Atuagagdliutit - 07.06.1962, Blaðsíða 4

1961 — Kalåtdlit-nunane aulisarnikut
angussaKarfiunerpausimassoK
kisiåne upernalernerane aussalerneranilo sårugdlit pigssarsi-
viuvatdlangitdlat ukialernerane sårugdlingnut pualasunut na-
lerKiutdlugit, kisiåne aulisagkat Kerititat silarssuarme piuma-
neKarnerungmata tunissagssiorfiliornigssanigdlo pilerssårutine
tamåna tungaviginiarneKarnerungmat ukiåkut ukiumilo auli-
sarneK angnertunerulersitariaKarpoK
ukioK 1961 måna tikitdlugo Kalåt-
dlit-nunane aulisarmkut angussaKar-
fiunerpausimavoK aitsåt taima amer-
dlatigissunik sårugdligtOKarsimav-
dlunilo rejertoKarsimavdlune, månalo
tikitdlugo tarajortigkanik, panersia-
nik nerpingnigdlo tunissagssiorneK
aitsåt taima angnertutigisimavdlune.
OKautsinik tåukuninga direktør lic.
mere. Hans C. Christiansenip Den
kongelige grønlandske Handelip Kø-
benhavnime aulisarneK pivdlugo a-
tautsiminerane nalunaerune autdlar-
nerpå. atautsiminerme ilåuput mini-
ster Mikael Garn, departementschefit
Eske Brun åma B. Dinesen fiskerimi-
nisteriemit, Kalåtdlit-nunånit aut-
dlartitat, Danmarkimilo aulisarnikut
peKatigigfingnit autdlartitat, niuver-
torpagssuitdlo Kalåtdlit-nunånit pi-
ssut ukiumortumik niuvertut atautsi-
minigssåne ilaujartorsimavdlutik Kø-
benhåvnimitut.
direktøre OKalugpoK 1956-ip kingor-
na ukiut tamaisa sårugdlingniameK
ajungitsumik KagfariartuårsimassoK.
1961-imilo Kagfariaut ukiumut suju-
lianut nalerKiutdlugo 25 °/o-ip mig-
ssånitoK. aulisagkat suliarineKångit-
sut 1961-ime pissaussut katitdlutik
41,7 millioninik kiloKarput, tåukunå-
nga 15,9 miil. kg. tarajortigagssiari-
neKarsimavdlutik, 2,3 miil. kg. paner-
siagssatut, 3,5 mili. kg. nerpiliagssa-
tut åmalo 6,5 mili. kg. pisiarititagssa-
tut.
1960-ime aulisagkat pissat suliari-
neKarsimångitsut katitdlutik 35,2 mili.
kiluput, tåukunånga 13,1 miil. kg. ta-
rajortigagssiarineKarsimavdlutik, 1,9
mili. kg. panersiagssatut, 2,7 miil. kg.
nerpiliagssatut 6,5 mili. kg.-tdlo pi-
siarititagssatut.
tarajortigkat
amerdlanerujuartut
tamatuma takutipå aulisagkat tara-
jortigkat tunissagssiornerme amer-
dlanerssaujuartut; måssa 1961-ime
nerpingnik KerititagssiorneK agdleri-
angåtsiarsimagaluartOK taimåitoK
1961-ime kisitsisit takutipåt sårugdlit
tunissat amerdleriaru j ugssuarångata
tauva amerdleriautit amerdlanerssait
tarajortigaussariaKarput taima ang-
nertutigissumik nerpingnik Kerititag-
ssiornigssaK sule ajornarmat.
inussutigssarsiutigivigdlugo auli-
sartut amerdlåssusiat pivdlugo direk-
tøre OKarpoK tamåna ukiut amerdla-
nerussut ingerdlanerine, tåssa 1954-
imit — taimane aulisartuvit 1700 siv-
neKardlutik — ukiunut kingugdliune-
russunut 25000 migssånilersimagalu-
artut, nautsorssorneKarneratigut ku-
larutigssaugunångilaK — måssa ki-
sitsisit erKordluinarunångikaluartut
— ukiune tåukunane aulisartut amer-
dlingåtsiarsimaKissut.
