Fréttablaðið - 26.11.2004, Blaðsíða 2
2 26. nóvember 2004 FÖSTUDAGUR
STJÓRNMÁL Mikilvægt er að undir-
strika sjálfstæði Mannréttinda-
skrifstofu Íslands og auka fjár-
framlög til hennar. Þetta kom fram
í minnisblaði Halldórs Ásgrímsson-
ar, þáverandi utanríkisráðherra, til
ríkisstjórnar árið 1998 og virðist
ganga þvert á nýlega ákvörðun
fjárlaganefndar Alþingis um að
hætta fjárveitingum til skrifstof-
unnar.
Magnús Stefánsson, formaður
nefndarinnar, sagði í Speglinum í
Ríkisútvarpinu í gær að það hafi
verið gert að beiðni ríkisstjórnar-
innar. Skrifstofunni verður nú gert
að sækja sérstaklega um fé til
dómsmála- og utanríkisráðuneytis.
Lúðvík Bergvinsson, þingmaður
Samfylkingar, segir lykilatriði að
skrifstofan sé sjálfstæð og eigi
starfsemi sína ekki undir velvilja
einstakra ráðherra. „Það dregur úr
sjálfstæði hennar,“ segir Lúðvík.
„Alþingi getur ekki gert lítið úr
sjálfstæði sínu með því að vísa á
einstaka ráðherra um framlög. Af-
staða ráðherra, einkum dómsmála-
ráðerra, vekur upp hugrenningar
um að hann óttist að Mannréttinda-
skrifstofan taki illa í hugmyndir
hans um að koma á fót einhverskon-
ar leyniþjónustu.“
Samkvæmt heimildum blaðsins
er von á mótmælum frá alþjóðleg-
um stofnunum vegna ákvörðunar
fjárlaganefndar og ráðherra dóms-
mála og utanríkismála. - ghg
Algjör óvissa
ríkir í Úkraínu
Hæstiréttur Úkraínu fjallar á mánudaginn um áfrýjun Viktors Júsjenko
forsetaframbjóðanda. Allt að 200 þúsund manns mótmæla á götum
Kænugarðs.
Hnífstunga á aðfangadag:
Maður
sýknaður
DÓMSMÁL Hæstiréttur sýknaði í gær
karlmann um fertugt fyrir að hafa
stungið fyrrverandi sambýliskonu
sína með hnífi eða skærum í bringu
í heimahúsi á aðfangadag árið 2002.
Hæstiréttur sneri þar með við dómi
Héraðsdóms Reykjavíkur, sem
dæmdi manninn í 18 mánaða óskil-
orðsbundið fangelsi.
Maðurinn, konan og önnur kona
sátu að drykkju og voru öll undir
áhrifum áfengis og lyfja umræddan
aðfangadag. Hæstiréttur telur að
ekki hafi komið fram lögfull sönnun
þess að maðurinn hafi stungið
konuna. Hann beri við minnisleysi
og konan hafi ekki getað borið af
eigin raun hver hafi stungið hana.
Framburður hinnar konunnar sé
einnig á reiki. Hún hafi fyrst sagt að
ókunnugur maður hefði verið að
verki, en síðan sagt manninn hafa
stungið konuna. - th
Yfirstjórn Reykjavíkur:
Konur í
meirihluta
BORGARRÁÐ Meirihluti borgarráðs
samþykkti í gær skipan í stöður í
yfirstjórn Reykjavíkurborgar.
Konur munu gegna tíu störfum af
þeim fjórtán sem ráðið var í.
Svanhildur Konráðsdóttir, for-
stöðumaður Höfuðborgarstofu,
var ráðin sviðsstjóri menningar-
og ferðamálasviðs, Hrólfur Jóns-
son slökkviliðsstjóri var ráðinn í
starf sviðsstjóra framkvæmda-
sviðs, Anna Skúladóttir, fjármála-
stjóri Reykjavíkurborgar, var
ráðin sviðsstjóri fjármálasviðs og
Regína Ásvaldsdóttir, verkefnis-
stjóri þjónustu- og hverfamála hjá
Reykjavíkurborg, var ráðin sviðs-
stjóri þjónustu- og rekstrarsviðs.
- ghg
Heilbrigðisráðherra:
Gagnrýndur
fyrir svik
STJÓRNMÁL Stjórnarandstæðingar
sóttu hart að Jóni
K r i s t j á n s s y n i
hei lbr igðisráð-
herra á Alþingi í
gær og sökuðu
hann um að svíkja
fyrirheit sín gagn-
vart öryrkjum.
