Fréttablaðið - 09.08.2004, Blaðsíða 2
Útlendingar í Noregi:
Þúsundum
vísað úr landi
NOREGUR Útlendingadeild norsku
lögreglunnar hyggst vísa rúmlega
tíu þúsund útlendingum úr landi í
ár, kemur fram í Aftenposten.
Aldrei fyrr hefur slíkum fjölda
verið vísað úr landi á einu ári en
útlendinga- og flóttamannamót-
tökur Noregs eru yfirfullar og er
nú ætlunin að senda burt alla sem
ekki fá samþykki fyrir dvalar-
leyfi. Flestir eru Serbar, Rússar
og Afganar en yfirvöld telja
óæskilegt að senda Afgana til síns
heimalands. Útgjöld norska ríkis-
ins í ferðakostnað útlendinganna
nema milljarði á ári. ■
2 9. ágúst 2004 MÁNUDAGUR
WASHINGTON, AP Meðan sjónir
Bandaríkjamanna beindust eink-
um að John Kerry, forsetafram-
bjóðanda demókrata, tókst honum
að bæta ímynd sína nokkuð en
náði samt ekki að hrista svo neinu
nam upp í kosningabaráttunni.
Nú þegar augun eru farin að
beinast meira að Bush á ný skjóta
upp kollinum ýmis vandkvæði á
því að hann nái endurkjöri.
Helmingur kjósenda telur til
að mynda núorðið að Íraksstríðið
hafi verið mistök, en í síðasta
mánuði töldu 40 prósent að stríðið
væri misráðið.
Um það bil 46 prósent kjósenda
treysta ekki repúblikönum fyrir
efnahagsmálum, og nú er svo
komið að 59 prósent kjósenda
hafa litla trú á þeirri stefnu sem
stjórnvöld hafa tekið.
Almennt telur fólk að Bush sé
bæði sterkari og ákveðnari en
Kerry, en á hinn bóginn telja
menn Kerry vera greindari, heið-
arlegri og ekki jafn þrjóskan og
Bush. ■
Slys á Gjábakkavegi:
Jeppi og rúta
rákust saman
UMFERÐARSLYS Tveir voru fluttir á
slysadeild þegar lítill jeppi og
rúta rákust saman á Gjábakka-
vegi á þriðja tímanum í gærdag.
Samkvæmt upplýsingum frá lög-
reglunni á Selfossi komu bílarnir
hvor úr sinni áttinni þegar slysið
átti sér stað.
Fjórir voru í jeppanum og voru
tveir þeirra fluttir á slysadeild en
voru meiðsl þeirra ekki talin al-
varleg við fyrstu sýn. Sæti rút-
unnar voru nærri fullskipuð.
Jeppinn skemmdist mikið og er
óökufær en rútan varð fyrir út-
litsskemmdum en var ökufær að
sögn lögreglu. ■
■ LÖGREGLUFRÉTTIR
■ EVRÓPA
„Voða fyndið, en nei.“
Heimir Már Pétursson, framkvæmdastjóri Hinseg-
in daga í Reykjavík sem náðu hámarki með Gay
Pride-skrúðgöngunni á laugardag.
SPURNING DAGSINS
Heimir, er ekki kjörið að skrúðgangan
fari upp Laugaveginn en ekki niður?
JOHN KERRY
Þykir ekki jafn þrjóskur og Bush.
Skoðanakannanir í Bandaríkjunum:
Athyglin beinist nú að Bush
UMDEILD LÖG SAMÞYKKT Efri
deild rússneska þingsins hefur
samþykkt umdeild lög um félags-
leg málefni, sem afnema ýmis
fríðindi fyrir öryrkja og aldraða,
svo sem ókeypis almenningssam-
göngur og ókeypis lyf.
FUNDUST NÆR DAUÐA EN LÍFI
Meira en 70 ólöglegir innflytj-
endur frá Afríku fundust nær
dauða en lífi á litlum báti suður
af Sikiley í gær. Báturinn var
dreginn til hafnar í Sýrakúsu á
Sikiley.
