Atuagagdliutit - 10.11.1982, Blaðsíða 18

Arctic Pilot Project
Høyemip naalakkersui-
sut qularineqalersippai
Issittuni pissarsiarineqarsinnaasunik atuilersinnaaner/nut
pilersaarutit Kalaallit Nunaannut ministerip
itigartivikkumanngilai
ICCip seminareqartitsinerani qa-
niltukkut pisumi peqataasut, Ka-
laallit Nunaannut ministerip Tom
Høyemip oqalugiaataanut, tupigu-
sullutik tusarnaarput. Illuatungaa-
tigut erseqqissarpaa, naalakkersui-
sut, peqataaffigisani, APP pillugu
naalakkersuisuujunnaartutulli isu-
maqartut, illuatungaatigullu o-
qaatsit namminerinerusani saq-
qummiullugit, katersuussimasuni
qulalernermik kamaammernermil-
IIu pilersitsisut.
Namminerisaminik aallarniilluni
Tom Høyemip arfermik takoqqaar-
nini oqaluttuaraa, aammalu arferup
neqitoqqaarnini, orsorsunnigisima-
nerarlugu, taamaalisinnarluni minis-
lerip naalakkersuisut APP pillugu
isumaat nassuiaatiginiarsaraa.
Tunngavigaa atuagaq saqqum-
meqqammersoq »Stille«, tasani a-
tuakkiortup Philip Lauritzenip inuk
Walter Audla oqarsimanerarmagu:
»ineriartorneq pitsaasoq unitsikku-
manngilarput, nakkutilliisooqataaju-
mavugulli, pinngortitaq ineriartor-
nermit aserorneqaqqunagu<(, Walter
Audlalu nangippoq oqarluni »tantat-
ta ulia gasilu atorfissaqartippavullu
nuna uumasullu, taamaattumik oqi-
maaqatigiissitsinermik, illersorneqar-
sinnaasumik, nassaartariaqarpugut«.
Tom Høyemilu nangippoq: »lsu-
maqarpunga partiit sisamat naalak-
kersuisuutitaat Poul Schluterikkut
Walter Audlatulli isumaqartut«.
Tamatuma kingorna Kalaallit Nu-
naannut ministerip APP pillugu su-
liassap ingerlasimanera eqqartualaar-
paa, ullorli taanna siusinnerusukkul
oqaaseqartut ilaata Helge Kleivanip
oqaasii uniffigalugit.
— Eqqaariarlakkalu oqaaseqatigiit
ataatsit eqqunnguatsiaqisut, Kleiva-
nip oqalugiaamminut naggasiussai,
tupinnanngitsumillu qiimmattaatigi-
neqartut, oqarmat: »maanna Inuit
qaqortumik amillit silarsuaata ava-
taanilusooq inuusariaarupput, nam-
minnerli silarsuarmik qeqqanni inuu-
lissallutik«. Oqaatsit kusanartut,
taalliortorpalaartut siumukarpalaar-
tullu. Siumukarniammi oqartarput,
maanna kalaallit namminneq ingerla-
sariaqalersut, tamanna aamma taa-
matut oqaatigineqarsinnaavoq« Tom
Høyemip isummani saqqummiup-
paa.
Tamakku pillugit Helge Kleivan
kingusinnerusukkut akissuteqarpoq,
seminareqarnermi ersaattaanneqar-
nerpaagunartunik. Tom Høyemip o-
qaasii tassaaneraramigit nipiliortitsi-
nerit, oqarlunilu taakku tusareerlugit
arlerit atassuteqaqatigiinniartarnerat
siornatigornilluunniit isumakuluutigi-
nerulerini.
Piuinasinnaasut eqqarsaatigalugit
Tom Høyemip oqaluttuarisaanermik
nassuiaanini peqqissaarulluaqqissaar-
paa, erseqqissarpaalu taamaaliorluni
isumaqarami, naalakkersuisut tama-
nut saqqummiussaanni tamakku i-
lanngunneqarsimasariaqartut.
— Uangattaaq pingaartillugu o-
qaatigissavara, gassi uulialu pingaar-
tuummata, nalitsinnilu nukissamik
pilersorneqarnissaq pisariaqartikkat-
sigu, aammalu issittuni nukissamik
pilersuinissaq pisariaqarmat.
— Sulinermik inuutissarsiuteqartut
Naak samet ICC-rni ilaasortaanngikkaluarlutik, taamaattoq pinngortitamik il-
lersuiniarnikkut issittunilu assartuinikkut assingusunik ajomartorsiuteqarput.
Seminareqarnermi sameq peqatuasoq qiimmassaataalluarpoq - katerisimaaqa-
tigiinnermilu, PåI Doj (saamerlerniit pingajuat) erinarsoriuni uiiikkusersuivoq.