Össur Skarp-
héðinsson, for-
maður Samfylk-
ingarinnar, las
upp úr viðtali við
ráðherra í DV 27. nóvember 2003
þar sem haft var eftir Jóni að hann
hefði þá aðeins getað staðið við 2/3
hluta samningsins við öryrkja.
Heilbrigðisráðherra svaraði því til
að hér rugluðu menn saman samn-
ingnum við öryrkja sem hefði
falið í sér einn milljarð í hækkanir
bóta og hins vegar óskum öryrkja-
bandalagsins: „Sök mín var sú að
vilja berjast áfram fyrir bættum
kjörum öryrkja og koma til móts
við skilning þeirra“. - ás
„Já, það lítur út fyrir að það hlýni
hraðar á norðurslóðum en vísinda-
menn höfðu áður gert ráð fyrir.“
Náttúruverndarsamtök Íslands gagnrýndu að
engar bindandi aðgerðir til að bregðast við hlýn-
un á norðurhveli jarðar hefðu verið ákveðnar á
ráðherrafundi Norðurheimskautsráðsins í
Reykjavík í gær. Nýleg skýrsla bendir til þess að
það hlýni helmingi hraðar á norðurhveli en ann-
ars staðar og íshettan yfir norðurheimskautin
kunni að bráðna. Árni Finnsson er formaður
samtakanna.
SPURNING DAGSINS
Árni, er að bráðna undan okkur?
Umferðarþing 2004:
1,6 milljarðar
í öryggismál
SAMGÖNGUR Á næstu fjórum árum
verður 1,6 milljörðum króna varið
til umferðarörygg-
ismála. Þetta kom
fram í ræðu Sturlu
Böðvarssonar sam-
gönguráðherra á
Umferðarþingi í
gær.
„Dregið hefur
úr umferðaröryggi
á Íslandi,“ sagði
Sturla og bætti við
að stefna sam-
gönguráðuneytis-
ins væri skýr; um-
ferðaröryggisáætl-
un yrði fylgt fast eftir með auknum
fjárveitingum á næsta ári og rann-
sóknir á umferðarslysum yrðu
auknar.
Birgir Hákonarson, fram-
kvæmdastjóri umferðaröryggis-
sviðs, sagði að auglýsingaherferð
Umferðarstofu þar sem reynt er að
hafa áhrif á hegðan ökumanna og
auka umferðaröryggi hefði skilað
góðum árangri. Samkvæmt Gallup-
könnun töldu 85,4 prósent að boð-
skapurinn kæmist til skila og væri
árangursríkur. -bs
Dalvík:
Meirhlutinn
náði saman
BÆJARSTJÓRN Framsóknarmenn og
sjálfstæðismenn hafa aftur tekið
upp samstarf um meirihluta í bæj-
arstjórn Dalvíkur, en því var slitið
formlega á laugardag.
Upp úr slitnaði vegna skólamála,
en sjálfstæðismenn vildu sameina
rekstur Húsabakkaskóla og Dalvík-
urskóla. Það var nokkuð sem fram-
sóknarmenn sættu sig ekki við.
Svanhildur Árnadóttir, bæjarfull-
trúi Sjálfstæðisflokks, segir að
nefnd muni skoða málið. Ákvörðun
verði tekin í byrjun næsta árs. ■
STURLA
BÖÐVARSSON
Ráðherra segir
umferðaröryggi
hafa minnkað.
JÓN
KRISTJÁNSSON
Vísaði öllum
svikabrigslum á
bug.
Fréttablaðið:
Frítt í Fjölskyldu-
og húsdýragarðinn
LAUGARDALUR Fréttablaðið býður
landsmönnum frítt í Fjölskyldu-
og húsdýragarðinn alla aðvent-
una. Þar verður lífleg röð við-
burða sem hefst nú á sunnudag-
inn með opnun jólamarkaðar
handverksfólks er verður opinn
frá 13.30 til 17 alla daga til jóla.
Helgistund í umsjá sr. Jóns
Helga Þórarinssonar, prests í
Langholtskirkju, verður klukk-
an 15.30 þennan fyrsta sunnu-
dag í aðventu og Skákfélagið
Hrókurinn verður með þriðja
mót Tívolísyrpu Íslandsbanka
sama dag. Fram undan er svo
fjölbreytt dagskrá fram á Þor-
láksmessu með sögustundum,
jólahlaðborðum og heimsóknum
jólasveina þegar þeir fara að
tínast til byggða frá og með 12.
desember. Fiskasafn garðsins
verður opnað þann 1. desember
og þar verður margt skemmti-
legt og fræðandi að sjá. Svo eru
það húsdýrin sem ávallt laða að
og ekki úr vegi að minnast þess
þegar þau eru heimsótt í að-
draganda jólanna að Jesúbarnið
fæddist í fjárhússjötu. - gg
HÚSDÝRAGARÐURINN
Fjölbreytt dagskrá verður á aðventunni.
