Fréttablaðið - 09.08.2004, Blaðsíða 45

lítið spilað í sumar. FH-liðið er á
mikilli siglingu þessa dagana og
því fær Davíð Þór ekki tækifæri.
Hann er hins vegar óumdeilan-
lega mikilvægur fyrir liðið þar
sem hann er leiðtogi á velli.
Ólafur Ingi Skúlason verður
lykilmaður á miðjunni hjá ís-
lenska liðinu. Hann er líkamlega
sterkur, duglegur og kjarkmikill.
Hann gefst aldrei upp og það mun
reyna verulega á hann ef hann á
að spila með Emil Hallfreðssyni á
miðjunni.
Emil hefur átt frábært tímabil
fyrir FH, er leikmaður sem getur
unnið leiki upp á eigin spýtur en
verður seint sakaður um mikinn
dugnað í varnarleiknum. Hann er
með frábæra tækni, mikinn hraða
og sjálfstraustið í botni þessa dag-
ana.
Leikmenn eins og Víkingurinn
Viktor Bjarki Arnarsson og KR-
ingurinn Sigmundur Kristjáns-
son, sem voru báðir fastamenn í
liðinu í síðustu undankeppni, hafa
báðir valdið nokkrum von-
brigðum í sumar. Sigmundur hef-
ur gjörsamlega verið heillum
horfinn og miðað við frammistöðu
hans núna þá á hann ekkert erindi
í hópinn.
Sóknin
Það eru í raun aðeins tveir leik-
menn sem koma til greina í fram-
línuna. Hannes Sigurðsson er öfl-
ugasti framherjinn í þessum ald-
ursflokki. Hann er sterkur í loft-
inu, með góðan vinstri fót en eina
vandamál hans er að hann fær
ekki að spila nóg hjá Vikingi.
KR-ingurinn Kjartan Henry
Finnbogason hefur verið það eina
jákvæða við KR-liðið í sumar.
Hann er duglegur, líkamlega
sterkur og mikill markaskorari.
Hann hefur spilað vel í lélegu
KR-liði í sumar og það ætti að
gera það að verkum að hann sé
tekinn fram yfir leikmenn eins og
Hörð Sveinsson hjá Keflavík,
Garðar B. Gunnlaugsson hjá Val
og Hjálmar Þórarinsson hjá
Þrótti. ■
MÁNUDAGUR 9. ágúst 2004 21
MINN HÓPUR:
Markverðir:
Bjarni Þórður Halldórsson Fylki
Páll Gísli Jónsson Breiðabliki
Aðrir leikmenn:
Sverrir Garðarsson FH
Tryggvi Bjarnason ÍBV
Sölvi Geir Ottesen Djurgaardens
Jökull Elísabetarson KR
Gunnar Þór Gunnarsson Fram
Steinþór Gíslason Víkingi
Ólafur Ingi Skúlason Arsenal
Emil Hallfreðsson FH
Davíð Þór Viðarsson FH
Jónas Guðni Sævarsson Keflavík
Pálmi Rafn Pálmason KA
Viktor Bjarki Arnarsson Víkingi
Hannes Sigurðsson Viking
Kjartan Henry Finnbogason KR
Markvörðurinn Ólafur Gottskálksson rekinn frá Keflavík fyrir agabrot:
Fær engin svör frá Kelfvíkingum
af hverju hann var látinn fara
FÓTBOLTI Markvörðurinn Ólafur
Gottskálksson var rekinn frá
Keflavík á laugardaginn án þess
að nokkrar skýringar væru gefn-
ar á brottrekstrinum.
Ólafur sagði sjálfur í samtali
við Fréttablaðið í gær að hann
hefði verið kallaður inn á fund þar
sem Rúnar Arnarson, formaður
knattspyrnudeildar Keflavíkur,
hefði sagt honum að hann myndi
ekki spila aftur fyrir félagið. „Ég
spurði hann hverju það sætti en
hann vildi ekki svara mér og sagði
aðeins að þetta væri útrætt mál,“
sagði Ólafur í gær.
Rúnar var álíka stuttur í spuna
þegar Fréttablaðið ræddi við hann
í gær og vildi lítið tjá sig um mál-
ið.
„Ég get staðfest að Ólafur
Gottskálksson hefur verið látinn
fara frá félaginu en ég hef ekki
meira að segja um málið. Það er
útrætt af okkar hálfu,“ sagði
Rúnar.
Fréttablaðið hefur fengið það
staðfest bæði frá Ólafi sjálfum og
Rúnari að hann hafi farið til Eng-
lands yfir verslunarmannahelgina
og ekki mætt á æfingu á mánu-
daginn eins og ætlast var til.
Rúnar sagði það ekki vera ástæð-
una fyrir því að Ólafur væri látinn
fara en væri þó kornið sem fyllti
mælinn.
Hann vildi ekki svara frekar
hvaða korn hefðu safnast í mælinn
áður en þetta kom til en Ólafur
sagði ástæðuna fyrir því að hann
mætti ekki á æfingu á mánudag-
inn vera þá að hann missti af vél-
inni frá London vegna umferðar-
öngþveitis. „Ég hef fengið fax frá
hótelinu þar sem það kemur fram
svart á hvítu að ég missti af vél-
inni vegna umferðarteppu en ekki
einhverju öðru og það vita Kefl-
víkingar,“ sagði Ólafur.
Þegar þetta var borið undir
Rúnar Arnarson sagði hann ein-
faldlega að hann nennti ekki
hlusta á þessar afsakanir hjá Ólafi
og að hann vissi vel upp á sig sök-
ina. Ólafur sagði hins vegar að
hann hefði æft eins og skepna,
væri í sínu besta formi og að hon-
um finndist það hart að fá ekki
skýringu á því af hverju hann er
látinn fara. ■ ÓLAFUR GOTTSKÁLKSSON Rekinn frá
Kelfavík án þess að fá skýringu á.