við fengum svo nýjan bíl
sem var ekki með þessum reimum byrj-
uðu þeir að kasta upp. Þar sem við vor-
um á ferðalagi brá maðurinn minn á það
ráð að hnýta vír sem hann átti í dráttar-
krókinn á bílnum og það virkaði þar til
við fengum nýjar reimar.“
Við komum þessu hér með áleiðis og
vonum að fólk geti nýtt sér eldingavarann
með góðum árangri. ■
Fjölmargir hafa komið í veg fyrir bílveiki
með því að setja eldingavara á bílinn.