Tíminn - 14.05.1974, Blaðsíða 2

TÍMINN
» r.;’ • T .
Þriðjudagur 14. mai 1974.
Þriðjudagur 14. maí 1974
Vatnsberinn: (20. jaa-18. febr.)
Það er nú einu sinni svo, að maður á ekki að vera
að krefjast of mikils af tilverunni, allra sizt i
ástamálunum. Það getur vel verið, að þér finnist
ekki allt vera sem bezt i þeim efnum, en þú skalt
skoða hug þinn betur.
Fiskarnir: (19. febr-20. marz)
Það litur út fyrir, að i dag séu möguleikar á þvi
að ný kynni myndist, ný og ánægjuleg kynni i
einhverjum hópi, þar sem gamlir kunningjar
blandast nýjum. Ætli það sé ekki i sambandi við
samkvæmi i kvöld, eða eitthvað svoleiðis.
Hrúturinn. (21. marz-19. april)
Það skyldi þó ekki vera, að þú hefðir meiri
peninga handa á milli i dag, eða þessa dagana,
heldur en vanalega? Sé svo, væri alls ekki
óskynsamlegt af þér að gera „nauðsynleg
innkaup” núna. Það er fremur hagstætt.
Nautiö: (20. april-20. mai)
Það er eitthver atriði, að likindum i sambandi
við viðskiptamál eða fjármál, sem þú ert ekki
öruggur um. Þú skalt hætta að fálma þig áfram I
i blindni en kappkosta að komast fyrir hið sanna
og rétta eöli málsins.
Tviburamerkið: (21. mai-20. júni)
Þetta er afskaplega ánægjulegur dagur, i flestu
tilliti, ef til vill þó einkum i ástamálunum, og
óhætt að fullyrða það, að þú komist eins nálægt
þeim, sem þú elskar, og þú yfirleitt getur mögu-
lega komizt.
Krabbinn: (21. júní-22. júli)
Þetta er nú heldur sviplitill dagur, og þú skalt
ekki gera þér miklar vonir um, að það skipti
sköpum, sem gerist i dag. Jafnvel þó að þú reyn-
ir að breyta atburðarásinni, eru ekki miklar
likur til að það takist.
Ljónið: (23. júli-23. ágúst)
Við fáum ekki betur séð, en að þú þurfir ekki að
vera með fjárhagslegar áhyggjur i dag, þvi að
áður en peningarnir ganga til þurrðar, áskotnast
þér aðrir, og þú getur framkvæmt það, sem þú
ætlaðir þér án fyrirhafnar.
Jómfrúin: (23. ágúst-22. sept)
Það litur út fyrir, að um sé að ræða eitthvað i
daglegum störfum þinum, sém þú verður að
taka til nánari athugunar. Liklega verður þú að
skipuleggja það algjörlega að nýju, eða jafnvel
breyta þvi gjörsamlega frá grunni.
Vogin: (23. sept-22. oktj
Eitthvert er það atriði, að likindum i tilfinninga-
málunum, sem þú hefur naumast vogað þér að
láta þig dreyma um, að myndi rætast, sem skýt-
ur upp kollinum mjög óvænt I dag og veldur þér
mikilli ánægju.
Sproðdrekinn: (23. okt.-21. nóv.)
Þú skalt gæta þess að vera ekki alltof hrein-
skilinn i dag, enda þótt þú kunnir að vera
annarrar skoðunar en einhver vinur þinn eða
einhver þér nákominn, sem auðvelt er að særa
og tekur nærri sér það, sem þú segir.
Bogmaðurinn: (22. nóv-21. des.)
Núna allt i einu lagast f járhagurinn mjög óvænt.
Það er rétt eins og þér berist upp i hendurnar
einhver fjárupphæð, sem þú áttir alls ekki von
á, að minnsta kosti er hér um að ræða hagnað,
sem skiptir máli.
Steingeitin: (22. des.-19. janj.
Það gengur nú ekki allt jafn vel þessa dagana,
en það skiptir þó alltaf mestu máli, að þú skulir
gera þitt bezta, og að þú skulir hljóta viður-
kenningu, en það færð þú i dag, og hana ekki
litla, að þvi er virðist.
t 14444 ‘K
mmm
25555
BÍLALEIG
CAR REWTAL
A
Sviðsettir
leiðarar
Leikfélag Reykjavíkur:
Minkarnir
eftir
Erling E. Halldórsson
Leiktjöld: Steinþór Sigurðsson
Tónlist og leikhljóð í umsjó: Atla Heimis Sveinssonar
Leikstjórn: Þorsteinn Gunnarsson
Fæstir munu lesa leiðara i is-
lenzkum dagblöðum sér til
verulegrar ánægju og stefnu-
fastrar og haldgóðrar skoðana-
myndunar. Sá andlegi' kostur, ef
andlegur getur kallazt, sem þar
er á borð borinn, þykir almennt
helzti bætiefnasnauður, undir-
stöðulitill og leiðigjarn. Það er
einlægt sami grauturinn i sömu
skál. Eldamennska brasaranna
einkennist öðru fremur af
starfsleiða og áberandi skorti á
nýjum og ferskum hugmyndum
og vinnubrögðum. Dag eftir
dag, viku eftir viku og ár eftir ár
er sömu gömlu tuggunni þröngv
að ofan i mann.
