Fréttablaðið - 10.11.2004, Blaðsíða 10

10 10. nóvember 2004 MIÐVIKUDAGUR
KREFJAST HÆRRI STYRKJA
Indverskir bændur efndu til mótmæla
nærri indverska þinginu í Nýju Delí. Þeir
kröfðust þess að stuðningur við bómullar-
framleiðslu yrði tvöfaldaður.
HEILBRIGÐISMÁL Umfang ofbeldis
gegn börnum hér á landi er vafa-
lítið vanmetið, að áliti Geirs
Gunnlaugssonar, barnalæknis og
forstöðumanns Miðstöðvar heilsu-
verndar barna. Hann telur gróft
líkamlegt ofbeldi þó heldur á und-
anhaldi, en ekki gegni endilega
sama máli um andlegt ofbeldi, því
erfitt sé að meta umfang þess og
eðli.
„En ég tel að allir myndu
skrifa undir að þetta ofbeldi sé
vanmetið,“ sagði hann.
Á málþingi sem haldið var und-
ir stjórn rektors Háskóla Íslands
og Umboðsmanns barna á föstu-
dag var fjallað um rannsóknir á
högum og háttum íslenskra barna.
Geir, sem flutti erindi á ráð-
stefnunni, lagði mikla áherslu á að
auka skilning á fyrsta stigi for-
varna gegn ofbeldi á börnum.
„Þær eru notaðar til að koma í
veg fyrir að ofbeldi eigi sér stað,“
sagði hann. „Í heilsugæslunni get-
ur verið um fræðslu um uppeldis-
mál að ræða, hvernig hægt er að
bregðast við ákveðnum aðstæðum
sem geta komið upp og hvernig
foreldrar geta tamið sér önnur
viðbrögð en þau sem eru undan-
fari ofbeldis, til dæmis við óværð
og gráti barna. Þá þarf barnalög-
gjöfin að vera styðjandi.“
- jss
ÍRAK, AFP/AP Barist var hús úr húsi
í Falluja í gær, á öðrum degi stór-
sóknar bandarískra og íraskra
hermanna gegn vígamönnum
sem hafa hreiðrað um sig í borg-
inni. Bandaríkjaher beitir skrið-
drekum, þyrlum og stórskotaliði
gegn vígamönnum sem treysta á
að vera snöggir í snúningum,
koma nokkrum skotum á and-
stæðinga sína og hverfa svo á
brott.
Vígamenn komu sér fyrir í
húsum og skutu þaðan á her-
sveitir sem sóttu fram, komu sér
svo á brott og fundu sér annað
skjól áður en bandarískar þyrlur
og skriðdrekar jöfnuðu húsin við
jörðu. Um leið og færi gafst á
nýjan leik skutu þeir á hermenn
þangað til tími var kominn til að
leita skjóls annars staðar.
Læknar kvörtuðu undan því að
þá skorti hjálpargögn til að gera
að sárum allra þeirra sem hafa
þurft að leita sér hjálpar eftir að
hafa orðið fyrir barðinu á bardög-
um. Gömlu kvikmyndahúsi var
breytt í skurðstofu eftir að helsta
sjúkrahús borgarinnar féll í hend-
ur íraskra hermanna á mánudag.
„Okkur skortir lyf, rafmagn, vatn
og eldsneyti,“ sagði Hachem al-Is-
sawi læknir.
Talsmenn Bandaríkjahers
sögðust hafa náð þriðjungi borg-
arinnar á sitt vald í gær. Víga-
menn vísuðu því á bug og sögðu
enn barist í útjaðri borgarinnar.
Þeir óbreyttu borgarar sem
enn eru eftir í borginni héldu sig
flestir innandyra. Flestir flýðu
borgina áður en árásin hófst á
mánudag. Enn eru þó fjöldi
manna, kvenna og barna í borg-
inni, 30 til 60 þúsund að mati
Bandaríkjahers, allt að hundrað
þúsund að mati íraskra stjórn-
valda.
Í það minnsta þrettán létust í
sprengjuárás við slysamóttöku
eins stærsta sjúkrahúss Bagdads.
Hryðjuverkamenn höfðu stolið
lögreglubíl, hlaðið hann af
sprengjuefnum, keyrt upp að
sjúkrahúsinu og sprengt hann í
loft upp.
Árásin á vígamenn í Falluja
hefur valdið deilum innan írösku
bráðabirgðastjórnarinnar. Einn af
flokkum súnní-múslima, Íslamski
flokkur Íraks, hætti þátttöku í
stjórninni í gær og ráðherra úr
hans röðum sagði af sér. ■
LEIKSKÓLAR Ungir jafnaðarmenn í
Reykjavík harma tillögu leik-
skólaráðs um að hækka leikskóla-
gjöld í Reykjavík um 42% á fólk í
sambúð þar sem annað foreldrið
er í námi, að því er segir í til-
kynningu frá stjórn UJR.
UJR minna á að samþykkt var
á landsfundi Samfylkingarinnar
fyrir um það bil ári að stefna
bæri að því að afnema leikskóla-
gjöld í áföngum og byrja á niður-
fellingu þeirra vegna 5 ára
barna. Bent er á að í stefnuskrá
R-listans í leikskólamálum segir
að fella eigi niður leikskólagjöld
fyrir 5 ára nemendur.
Ungum jafnaðarmönnum í
Reykjavík finnst að tillaga leik-
skólaráðs um mikla hækkun
leikskólagjalda á suma foreldra
sé ekki í anda þessarar stefnu
og telja að hún sé skref aftur á
bak. ■
Geir Gunnlaugsson barnalæknir:
Ofbeldi gegn börnum
vafalítið vanmetið
MIÐSTÖÐ HEILSUVERNDAR BARNA
Geir Gunnlaugsson leggur ríka áherslu á fyrsta stig forvarna gegn ofbeldi á börnum.
Ungir jafnaðarmenn um leikskólagjöld:
Harma hækkun
Berjast
hús úr húsi
Harðir bardagar geisuðu í Falluja annan daginn í
röð. Herferðin gegn vígamönnum þar hefur vald-
ið úrsögnum úr írösku bráðabirgðastjórninni.
GERT AÐ SÁRUM BARNS
Læknar Bandaríkjahers gerðu að sárum fjögurra ára pilts frá Falluja sem fékk sprengjubrot
í höfuðið. Læknadeild í Bagdad er undir það búin að taka við miklum fjölda hermanna og
almennings sem særist í bardögum um Falluja.
10-11 9.11.2004 20:59 Page 2