Fréttablaðið - 25.07.2004, Blaðsíða 14

14 25. júlí 2004 SUNNUDAGUR
Utandeildin í knattspyrnu nýtur gríðarlegra vinsælda.
Um tólf hundruð þátttakendur eru í deildinni og
mörg lið virðast afar frambærileg.
Utandeildin í knattspyrnu fagnar
áratuga afmæli sínu. Deildin hef-
ur sjaldan eða aldrei staðið í eins
miklum blóma og nú en 48 lið eru
skráð til leiks og mörg hver ansi
frambærileg.
„Deildin er alltaf að verða
sterkari og sterkari og liðin eru
farin að spila betri fótbolta en
áður,“ segir Bjarni Gaukur Þór-
mundsson, mótsstjóri Utandeild-
arinnar. „Það eru mörg lið í
deildinni sem eru í sama styrk-
leikaflokki og lið í þriðju deild-
inni. Leikmennirnir í Utandeild-
inni nenna hins vegar kannski
ekki að æfa jafn mikið og í öðr-
um deildum.“
Kjánarnir hættir
Bjarni Gaukur segir að
Utandeildin sé ekki bara orðin
sterkari en áður heldur hafi um-
gjörðin í kringum hana batnað
verulega. Á heimasíðunni
sport.is er meðal annars hægt að
finna upplýsingar um öll liðin,
leikmenn, markaskorara, hverjir
hafa fengið spjöld og svo fram-
vegis. Auk þess hafa flest lið sína
eigin heimasíðu.
Fyrir nokkrum árum bárust
fréttir af slagsmálum í leik í
Utandeildinni sem endaði með
kærum. Bjarni Gaukur segir að
slagsmál og kjaftbrúk hafi verið
algengt í deildinni áður fyrr en
það sé löngu hætt.
„Kjánarnir sem voru í deild-
inni fyrir nokkrum árum eru
hættir. Nú eru leikmenn að spila
fótbolta og hafa gaman af
þessu. Ég man til dæmis ekki
eftir því að það hafi verið gefið
rautt spjald út af slagsmálum í
ár, þótt vissulega geti orðið
pústrar á milli manna í hita
leiksins. En ég held að það séu
allir vinir að leik loknum,“ seg-
ir Bjarni Gaukur.
Saga Utandeildarinnar
Sögu Utandeildarinnar má í
raun rekja aftur til ársins 1992.
Knattspyrnusamband Íslands
hafði reynt að halda úti keppni
utandeildarliða en sú keppni
lagðist fljótt af. Það var ekki fyrr
en Breiðablik tók við keppninni
árið 1994 að hún komst í þann
farveg sem hún er í í dag. Fyrsta
árið voru tuttugu lið skráð til
leiks en þeim fjölgaði jafnt og
þétt eftir því sem leið á og nú eru
sem fyrr segir 48 lið skráð til
leiks. Vinsældir deildarinnar eru
slíkar að stjórn hennar þurfti að
synja tveimur eða þremur liðum
þátttöku í ár.
Bjarni Gaukur segist búast
við því að liðum í Utandeildinni
eigi eftir að fjölga á næstu
árum. „Það voru nokkur ný lið
sem komu í deildina í ár. Þau
hafa staðið sig vel og eru komin
til að vera þannig að ég býst við
að enn fleiri lið eigi eftir að bæt-
ast við.“
Keppnisfyrirkomulag
Liðunum 48 er skipt niður í
fjóra riðla. A- og B- riðlarnir eru
efri deild en C- og D-riðlarnir
neðri deild. Í riðlakeppninni
leika öll liðin innbyrðis. Þrjú lið
úr hvorum riðli efri deildar kom-
ast beint í úrslitakeppnina sem
og efsta lið úr hvorum riðli neðri
deildar. Í úrslitakeppninni er
leikið í tveimur fjögurra liða
riðlum. Tvö lið úr hvorum riðli
komast í undanúrslit og síðan er
úrslitaleikur.
