Fréttablaðið - 07.08.2005, Blaðsíða 6

6 7. ágúst 2005 SUNNUDAGUR
Kraftmikill fellibylur fer yfir austurströnd Kína og Shanghai og eykur hættuna á flóðum:
Milljónir Kínverja fl‡ja heimili sín
KÍNA, AP Fellibylurinn Matsa gekk
í gær yfir austurströnd Kína og
þurftu milljónir manna að flýja
heimili sín. Þar af var rúmlega ein
milljón íbúa héraðsins Zhejiang
við austurströnd landsins. Þá hef-
ur öllu millilandaflugi verið aflýst
á Shanghaí-flugvelli.
Fellibylurinn gengur yfir með
sterkum vindum og miklum rign-
ingum sem auka flóðahættu í
hinni 20 milljóna manna borg
Shanghaí og voru götur borgar-
innar nánast mannlausar um
miðjan dag í gær.
Yfirvöld telja að fellibylurinn
geti haft alvarlegri afleiðingar en
fellibylurinn Rananim sem gekk
yfir sama svæði í fyrra en þá fór-
ust 164 og olli fellibylurinn fjár-
tjóni fyrir rúmlega tvo milljarða
Bandaríkjadali.
Miklir vatnavextir eru í ám við
austurströndina og hafa hafnaryf-
irvöld reynt að verjast flóðahætt-
unni með því að lækka vatnsyfir-
borð hjá stíflum til að verja þau
fjörutíu og eitt þúsund skip sem
hafa legu við hafnir á flóðasvæð-
unum. Tveir höfðu látist um miðj-
an dag í gær en búast má við að
fellibylurinn nái hámarki sínu í
dag. - hb
Stökktu til
Rimini
11. eða 18. ágúst
frá kr. 29.990
Verð kr. 29.990 í viku / kr. 39.990 í
2 vikur. Netverð á mann, m.v. hjón með
2 börn, 2-11 ára, í íbúð í 1 eða 2 vikur
(ath. 11. ágúst er aðeins tveggja vikna
dvöl í boði). Flug, skattar, gisting og
íslensk fararstjórn.
Verð kr. 39.990 í viku / kr. 49.990 í
2 vikur. Netverð á mann, m.v. 2 í herber-
gi/stúdíó/íbúð í 1 eða 2 vikur (ath. 11.
ágúst er aðeins tveggja vikna dvöl í
boði). Flug, skattar, gisting og íslensk
fararstjórn.
Síðustu sætin
Heimsferðir bjóða ótrúlegt tilboð til Rimini 11. ágúst í 2
vikur eða 18. ágúst í 1 eða 2 vikur. Njóttu lífsins á þess-
um vinsælasta sumarleyfisstað Ítalíu. Bókaðu sæti og 4
dögum fyrir brottför færðu að vita hvar þú gistir.
Ætlar þú að fljúga milli Íslands og
Bretlands með British Airways?
SPURNING DAGSINS Í DAG:
Styður þú réttindabaráttu
samkynhneigðra?
Niðurstöður gærdagsins á visir.is
43%
57%
Nei
Já
Farðu inn á fréttahluta visir.is
og segðu þína skoðun
KJÖRKASSINN
DIMMT YFIR
Það var dimmt yfir í borginni Hangzhou
þar sem fellibylurinn Matsa gekk yfir í gær.
HIROSHIMA, AP Japanar minntust
þess í gær að 60 ár eru liðin frá
því að fyrsta kjarnorkusprengj-
an, sem notuð var í hernaði,
sprakk yfir borginni Hiroshima.
Klukkan 8.15, þann 6. ágúst árið
1945, varpaði bandaríska her-
flugvélin Enola Gay sprengjunni
á borgina. Hún sprakk um hálf-
um kílómetra fyrir ofan hana
með þeim afleiðingum að 140
þúsund manns létust og borgin
varð ein rjúkandi rúst. Alls
bjuggu 350 þúsund manns í
borginni á þessum tíma.
Þremur dögum síðar vörpuðu
Bandaríkjamenn annarri kjarn-
orkusprengju á borgina Naga-
saki með þeim afleiðingum að
um 80 þúsund manns létust. 15.
ágúst árið 1945 gáfust Japanar
upp og seinni heimsstyrjöldinni
var þar með lokið.
Junichiro Koizumi, forsætis-
ráðherra Japans, ávarpaði um 55
þúsund manns sem tóku þátt í
minningarathöfinni í gær. Hann
vottaði hinum látnu virðingu
sína og sagði Japana ætla að
vera leiðandi afl í baráttunni
gegn kjarnorkuhernaði.
Tadatoshi Akiba, borgarstjóri
Hiroshima, var ómyrkur í máli.
Hann bað kjarnorkuveldin að
eyða vopnum sínum. Í ræðu
sinni beindi hann spjótum sínum
helst gegn Bandaríkjamönnum
og Rússum sem hann sagði vera
að stofna mannlegri tilveru í
hættu með stefnu sinni í kjarn-
orkumálum.
Gærdagurinn var tilfinninga-
þrunginn í Hiroshima. Fjöldi
friðarsinna hrópaði slagorð gegn
kjarnorkuveldunum. Eitt þúsund
friðardúfum var sleppt við
Atómhvelfinguna svokölluðu, en
það er bygging sem lagðist í rúst
við sprenginguna og hefur verið
varðveitt þannig. Byggingin er á
heimsminjaskrá UNESCO. Þá
fleyttu tugir þúsunda manna
ljóskerjum eftir á sem rennur í
gegnum borgina. Ljóskerin eiga
að tákna sálir þeirra sem létust í
sprengingunni.
Þótt talið sé að um 140 þúsund
manns hafi látist strax eða
nokkrum mánuðum eftir að
sprengingin varð er tala fórnar-
lambanna mun hærri í dag.
Japönsk stjórnvöld telja nú að
ríflega 240 þúsund manns hafi
látist vegna sprengingarinnar. Á
hverju ári bætist við þessa tölu
því þeir sem látast, til dæmis, af
völdum krabbameins sem rekja
má til geislavirkninnar sem varð
þegar sprengjan sprakk, eru
taldir til fórnarlamba árásarinn-
ar.
Í dag búa nærri þrjár milljón-
ir manna í Hiroshima.
trausti@frettabladid.is
Gærdagurinn var tilfinningaflrunginn í borginni Hiroshima í Japan. Um 55
flúsund manns minntust fless a› sextíu ár er li›in frá flví a› kjarnorkusprengj-
unni var varpa› á borgina. Borgarstjórinn í Hiroshima var ómyrkur í máli.
Sextíu ár frá kjarnorku-
árásinni á Hiroshima
8.15 Ungur Japani gengur framhjá mynd sem sýnir klukku sem stöðvaðist þegar
sprengjan féll á borgina.
HORFT Á RÚSTIRNAR Ferðamaður horfir á mynd sem tekin var skömmu eftir að kjarnorkusprengjunni var varpað á borgina Hiroshima.
AMERICAN DAD
MÁNUDAGA KL. 21:00