Fréttablaðið - 04.02.2005, Blaðsíða 34

22 4. febrúar 2005 FÖSTUDAGUR
Við mælum með...
... að Jóhann Ingi Gunnarsson, formaður landsliðsnefndar, taki að sér
að kenna þjálfurum á Íslandi hvernig á að búa til alvöru varnarmenn.
Jóhann Ingi er ekki sáttur við varnarþjálfun á Íslandi og gæti kennt
mönnum ýmislegt enda hefur hann marga fjöruna sopið á
þjálfaraferlinum
„Ég heilsaði honum einu sinni eða tvisvar fyrir
leikinn og hefði nú haldið að það myndi duga.“
Jose Mourinho, stjóri Chelsea, skildi ekkert í vælinu hjá Mark Hughes, stjóra
Blackburn, sem kvartaði yfir því að Mourinho hefði ekki viljað taka í hönd
hans eftir leik liðanna á miðvikudagskvöldið.sport@frettabladid.is
LEIKIR GÆRDAGSINS
HVAÐ? HVENÆR? HVAR?
1 2 3 4 5 6 7
Föstudagur
JANÚAR
HANDBOLTI „Það er spilaður mjög
kerfisbundinn leikur í íslenskum
handbolta og í varnarþjálfun sem
slíkri er mikið lagt upp úr taktík-
inni þar sem áherslan er á að æfa
leikaðferðir. Það vantar að þjálfa
leikmenn miskunnarlaust einn á
móti einum og kenna mönnum
hvernig þeir eiga að standa í vörn.
Það er ljótt að segja það en ég er
að sjá landsliðsmenn sem kunna
það ekki,“ segir Jóhann Ingi, sem
sjálfur þjálfaði landslið Íslands á
sínum tíma sem og þýsku stórlið-
in Essen og Kiel og ætti því að
vita hvað hann syngur.
Jóhann Ingi vill þó ekki ganga
svo langt að segja að íslenskir
leikmenn kunni ekki að spila vörn.
„Það eru hins vegar margir sem
eiga margt eftir ólært og skortir
jafnvel grunnþekkingu í varnar-
leik.“
Menn vita ekki sitt hlutverk
Jóhann Ingi kveðst ekki geta kort-
lagt nákvæmlega hvar ábyrgðin
liggur en segir ferlið ná langt aft-
ur. „Þetta byrjar neðst niðri og
menn marka sér ákveðna stefnu í
þessum málum. Auðvitað verður
hvert félag og hver þjálfari að
mynda sér ákveðna afstöðu á hvað
skuli leggja áherslu á en það þarf
að sinna öllum þáttum handbolt-
ans. Menn þurfa að fara að hugsa
hversu stórum hluta þjálfunarinn-
ar þeir vilji verja í varnarþjálfun
og þetta verður að byrja í yngri
flokkunum,“ segir Jóhann Ingi en
minnir jafnframt á að þjálfarar
eru eins misjafnir og þeir eru
margir.
„Þorbjörn Jensson var til dæm-
is heldur varnarsinnaður en Viggó
Sigurðsson er meiri sóknarþjálf-
ari, rétt eins og Bogdan Kowalczyk
sem var ekki góður varnarþjálfari
í mínum huga. Svona er þetta mis-
jafnt; þegar ég þjálfaði sjálfur
lagði ég meiri áherslu á sókn en
vörn,“ segir Jóhann Ingi en leggur
áherslu á að það verði að huga að
varnarþjálfun.
„Viggó Sigurðsson sagði sjálf-
ur í gær að nú þyrfti hann að fara
að leita að varnarleiðtoga því
hann væri ekki til. Þetta er mikið
áhyggjuefni. Við eigum ekki góða
varnarmenn og það hlýtur bara að
þýða það að áherslan á vörnina
hefur verið í orði en ekki á borði.
Annars værum við að spila betri
vörn. Menn er ekki einu sinni með
á hreinu hvert hlutverk þeirra í
vörninni er,“ segir Jóhann Ingi en
bendir á að það sé ekki hlutverk
landsliðsþjálfara að kenna mönn-
um að spila vörn.
„Landsliðsþjálfari á að ákveða
hvaða vörn á að spila og hver hlut-
verk manna í vörninni er, ekki að
kenna þeim að spila vörn. Lélegur
varnarleikur hefur verið helsta
skýringin á því hvernig fór fyrir
íslenska liðinu í Túnis og nú þurfa
menn að hugsa um hvernig hægt
er að laga það. Ég hef fulla trú á
að Viggó komi með einhverjar
hugmyndir um hvernig hægt er
að gera það, hvort sem hann gerir
það einn eða fær einhverja fleiri
með sér í verkið.“
vignir@frettabladid.is
ÍSLENSKIR LEIKMENN KUNNA EKKI VÖRN Jóhann Ingi Gunnarsson segir að varnar-
þjálfun á Íslandi sé verulega ábótavant og að staða mála sé mikið áhyggjuefni. Hann er
hér til hægri á myndinni ásamt Guðmundi Ingvarssyni, formanni HSÍ. FRÉTTABLAÐIÐ/PJETUR
Marga skortir grunn-
þekkingu varnarleiks
Jóhann Ingi Gunnarsson, formaður landsliðsnefndar HSÍ, segir að flestir ís-
lenskir leikmenn eigi margt eftir ólært og þá skorti jafnvel grunnþekkingu á
því hvernig spila eigi vörn.
■ ■ LEIKIR

