Fréttablaðið - 04.08.2004, Blaðsíða 29

FÓTBOLTI Skjár einn boðaði til blaða-
mannafundar í gærdag og kynnti
hvernig staðið yrði að málum
varðandi enska boltann sem stöð-
in tryggði sér nýverið sýningar-
réttinn á. Sýndir verða um 220
leikir frá ensku úrvalsdeildinni á
komandi vetri og verða þeir allir í
opinni dagskrá. Því má gera ráð
fyrir að um 80 þúsund heimili
komi til með að hafa aðgang að
enska boltanum.
Til að gera þetta mögulegt hefur
Skjár Einn fengið fyrirtækin
Actavis, Frjálsa fjárfestingar-
bankann, Icelandair og Visa, til
samstarfs við sig.
Þulir á leikjunum verða þeir
Gunnar Helgason, leikari,
Kristinn Kjærnested, fram-
kvæmdastjóri hjá Atlantsskipum,
áðurnefndur Snorri Már Skúlason
og nafni hans, Snorri Sturluson,
sem marga fjöruna hefur sopið.
Þeim til aðstoðar verða knatt-
spyrnumennirnir Guðmundur
Benediktsson, Ríkharður Daðason
og Þórhallur Dan Jóhannsson. Þá
verða enskir þulir á einhverjum
leikjum.
Hinn kunni sjónvarpsmaður,
Snorri Már Skúlason, hefur verið
fenginn til að stýra þessu stóra
verkefni og segir hann það bæði
stórt og krefjandi en jafnframt
mjög spennandi: „Útsendingar-
rétturinn frá ensku úrvalsdeild-
inni í knattspyrnu er meðal allra
eftirsóttasta og jafnframt dýrasta
sjónvarpsefni í heimi og við
munum auðvitað kappkosta þess
að gera þetta eins vel og mögulegt
er,“ sagði Snorri Már á fundinum í
gær.
Skjár Einn mun að jafnaði sýna
6 leiki á viku. Upphitunarþættir
verða fyrir leikina á föstudögum
og laugardögum og á mánudögum
verða öll mörk helgarinnar sýnd í
sérstökum þætti sem bera mun
nafnið, Þrumuskot.
MIÐVIKUDAGUR 4. ágúst 2004
AC Mílan lagði Chelsea
Enska úrvalsdeildarfélagið Chelsea, beið
lægri hlut fyrir ítalíumeisturum AC Mílan
á æfingamótinu í Bandaríkjunum. Leikur-
inn, sem fram fór í Philadelphiu, endaði
3-2. Það var Eiður Smári Guðjohnsen
sem kom Chelsea á bragðið á 19. mín-
útu. Brasilíumaðurinn Cafu jafnaði metin
á 26. mínútu en það var síðan Frakkinn
Didier Drogba sem kom Chelsea aftur
yfir með marki á 38. mínútu en þetta var
í fyrsta sinn sem hann er í byrjunarliðinu.
Leikmenn AC voru ekki af baki dottnir
þrátt fyrir þetta og jöfnuðu á 76. mínútu
með marki frá Ítalanum Allesandro
Costacurta. Það var síðan Andriy
Shevchenko sem tryggði ítalska liðinu
sigurinn með marki fimm mínútum fyrir
leikslok.
Nedved hættur með
tékkneska landsliðinu
Pavel Nedved hefur tilkynnt að hann
hafi leikið sinn síðasta landsleik. Nedved
hefur verið lykilleikmaður tékkneska
landsliðsins undanfarin ár. Nedved leikur
með ítalska stórliðinu Juventus og stefnir
hátt á þeim vettvangi.
KLÁRIR Í SLAGINN Snorri Már Skúlason greinir frá því hvernig útsendingum frá enska
boltanum verður hagað í vetur. Við hlið hans sitja þeir Kristinn Bjarnason frá Frjálsa fjár-
festingarbankanum og Helgi Hermannsson, dagskrárstjóri Skjás eins.
Allt komið á hreint varðandi enska boltann á Skjá einum:
220 leikir á dagskrá