Fréttablaðið - 04.02.2005, Blaðsíða 12
KULDAKAST Í GRIKKLANDI
Grikkir kappklæðast þessa dagana enda ger-
ir frost og rok þeim lífið leitt. Frostið fór í ell-
efu gráður í Þessalóníku þar sem þessi kona
gengur fram hjá styttu af Alexander mikla.
12 4. febrúar 2005 FÖSTUDAGUR
Uppgangurinn á Austurlandi:
Bryggjuhverfi á Eskifirði
BYGGINGARHUGMYNDIR Bæjaryfir-
völd í Fjarðabyggð eru að skoða
hugmynd um að fylla hluta Mjó-
eyrarvíkur, utan við byggðina á
Eskifirði, og byggja þar upp
bryggjuhverfi. Samkvæmt skipu-
lagi eru engar lóðir á þessu svæði
en þrátt fyrir það hafa borist fyr-
irspurnir um lóðir.
Smári Geirsson, forseti bæjar-
stjórnar Fjarðabyggðar, segir að
tiltölulega fáir byggingarkostir
séu á Eskifirði. „Það er skipulagt
byggingarland inni í dal, fyrir
botni fjarðarins, en utar er lítið
landrými til byggingarfram-
kvæmda og það er meðal annars
þess vegna sem verið er að skoða
þessa hugmynd.“
Samkvæmt hugmyndinni
verða til 40 byggingarlóðir með
því að fylla upp í hluta Mjóeyrar-
víkur. Heildarlengd gatna verður
um 570 metrar og gróflega áætl-
aður kostnaður um 140 milljónir
króna. Á móti þeim kostnaði koma
gatnagerðargjöld upp á um 50
milljónir króna. Áður en af fram-
kvæmdum getur orðið þarf að
gera hættumat vegna ofanflóða
fyrir svæðið, aflétta strandvernd
og breyta aðalskipulagi. - kk
Gagnagrunnur um
viljuga líffæragjafa
Gagnagrunnur sem inniheldur upplýsingar um viljuga líffæragjafa er eitt af því sem landlæknir vill
koma á fót fyrr en síðar. Unnið er að gerð sérstakrar líknarskrár, sem meðal annars tekur til líffæragjafa.
Landlæknir segir þörfina fyrir líffæragjafa fara vaxandi.
HEILBRIGÐISMÁL Gagnagrunnur um
viljuga líffæragjafa er einn af
þeim möguleikum sem Landlækn-
isembættið er að athuga, að sögn
Sigurðar Guðmundssonar land-
læknis.
„Þetta er ein þeirra leiða sem
við höfum rætt til að halda betur
utan um líffæragjafir og fjölga
þeim sem eru tilbúnir til að gefa,“
sagði Sigurður. „Það eru miklu,
miklu fleiri úti í hinum vestræna
heimi, að minnsta kosti, sem bíða
eftir fleiri líffærum heldur en
þeir geta nokkurn tíma fengið. Þá
er þörfin vaxandi því við getum
nú meðhöndlað líffæraþega betur
heldur en áður með ónæmis-
bælandi aðferð. Aukaverkanir eru
orðnar minni, auk þess sem við
getum flutt fleiri líffæri heldur en
áður, svo sem smáþarma.“
Landlæknir lagði áherslu á að
til þyrfti að koma aukin fræðsla,
svo og opin og jákvæð umræða
um líffæragjafir og það sem að
þeim lyti. Líffæragjafakort væru
fyrir hendi, en þau væru lítið not-
uð. Auk hugmyndar um gagna-
grunn yfir viljuga lífæragjafa,
væri unnið að
gerð líknar-
skrár, þar
sem fólk
gæti kveðið
upp úr með
það hvort
það vildi
gefa líffæri
úr sér eða ekki.
Þá útnefndi það
fulltrúa, ætt-
ingja eða vin,
sem það
treysti til að fara með sín mál á
grundvelli undirritaðrar viljayfir-
lýsingar, gæti það sjálft ekki tekið
ákvörðun.
Sigurbergur Kárason, sérfræð-
ingur á gjörgæsludeild Landspít-
ala - háskólasjúkrahúss, gerði
ásamt fleirum athugun á afstöðu
aðstandenda til líffæragjafa eftir
að einstaklingur hafði verið úr-
skurðaður heiladáinn. Athugunin
náði frá árinu 1992-2002. Um 40
prósent af þeim höfnuðu líffæra-
gjöf, en um 60 prósent gáfu leyfi
sitt. Hátt hlutfall nýrnaígræðslna
er frá lifandi líffæragjöfum.