Tvö neðstu liðin úr hvorum
riðli efri deildar falla niður um
deild og taka tvö efstu lið úr
hvorum riðli neðri deildar sæti
þeirra.
Frá árinu 1998 hefur einnig
verið leikið í bikarkeppni
Utandeildarinnar. Eins og í öllum
alvörudeildum hefst tímabil
Utandeildarinnar á leik um nafn-
bótina Meistari meistaranna en
þá mætast sigurlið deildarinnar
og bikarmeistarar síðasta árs.
Þátttakendur um tólf hundruð
Gríðarlegur áhugi er á
Utandeildinni enda má gera ráð
fyrir að hátt í tólf hundruð
manns leiki í henni. Bjarni
Gaukur telur að rekja megi vin-
sældir deildarinnar til knatt-
spyrnuáhuga landans. „Það er
mikill og góður félagsskapur í
Utandeildinni. Það eru kannski
félagar sem spila fótbolta einu
sinni í viku á veturna og svo bæt-
ast leikirnir við á sumrin,“ segir
Bjarni Gaukur.
Í Utandeildinni eru skiptingar
meðan á leik stendur ótakmark-
aðar ólíkt því sem gerist í öðrum
deildum. Bjarni Gaukur segir að
sumum liðum veiti ekki af því að
geta skipt ótakmarkað inn á. „En
svo eru líka lið þar sem menn eru
í toppformi og geta keyrt sig út
heilan leik.“
Óvenjuleg nöfn og gamlar hetjur
Lið Utandeildarinnar bera mörg
hver óvenjuleg nöfn. Má þar nefna
Strumpa, Kónga, Fótboltaklúbbinn,
Geirfugla, FC Kidda, FC CCCP, FC
Ótta, Vængi Júpiters, FC Hjörleif,
Hvíta Riddarann, Hunangstunglið,
TLC og Morgan Kane.
Í Utandeildinni má finna marga
leikmenn sem léku áður stór hlut-
verk hjá „stóru“ liðunum. Má þar
meðal annars nefna Arnljót Davíðs-
son sem eitt sinn var valinn efnileg-
asti knattspyrnumaður landsins.
Þar að auki leika menn úr öðr-
um íþróttagreinum stór hlutverk í
deildinni og má þar meðal annars
nefna handknattleiksmennina Val-
garð Thoroddsen úr FH,
körfuknattleiksmanninn Eirík
Önundarson úr ÍR og golfarann
Ólaf Má Sigurðsson. Þess utan
leika í deildinni sjónvarpsmaður-
inn Auðunn Blöndal, alþingismað-
urinn Sigurður Kári Kristjánsson
og leikarinn Rúnar Freyr Gíslason.
kristjan@frettabladid.is
UTANDEILDIN
FC CCCP og FC Hjörleifur eru tvö af sterkustu liðum utandeildarinnar í ár. Liðin leika bæði í efri deild.
SIGURVEGARAR
UTANDEILDARINNAR:
2003 Hvíti Riddarinn
2002 Hvíti Riddarinn
2001 FC Puma
2000 FC Puma
1999 Magic
1998 Meló
1997 FC Puma
1996 FC Puma
1995 Ótti
1994 SÁÁ
MEISTARI MEISTARANNA:
2004 Hvíti Riddarinn
2003 Hvíti Riddarinn
2002 FC Diðrik
2001 FC Puma
2000 Ufsinn
SIGURVEGARAR BIKARKEPPNI
UTANDEILDARINNAR:
2003 FC Hjörleifur
2002 FC Hómer
2001 FC Diðrik
2000 Magic
1999 Ufsinn
1998 Magic
GAMLA SOVÉT
FC CCCP leikur í búningum sem minna á
gömlu Sovétríkin. Leikmenn bera líka nöfn
á borð við Stalín og Glaznost.
Utan deilda
í tíu ár
14-35(15) helgarefni 24.7.2004 19:19 Page 2