Fréttablaðið - 08.03.2005, Blaðsíða 26
Langþráður draumur eigenda
SH um sameiningu fisksölu-
fyrirtækja á Ameríkumarkaði
varð að veruleika með samein-
ingu SH og Sjóvíkur. Sjóvík
keypti söluhluta SÍF í Ameríku
síðastliðið haust, en margar til-
raunir höfðu verið gerðar til
sameiningar SÍF og SH.
Til hliðar við þessi viðskipti
eignaðist fjárfestingarfélagið
Grettir, sem var í eigu Trygg-
ingamiðstöðvarinnar og Lands-
bankans, 34 prósenta hlut í Keri,
sem er stærsti eigandi Sam-
skipa og Olíufélagsins Essó. Auk
þess er Ker stærsti hluthafi
Eglu, sem á níu prósenta eignar-
hlut í KB banka. Stærstu eig-
endur Sjóvíkur eru Nordica
Partners og Sund, sem er eign-
arhaldsfélag fjölskyldu Óla í
Olís. Nordica Partners er meðal
annars í eigu Gísla Reynissonar,
kaupsýslumanns Riga í Lett-
landi, og Jóns Þórs Hjaltasonar,
viðskiptafélaga Ólafs Ólafsson-
ar, stærsta eiganda Kers. Eftir
viðskiptin ráða þessir aðilar 47
prósenta hlut í Gretti og eru
stærstu hluthafarnir. Grettir á
einnig sextán prósenta hlut í
Straumi fjárfestingarbanka og
benda viðskiptin nú til þess að
áhugi Landsbankans á að ná tök-
um á Íslandsbanka í gegnum
Straum kunni að hafa minnkað.
Stærstu eigendur Kers, þeir
Ólafur Ólafsson og Kristján
Loftsson, eru allt annað en
ánægðir með þessi málalok.
Með þessum viðskiptum skiptu
eigendur Sjóvíkur um lið og
Kristján Loftsson, stjórnarfor-
maður Kers, segir að þeir hafi
gengið gegn munnlegu sam-
komulagi um forkaupsrétt hlut-
hafa Kers. „Ég tel að þetta hafi
verið lengi í undirbúningi. Á
stjórnarfundum í Keri gengu á
milli manna tillögur um út-
færslu á forkaupsréttarákvæð-
um og óánægja með orðalag
kom í veg fyrir að frá tillögun-
um væri gengið á aðalfundi.“
Hann telur því að fyrrverandi
viðskiptafélagar hafi gengið
gegn munnlegu samkomulagi
með því að selja Gretti bréf sín
án þess að bjóða bréfin núver-
andi hluthöfum til kaups.
Barátta skipafélaga
Samkvæmt heimildum voru eig-
endur SH, með Landsbankann í
broddi fylkingar, afar áfjáðir í
sameininguna við Sjóvík og
hyggja á frekari sókn og sam-
einingar í Kanada í kjölfarið.
Þeim var því mikið í mun að
landa þessari sameiningu. Sjó-
víkurmenn settu söluna á hlut-
unum í Keri á dagskrá og seldu
þau bréf dýrt. Eigendur Grettis
eru flís í auga ráðandi hluthafa í
Keri og Grettismenn veðja á að
þeir verði keyptir út með leið-
indaálagi. Orðrómur er einnig á
kreiki um að menn hafi haft hug
á að kaupa einnig hlut Kristjáns
Loftssonar, en við það hefði
staða Ólafs Ólafssonar verið
orðin þröng. Kristján á sautján
prósenta hlut í Keri en Ólafur 41
prósent. Þeir standa hins vegar
saman og ráða félaginu. Þeir
geta því beðið með að kaupa
Gretti út úr félaginu, þótt þeir
séu ekki áfjáðir í félagsskapinn.
Að tjaldabaki þessara við-
skipta liggja einnig ríkir hags-
munir í flutningastarfsemni.
Samskip hafa verið að sækja í
sig veðrið í samningum við inn-
flutningsfyrirtæki, eins og
Haga, en Eimskip náði samning-
um um flutninga Samherja. Þeir
sem gleggst þekkja telja að
Eimskip sé eins og staðan er nú
með betra jafnvægi í nýtingu
skipa í inn- og útflutningi. Á
móti hefur Samskip byggt hratt
upp erlendan rekstur og er fé-
lagið komið mun lengra á þeim
vettvangi.
