Fréttablaðið - 31.05.2005, Blaðsíða 8

1Hvað heitir forseti Indlands sem erhér í opinberri heimsókn?
2Hver vann prestkosninguna í Vopna-firði?
3Hvar var valin besta stuttmyndin áReykjavík Shorts & Docs í ár?
SVÖRIN ERU Á BLS. 30
VEISTU SVARIÐ?
8 31. mai 2005 ÞRIÐJUDAGUR
Íslandsbanki styrkir Reykjavíkur Maraþon:
Bjarni forstjóri stefnir á 21 kílómetra
SAMNINGUR Íslandsbanki verður að-
alstyrktaraðili Reykjavíkur Mara-
þons næstu þrjú ár og mun það
nefnast Íslandsbanka Reykjavíkur
Maraþon.
Bjarni Ármannsson, forstjóri Ís-
landsbanka, og Knútur Óskarsson,
formaður Reykjavíkur Maraþons,
undirrituðu samning þess efnis í
gær. Markmið hans er að efla áhuga
almennings á hlaupinu og stuðla að
aukinni hreyfingu og hreysti.
Hlaupinu verða gerð skil á heima-
síðu bankans og þar verður hægt að
skrá sig til þátttöku, setja sér mark-
mið og fá æfingaáætlun.
Bjarni Ármannsson hleypur
reglulega og hefur lengst hlaupið
hálft maraþon. Hann hyggur á þátt-
töku í Íslandsbanka Reykjavíkur
Maraþoni í sumar en vill sem
minnst segja um hve langt hann
muni hlaupa. „Það verður að koma í
ljós. Maður má ekki hlaupa fram úr
sjálfum sér, markmiðin verða að
vera raunhæf,“ segir Bjarni.
Fréttablaðið hefur hins vegar
heimildir fyrir að hann stefni á að
hlaupa hálfmaraþon, sem er 21 kíló-
metrar. - bþs
Umhverfisráðherra afhendir Grænfánann:
Allir skólar á
Hvanneyri grænir
UMHVERFISMÁL Mikil vakning er í
umhverfismálum á Hvanneyri
Í síðustu viku afhenti Sigríður
Anna Þórðardóttir umhverfisráð-
herra krökkunum á leikskólanum
Andabæ á Hvanneyri Grænfána
fyrir umhverfisvernd í skólanum
en skólinn hefur tekið þátt í verk-
efninu frá því í fyrrahaust.
Grunnskólinn á Hvanneyri,
Andakílsskóli, hefur hinsvegar
haft Grænfánann frá árinu 2002.
Nú er svo komið að Landbúnað-
arháskóli Íslands, en höfuðstöðv-
ar hans eru á Hvanneyri, vill ekki
vera neinn eftirbátur í umhverfis-
málum sveitarinnar og hefur því
sóst eftir því að taka þátt í verk-
efninu. Að sögn Ásdísar Helgu
Bjarnadóttur, lektors og verkefn-
isstjóra umhverfisnefndar há-
skólans, gengur verkefnið vel en
hins vegar hafa samtökin ekki
veitt háskóla fánann áður og er nú
unnið að því að laga verkefnið
einnig að háskólum. Landbúnað-
arháskólinn stefnir svo að því að
verða fyrsti háskólinn til að fá
fánann en samkeppnin er hörð þar
sem háskólar í Rússlandi og á
Ítalíu hafa það einnig á stefnu-
skrám sínum. - jse
Eldur kviknaði í íbúð að Mánagötu í Reykjavík:
Kona og ungbarn
bjargast úr eldsvo›a
ELDSVOÐI „Það var fyrir mestu að
enginn slasaðist og tjónasérfræð-
ingar eru bjartsýnir um að bjarga
megi töluverðu af innanstokks-
munum,“ segir Stefán Pálsson,
safnvörður og dómari í Gettu bet-
ur, en kona hans og barn björguð-
ust þegar kviknaði í íbúð þeirra að
Mánagötu um eftirmiðsdagsbil í
gær.
Stefán var ekki sjálfur heima
þegar eldurinn kom upp en segir
konu sína hafa gripið barnið í
snarhasti þegar eldsins varð vart
og hlaupið út. „Þá hringdi hún á
Neyðarlínuna og slökkvilið var
komið innan skamms. Því gekk
greiðlega að slökkva eldinn en
hann var mestur í eldhúsinu og
þar urðu töluverðar skemmdir,
sérstaklega vegna sóts, enda íbúð-
in lítil. Ég þarf líklega að rífa eld-
húsinnréttinguna og setja upp
nýja en sérfræðingar segja mér
að mörgum öðrum innanstokks-
munum verði hægt að bjarga
þrátt fyrir reykskemmdir.“
- aöe
Lögfræðingur hunds heldur baráttunni áfram:
Mál Taraks kært til
úrskur›arnefndar
DÝRAHALD Lögfræðingur hunds-
ins Taraks, Jón Egilsson, ætlar
að kæra niðurstöðu Umhverfis-
ráðs í máli hans til úrskurðar-
nefndar um hollustuhætti og
mengunarvarnir. Umhverfisráð
vísaði endurupptöku málsins frá
á fundi sínum í gær, en lögmað-
urinn hafði farið fram á að mál-
ið yrði tekið þar upp öðru sinni.