Nú hefur Erlingi E. Halldórs-
syni dottið það snjallræði i hug
að sviðsetja leiðara eða færa þá
i leikform fyrir skoðanabræður
sina og systur, og hlýtur það að
vera þeim mikill akkur og
raunabót i prentaraverkfallinu,
sem aðrir eru svo ósvifnir að
blessa.
í niu „nýstárlegum” leiðurum
deilir leikskáldið, eða réttara
sagt ieiðarahöfundurinn, Er-
lingur E. Halldórsson af þrálátu
vægðarleysi og einhyggju á
ásælni erlends stórveldis, her-
setu þess hér á landi svo og á
siðspillingu sjálfra lands-
manna, sem sigldi i kjölfarið
ásamt óhjákvæmilegu her-
mangi og ófögru braski á öllum
sviðum. Þótt of margir Is-
lendingar hafi þannig gert
samning við Satan, og glatað
sjálfsvirðingu sinni, er ánægju-
legt til þess að vita, að enn séu
til menn á borð við Erling E.
Halldórsson, sem standa örugg-
an vörð um sjálfstæði þjóðar
sinnar og sóma og eru ávallt
jafn búnir og boðnir til að bægja
öllum óvættum frá ströndum
landsins hvort heldur þær koma
úr austri eða vestri. Þetta eru
sannar hetjur og tslendingar.
Sumum þykir boðskapur höf-
undar bera nokkurn keim af
prédikun i sértrúarsöfnuði og
áróður hans þvi einkennast um
of af villu og svima, þröngsýni
og ofstæki. En hvaða vit hafa
þessir náungar á þvi? Veit ekki
Erlingur lengra en nef hans
nær?
Bernhard Shaw og Bertolt
Brecht náðu jafnan meistara-
legum tökum á viðfangsefnum
sinum, þótt þau væru sum hver
af stjórnmálalegum toga spunn-
in. Enda þótt Erlingur E.
Halldórsson hafi farið i smiðju
til hins siðarnefnda hefur hann
auðsæilega ekki haft erindi sem
erfiði. Lærisveinn Brechts lætur
til að mynda ggingu og per-
sónusköpun, leiKþráð og senni-
lega atburðarás lönd og leið. I
þess stað setur hann fáránlegt
öngþveiti i öndvegi og leikur sér
að illa gerðum leikbrúðum. Vilji
skáld brjóta leikreglur, ryðja
nýjar brautir eða gerast hefð-
rofi eins og Brecht og ef til vill
arftaki hans, verður það að hafa
meira til brunns að bera heldur
en Erlingur E. Halldórsson.
Mönnum væri ef til vill hollt að
minnast þeirra sanninda, að
„góður málstaður” og listfengi
eru ekki samvaxnir tviburar.
Þrátt fyrir ótviræða hæfileika
og bezta viljá góðra leikenda
eins og t.d. Guðrúnar Stephen-
sen, Helgu Bachmann, Jóns
Sigurbjörnssonar, Guðrúnar
Asmundsdóttur og Karls Guð-
mundssonar svo að nokkrir séu
nefndir tekst ekki að blása lifs-
anda i þessa misheppnuðu hug-
smið Erlings E. Halldórssonar.
Enda þótt Þorsteinn Gunnars-
son sé ákaflega vel verki farinn
i flestum greinum leiklistar
reyndust Minkarnir honum ekki
siður erfiðir viðfangs en
leikendunum. Þegar öllu er á
botninn hvolft, er tæplega við
betra að búast, þar sem þetta
ófullburða ádeiluverk er litið
annað en frumdrög að uppkasti
að leikriti. Leikfélag Reykja-
vikur er svei mér kjarkað að
bera þetta hráæti á borð fyrir
almenning. Sýningin er i siðasta
orði sagt sú hrútleiðinlegasta,
sem undirritaður hefur séð á
liðandi leikári, er hefur þó ekki
fram til þessa af ýkja mörgum
finum dráttum að státa. Rétt er
að taka það fram, að höfundur-
inn einn á alla sök á þeim miklu
leiðindum. Erlingur E.
Halldórsson prédikar bara og
prédikar leikinn á enda. Það
liggur sjálft við, að hann prédiki
mann upp úr sætinu.
R-vik 7. april
Halldór Þorsteinsson
Bændur
Við seljum dráttar-
vélan búvélar og allar
tegundir vörubila
BÍLASALAN
Bræðraborgarstig 22
Simi 26797.
Fyrstir á
morgnana
BORGARTUN
ARMULA 7 - SIMI 84450