Fréttablaðið - 23.08.2005, Blaðsíða 2

2 23. ágúst 2005 ÞRIÐJUDAGUR
Rannsókn á flugslysinu í Grikklandi:
Skortur á súrefni og eldsneyti olli slysinu
AÞENA, AP Fall á loftþrýstingi og
eldsneytisskortur varð til þess að
kýpversk flugvél missti afl og
hrapaði norður af Aþenu í Grikk-
landi fyrr í mánuðinum. 121 far-
þegi og áhöfn létust í slysinu.
Þetta kom fram í skýrslu
grískrar rannsóknarnefndar sem
kannar tildrög slyssins. Skýrslan
skýtur stoðum undir þær kenn-
ingar sem fram hafa komið um
slysið, að farþegar og áhöfn hafi
misst meðvitund vegna þess að
loftþrýstingur féll í vélinni og að
einhver hafi reynt að bjarga vél-
inni skömmu áður en hún fórst.
Daginn sem vélin hrapaði
höfðu tvær herþotur flogið upp að
henni til þess að athuga hvort eitt-
hvað væri að því allt samband við
vélina hafði rofnað. Sögðust flug-
menn herþotnanna hafa séð að
aðstoðarflugmaður farþegavélar-
innar hefðu verið í öngviti og flug-
maðurinn hvergi verið sjáanlegur.
Þeir sáu jafnframt súrefnisgrím-
ur hangandi í farþegarýminu.
Líkamsleifar 118 farþega og
áhafnar hafa fundist en þrír eru
enn ófundnir. - sda
Umhverfisstofnun sendir ráðherra tillögur að veiðistjórnun á rjúpu:
Mega skjóta en banna› a› selja
RJÚPNAVEIÐAR Umhverfisstofnun
hefur sent umhverfisráðherra til-
lögur að veiðistjórnun á rjúpu
þegar veiðar mega hefjast að nýju
í haust eftir tveggja ára alfriðun.
Tillögurnar byggjast á því mati
Náttúrufræðistofnunar Íslands að
veiðiþol rjúpnastofnsins verði 70
þúsund rjúpur í haust og miða til-
lögurnar að því að leyfa veiði-
mönnum að skjóta hóflegt magn
en sporna gegn atvinnuveiðum.
Endanlegrar reglugerðar um-
hverfisráðherra um rjúpnaveiðar
er að vænta um næstu mánaða-
mót.
Umhverfisstofnun leggur til að
sett verði sölubann á rjúpur og
rjúpnaafurðir og veiðitímabilið
verði stytt úr 69 dögum í 28 daga.
Samkvæmt tillögunum hefst
veiðitímabilið 19. október og
stendur til 3. desember en ekki
má veiða á sunnudögum, mánu-
dögum og þriðjudögum.
Enn fremur leggur Umhverfis-
stofnun til að hrint verði af stað
hvatningarátaki svo veiðimenn
gæti hófs og skjóti ekki meira en
tíu til fimmtán rjúpur á veiðitíma-
bilinu, og rjúpa verði áfram frið-
uð á Reykjanesskaga. - kk
Óhæfur til yfirheyrslu
Ekki liggur enn fyrir hvort ma›urinn sem gruna›ur er um a› hafa or›i› tví-
tugum manni a› bana í húsi vi› Hverfisgötu á laugardag hafi játa› verkna›-
inn. Ástand hans er me› fleim hætti a› ófært hefur veri› a› yfirheyra hann.
LÖGREGLA Lögreglan í Reykjavík
vill ekkert segja til um hvort
maðurinn sem grunaður er um
morð á tvítugum manni í heima-
húsi við Hverfisgötu í Reykjavík
um helgina hafi játað verknað-
inn. Hinn grunaði var úrskurðað-
ur í tíu daga gæsluvarðhald af
Héraðsdómi Reykjavíkur á laug-
ardag og ætlar ekki að kæra úr-
skurðinn til Hæstaréttar.
