Fréttablaðið - 23.08.2005, Blaðsíða 13
ÞRIÐJUDAGUR 23. ágúst 2005 13
ESB styrkir:
Íslensk verkefni
fá 80 milljónir
STARFSMENNTUN Þrjú íslensk verk-
efni fá samtals um áttatíu millj-
ónir í styrk frá Leonardo Da
Vi n c i - s t a r f s m e n n t a á æ t l u n
Evrópusambandsins. Sjö
íslenskir aðilar sóttu um. Þeir
sem fá styrkina eru Landbúnað-
arháskólinn á Hvanneyri,
Fræðslumiðstöð atvinnulífsins
og Verslunarmannafélag
Reykjavíkur.
Markmið Leonardo-áætlunar-
innar, sem fór af stað árið 1995,
er að ýta undir ný viðhorf í
stefnumótun og geta af sér nýj-
ungar í starfsmenntun atvinnu-
lífs og menntakerfis.
- grs
BASRA, AP Flugvél frá útlöndum
lenti í fyrsta skipti í fimmtán ár í
Basra, nærststærstu borg Íraks, í
gær en þá komst millilandaflug á að
nýju eftir langt hlé, við mikinn
fögnuð heimamanna, að því er AP-
fréttastofan skýrir frá.
Flugsamgöngur hafa verið milli
Basra og Bagdad, en 550 kílómetrar
eru milli borganna. Vélin, sem er í
eigu Phoenix Air-flugfélagsins, kom
frá Dubai með 22 farþega en félagið
áætlar að fljúga tvisvar í viku milli
Dubai og Basra.
Millilandaflug lagðist af 1990
eftir að Sameinuðu þjóðirnar settu
viðskiptabann á Írak í kjölfar inn-
rásar Íraka í Kúvæt. Stefnt hefur
verið að því að opna að nýju milli-
landaflugvelli víðs vegar um Írak
eftir að ríkistjórn Saddams
Hussein var komið frá. Stjórnend-
ur flugfélaga hafa hins vegar verið
hikandi við að fljúga til landsins
vegna þess að árásir hafa verið
gerðar á flugvélar sem taka á loft
eða lenda á alþjóðlega flugvellin-
um í Bagdad. Þá er tryggingargjald
á flugvélum sem fljúga til og frá
Írak í hærri kantinum. - sda
Millilandaflug að nýju til Basra í Írak:
Fyrsta farflegaflugi›
flanga› í fimmtán ár
FYRSTA MILLILANDAFLUGIÐ TIL BASRA Í 15 ÁR Farþegar ganga út úr fyrstu útlensku flugvél-
inni sem lendir í Basra, næststærstu borg Írak, í fimmtán ár. Millilandaflug lagðist af 1990
eftir að Sameinuðu þjóðirnar settu viðskiptabann á Írak í kjölfar innrásar Íraka í Kúvæt.
HANDRIT SNILLINGSINS Það ber heitið
„Skammtafræði einatóma kjörgass“.
Uppkast eftir Einstein:
Stúdent fann
handriti›
AMSTERDAM, AP Handrit að ritgerð
sem Albert Einstein birti árið 1925
fannst í skjalasafni Leiden-háskóla
í Hollandi á dögunum.
Titill handritsins er „Skammta-
fræði einatóma kjörgass“, en þar
er því haldið fram að við alkul
minnki orka frumeinda sumra gas-
tegunda svo mikið að þær þjappi
sér saman í einn stóran klump.
Handritið er vel með farið en
meistaranemi í eðlisfræði við skól-
ann fann það þegar hann leitaði að
heimildum í ritgerð sína.
Einstein kom oft til Leiden á
þriðja áratugnum en þar bjó
vinur hans Paul Ehrenfest eðlis-
fræðingur. ■
Saklausir fangar:
Fá engar bætur
LOUISVILLE, AP Fangar í Bandaríkj-
unum sem hafa ranglega verið
dæmdir fyrir glæpi sem þeir
frömdu ekki eiga í miklum erfið-
leikum með að sækja bætur frá
ríkinu.
Um 160 föngum hefur verið
sleppt úr haldi vegna nýrra DNA-
rannsókna sem leiddu í ljós að
þeir gátu ómögulega hafa framið
glæpinn sem þeir voru dæmdir
fyrir. Aðeins sautján þeirra hafa
fengið greiddar bætur frá yfir-
völdum vegna mistakanna. ■
LÖGREGLUFRÉTTIR
MEIDDIST Í BAKI Í BÍLVELTU
Flytja þurfti bandarískan ferða-
mann með sjúkrabíl til Reykja-
víkur snemma í gærmorgun
vegna bakmeiðsla sem hann hlaut
þegar bifreið sem hann ók valt í
Eldhrauni, skammt vestan
Kirkjubæjarklausturs. Tveir
voru í bifreiðinni, sem talin er
ónýt eftir slysið.
ÆÐARKOLLUR DREPNAR Í
VOPNAFIRÐI Lögreglan á Akur-
eyri yfirheyrði tvo menn sem
grunaðir eru um að hafa drepið
sjö æðarkollur við Straumeyrar-
brú við Nípslón í Vopnafirði í
fyrradag. Æðarvarpið er friðlýst
og hafði bóndinn sem þar býr
fyrr um daginn sleppt nokkrum
ungum sem aldir höfðu verið
heima. Urðu þeir fyrir barðinu á
mönnunum.