Fréttablaðið - 09.08.2004, Blaðsíða 54

Drykkjuferðir á
spænskar sólar-
strendur eru á
útleið. Fólk er
hætt að fara til
B e n e d o r m ,
Costa del Sol,
Mallorca og
Ibiza til að sleik-
ja sólina og
djamma. Fram-
haldsskólarni r
keppast nú við að halda til Króatíu, grísku eyjanna og Ítal-
íu. Síðan eru það þeir enn frumlegri sem ferðast á eigin
vegum um framandi slóðir Afríku og Asíu. Það skal þó
ósagt látið hvort drykkjan og djammið sem slíkt sé úti en
spænskir sóðalegir skemmtistaðir eru alveg örugglega í
kuldanum.
Ágústmánuður er blómlegur tími
hjá leikaranum Sverri Guðnasyni.
Ekki nóg með að hann hafi eign-
ast dóttur fyrsta dag mánaðarins
heldur eru tvær sænskar kvik-
myndir þar sem Sverrir fer með
hlutverk frumsýndar í ágúst. Í
kvikmyndinni Fröken Sverige,
leikur Sverrir á móti Alexöndru
Dahlström sem er þekktust fyrir
að hafa leikið í kvikmyndinni
Fucking Åmål. „Það var verulega
gaman að taka upp þá mynd. Tök-
ur fóru fram í Trollhattan sem er
Hollywood Svía og því oftast
nefnt Trollywood,“ segir Sverrir.
„Við vorum þar í rúman mánuð á
hóteli þar sem var mikill drauga-
gangur,“ en Fröken Sverige segir
frá stelpu, leikinni af Alexöndru
Dahlström, og vinagengi hennar
sem eru grænmetisætur í mót-
mælaaðgerðum. „Stelpan er lengi
búin að vera ástfangin af strák
sem ég leik en hann er ekki góður
gaur. Hún þreytist skyndilega á
þessu líferni og ákveður því að
leita á önnur mið.“
Fröken Sverige er stór mynd á
sænskan mælikvarða en þekkt
leikkona Svía, Tova Magnusson,
leikstýrir myndinni sem vonandi
ratar um síðir í íslensk kvik-
myndahús.
Sverrir fluttist ungur að árum
frá Íslandi en hafði þá þegar
hafið leikferilinn. „Ég flutti til
Svíþjóðar þegar ég var tólf ára en
hafði þá leikið í Ljósi heimsins í
Borgarleikhúsinu, sem var sýnt
árið 1989.“ Þaðan lá leið Sverris í
íslenskt sjónvarp en hann fór með
aðalhlutverkið í barnamyndinni
Emil og Skundi. „Þetta var upp-
takturinn en þegar ég kom til
Svíþjóðar gat ég ekkert leikið
fyrst um sinn út af tungumálinu.
Ég byrjaði aftur þegar ég fór í
leiklistarmenntaskóla og hóf þá
að leika í sjónvarpsþáttaröð í
Svíþjóð og var ráðinn við leikhús
sem kallast Replica er ég var á
lokaárinu í skólanum.“
Síðan þá hefur Sverrir haft
nóg að gera og lék meðal annars
hjá sænska ríkissjónvarpinu nú í
sumar í þáttaröð sem nefnist
Komissionen og Sverrir hefur allt
í allt leikið í átta kvikmyndum í
fullri lengd. „Fyrsta bíómyndin
sem ég var í var árið 2000 og
heitir Familjehemligheter og ein-
hver sagði mér að það væri hægt
að leigja þá mynd á Íslandi,“ en
nýlega var myndin Sex points,
þar sem Sverrir er í litlu hlut-
verki, frumsýnd í Svíþjóð.
Þó Sverrir sé búsettur í
Svíþjóð og eigi sænska konu er
hann duglegur að sækja Ísland
heim. „Ætli ég komi ekki næst um
jólin því dóttir mín er svo lítil
ennþá að við ferðumst ekki mikið
í bráð. Ég reyni að koma eins oft
og ég get til Íslands til að heilsa
upp á fjölskylduna.“
tora@frettabladid.is
■ VEISTU SVARIÐ?
Svör við spurningum á bls. 6
1
3
2
Forsætisráðherra Finnlands.
Um 40 þúsund.
Hann sviðsetti eigin aftöku.
„Við uppgötvuðum Hugleik fyrir um
það bil sex árum síðan þegar hann
var að hringja inn í kvikmyndaget-
raunirnar okkar,“ segir Sigurjón
Kjartansson úr Tvíhöfða en sjón-
varpsteiknimyndir myndlistar-
mannsins Hugleiks og Tvíhöfða, TV
í höfði, eru komnar út á DVD.
