Fréttablaðið - 08.03.2005, Blaðsíða 27
19ÞRIÐJUDAGUR 8. mars 2005
Bætt lánshæfi
hjá Landsbanka
Alþjóðlega matsfyrirtækið
Moody’s sendi í gær frá sér nýtt
mat á Landsbankanum. Moody’s
hækkaði lánshæfismat bankans
vegna langtímaskulda og inn-
lána. Áður var Landsbankinn í
flokknum A3 en er nú í A2.
Moody’s staðfesti einnig
fyrra mat sitt á fjárhagslegum
styrk Landsbankans en telur að
ekki séu líkur á að sú flokkun
breytist í bráð. Áður hafði
Moody’s talið líklegt að það mat
yrði einnig hækkað.
„Moody’s staðfestir það sem
við þegar vissum, að undirliggj-
andi rekstur bankans er mjög
traustur. Bætt lánshæfismat þýð-
ir að fjármögnun bankans verður
auðveldari og á betri kjörum, sem
í fyllingu tímans mun skila við-
skiptavinum okkar betri þjónustu
á betri kjörum,“ segir Sigurjón Þ.
Árnason bankastjóri. - þk
Hagnaður Samherja í fyrra var
2.914 milljónir króna. Þetta er
næstum því þrefalt meiri hagnað-
ur en árið 2003, þegar rekstrar-
afgangurinn var 1.067 milljónir
króna.
Greiningardeildir bankanna
voru nokkuð nærri sanni í spám
sínum. Í Vegvísi greiningardeild-
ar Landsbankans í gær kom fram
að framlegð í rekstrinum væri
lægri en búist var við en stór hluti
hagnaðarins er vegna fjár-
magnsliða.
Í tilkynningu frá stjórnendum
félagsins í gær kemur fram að
þeir séu ekki bjartsýnir um af-
komuna á þessu ári, meðal annars
vegna hás gengis íslensku krón-
unnar. Þessi svartsýni sést einnig
í spá greiningardeildanna, sem
spá því að hagnaður Samherja
verði miklum mun minni í ár en á
árinu 2004. - þk
SPÁR UM HAGNAÐ SAMHERJA
ÁRIÐ 2004*
KB banki 3.025
Íslandsbanki 3.021
Landsbankinn 2.845
* í milljónum króna
Samherji hagnast