BJARGAÐ ÚR HAFSNAUÐ Fjórum
Bretum, sem höfðu ætlað að setja
met í siglingu á árabát yfir Atl-
antshafið, var bjargað eftir að
bátur þeirra brotnaði í miklu
óveðri í gær.
Slys á Bústaðavegi:
Grunaður
um ölvun
UMFERÐARSLYS Fernt var flutt á
slysadeild Landspítalans eftir bíl-
slys á Bústaðavegi um sjöleytið í
gærmorgun. Fólksbíll á austurleið
á Bústaðavegi ók yfir umferðar-
eyju gegnt Veðurstofu Íslands og
keyrði á annan fólksbíl sem var á
vesturleið og lenti framan á
rútukálfi.
Ökumaður bílsins sem keyrði
yfir eyjuna var fluttur á slysa-
deild auk rútubílstjórans og
tveggja farþega rútunnar. Meiðsl
rútubílstjórans reyndust ekki al-
varleg og var honum leyft að fara
heim en meiðsl hinna þriggja
munu vera meiri þó ekki liggi
fyrir hversu mikil. Að sögn lög-
reglu er málið í rannsókn en grun-
ur er um ölvunarakstur. ■
Gæti tryggt íslenska
hagsmuni í ESB
Norrænir jafnaðarmenn vilja kanna hvort sérstakt fiskveiðistjórnunar-
svæði sé mögulegt. Mikilvægt skref, segir Össur Skarphéðinsson.
JAFNAÐARMENN Formenn jafnað-
armannaflokkanna á Norðurlönd-
unum hafa ákveðið að kannað verði
innan Evrópusambandsins hvort
hægt væri að setja á sérstakt fisk-
veiðistjórnunarsvæði á Norður-
Atlantshafi. Var þetta meginniður-
staða fundar formanna jafnaðar-
flokkanna á Norðurlöndum sem
haldinn var í Viðey í gær.
Að sögn Össurar Skarphéðins-
sonar, formanns Samfylkingar-
innar, er þetta ákaflega mikil-
vægt skref fyrir Íslendinga og
Norðmenn varðandi hugsanlega
inngöngu þeirra í Evrópusam-
bandið og gæti tryggt fullt for-
ræði Íslendinga yfir auðlindum
hafsins. „Þetta er í fyrsta sinn
sem svo háttsettir menn, ýmist
forsætisráðherrar eða verðandi
forsætisráðherrar, taka undir það
með formlegum hætti að þessi
hugmynd Íslendinga sé raun-
hæf,“ segir Össur.
Hann telur að í framhaldinu sé
nauðsynlegt að vinna þessari hug-
mynd frekara brautargengi.
„Þarna er um dæmigert verkefni
að ræða sem ríkisstjórn og stjórn-
arandstaðan, að minnsta kosti
Samfylkingin, geta unnið að hvor
eftir sínum leiðum. Samfylkingin
mun halda áfram að nota sín ríku
alþjóðlegu tengsl í gegnum jafn-
aðarmannaflokkana, sem eru einn
áhrifamesti flokkahópurinn innan
ESB, til að auka skilning á henni.
Ríkisstjórnin getur eftir sínum
leiðum, í beinum samræðum við
forystumenn annarra þjóða,
sömuleiðis unnið henni fylgi eins
og Halldór Ásgrímsson hefur
vissulega gert,“ segir Össur.
Hann segir fund jafnaðar-
mannanna hafa verið ákaflega
mikilvægan og til marks um
hvernig íslenskir stjórnmála-
flokkar geti unnið að íslenskum
hagsmunum með það fyrir augum
að efla samstöðuna þegar kemur
að því að við þurfum hugsanlega
að sækja um aðild. „Sömuleiðis
var það mjög mikilvægt að sú
skoðun kemur fram í niðurstöðu
fundarins að æskilegt sé að Norð-
urlöndin öll og þar á meðal Ísland
fylgist að innan Evrópusam-
bandsins,“ segir Össur.
sda@frettabladid.is
GÖRAN PERSSON OG ÖSSUR SKARPHÉÐINSSON
Formenn norrænna jafnaðarmannaflokka funduðu úti í Viðey. „Mjög mikilvægt að sú skoðun kemur fram í niðurstöðu fundarins að æski-
legt sé að Norðurlöndin öll og þar á meðal Ísland fylgist að innan Evrópusambandsins,“ segir Össur.
