Fréttablaðið - 08.03.2005, Blaðsíða 2
2 8. mars 2005 ÞRIÐJUDAGUR
Sýrlenskar hersveitir í Líbanon:
Ekkert ákveðið um endanlegt brotthvarf
DAMASKUS, AP Forsetar Sýrlands
og Líbanons tilkynntu í gær að
Sýrlendingar myndu fyrir lok
mánaðarins safna hersveitum
sínum í Líbanon saman í Bekaa-
dalnum, sem er við landamæri
ríkjanna.
Bashar Assad og Emile
Lahoud, forsetar Sýrlands og
Líbanons, hittust í Damaskus í
gær og ákváðu þetta og hófust
herflutningar frá norður- og mið-
hluta Líbanons strax í kjölfarið.
Engin ákvörðun var þó tekin um
endanlegan brottflutning hersins
frá landinu heldur sögðust leið-
togarnir ætla að ákveða hann síð-
ar.
Forsetarnir sögðust í yfirlýs-
ingu sinni ætla að virða ályktan-
ir öryggisráðs Sameinuðu þjóð-
anna án undanbragða en hún
kveður á um að Sýrlendingar
hætti afskiptum af málefnum
Líbanons. Með þessu sendu þeir
Ísraelsmönnum tóninn sem hafa
virt að vettugi ályktanir þar sem
þeir eru hvattir til að skila aftur
landsvæðum sem þeir tóku í
stríðinu árið 1967.
Mótmæli gegn stjórninni
héldu áfram í Beirút í gær. Í dag
hafa Hizbollah-samtökin hins
vegar hvatt til friðsamlegra mót-
mæla Sýrlendingum til stuðn-
ings. ■
Stofnfé í SPRON
verður stóraukið
Stofnfjáreigendur geta keypt tvo nýja hluti fyrir hvern sem þeir eiga fyrir.
Aðalfundur heimilaði að stofnfé yrði hækkað úr 14.480 hlutum í 100 þúsund
en byrjað verður á þreföldun. Sparisjóðsstjórinn vill styrkja eigið fé sjóðsins.
VIÐSKIPTI Stofnfé Sparisjóðs
Reykjavíkur og nágrennis
(SPRON) verður sjöfaldað ef
heimild sem samþykkt var á aðal-
fundi í gær verður nýtt að fullu.
Núverandi stofnfjáreigendur hafa
forkaupsrétt á nýjum hlutum en
samkvæmt lögum má ekki selja
þá á yfirverði.
Í viðskiptum með stofnfé í
SPRON á markaði á síðustu mán-
uðum hefur stofnfé verið selt á
allt að sjöföldu nafnverði. Með
fjölgun stofnfjárhluta mun verð á
stofnfé að líkindum lækka í sam-
ræmi við aukninguna. Verðið sem
stofnfjáreigendur þurfa að greiða
fyrir nýtt stofnfé verður samt
sem áður langt undir mark-
aðsvirði bréfanna.
Stjórnin hefur heimild til að
auka stofnfé allt að sjöfalt en ekki
hefur verið ákveðið hvort eða
hvenær heimildin verður nýtt til
fulls. Sú heimild er hins vegar
ekki háð tímamörkum og fellur
því ekki úr gildi fyrr en hún er
nýtt að fullu eða stofnfjáreigenda-
fundur ákveður að breyta henni.
SPRON hefur því ekki sömu
möguleika og hlutafélagavædd
fjármálafyrirtæki til að nýta sér
til fullnustu áhuga fjárfesta á
fyrirtækinu með því að gefa út
nýtt hlutabréf á hærra gengi en
nafnverði.
Guðmundur Hauksson, spari-
sjóðsstjóri SPRON, segir að mark-
miðið með stofnfjáraukningunni
sé að styrkja eiginfjárstöðu Spari-
sjóðsins. „Við erum einfaldlega að
renna sterkari stoðum undir
reksturinn,“ segir hann. Með því
að styrkja eiginfjárstöðu SPRON
getur fyrirtækið aukið útlán.
Aðalfundur SPRON samþykkti
einnig tillögu um 25,5 prósent arð-
greiðslu og hækkun stofnfjár um
fimm prósent. Þá var kynnt nýtt
skipurit fyrirtækisins sem Guð-
mundur segir lið í framkvæmd
hugmynda um aukin umsvif
SPRON. Hann segir ekki tíma-
bært að láta uppi hvert stefnan sé
tekin. „Við erum að blása til
sóknar,“ segir hann.
Hagnaður SPRON hefur aldrei
verið meiri en í fyrra en þá skilaði
félagið tæplega 1,5 milljarða
króna hagnaði. Útlán jukust um
þriðjung og þarf SPRON að
styrkja eiginfjárstöðu til að halda
áfram vexti. thkjart@frettabladid.is
Barnaþrælkun:
Fundu 60
börn í gámi
LAGOS, AP Rúmlega sextíu börn á
aldrinum 5-14 ára fundust í gámi í
Lagos, stærstu borg Nígeríu, í gær.
Grunur leikur á að þau hafi átt
að selja í þrældóm en barnaþrælk-
un er landlæg í Afríku eins og svo
víða annars staðar í heiminum.
Talið er að 200.000 börn séu árlega
hneppt í þrælkun í álfunni.