Litlir kærleikar hafa verið
milli félaganna og við þau við-
skipti sem nú eru að baki munu
átökin harðna. Ólafur og Krist-
ján ráða yfir Keri og munu ekki
gefa það eftir. Nú hefst störu-
keppni í félaginu þangað til
semst um að kaupa Gretti út úr
félaginu. Eigendur Sjóvíkur
hafa átt langt samstarf við Ólaf
Ólafsson í viðskiptum en hafa
nú skipt um lið. Líklegt er að
rykið verði að setjast áður en
menn taka til við að leysa úr nú-
verandi stöðu. Ólafur Ólafsson
hefur marga fjöruna sopið í við-
skiptum og er vanur að bíta frá
sér. Ýmislegt á eflaust eftir að
ganga á í baráttu Ólafs og
Björgólfsfeðga á næstu mánuð-
um. Ólafur sneri á bankana þeg-
ar reynt var að sameina SH og
SÍF og er í viðskiptalífinu talinn
hafa að minnsta kosti einu lífi
meira en kötturinn. Hagsmunir
Ólafs og SH fara saman að ein-
hverju leyti því SÍF á fjögurra
prósenta hlut í SH eftir samein-
ingu við Sjóvík.
Hin hliðin á þessum viðskipt-
um er svo framtíðaruppbygging
í fisksölu í Ameríku og Asíu. Þar
eru spennandi sóknarfæri með
sameiningunni sem vonandi
verða enn að bera ávöxt löngu
eftir að átökin á milli eigenda
Eimskipafélagsins og Samskipa
verða gleymd. ■
Stjörnur á Stamford Bridge
Í kvöld verður háður í Lundúnum leikur Chelsea og
Barcelona í 16 liða úrslitum Meistaradeildar Evr-
ópu. Íslenski landsliðsfyrirliðinn Eiður Smári
Guðjohnsen verður sennilega í liði Chelsea. Vörn
Barcelona er ekki talin helsti styrkur liðsins og
því gæti Eiður Smári átt ágæta von til þess
að gleðja áhorfendur á heimavelli með
marki eða tveimur. Eiður Smári mun í
öllu falli verða hvattur áfram af stórum
hópi íslenskra bankamanna en
stjórnendur KB banka, Landsbank-
ans og Straums hafa allir krækt sér
í þægileg sæti við völlinn á morgun.
Auk þess verður stór hluti starfsmanna
innheimtuþjónustunnar Intrum á vellin-
um. Chelsea tapaði á Nývangi í
Barcelona en býr að því í leiknum á
morgun að hafa skorað mark á útivelli
og nægir því að sigra 1-0, en það eru
ekki óalgeng úrslit hjá Chelsea.
Íslendingar taka yfir van Geest-veldið
Hollenska skipafélagið Geest bættist í síðustu viku
í sívaxandi stokk erlendra fjárfestinga hinna kaup-
glöðu Samskipamanna. Nafnið vekur athygli hér
á landi því annað öflugt útrásarfyrirtæki á Ís-
landi, Bakkavör, hyggur einnig á uppkaup á
fyrirtæki sem heitir Geest. Það fyrirtæki er
breskt og framleiðir matvöru. Tengslin milli
hins breska og hollenska Geest eru þó
mjög sterk. Fyrirtækin voru eitt og hið
sama þar til matvælafyrirtækið Geest
var skráð í kauphöll í Lundúnum árið
1986. Forsagan er sú að þrír garð-
yrkjubændur – van Geest-bræður –
höfðu haslað sér völl í matvæla-
framleiðslu í Bretlandi og hófu
siglingar milli landanna til vöru-
flutninga. Nú er útlit fyrir að veldi
Geest-bræðra verði innan tíðar
óskipt komið í hendur íslenskra athafna-
manna.
MESTA HÆKKUN
ICEX-15 3.777
KAUPHÖLL ÍSLANDS [ HLUTABRÉF ]
Fjöldi viðskipta: 207
Velta: 1.310 milljónir
+0,80%
MESTA LÆKKUN
MARKAÐSFRÉTTIR...