ingmikut Sisimiut pivdlugit direk-
tøre OKalugpoK: — 1959-ime Sisimiu-
ne erKånilo aulisartut 250-iussut ki-
sineKarsimåput. 1960-ime kisitsisit
taimåingitdlat, 1961-ime åma taimåi-
ngitdlat, 100 migssåne ikingneruvdlu-
tik. taimåitumik ilimanarpoK tamåna
agdlagtuinerme kukunerusimåsassoK
1959-imit 1960-imut taimaisivdlune
aulisartut ikileriarsimåsanatik.
aulisarneK ingmikortiterdlugo
1961-ime sårugdligtigut amerdleri-
auterujugssuaK ukioK kaujatdlagdlu-
go åssigingitsorujugssusimavoK. u-
kiup autdlartisimanerane Kéumatiku-
tårtunik amerdleriautit angnertu-
ngåtsiaréKaut téssame pissarineKar-
tut mardloriautingajångmingnik a-
merdlingmata. aprilime mana mar-
dloriåumik amerdlaneruput. majime
60 °/o-imik amerdleriardlutik, juni-
milo åma 60 °/o sivnerdlugo amerdle-
riardlutik, julimile amerdleriaut å-
parpoK 30 %> sivnersimåinalerdlugo
augustimile amerdleriaut nungunga-
jagdlune 3 procentinaugame, tauvalo
ukiap Kåumataine Kåumatikutårtu-
mik kinguariartulerdlune. direktøre
OKarpoK, Kularnångitsumik bundgar-
nerssornerup amerdleriautit nikinga-
nerat tamåna pingårtumik nagsatari-
simavå.
direktøre nangigpoK:
— 1956-ime ukiunilo tamatuma er-
Kaine august Kåumat pissaKarfiuner-
paussamiartoK, pissat tamarmik */<-
ingajait pissarineKartardlutik, måna
juli pissaKarfiunerpaussalerpoK 20 °/o
sivnerdlugo, pissatdlo amerdlanerssa-
rujugssue ukiup agfåne sujugdlerme
pissarineKartalerput ukialerångatdle
aulavdluameK mingnerulersardlune.
pissaKarfiunerpaussarfiup taimaisiv-
dlune ukiup agfåta sujugdliup tungå-
nut nikisineKarnera aulisagkat pit-
såussusigssåta tungånit issigalugo i-
luarnerungilaK, tåssa upernåp nalåne
aussalerneranilo aulisagkat ukiap au-
lisagainit pitsåunginerungmata. auli-
sagkat nerpå imertaKarnerussarput u-
kiavdlo aulisagåtut pualasutut pig-
ssarsisitsissartiginatik.
sujoma sårugdlit pissarineKartut 56
®/o-é julime augustimilo pissaråvut
12.200 tonsinik naligdlit. majimit sep-
tember . ilångutdlugo pissarineKartut
nautsorssoruvtigik pissat tamarmik
80 %-iata erKånut pisaugut. sårug-
dlingnik suliarineKångitsunik pig-
ssarsissarneK tunissagssiat sussusig-
ssåta tungånit issigalugo taima åssi-
gingitsigigaluartoK tarajortigkanik
tunissagssiornermut suniuteKangångi-
laK. aulisagkat Kerititångordlugit tu-
nissagssiat piumaneKarnerungmata,
tamånalo Kalåtdlit-nunåne tunissag-
ssiorfiliornigssaK pivdlugo pilersså-
rutine tungaviginiarnerugavtigo på-
sissariaKarparput aulisagkanik tara-
jortigkanik tunissagssiorneK kingua-
riartusassoK. nerpingnik Kerititagssa-
nigdlo tunissagssiorfiussune piorsa-
gausimassune taima nikingatigissu-
mik aulisagkanik suliarissagssanik
pigssarsissarneK aningaussarsiorne-
rup tungåtigut ajutorutaungåtsiartug-
ssauvoK. taimåitumik ukiune tugdliu-
tune suliagssarput tåssaussariaKarpoK
aulisarnikut pigssarsiarissartagkat é-
ssigigsitåmerujugssuarmik avguaKa-
tigigsineKarnigssåt, sukut tamatigut
aulisagkanik pigssarsiviussarner-
pauvfiup avatåne, tåssa 15. septembe-
rimit 15. majimut, angnerussumik au-
lisagkanik pigssarsiviusinaussaler-
Kuvdlugo.