19.15 Fram og ÍR mætast í
Egilshöllinni í B-riðli Reykjavíkurmóts
karla í fótbolta.

19.15 ÍA og ÍS mætast á Akranesi í
1. deild karla í körfubolta.

19.15 Þór Ak. og Stjarnan mætast
í Höllinni á Akureyri í 1. deild karla í
körfubolta.

19.15 FH og Stjarnan mætast í
Kaplakrika í DHL-deild kvenna í
handbolta.

21.00 Fylkir og Valur mætast í
Egilshöllinni í B-riðli Reykjavíkurmóts
karla í fótbolta.
■ ■ SJÓNVARP

14.25 HM í handbolta á RÚV.
Útsending frá leik Noregs og Spánar
á HM í handbolta.

15.45 HM í handbolta á RÚV.
Útsending frá leik Frakklands og
Slóveníu á HM í handbolta.

17.45 Olíssport á Sýn.

18.00 Upphitun á Skjá einum.

19.00 Gillette-sportpakkinn á Sýn.

19.30 Motorworld á Sýn.

20.00 World supercross á Sýn.

23.15 Undirfataleikurinn á Sýn.
Forráðamenn Arsenal hafa lofaðknattspyrnustjóranum Arsene
Wenger meiri fjárveitingu til að
endurbyggja lið sitt.
Litlar líkur eru á að
Arsenal blandi sér í
titilslaginn úr þessu
og ósk Wenger um
að næla í nýja leik-
menn meðan leik-
mannaskipti voru
leyfileg, var hafnað.
Stjórn Arsenal þvertók fyrir að bygg-
ing nýja vallarins á Highbury Grove,
sem mun kosta félagið 41 milljarða
íslenskra króna, myndi hafa áhrif
fjárveitingu félagsins varðandi kaup
á nýjum leikmönnum.
Mark Hughes hjá Blackburn eræfur út í starfsbróður sinn Jose
Mourinho hjá Chelsea fyrir að taka
ekki í hendina á sér eftir leik lið-
anna á Ewood Park sem lyktaði
með sigri Chelsea, 1-0. „Mér finnst
nú algjört lágmark
að takast í hendur
eftir viðureignir,“
sagði Hughes. „Ég
hef enga hugmynd
af hverju hann tók
ekki í hendina á
mér. Kannski var hann upptekinn
með leikmönnum sínum.“ Aðspurð-
ur um málið kom Mourinho alveg
af fjöllum. „Ég tók í hendina á hon-
um fyrir leikinn, tvisvar eða þrisvar.
Eftir sigurleiki vil ég vera með leik-
mönnum mínum. Ég tek að sjálf-
sögðu í hendina á mönnum ef ég
rekst á þá,“ sagði Mourinho.
David Beckham, fyrirliði enskalandsliðsins og leikmaður Real
Madrid, lætur gagnrýni sem vind um
eyrun þjóta og segist vera í góðu
formi. „Svo lengi sem ég er ánægð-
ur með frammistöðu mína hjá Real
og Englendingum,
þá er mér nokkurn
veginn sama hvað
aðrir segja,“ sagði
Beckham. „Þessi
mánuður er búinn
að vera minn besti
í langan tíma. Við erum 7 stigum á
eftir Barcelona þannig að það getur
allt gerst.“
Samtök leikmanna í NHL-deildinnií íshokkíi, höfnuðu tilboði frá
samtökum liðseiganda í NHL og
enn minnka líkurnar á að leikið
verði í deildinni í vetur. Í tilboðinu
sagði m.a. að leikmenn ættu rétt á