Svíþjóð:
Strokufangi
gómaður
SVÍÞJÓÐ Sænska lögreglan handtók
í gær Mårten Tammiharju, einn af
þremur föngum sem struku úr
Norrtälje-fangelsinu á miðviku-
dag, segir í sænska Aftonbladet.
Tammiharju var gómaður í
Husqvarna í Smálöndum ásamt
eiganda eftirlýstrar BMW-bifreið-
ar sem talið er að þrír menn hafi
notað til að aðstoða fangana við
flóttann.
Vitni kom auga á bílinn og
hafði samband við lögreglu, sem
hóf umfangsmikila þyrluleit í
grenndinni. Sáust þá þrír menn
hlaupa úr bifreiðinni og inn í skóg
en aðeins tveir þeirra náðust.
Óvíst er hver þriðji maðurinn er
en bindur lögregla vonir við að sá
sé meðal strokufanganna. ■
FR
ÉT
TA
B
LA
Ð
IÐ
/V
IL
H
EL
M
KÁRAHNJÚKAR Rennsli í Jöklu var í
rénun í gær, að sögn Guðmundar
Péturssonar, yfirverkfræðings
við Kárahnjúkavirkjun. Hann
segir að vatnsyfirborð Jöklu hafi
lækkað um allt að tvo metra og
rennslismagn sé um 600 rúm-
sentímetrar á sekúndu, en var um
900 þegar mest var.
Guðmundur segist ekki sjá
neitt sem bendi til að miklir
vatnavextir verði á næstunni en
þeir hafi þó styrkt garðinn því það
eigi eftir að koma í ljós hvort hlý-
indin leiði til aukins rennslis-
magns.
Fyrir helgi hækkaði yfirborð
Jöklu um tíu metra og vatn flæddi
inn fyrir varnargarð við Kára-
hnjúkastíflu. Guðmundur vill þó
meina að meira hafi verið gert úr
því í fjölmiðlum en efni voru til. ■
Vatnavextir við Kárahnjúka:
Rennsli í Jöklu minnkar en áfram óvissa
FLÓÐIÐ RÉNAR
Hér má glöggt sjá hve mikið vatnshæðin
breyttist á einum sólarhring.
Brotthvarf Ísraela frá
Gaza:
Árangur í
viðræðum
ÍSRAEL Verka-
mannaflokkurinn
í Ísrael greindi í
gær frá árangri í
viðræðum við
Ariel Sharon, for-
s æ t i s r á ð h e r r a
Ísraels. Sam-
komulag náðist
um skilyrði varð-
andi brotthvarf
Ísraela frá Gaza.
Enn ber þó
mikið í milli í mál-
um sem Verka-
mannaflokkurinn kallar „svíns-
legan kapítalisma“ ríkisstjórnar-
innar.
Sharon gerði marga andsnúna
sér sem fylgja landtökufólki að
málum og glataði meirihlutafylgi
á þingi þegar hann tók ákvörðun
um að láta Gaza af hendi og láta af
hendi fjórar byggðir landtöku-
fólks á Vesturbakkanum fyrir síð-
ari hluta næsta árs. ■
ÚTAFAKSTUR Á HOLTAVÖRÐU-
HEIÐI Ökumaður missti stjórn á
bifreið sinni með þeim afleiðing-
um að hún fór út af á norðan-
verðri Holtavörðuheiði, að sögn
lögreglunnar á Hólmavík. Tveir
farþegar voru í bílnum. Lögregl-
an segir að fólkið hafi verið sárt
og aumt eftir bílbeltin en ekki
sakað að öðru leyti. Bíllinn er
mikið skemmdur og óökufær. ■
ARIEL SHARON
Harðlínumenn hafa
snúist gegn honum
vegna ákvarðana
um að láta af
hendi landsvæði.