Fréttablaðið - 09.08.2004, Blaðsíða 9
9MÁNUDAGUR 9. ágúst 2004
FLEIRI LÍK FUNDIN
Stór fjöldagröf hefur fundist nærri bosn-
íska bænum Miljevina, 50 kílómetra austur
af Sarajevó. Þar eru talin vera 160 lík
Bosníu-múslima sem Serbar myrtu í borg-
arastríðinu í Júgóslavíu fyrir áratug.
Malawi:
Fjöldi lést í
bílslysi
MALAWI, AP Að minnsta kosti 27 lét-
ust og fjöldi slasaðist þegar vörubíll
í eigu fyrrum samgönguráðherra
Malawi rakst á annað farartæki.
Vörubílstjórinn missti stjórn á bíln-
um í Dedza-héraðinu sem er um
átta kílómetra frá höfuðborginni,
Lilongwe.
Ekki er víst hve margir voru í
vörubílnum en fólkið var á leið-
inni í jarðarför. Í hinu farartæk-
inu var verið að flytja vörur til
höfuðborgarinnar. Að sögn vitna
köstuðust margir af vörubílnum
en aðrir festust undir bílflakinu.
23 dóu samstundis en fjórir á
sjúkrahúsi. ■
Hryðjuverkaógnin í Bandaríkjunum:
Hvorki meiri né minni
en síðustu þrjú ár
BANDARÍKIN, AP Lögreglustjórinn í
New York segir að hættan af
hryðjuverkum nú sé hvorki
meiri né minni en hún hefur
verið allar götur síðan 11. sept-
ember 2001.
Ráðherra heimavarna í
Bandaríkjunum, Tom Ridge,
sagði í síðustu viku að leyniþjón-
ustuupplýsingar bentu til að
árásir væru í vændum. Síðar
var greint frá því að þær upp-
lýsingar væru allt að þriggja ára
gamlar.
„Ég held að hættan sé nokkuð
stöðug,“ sagði Raymond Kelly,
lögreglustjóri í New York. „Það
er hæpið að tala um aukna hættu
eða minnkandi eða að hún hver-
fi alveg.“
Kelly sagði þó að stjórnvöld-
um bæri skylda til að upplýsa
borgarana um allt sem benti til
hryðjuverkaárása, jafnvel þótt
stöðugar tilkynningar drægju
úr athygli almennings. Stjórn-
völd í Bandaríkjunum hafa sætt
gagnrýni fyrir að vara sífellt við
yfirvofandi árásum hryðju-
verkasamtaka. ■
GUÐNI OPNAR FJÓS
Nýtt kennslu- og rannsóknarfjós við Land-
búnaðarháskólann á Hvanneyri var formlega
tekið í notkun föstudaginn 6. ágúst við hátíð-
lega athöfn. Guðni Ágústsson, ráðherra land-
búnaðarmála, klippti á borða í tilefni vígslu
fjóssins en með tilkomu þess á að verða
mikil breyting á kennslu- og rannsóknarað-
stöðu í nautgriparækt í landinu.
GEYSIR
Getur borað allt að 4000 km djúpar holur.
Borinn Geysir:
Stærsti bor
Íslendinga
FRAMKVÆMDIR Jarðboranir hafa
fest kaup á hátæknibor frá ítalska
fyrirtækinu Soilmec. Kaupverðið
er 600 milljónir króna. Fyrirtækið
hefur keypt borinn vegna aukinna
verkefna hér innanlands og til að
eiga meiri möguleika á vettvangi
fjölþjóðlegrar samkeppni.
Borinn hefur hlotið hið þjóð-
lega nafn Geysir. Hann er af nýrri
kynslóð vökvaknúinna bora og er
hannaður til að henta vel við
íslenskar aðstæður.
Geysi mun aðallega verða beitt
til að bora allt að 4000 m djúpar
háhitaholur. Fyrsta verkefni
Geysis verður fyrir Orkuveitu
Reykjavíkur í tengslum við Hell-
isheiðarvirkjun. Starfsmenn á
bornum verða 6 hverju sinni. ■
Slys í Rússlandi:
Námumenn
taldir af
MOSKVA, AP Leitarmenn héldu
áfram leitinni að kolanámumönn-
unum fjórum sem verið hafa í
sjálfheldu neðanjarðar síðan á
þriðjudag. Steinahríð lokaði átta
kolanámumenn inni í námu sem
staðsett er í brorginni Vorkuta,
900 km norðaustur af Moskvu.
Þrír mannanna fundust á lífi sem
og lík eins. Leitin heldur áfram en
ólíklegt þykir að fjórmenningarn-
ir finnist úr því sem komið er.
Slík slys eru mjög algeng í
rússneska kolanámuiðnaðinum. ■
Ólympíuleikar nálgast:
Ánægja í
Aþenu
AÞENA, AP Mikill meirihluti
Aþeninga segir fórnir sem gerðar
hafa verið á liðnum árum við und-
irbúning ólympíuleikanna vera
þess virði. Aþena hefur verið eins
og iðnaðarsvæði á síðustu árum
sökum allra þeirra nýju bygginga
sem risið hafa í tengslum við leik-
ana. Þrátt fyrir það segir meiri-
hluti þeirra einnig að þeir muni
ekki fylgjast með af áhorf-
endapöllunum þó að þeir muni
dvelja í borginni meðan á leikun-
um stendur.
Þrátt fyrir að miðasala á leik-
ana hafi aukist í síðustu viku er
einungis búið að selja 2,3 milljón-
ir af þeim 5,3 milljónum sem í
boði eru. ■