Mál Taraks hefur gert víð-
reist í borgarkerfinu. Það fór
upphaflega fyrir Umhverfis- og
heilbrigðisnefnd, sem úrskurð-
aði að hundurinn skyldi aflífað-
ur. Ástæðan var sú að í ágúst á
síðasta ári hafði hann glefsað í
stúlkubarn og faðir barnsins
kært til lögreglu. Úrskurðinum
var áfrýjað til umhverfisráðs.
Auk lögfræðiaðstoðar fór hund-
urinn í víðtækt skapgerðarmat
og heilsufarsskoðun hjá sér-
fræðingum. Umhverfisráð úr-
skurðaði að hundurinn, sem er
roskinn Collie-hundur, skyldi fá
að lifa en yrði gerður útlægur úr
Reykjavík, þar sem eigendur
hans búa. Lögmaður hundsins
reyndi að leita sátta í málinu,
meðal annars með endurupp-
töku þess hjá Umhverfisráði.
Því var hafnað í gær, sem fyrr
sagði.
„Þessi niðurstaða er fárán-
leg,“ sagði lögmaðurinn. „Ef
menn myndu líta á málið af
sanngirni, þá ætti hundurinn,
sem á ekki nema 2-3 ár ólifuð, að
fá að vera hjá fjölskyldu sinni,
sem býr við bestu aðstæður. Það
er mannvonska og skilnings-
leysi að ætla að rífa hann í
burtu.“ - jss
STJÓRN FÉLAGS KVENNA Í ATVINNU-
REKSTRI Nýr formaður félagsins er Margrét
Kristmannsdóttir. Hildur Petersen, Sofia
Johnson, María Maríudóttir, Aðalheiður
Karlsdóttir, Katrín Pétursdóttir og Svava
Johansen skipa auk hennar stjórnina.
Félag kvenna í atvinnurekstri:
Nóg a› reka
fyrirtæki
ATVINNULÍF Konur sem reka fyrir-
tæki fá nú aðgang að Félagi
kvenna í atvinnurekstri en áður
þurftu konur bæði að eiga og reka
fyrirtæki til að fá að vera í félag-
inu. Aðalfundur félagsins var
haldinn í síðustu viku og voru þá
samþykktar breytingar á lögum
félagsins.
Í fréttatilkynningu frá félaginu
kemur fram að það hafi sætt
gagnrýni fyrir að setja aðild að
félaginu svo þröngar skorður, en
breytingarnar gera fleiri konum í
áhrifastöðum kleift að gerast
félagar. Félagskonur eru um 380
talsins en gert er ráð fyrir að
þeim fjölgi verulega eftir breyt-
ingarnar. -ht
ÞAGGAÐ NIÐUR
Í MARCO Í
HÉRAÐS-
DÓMI
Fær ekki að
ljóstra
upp um
leyndarmál
Baldvins-
fjölskyldunnar
STARFI
NÁM
S A M H L I Ð A
MARKINU NÁÐ Bjarni Ármannsson, for-
stjóri Íslandsbanka, og Knútur Óskarsson,
formaður Reykjavíkur Maraþons, fagna
samningnum á hlaupum.
LEIÐRÉTTING
Missagt var í blaðinu í gær að lög-
reglan í Vík í Mýrdal hefði þurft að
hafa talsverð afskipti af gestum á
mótorkrossmóti í bænum. Mótið
var haldið á Kirkjubæjarklaustri
og segir lögreglan að ólætin hafi
ekki verið bundin við gesti móts-
ins, heldur og aðra sem leið áttu
um Klaustur um nýliðna helgi.
GREITT ÚR GRÆNFÁNANUM Sigríður Anna greiðir hér úr Grænfánanum með krökkunum í
Andabæ á Hvanneyri.
ENN TEKIST Á UM TARAK Lögmaður Taraks
kveðst ætla að kæra niðurstöðu Umhverf-
isráðs til úrskurðarnefndar. Enn er því ekki
útséð um hvort Tarak og Snædís eigandi
hans verða að skilja.
FRÁ SLYSSTAÐNUM Greiðlega gekk að slökkva eldinn, sem var aðallega í eldhúsi íbúðar-
innar, en reykskemmdir voru töluverðar.