Að sögn Ómars Smára Ár-
mannssonar, aðstoðaryfirlög-
regluþjóns hjá lögreglunni í
Reykjavík, stóð til að yfirheyra
hinn grunaða um helgina en
ástand hans var með þeim hætti
að erfitt var að yfirheyra hann.
Honum var gefinn tími til að
hvíla sig og stóð til að yfirheyrsl-
ur yfir honum færu fram í gær.
Að sögn Ómars Smára er málið
enn í rannsókn og segir hann að
ekki sé hægt að veita frekari
upplýsingar um framgang rann-
sóknarinnar þar sem það varði
hagsmuni rannsóknar af þessu
tagi og muni lögreglan halda
rannsókn málsins áfram með
hefðbundnum hætti.
Lögreglunni í Reykjavík barst
tilkynning snemma á laugar-
dagsmorgun um að maður hefði
verið stunginn í heimahúsi við
Hverfisgötu í Reykjavík. Þegar
lögregla kom á staðinn var ljóst
að maðurinn hafði verið stunginn
í hjartastað og hófust endurlífg-
unartilraunir þegar í stað. Þær
báru ekki árangur og lést maður-
inn skömmu síðar. Lagt var hald
á hníf í íbúðinni sem talinn er
vera morðvopnið.
Þrír karlmenn og ein kona, sem
öll voru í íbúðinni, voru handtekin
á staðnum og færð til yfirheyrslu,
grunuð um að vera völd að dauða
mannsins. Þau voru öll í annar-
legu ástandi. Þeim var sleppt
síðar um kvöldið. Einn til viðbótar
var svo handtekinn á laugardag
en sleppt daginn eftir.
Einn þessara manna var úr-
skurðaður í gæsluvarðhald síð-
degis á laugardaginn en hann var
gestur í húsinu eins og fórnar-
lambið.
Að sögn Ómars Smára verður
yfirheyrslum haldið áfram
næstu daga þar til tildrög morðs-
ins skýrast en allt eins má búast
við að þau sem þegar hafa verið
færð til yfirheyrslu verði yfir-
heyrð nánar um tildrög atburðar-
ins. hjalmar@frettabladid.is
RANNSAKA DAUÐA MENEZES Ráðgjafar
brasilísku ríkisstjórnarinnar komu til Lund-
úna í gær.
Embættismenn til Lundúna:
Yfirheyra rann-
sóknarnefnd
LUNDÚNIR, BBC Tveir háttsettir
brasilískir embættismenn komu til
Lundúna í gær til að yfirheyra
rannsóknarnefndina sem rannsak-
ar drápið á Jean Charles de
Menezes.
Lögreglumenn skutu hinn 27 ára
Brasílíumann til bana á lestarstöð í
Lundúnum í júlí því þeir héldu að
hann væri hryðjuverkamaður.
Skýrsla sem rannsóknarnefndin
hefur unnið lak í fjölmiðla fyrir
skemmstu en í henni kom fram að
fullyrðingar lögreglu um tildrög
málsins væru ekki í samræmi við
framburð vitna og myndir úr eftir-
litsmyndavélum. ■
HÁTÍÐLEG ATHÖFN Á BESSASTÖÐUM Ólaf-
ur Ragnar Grímsson forseti, Václav Klaus,
forseti Tékklands, og Livia Klausová og
Dorrit Moussaieff forsetafrúr ræða við börn
á Bessastöðum.
Forseti Tékklands:
Kynnti sér
orkusöguna
STJÓRNMÁL Václav Klaus, forseti
Tékklands, byrjar daginn í dag á
því að funda með Halldóri Ás-
grímssyni forsætisráðherra áður
en haldið verður til Nesjavalla-
virkjunar og Þingvalla klukkan
tíu. Opinber heimsókn Klaus og
eiginkonu hans, frú Liviu
Klausová, hófst í gærmorgun með
hátíðlegri athöfn á Bessastöðum.