taimåitumik isumaKarpunga, direk-
tøre OKarpoK, tungavigssatigut akit
årKigssugaunigssåt pilersiniartariaKa-
rigput angatdlatinik angnerussunik
peKalernigssaK kajumingnarneruler-
sitdlugo angatdlatit tåuko ukioK kau-
jatdlagdlugo aulajaitsumik aulisarsi-
nauniåsangmata tamånalo sulivfig-
ssuit aulisagkanik suliagssamingnik
pissariaKartunik pigssarsissarnigsså-
nut tungavigssauniåsangmat.
aulisarnerup agdleriarnera
tauva direktør Hans C. Christian-
senip erKåmioKarfingne atausiåkåne
sårugdlingniameK tikipå nalunaeru-
tigalugulo Påmiune erKånilo 1960-i-
mut nalerKiutdlugo 70 %> migssåne
KagfariarneKarsimassoK Ausiaitdle
erKånilo 35 °/o-ingajangmik kingua-
riarneKarsimavdlune. K’aKortume er-
Kånilo sujuariarneKangåtsiarpoK. su-
juariarneK 40 °/o migssånitdlune, Na-
nortalingme erKånilo taimåiportaoK.
— Manitsume erKånilo, direktøre
OKalugpoK, 1960-ime tunissat angner-
torujugssugaluartut sule tunissat a-
merdleriarKigsinausimåput taimaisiv-
dlunilo 1960-imisut erKåmioKarfing-
nit tamanit pitsaunerssauvdlune 4,200
tonsingajangnik, nagdlerneKariartor-
pordle Påmiut K’aKortuvdlo erKåmi-
OKarfinit tugdleringnerisigut 3.800 å-
ma 3.700 tonsiuvdlutik. erKåmioKar-
fingnit avangnardlernit procentingor-
dlugit sujuariardluarnerpausimassoK
tåssa Sisimiut 760 tonsinik amerdla-
nerussunik tunissaKarsimangmat,
1960-imut nalerKiutdlugo 50 porcen-
tingajangmik KagfariauteKardlune.
angissutsikut avguautdlugit
tauva direktørip nalunaerumine
sårugdlit tunissat angissutsimikut av-
guåuneKarnerat tikipå. OKarpoK angi-
ssutsikut avguåuneKartarnerat ajor-
nartorsiutinut pissutaujuartussoK, å-
malo 1961 1960-ilo sanigdliukåine a-
jorsiartornertut OKautigissariaKartoK.
aulisagaK ilivitsutitdlugo OKimailutå-
tigut avguaKatigigsitsivdlune angissu-
siussoK 1950-ime 4 kiluvoK, 1961-ime
2,3 kiluvdlune, aitsåtdlo taima 1961-
ime mikitigaoK. sårugdlit nunigune-
Kartut pingajuernere avguaKatigig-
sitdlugit 10 åma 14 tommit akornåne
angissuseKarput, taimåitoK erKåmio-
Karfingne kujatdliunerussune angne-
rungåtsiardlutik, Ausiaitdle erKåmio-
Karfiåne mikissut agdlåt 10 °/o-iuv-
dlutik, tamånalo erKåmioKarfiup tåu-
ssuma avångunartumik kinguariame-
ranut pfssutaussut ilagigunarpåt.