Lögreglan í Lagos handtók konu
sem talin er viðriðin málið. Hún
starfar fyrir munaðarleysingja-
hæli í borginni en þar fundust á
dögunum tíu unglingsstúlkur sem
þar var haldið gegn vilja þeirra. ■
Banaslysið
á Suðurlandsvegi:
Nafn manns-
ins sem lést
ANDLÁT Maður-
inn sem lést í
bílslysi á Suður-
landsvegi síð-
astliðinn sunnu-
dag hét Helgi
Fannar Helga-
son. Hann var
fæddur 4. júlí
1986 og bjó á
Heiðarbrún 2 á
S t o k k s e y r i .
Helgi var nemandi í Fjölbrauta-
skóla Suðurlands á Selfossi.
-jse
SPURNING DAGSINS
Sigurbjörn, er ekki málið að
stækka golfvöllinn í staðinn?
„Allar hugmyndir eru vel þegnar.“
Snjóleysi ógnar helsta skíðabæ landsins og fróðir
telja snjóframleiðslukerfi bráðnauðsynlegt. Sigur-
björn Sveinsson er í forsvari fyrir áhugafélagið
Vini Akureyrar, sem vill veg bæjarins sem mestan
og bestan.
■ NORÐURLÖND
■ EVRÓPA
HEIÐURSVÖRÐURINN SKOÐAÐUR
Forsetar Sýrlands og Líbanons, Bashar Assad (t.v.) og Emile Lahoud, hittust í Damaskus í
gær og ræddu brottflutning herliðs Sýrlendinga.
STÝRIMAÐURINN VAR FULLUR
Stýrimaðurinn sem sigldi skipinu
sem klessti á Stórabeltisbrúna á
fimmtudaginn var að sögn Berl-
ingske Tidende talsvert ölvaður
þegar slysið varð. Maðurinn beið
bana við áreksturinn.
ÞRÍR LÁTNIR EFTIR SKÍÐAGÖNGU
Hin fornfræga Vasa-skíðaganga í
Svíþjóð sem fór fram um helgina
snerist upp í sorgaratburð. Afton-
bladet hermir að þrír skíða-
göngumenn á aldrinum 30-81 árs
hafi ofreynt sig í göngunni og lát-
ist.
MEINTUR STRÍÐSGLÆPAMAÐUR
GEFUR SIG FRAM Momcilo Per-
isic, fyrrverandi hershöfðingi í
júgóslavneska hernum, gaf sig
fram við stríðsglæpadómstólinn í
Haag í gær. Hann er sakaður um
hafa skipulagt fjöldamorð í
Króatíu og Bosníu á árunum
1993-1998.
VILJA STYRKJA STÖÐU SPRON
Með þvi að margfalda stofnfé í SPRON er unnt að styrkja fjárhagslega stöðu og auka starfsemina.
FR
ÉT
TA
B
LA
Ð
IÐ
/V
AL
G
AR
Ð
U
R
FANGELSISMÁL „Sjálfsvíg eru eðli-
lega öllum aðstandendum erfið og
margir þurfa aðstoð og hjálp
þegar slíkt á sér stað,“ segir Þór-
arinn Viðar Hjaltason, sálfræð-
ingur hjá Fangelsisstofnun.
Gæsluvarðhaldsfangi á Litla-
Hrauni fyrirfór sér aðfaranótt
laugardags og efla hefur þurft
alla sálgæslu fyrir aðra fanga og
starfsmenn síðan þá.
Er þetta annað sjálfsvígið inn-
an veggja íslenskra fangelsa á
skömmum tíma en í nóvember
síðastliðnum fyrirfór þrítug kona
sér í kvennafangelsinu að Kópa-
vogsbraut. Fram að því höfðu sex
ár liðið frá því að slíkt átti sér
stað. Þórarinn segir enga einhlíta
skýringu á þessu en segir sjálfs-
víg innan fangelsa hérlendis þó
fátíð.
„Ef fólk ætlar sér að fremja
sjálfsvíg er yfirleitt hægt að finna
leiðir til þess en venjan er sú að ef
ótti er um að fangar séu þung-
lyndir eða líklegir til að taka eigið
líf er vakt um það fólk aukin. Það
sem gerir þetta erfiðara er að
þessir einstaklingar eru lokaðir
inni og því vekur það athygli út
fyrir fangelsisveggina.“ - aöe
Gæsluvarðhaldsfangi svipti sig lífi á Litla-Hrauni:
Sálgæsla fyrir aðra fanga efld
FANGELSIÐ AÐ LITLA-HRAUNI
Þar stytti fangi sér aldur aðfaranótt laugardags en í nóvember átti hliðstætt atvik sér stað í
kvennafangelsinu í Kópavogi.
FR
ÉT
TA
B
LA
Ð
IÐ
/E
.Ó
L.
AÐALSTEINN ÞORSTEINSSON
Segir að endurskoða þurfi hlutverk
Byggðastofnunar enda sæki fleiri lán sín til
bankanna en áður.
Byggðastofnun:
Tæplega 400
milljóna tap
BYGGÐASTOFNUN „Miðað við þann
fjölda fyrirspurna og beiðna sem
okkur berst er Byggðastofnun
ekki ofaukið enn sem komið er,“
segir Aðalsteinn Þorsteinsson for-
stjóri, en í ársreikningi stofnunar-
innar sem birtur var í gær var 385
milljón króna tap á rekstri hennar
á síðasta ári.
Er þetta mikil breyting frá ár-
inu 2003 þegar aðeins varð sjö
milljón króna tap á rekstrinum en
ástæðurnar segir Aðalsteinn vera
afskriftir vegna útlána, lágir
vextir viðskiptabankanna og
gengisþróun.
- aöe