Selv om samerne ikke er medlem af ICC, så står de overfor mange af de sam-
me problemer i forbindelse med beskyttelse af miljøet ved udvinding og trans-
port af ressourcer i det arktiske. På seminaret var den samiske respræsentation
et festligt islæt — også ved festen, hvor Pål Doj (nr. tre fra venstre) underholdt
med sang. (Søren Madsen, Alfa Foto)
Helge Kleivan Kalaallit Nunaannut Ministerimit sakkortuumik saassunneqar-
poq, oqalugiaata pillugu oqarsimagami: » Tamassa tassa nipiliortitsineq pillu’
gu assersuutissaaq avaanngunartoq, tamatumalu kingorna arferit attaveqati'
giinniarnerat pillugu maanga isinngikkallarninnilluunniit, isumakulunneruler-
punga«.
Helge Kleivan blev stærkt angrebet af grønlandsministeren, om hvis indlceg
han sagde: »Dette er et bedrøvende eksempel på støj, og efter dette er jeg langl
mere bekymret for hvalernes kommunikationsproblemer, end jeg var før, jeg
kom her.« (Søren Madsen, A Ifa Foto)
nukissamik pisariaqartitsisut amer-
liartuinnassangatinnarput, piniartu-
tulli inuutissarsiorneq alliartorsinnaa-
sorinarani. Tamakkulu ilimanavissut
piviusullu misigissutsitsinni pingaar-
tittariaqarpavut. Taamaattumik sila-
qassuserput imminiiginnarsinnaan-
ngilarput issittunilu nukissiarineqar-
sinnaasunik atuilersinnaaneq itigartil-
luirmarlutigu, pingaartumik tamakku
pinngortitamik illersuinissaq eqqar-
saatigalugu illersorneqarsinnaasumik
ilusilersorneqarsimappata. Assor-
tuunnerullumi qiterpiaa tassaniip-
poq, Tom Høyem erseqqissaavoq.
Kaputartuineq
Kalaallit Nunaannut ministerip oqaa-
lugiaammi naggataani inuinnaat a-
kerliunerat ilannguppaa.
— Inuinnaat iliuusaat equngasor-
taqarluarsinnaapput naalakkersui-
nikkullu siunertanut atorneqarsin-
naallutik, imaalluarsinnaavorlu ka-
laallit piniartutut inuutissarsiornerat
pisariaqarnera sinnerlugu nuanner-
sunngortinneqartoq qamuunalu at-
tortinnartunngortinneqarluni, Tom
Høyem nangippoq, allaat isumaqar-
narsisillugu ICC pinngortitamik iller-
suiniaqatigiiffinnut sanilliunneqarsin-
naasoq.
— Misigissutsit pinngitsoorneqar-
sinnaanngillat — aamma APP-ip
tungaanut — ilaqartinneqassappulli
siunertarivinneqartup qanoq iliornik-
kut anguneqarluarsinnaanerunera
pillugu eqqarsaqqissaarnermik,
anguniarneqarmammi: issittuni
uumasut inuillu atugaasa tunngavis-
sarisaasalu aserutsaalineqarnissaat •
Nasiffimmullusooq pisariaqarpugut,
isivut siutivullu atorluarlugit, teknik-
kikkulli ineriartornerup pitsaaqutigi-
sinnaasai isiginngitsuusaarnagit, Ka-
laallit Nunaannut ministeri naggasii-
voq.
FLYTNING
BENYT DEM AF DERES FRIE VALG AF FLYTTEFIRMA
— VÆLG VOR SERVICE OG DRAG FORDEL AF VOR
MANGEÅRIGE ERFARING.
STATSFLYTNINGER udføres i overensstemmelse med gæl-
dende regler og refusionsordninger.
FRA GRØNLAND: Destinér Deres forsendelse via KGH til
vort selskab. Ved ankomst forestår vi toldbehandling og
punktlig, fagmæssig korrekt indflytning på Deres adresse lan-
det over.
TIL GRØNLAND: Bohave afhentes uanset fraflytningssted
for oceanpakning, stuvning i container og levering til KGH.
OPBEVARING: Vore møbelvenlige magasiner er til Deres dis-
position til kundevenlige priser i København og Aalborg.
FORSIKRING: De er naturligvis gratis dækket mod skader un-
der transport i vor varetægt i henhold til bedst opnåelige betin-
gelser.
flyttefirmaet
Lygten 2-4
Telex 19228
aalborgApS
2400 Kbhvn. NV.
Tlf. (01)81 63 00
18
ATU AG AG,D LIUT1T