53% af tekjum deildarinnar og hvert
lið fyrir sig fengi
launaþak upp á 42
milljónir dollara
eða um 2,6 millj-
arða íslenskra
króna. Talsmaður
leikmannana sagði
að sambandið myndi ekki undir
neinum kringumstæðum samþykkja
launaþak af neinu tagi.
Luis Figo hjá Real Madrid segir aðþað sé 100% öruggt að hann
muni ekki leika fyrir neitt annað lið
á Spáni fari svo að
Real ákveði að
endurnýja ekki
samninginn við
sig. Figo, sem á
eitt og hálft ár eftir
af samningnum,
segir það vera draum sinn að leika
á Englandi og líklegt þykir að hann
muni fara til liðs í ensku úrvalsdeild-
inni þegar samningur hans rennur
út árið 2006.
Framherjinn Alan Shearer skoraðisitt 250. mark í ensku úrvalsdeild-
inni í fyrrakvöld þegar hann kom
Newcastle yfir gegn Manchester
City. Það dugði þó ekki til því að
Robbie Fowler jafnaði leikinn sem
endaði 1-1. Shearer hlaut mikið lof
fyrir og fullyrti Graeme Souness,
knattspyrnustjóri Newcastle, að
Shearer væri besti
enski framherji
allra tíma. Kevin
Keegan hjá
Manchester City,
sem var um tíma
knattspyrnustjóri
Newcastle, tók í sama streng. „Ég er
sammála því að hann sé besti fram-
herji sem við höfum átt,“ sagði
Keegan.
ÚR ÍÞRÓTTAHEIMINUM
HM í handbolta í Túnis
MILLIRIÐILL 1
TÉKKLAND–GRIKKLAND 31–29
SLÓVENÍA–FRAKKLAND 26–26
TÚNIS–RÚSSLAND 35–24
STAÐAN
TÚNIS 5 2 3 0 150–128 7
FRAKKLAND 5 2 2 1 127–120 6
GRIKKLAND 5 2 1 2 134–138 5
RÚSSLAND 5 2 0 3 126–137 4
TÉKKLAND 5 2 0 3 131–147 4
SLÓVENÍA 5 1 2 2 142–140 4
MILLIRIÐILL 2
ÞÝSKALAND–SVÍÞJÓÐ 27–22
SERBÍA–KRÓATÍA 23–24
SPÁNN–NOREGUR 31–24
STAÐAN
KRÓATÍA 5 4 0 1 139–135 8
SPÁNN 5 3 1 1 155–139 7
SERBÍA/SVART.5 2 2 1 127–126 6
NOREGUR 5 2 1 2 137–139 5
ÞÝSKALAND 5 1 1 3 132–135 3
SVÍÞJÓÐ 5 0 1 4 132–148 1
Svíþjóð og Slóvenía leika um 11. sætið
á morgun.
Þýskaland og Tékkland leika um 9.
sætið á morgun.
Noregur og Rússland leika um 7. sætið á
morgun.
Serbia/Svartfjallaland og Grikkland
leika um 5. á morgun.
Spánn og Túnis mætast í undanúrslitum
á morgun.
Króatía og Frakkland mætast í
undanúrslitum á morgun.
1. deild kvenna í körfu
ÍS–KEFLAVÍK 64–48
Stig ÍS: Signý Hermannsdóttir 16 (20 frák., 9
varin, 5 stolnir) Stella Rún Kristjánsdóttir 14, Alda
Leif Jónsdóttir 9 (11 frák., 9 stoðs., 5 varin),
Guðrún Baldursdóttir 11, Erna Rún Magnúsdóttir
6.
Stig Keflavíkur: Bryndís Guðmundsdóttir 14 (16
frák.) Svava Ósk Stefánsdóttir 12, Birna
Valgarðsdóttir 12, Bára Bragadóttir 3, Kristín
Blöndal 3, Rannveig Randversdóttir 1,
STAÐAN
KEFLAVÍK 15 12 3 1191–917 24
GRINDAVÍK 15 10 5 917–832 20