Landsbankinn tilkynnti í gær
að öllum fyrirvörum vegna yfir-
töku bankans á breska fjármála-
fyrirtækinu Teather &
Greenwood væri aflétt. Kaupin
munu því ganga í gegn og hluta-
bréf í Teather & Greenwood af-
skráð úr kauphöll í Lundúnum.
Tap Byggðastofnunnar í fyrra
var 385 milljónir króna. Árið 2003
var hagnaður stofnunarinnar 7
milljónir.
Verð bréfa í deCode hafa
lækkað síðan félagið birti ársupp-
gjör sitt á föstudag. Skömmu fyrir
lokun markaðar í gær stóðu bréf-
in í 5,92 dölum á hlut.
FTSE í Lundúnum lækkaði um
0,18 prósent í gær. Dax í Þýska-
landi hækkaði um 0,1 prósent og
Nikkei í Japan hækkaði um 0,44
prósent.
18 8. mars 2005 ÞRIÐJUDAGUR
vidskipti@frettabladid.is
Peningaskápurinn…
Actavis 39,10 -0,51% ... Atorka 6,00 –
... Bakkavör 28,00 +0,72% ... Burðarás 13,55 – ... Flugleiðir 14,70
+2,08% ... Íslandsbanki 11,70 -0,43% ... KB banki 51500 +0,78% ...
Kögun 56,50 +2,73% ... Landsbankinn 14,85 +2,41% ... Marel 56,80 –
... Medcare 5,95 -0,67% ... Og fjarskipti 3,84 – ... Samherji 11,50
+1,77% ... Straumur 10,05 +1,01% ... Össur 83,50 -
Átök S-hópsins og Björgólfsfeðga
SH 15,51%
Kögun 2,73%
Landsbankinn 2,41%
Austurbakki -1,33%
Medcare -0,67%
Actavis -0,51%
HLUTABRÉF Í ÚRVALSVÍSITÖLU:
nánar á visir.is
Aðalfundur Sölumiðstöðvar
hraðfrystihúsanna hf. verður
haldinn fimmtudaginn
10. mars n.k. á Hótel Nordica,
Suðurlandsbraut 2 og hefst
hann kl. 16:00.
Sterkt sameinað félag
Sameining SH og Sjóvíkur er að mati aðstandenda félaganna mikilvægt skref í
framþróun þeirra og skapar sóknarfæri. Sjóvík hefur sterka stöðu í Asíu og
mun SH njóta þeirrar stöðu. Miklir hagræðingarmöguleikar eru taldir vera á
Ameríkumarkaði og Sjóvík ræður yfir nýjustu og fullkomnustu fiskréttaverk-
smiðju í Bandaríkjunum.
Sameiginleg velta félaganna er áætluð hátt í hundrað milljarðar króna. Fyrir-
tækið verður leiðandi á Bandaríkjamarkaði og markmið eigenda fyrirtækisins
er frekari útrás. Hafa fyrirtækjakaup í Kanada verið nefnd í því sambandi.
Gunnar Svavarsson segir langþráðu markmiði náð með sameiningunni „Nú
verður til mun öflugra fyrirtæki sem hefur alla burði til að vera leiðandi á
markaðnum.“
Sameining Sjóvíkur og
SH er til sóknar á erlend-
um mörkuðum. Bak við
sameininguna krauma
átök milli S-hópsins undir
forystu Ólafs Ólafssonar,
stjórnarformanns Sam-
skipa, og eigenda Lands-
bankans og Eimskipa-
félagsins.
HAFLIÐI HELGASON
BLAÐAMAÐUR
FRÉTTASKÝRING
SAMEINING SH OG
SJÓVÍKUR OG BARÁTTA
VIÐSKIPTABLOKKA
MENN FYRIR BORÐ Með sameiningu
Sjóvíkur við SH og sölu eigenda Sjóvíkur á
hlut í Keri hefur Ólafur Ólafsson, stjórnar-
formaður Samskipa, misst viðskiptafélaga í
„hitt liðið“. Ólafur er mikill baráttujaxl og
hefur marga fjöruna sopið í viðskiptum.
LANGÞRÁÐ MARKMIÐ Eigendur og stjórnendur Landsbankans og Burðaráss hafa lengi leit-
að leiða til að sameina starfsemi íslensku fisksölufyrirtækjanna í Ameríku. Það hefur nú tekist.