direktøre nangigpoK:
påsisinaussarput maligdlugo sårug-
dlit mikissut pissarineKartorujugssuit
1957-imérsuput, tamånalo ukiunut
tugdlernut neriugdluartitsivoK. isu-
maKarpunga tupigissagssaussoK ukiut
sisamat Kångiutinartut sårugdlit pi-
ssarineKartalersinausimangmata, u-
kiunilo tugdliutune taima pilertorti-
gissumik agdliartortarsinaugpata tau-
va sårugdlit pissauvdluarnigssåt ili-
magissariaKarparput. ukiut pingasut
sisamatdlunit sårugdlit angisut pissa-
rinigssånut utarKissariaKångikaluar-
pugut taimåisagpat ukiut ingerdlane-
rine angissutsit avdlångorarpatdlåsa-
Kingmata. aulisagkat mikissut piumi-
nåitarput mikissunut iluamik tunitsi-
vigssaKångingmat. tuniniaineruvdle
tungånit issigalugo nerpingnik Keri-
titagssiornerme tamåna soKutåungi-
kaluarpoK, kisiåne mikissut nerpinik
KerititagssiorneK angisut nerpinit Ke-
rititagssiornermit pigssarsinångineru-
ssarpoK. ukiume aulisartarnerup ang-
nertusisineKarneratigut aulisagkanik
pigssarsissarnerup åssigingneruler-
nigsså aulisagkat tunineKartartut a-
ngissutsimikut avguaKatigigsitdlugit
ingmikortiternerine Kularnångitsu-
mik iluaKutaussumik suniuteKåsaga-
luarpoK, åmalo aulisagkat pitsåussu-
seKarnerat angnerulerdlune tåssame
ukiup aulisagå sugfinigssap tungånut
upernalernerane aussalerneranilo au-
lisagkamit avdlauvdluinartumik pit-
séussuseKarmat.
aulisagaemiartarfit amerdlåssusiat
1960-imit 1961-imut angnertumik av-
dlånguteKarsimångilaK, uvdlutdle au-
lisarfiussut 230 eneåne amerdleriarsi-
måput, tamånalo 1961-ime aitsåt tai-
ma pissaKardluartigisimanermut pi-
ssutaussut ilagåt, tamånale pissutau-
ssut pingårnerssarigunångilåt, aulisa-
gaKardluarneK inussutigssarsiutigini-
ardlugulo aulisarniarneK pissutauner-
pausimagunarmata.
rejerniarneK
kalåtdlit aulisarnermik ingerdlatsi-
neréne rejerniarneK pingåruteKardlu-
alersimavoK, taima direktør Hans C.
Christiansen OKarpoK nangigdlunilo:
— 1961-ime rejet suliarineKångitsut
2500 tons sivnerdlugit pisiaråvut 1960-
ime 1800 tonsingajausimavdlutik. Dis-
kobugtime rejerniarneK soruname pi-
ngårneruvoK K’asigiånguane reje-
fabrike nutåK månalo Ilulissane nu-
tåK pissutauvdlutigtaoK. Diskobugti-
me 2.000 tonsingajangnik rejertoKar-
Pok, Narssamile rejet fabrikimut tu-
nineKartut 1961-ime 550 tons sivne-
Kardlutik, tåssa åma tamåne tunissat
amerdliartordlutik. rejenik utitigka-
nik niorKutigssiorneK taimailivdlunilo
rejenik tunissaKarneK ilimagineKar-
tutut angnertutigisimångilaK, tåssa
maskinat rejenik Kalipaiåissutit ajor-
nartorsiutigineKarnerisa nagsatarisi-
mangmåssuk rejet maskinanik Kali-
paiagkat migssiliussanit ikingnerusi-
manerat.
direktøre isumaKarpoK upemagssa-
me matumane autdlartisarnerme a-
jornartorsiutit tamåko KångerneKaru-
mårtut piårtumigdlo pisinaussaK ta-
måkerdlugo sulisineKalerumårdlutik.
Kaleragdlit
KaleralingniarneK 20 procentimik
migdleriarsimavoK, kisiåne sule nå-
maginardlune 1959-imisutdlo itdlune.
Manitsup erKåne pingårtumik kingu-
ariarneKarsimavoK kapisilingniarner-
mutdlo angnertusigalugtuinartumut
tamåna atåssuteKarunardlune. ukiup
issaisangnera tJmånap erKåne kale-
ralingniarnermut sikukut ingerdlåne-
Kartartumut akornutausimavoK, ta-
månile angussarineKarsinaussut pit-
sångoriatdlåtdlangatinarput 1962-ime
Ikerasangme tar aj orteriviliornikut
1963-imilo Uvkusigssane. ukiumisaoK
matumane akuerineKarsimavoK Kale-
ragdlit mingnerussut nerpisa tarajor-
terneKarsinaunigssåt.