HALLDÓR ÁSGRÍMSSON
Undirstrikaði mikilvægi sjálfstæði Mann-
réttindaskrifstofunnar. Nú hefur fjárfram-
lögum til hennar verið hætt og henni gert
að sækja um fé til ráðuneyta ár hvert.
Barnsránið í Kópavogi:
Skólastjórar
ræði við börn
MANNRÁN Brýnt verður fyrir
skólastjórum í Kópavogi að
ræða við grunnskólabörn vegna
brottnáms níu ára stúlku í bæn-
um í fyrradag. Henni var rænt
og hún skilin eftir við Skálafell.
Árni Þór Hilmarsson, fram-
kvæmdastjóri fræðsluskrif-
stofu Kópavogs, segir að af
gefnu tilefni hafi fyrr á þessu
ári verið brýnt fyrir börnum í
Digranesskóla, Hjallaskóla og
Lindaskóla að fara ekki upp í bíl
með ókunnugum. Þetta verður
að sögn Árna endurtekið í öllum
skólum í bænum í forvarnar-
skyni. - ghg
Mannréttindaskrifstofa:
Mikilvægi virðist umdeilt í ríkisstjórn
MÓTMÆLT Í NÍSTINGSKULDA
Þúsundir stuðningsmanna Júsjenkos hafa mótmælt á götum Kænugarðs og annarra borga landsins síðan á sunnudaginn.
ÚKRAÍNA, AP Hæstiréttur Úkraínu
ætlar ekki að birta niðurstöðu for-
setakosninganna fyrr en hann
hefur tekið fyrir áfrýjunarbeiðni
Viktors Júsjenko, sem tapaði kosn-
ingunum samkvæmt niðurstöðum
yfirkjörstjórnar. Júsjenko sættir
sig ekki við niðurstöðuna þar sem
hann segir kosningarnar hafa verið
ólýðræðislegar. Öryggis- og sam-
vinnustofnun Evrópu hefur meðal
annars tekið undir gagnrýni Júsj-
enkos.
Einn af ráðgjöfum Viktors
Janukovitsj, forsætisráðherra
landsins, sem yfirkjörstjórnin
hefur lýst sigurvegara kosning-
anna, segir hæstarétt ekki hafa
heimild til þess að ógilda kosning-
arnar. Rágjafar Júsjenkos vísa því
alfarið á bug.
Þúsundir stuðningsmanna Júsj-
enkos, sem ólíkt Janukovitsj vill
efla tengslin við Vesturlönd, hafa
mótmælt á götum Kænugarðs og
annarra borga landsins síðan á
sunnudaginn. Júsjenko hefur
ávarpað fjöldann og hvatt til alls-
herjarverkfalls verði Janukovitsj
lýstur sigurvegari.
Ekki er búist við að hæstiréttur
Úkraínu komist að niðurstöðu fyrr
en á mánudaginn. Talið er að Júsj-
enko muni nota tímann þangað til
til að hvetja stuðningsmenn sína
enn frekar til mótmæla. Allt að tvö
hundruð þúsund manns hafa
mótmælt á götum Kænugarðs
undanfarið í miklum kulda.
Ráðamenn Evrópusambandsins
og Bandaríkjanna hafa gagnrýnt
framkvæmd kosninganna og varað
við því að ef ekki verði komist að
lýðræðislegri niðurstöðu kunni það
að hafa afdrifaríkar afleiðingar
fyrir samband Úkraínu við Vestur-
lönd. Rússnesk stjórnvöld hafa
brugðist allt öðruvísi við. Í gær-
morgun endurtók Vladimír Pútín,
forseti Rússlands, hamingjuóskir
sínar til Janukovitsj, sem vill efla
tengsl Úkraínu og Rússlands á nýj-
an leik eftir þrettán ára aðskilnað.
Ráðgjafar Janukovitsj hafa
sagst vilja ná sáttum við Júsjenko,
sem hefur þvertekið fyrir nokkurs
konar málamiðlun. ■
02-03 fréttir 25.11.2004 22:30 Page 2