Varðandi útvegun líffæra hér á
landi sagði Sigurbergur að Íslend-
ingar væru í samvinnu við nor-
ræn líffæraígræðslusamtök,
Skandia Transplant. Sú samvinna
hefði hafist 1972 og Íslendingar
hefðu verið þiggjendur fram til
1992, þegar samningur var gerð-
ur um líffæratökur hér á landi.
Þá hefði verið gerður samningur
við sjúkrahús á Norðurlöndum
um samstarf. Eftir það hefðu Ís-
lendingar verið gefendur líka. Á
þessum tíma hefðu reikningar
nokkuð jafnast hvað varðaði líf-
færaígræðslur og líffæragjafir
einnig. -jss@frettabladid.is
BRUGÐIÐ Á LEIK
Leikfélagið M.A.S., sem samanstendur af
strákum úr Ásgarði, sýndi brot úr leikverk-
um sínum.
Vinnustofan Tjaldur:
Sameinast
Ásgarði
STARFSEMI Vinnustofan Tjaldur
sem starfrækt var í Tjaldanesi frá
árinu 1998 til 2004 er flutt í Ás-
garð handverkstæði sem er
verndaður vinnustaður fyrir fatl-
aða. Skrifað var undir samning
vegna flutningsins í gær.
Starfsemi Ásgarðs hefur
blómstrað á þeim tólf árum sem
hún hefur verið í gangi. Í Ásgarði
starfa 31 fatlaðir starfsmenn við
smíðar á leikföngum og skyldum
munum úr tré auk nýrra verkefna
frá vinnustofunni Tjaldi. Menn-
ingarstarfsemi blómstrar í Ás-
garði og er þar margt gert til að
fjörga andann meðal annars feng-
ist við söng og leiklist. - th
SAMRÆMT TÖLVUKERFI Tækni-
deild Lögreglunnar hefur að und-
anförnu verið að setja upp sam-
ræmt tölvukerfi þannig að allir
lögreglumenn sitji við sama borð
varðandi dagbók og annað þess
háttar frá 1. febrúar. Einhverjir
tækniörðugleikar hafa komið upp
en nú er búið að yfirstíga þá.
STRAUMHNÚTUR BRAUT GLUGGA
Slys varð um borð í dráttarbátn-
um Magna í Hvalfirði í fyrradag.
Báturinn hafði verið notaður við
að aðstoða Goðafoss að bryggju
og var á leið út Hvalfjörðinn þeg-
ar straumhnútur kom og braut
glugga í stýrishúsi.
■ LÖGREGLUFRÉTTIR
Þú hitar bílinn áður en þú ferð út í kuldann og þarft aldrei að skafa!
SVO ÓTRÚLEGA NOTALEGT!
Bíldshöfða 16 | 567 2330
Bílasmiðurinn hfKveikt er á hitaranum með:
fjarstýringu gsm síma eða klukku
Átta Íslendingar á ári, að með-
altali, hafa verið á biðlista eftir
nálíffærum (líffærum úr látnu
fólki) á árabilinu 1992-2002, að
sögn Sigurbergs Kárasonar
sérfræðings á gjörgæsludeild
Landspítala - háskólasjúkra-
húss. Á sama tíma hafa þeir
fengið 3 ígræðslur á ári að
meðaltali. Hins vegar hafa þeir
gefið 10 líffæri á ári. Fjöldi líf-
færagjafa héðan hefur ríflega
samsvarað þeirri þörf sem fyr-
ir hendi er hér á landi, eins og
tölurnar sýna. Biðlistarnir hér
endurspegla þá þörf sem er á
líffærum hjá erlendum sam-
starfsaðilum, að sögn Sigur-
bergs.
- jss
Átta manns á biðlista
LÍFFÆRAÍGRÆÐSLUR
Nú er hægt að flytja fleiri líffæri heldur en áður og má þar nefna smáþarma.
SIGURÐUR GUÐMUNDSSON
Segir mikilvægt að fram fari opin
og jákvæð umræða um líffæra-
gjafir, svo og aukin fræðsla.
MJÓEYRARVÍK VIÐ ESKIFJÖRÐ
Eitt íbúðarhús stendur á Mjóeyri en
gert er ráð fyrir 40 nýjum bygging-
arlóðum á landfyllingu í víkinni.
12-13 3.2.2005 22.44 Page 2