ÍS 15 9 6 895–821 18
HAUKAR 15 7 8 984–1035 14
NJARÐVÍK 15 5 10 893–966 10
KR 15 2 13 840–1086 4
Kosning um eftirsóttustu eiginhandaráritun fótboltamanna:
Beckham að missa máttinn?
FÓTBOLTI Vinsældir David Beck-
ham eru að minnka ef eitthvað er
að marka niðurstöður nýrrar
skoðanakönnunar sem stuðnings-
menn 120 félaga tóku að sér að
sjá um fyrir skemmstu. 2.000
manns voru spurðir um frá
hvaða knattspyrnumanni þeir
vildu helst fá eiginhandaráritun
hjá.
Niðurstöður könnunarinnar
vekja töluverða athygli; goðsögn-
in Pele var sá sem trónaði á toppi
listans og efstu þrjú sætin skipa
leikmenn sem allir hafa lagt
skóna á hilluna. Það sem hins
vegar kemur einna mest á óvart
er að sjálfur David Beckham
lenti ekki í nema 5. sæti og var til
að mynda sæti aftar en Thierry
Henry hjá Arsenal. Ekki ber á
öðru en að heimsyfirráð Beck-
hams séu að dvína. ■
DAVID BECKHAM Má mun sinn fífil
fegurri í vinsældum hjá knattspyrnu-
áhugamönnum.
10 EFTIRSÓTTUSTU EIGIN-
HANDARÁRITANIRNAR
1. Pele Brasilíu
2. Bobby Moore Englandi
3. Maradona Argentínu
4. Thierry Henry Frakklandi
5. David Beckham Englandi
6. George Best N-Írlandi
7. Zinedine Zidane Frakklandi
8. Alan Shearer Englandi
9. Eric Cantona Frakklandi
10. Geoff Hurst Englandi
Kvennalið Keflavíkur:
Engin Bristol
KÖRFUBOLTI Nú er ljóst að Reshea Bristol
mun ekki koma og spila með Keflavík í
1. deild kvenna í körfubolta eins og
vonast var eftir. Bristol lék mjög vel
með Keflvíkingum fyrri hluta móts en
þurfti að fara af landi brott vegna fjöl-
skylduaðstæðna. Í staðinn fékk Kefla-
vík LaToyu Rose en hún stóð engan
veginn undir væntingum og var send
heim eftir aðeins tvo leiki. Keflvíking-
ar ætla að sér að halda áfram að leita að
útlendingi fyrir lokaátökin. ■
Jafnræði var með Norð-
mönnum og Spánverjum í
viðureign þjóðanna á HM í
Túnis í gær. Jafnt var á
flestum tölum fyrstu 20
mínútur fyrri hálfleiks en
þegar fimm mínútur voru til
leikhlés höfðu Norðmenn
tveggja marka forystu, 12-10.
Spánverjar tóku sig saman í
andlitinu og enduðu hálfleikinn
með 5-0 áhlaupi og staðan í
hálfleik var 15-12. Norðmenn
riðu ekki feitum hesti í seinni
hálfleik og biðu afhroð gegn
vel smurðu liði Spánverja sem
skoruðu 16 mörk í seinni
hálfleik gegn 12 mörkum
Norðmanna og stóðu uppi sem
sigurvegarar, 31-24. Spán-
verjar mæta Túnis í undan-
úrslitum mótsins en Norð-
menn spila við Rússa um 7.
sætið. ■
Norðmenn spila um 7. sætið eftir tap í gær:
Spánverjar í undanúrslit
34-35 (22-23) sport 3.2.2005 22.36 Page 2