Í gær ræddi Klaus við Ólaf
Ragnar Grímsson, forseta Ís-
lands, átti fund með Steinunni
Valdísi Óskarsdóttur, borgar-
stjóra Reykjavíkur, og kynnti sér
áfanga í orkusögu þjóðarinnar
auk hugmynda um nýtingu vetnis
á fundi í höfuðstöðvum Orkuveitu
Reykjavíkur. - óká
Ertu hungraður
í breytingar
SPURNING DAGSINS
Georg, eru› fli› papparassar?
„Ef það hentar okkur þá getum við vel
verið það.“
Starfsmaður Landhelgisgæslunnar ljósmyndaði
varðskip á tökustað Flags of Our Fathers við litla
hrifningu kvikmyndagerðarmannanna. Pappa-
rassar (paparazzi) eru ljósmyndarar sem leitast
við að mynda frægt fólk án samþykkis þess.
Georg Lárusson er forstjóri Landhelgisgæslunnar.
VETTVANGUR MORÐSINS Tuttugu ára gömlum manni var ráðinn bani í þessu húsi við
Hverfisgötu á laugardagsmorgun.
FR
ÉT
TA
B
LA
Ð
IÐ
/E
.Ó
L.
Morðið á Gísla Þorkelssyni:
Réttarhöldum
fresta›
DÓMSMÁL Héraðsréttur í Boksburg
frestaði í gær máli yfir parinu sem
grunað er um að hafa myrt Gísla
Þorkelsson í Suður-Afríku. Þau
Willie Theron, 28 ára, og Desiree
Oberholzer, 43 ára, eiga að mæta
aftur fyrir rétt 5. september.
Þetta kemur fram á suður-
afríska vefritinu Independent
Online. Þar kemur einnig fram að
Theron mun fara fram á að vera
sleppt úr varðhaldi gegn tryggingu.
Lík Gísla fannst 10. júlí falið í
tunnu sem fyllt hafði verið með
steypu þannig að aðeins sá í fætur
þess. Hann hafði verið skotinn í
höfuðið. - ss
FR
ÉT
TA
B
LA
Ð
IÐ
/G
VA
BRAK KÝPVERSKU FLUGVÉLARINNAR SEM
FÓRST Á GRIKKLANDI Talið er að fall á
loftþrýstingi og eldsneytisskortur hafi vald-
ið því að flugvélin hrapaði með þeim af-
leiðingum að 121 farþegi og áhöfn létu
lífið fyrr í mánuðinum.
FR
ÉT
TA
B
LA
Ð
IÐ
/K
R
IS
TJ
ÁN
RJÚPUR Í KJARNASKÓGI Í rjúpnatalningu Náttúrufræðistofnunar Íslands síðastliðið vor
kom í ljós að stofninn hefur meira en þrefaldast að stærð á undanförnum tveimur árum.
NOREGUR
STJÓRNIN FALLIN
Þegar þrjár vikur eru til kosn-
inga benda sumar skoðanakann-
anir í Noregi til þess að stjórnin
sé fallin. Ný könnun sjónvarps-
stöðvarinnar TV 2 sem birt var í
gærkvöldi leiðir í ljós að Kristi-
legi þjóðarflokkurinn er að bæta
við sig mestu fylgi, um tveimur
prósentum, meðan vinstriflokkar
missa mest.
Landnemabyggðir Ísraela:
Brottflutningi
loki› á Gaza
ÍSRAEL, AP Brottflutningi landnema
gyðinga á Gaza lauk í gær, en Ísra-
elsher mætti ekki andstöðu þegar
farið var inn í Netzarim, síðustu
landnemabyggðina, síðdegis í gær.
Landnemarnir kvöddu með tár-
um og voru svo fluttir á braut í
brynvörðum bílum. Þar með lauk
um fjörutíu ára landnámi á svæð-
inu, en byggðirnar hafa verið taldar
draga úr friðarhorfum í Miðaustur-
löndum. Í tilefni dagsins hringdi
Mahmoud Abbas, leiðtogi Palestínu-
manna, í Ariel Sharon, forsætisráð-
herra Ísraels, og ræddust þeir við í
um fimm mínútur. Samtal þeirra er
það fyrsta í tvo mánuði. Báðir hétu
þeir því að vinna áfram að friði. ■