„Hugleikur var alltaf að vinna í
kvikmyndagetraununum og þegar
hann kom og sótti verðlaunin upp-
hófst samstarfið. Við fengum hann
til að vera kvikmyndagagnrýnanda
hjá okkur og svo skemmtilega vildi
til að Hugleikur er mjög hæfileika-
ríkur maður og hafði auk þess
kunnáttu til að gera teiknimyndir,“
segir Sigurjón en Hugleikur út-
skrifaðist úr Listaháskóla Íslands
árið 2002 og hefur gefið út mynda-
sögubækur síðan.
TV í höfði hafa verið sýndar á
Popptíví í vetur. Handrit teikni-
myndanna var byggt á útvarps-
þætti Jóns Gnarr og Sigurjóns
Kjartanssonar, Tvíhöfða. Að sögn
Sigurjóns eru þættirnir heimsmet
því aldrei áður hefur verið gerð
teiknimynd eftir útvarpsþætti. „Við
Jón skrifuðum handritin að útvarps-
þáttunum, sketsjum og meðal ann-
ars framhaldsleikritinu Kleópötru
en völdum svo úr því heppilegt efni
fyrir Hugleik að myndskreyta.“
Jón Gnarr og Sigurjón höfðu
sterkar skoðanir á myndskreyting-
unum. „Aðallega skiptum við okkur
af því hvernig við sjálfir litum út
enda hégómagjarnir menn. Hugleik-
ur var mikið fyrir að láta okkur líkj-
ast geimverum, við vorum ekki með
hendur og svona svo við rákum hann
oft til baka með það sem hann teikn-
aði. Við vildum til dæmis hafa hend-
ur og vera dálítið mannlegir. Hug-
leik tókst vel til við að draga fram
okkar karaktereinkenni og hann
fékk nokkuð frjálsar hendur við að
skapa aðrar persónur eins og þær
sem koma fram í smásálunum og
fleiru.“■
9. ágúst 2004 MÁNUDAGUR
… fær veðurstofan fyrir að spá
anga af hitabylgju Evrópu yfir
landið.
HRÓSIÐ
í dag
Jamie Oliver
Kyssti mig á
báðar kinnar
Sandgerðingar
grýta Leoncie
Bæjarstjórinn
er ruddi
Mummi í
Götusmiðjunni
Berst fyrir látna
móður sína
1
6 7 8
10
13
119
12
15
16
18
21
20
17
14
19
2 3 4 5
Lárétt: 2 sykrað, 6 bókaforlag, 8 sómi, 9
borg, 11 klafi, 12 leifturljós, 14 hærast, 16
utan, 17 kveikur, 18 hald, 20 tveir eins,
21 þramma.
Lóðrétt: 1 naut, 3 tveir eins, 4 slitnar, 5
verkur, 7 þenst út, 10 far, 13 und, 15 sáð-
lönd, 16 fiskifæða, 19 listamaður.
Lausn.
Lárétt: 2sætt,6ab,8æra,9róm,11ok,
12flass,14grána, 16án,17rak,18tak,
20rr, 21arka.
Lóðrétt: 1tarf, 3ææ,4trosnar, 5tak,
7bólgnar, 10mar, 13sár, 15akra,
16áta,19kk.
DVD
SIGURJÓN OG JÓN GNARR
Eins og þeir birtast okkur í TV í höfði sem
myndskreytt var af Hugleiki Dagssyni.
Hégómagjarnir menn setja heimsmet
TEIKNIMYNDIR
■ Hugleiks og Tvíhöfða komnar út
Í Trollywood með
Alexöndru Dahlström
SVERRIR GUÐNASON
TVÆR SÆNSKAR BÍÓMYNDIR
■ sem Sverrir fer með hlutverk í verða
frumsýndar í ágúst.
FRÖKEN SVERIGE
Sverrir Guðnason fer með stórt hlutverk í Fröken Sverige á móti Alexöndru Dahlström sem Íslendingar þekkja úr myndinni Fucking
Åmål.
Það er óhætt að
segja að Fahren-
heit 9/11 sé inni
þessa dagana. Þó
að myndin hafi
nýlega verið tekin
til sýninga hér á
landi virðast allir
hafa skoðun á
henni. Myndin
sem er úr smiðju
Michaels Moore
vann meðal annars Gullpálmann á dögunum og hefur
hlotið gífurlega aðsókn í Bandaríkjunum. Það líður varla sá
dagur að ekki berist fréttir af höfundi myndarinnar, andstæð-
ingum hans eða aðdáendum. Nú er spurningin hvaða áhrif
myndin hafi en eitt er víst að Fahrenheit 9/11 verður mikið
í umræðunni næstu vikur.
| INNI & ÚTI |
Fahrenheit 9/11 INNI ÚTI Drykkjuferðir til Spánar