KerKat
KérarniarneK pivdlugo direktøre
nalunaerpoK 1957-ip kingorna kingu-
ariarneKartuarsimassoK, åmalo ta-
måkuninga aulisarneK angnertune-
russumik ilimanauteKarunångitsoK.
OKautigå tamåna Kalåtdlit-nunånmaK
pisimångitsoK, taimainga j agtumigdle
åma Islandime pisimassoK, Kularnå-
ngitsumigdlo tamåna aulisagkat tåu-
ssuma pissusianit pissussoK. ilisima-
ssat nåpertordlugit KéraK arritsuarar-
ssuarmik agdliartortarmat nungutau-
sinaugunarputdlunit.
kapisigdlit
aulisarneK nutaunerpåK, kapisiling-
niarneK, pivdlugo nalunaerume OKau-
tigineKarpoK 1960-ime 55 tons tuni-
neKarsimassut, 1961-imile 115 tons.
pingårtumik Manitsup erKåne kapisi-
ligtoKarsimavoK, åmale Påmiune,
Nungme Sisimiunilo tåukualo entå-
mioKarfine angnertungikaluartunik
tarajugagssiaKarsimavoK.
direktøre OKarpoK naluneKångitdlu-
inartoK kapisilingniarneK kisitsisit ta-
kutitånit angnertunerugaluartoK, tå-
ssame Nup Ausiaitdlo erKåne kapisi-
lingniartoKarsimangmat inuit nang-
mingneK atugagssåtut tunineKartar-
tunik. angut atauseK, OKalugtuarine-
Kartut maligdlugit, 5.000 kr.-nik a-
kigssarsisimavoK novemberime de-
cemberimilo Ausiait erKånguéne ka-
pisilingniarnermigut.
— ilimanarpoK, direktøre OKarpoK,
sinerissame KerititsiviliorneK pileri-
artuårtitdlugo angnertumik iluanår-
nartumigdlo kapisilingniartoKarsi-
nåusassoK pingårtumik Kagssusersor-
dlune avasingnerussume aulisarne-
Kartalerpat Østersøen-ime periautsit
maligdlugit. aussame tugdlerme ta-
måna misilingneKartugssauvoK.
KerititagssiorneK
1961-ime Kerititagssiornerme 2.500
tons migssåne angussarineKar-
put, 1951-ip kingorna tatdlimariauti-
ngorsimavdlune ukiutdlo kingugdlit
sisamat ingerdlaneråne mardloriauti-
ngorsimavdlune. sårugdlingnik Keri-
titagssiorneK 1600 tonsiussoK tuni-
ssagssiarineKartut Kerititagssiat ang-
nerpårtaråt. tugdliuput Kéncat 500
tonsingajait avdlatdlo 400 tonsiussut
tåssauneruput rejet kapisigdlitdlo.
rejenik utitigkanik tunissagssior-
nerme 1961-ime 3,7 millionit 80 gram-
ikåtårtut angussarineKarput, måssa
niorKutigssiat tåuko ilimagissamit i-
kingnerugaluartut.
sic
Sæt det bedste på bordet...
Plumrose konserves er Deres garanti for
friske og sunde kvalitetsvarer.
Plumrose konserves er let og lækker mad -
legende let at tilberede.
Sæt Plumrose på bordet hver dag - så får
De ros af hele familien.
PLUMROSE
Den gode
kaffeduft
breder sig...
-stadig flere nyder ARABA
inuit nuånårsaKatigigkumavdlutik katerssutarångata kavfe pingitsugagssaussångilaK.
ARABA KivdlertClssanut silåinaKångitsunut portugaK kavfinit mamarnerpauginarnit
sanauvoK. ARABA KaerkussaKarångavit kisimTtitdlutitdlume atortarniaruk ... kissåt-
dlangnaK, mamaK inumarigsinaK. ___
V
Der findes
v \
intet) bedre end
en kop>4RÅBA!
% • vacuump^
KAI**
Ar./gr. 4

4