Fréttablaðið - 23.08.2005, Blaðsíða 6

6 23. ágúst 2005 ÞRIÐJUDAGUR
Sameining níu sveitarfélaga við Eyjafjörð:
Sveitarstjórnarmönnum
fækkar úr 65 í fimmtán
KOSNINGAR Verði sameining níu
sveitarfélaga við Eyjafjörð sam-
þykkt í sameiningarkosningun-
um 8. október næstkomandi mun
sveitarstjórnarmönnum á svæð-
inu fækka úr 65 í fimmtán. Í stað
átta bæjar- og sveitarstjóra, auk
eins starfandi oddvita, verður
einn bæjarstjóri og nefndarsæt-
um mun fækka um hálft fjórða
hundrað. Töluverður fjárhags-
legur ávinningur verður af
fækkun kjörinna fulltrúa og
fækkun nefndarsæta. Þó segir í
skýrslu vinnuhóps um stjórn-
sýslu í sameinuðu sveitarfélagi
að fjarlægð milli íbúa og yfir-
stjórnar muni aukast, bæði í eig-
inlegri og óeiginlegri merkingu,
og það geti skapað lýðræðishalla.
Því sé nauðsynlegt að grípa til
ráðstafana til að mæta auknum
kröfum almennings um samráð
og íbúalýðræði.
Vinnuhópurinn leggur til ýms-
ar leiðir til að ná fram íbúalýð-
ræði og gagnvirkum samskipt-
um og í því sambandi er meðal
annars lögð áhersla á að nýtt
sveitarfélag notfæri sér
tækninýjungar til rafrænna sam-
skipta. - kk
F-listinn ályktar um flugvallarmálið:
Ber a› athuga flugvöll
á Lönguskerjum
SAMGÖNGUR „Við telj-
um að það sé hags-
munamál jafnt fyrir
landsbyggðina og
höfuðborgarsvæðið
að það sé flugvöllur á
höfuðborgarsvæðinu
og við erum því al-
farið á móti því að
flytja hann til Kefla-
víkur,“ segir Ólafur F.
Magnússon, borgar-
fulltrúi F-listans, um
framtíð Reykjavíkur-
flugvallar.
Honum finnst koma til
greina að byggja nýjan flugvöll
á landfyllingu á Lönguskerjum.
„Hingað til hefur sjávarselta
og sjávargangur verið talin
hindrun fyrir flugvöll á Löngu-
skerjum en ef svo er
ekki væri af því
mikill ávinningur að
flytja völlinn þangað.
Af því hlýst annars
vegar að flug yfir
miðborginni leggst af
og svo verður til
byggingarsvæði í
Vatnsmýrinni. En
þetta þarf að hugsa í
samhengi við veg-
samgöngur því það
þurfa að fara saman
samgöngur í lofti og á
láði. Þannig kallar byggð í
Vatnsmýri á vegtengingu til
suðurs yfir Skerjafjörð sem líta
mætti á sem nokkurs konar
Sundabraut til suðurs,“ segir
Ólafur. - hb
Fræ›imenn sinna ekki
rannsóknaskyldu
N‡ úttekt lei›ir í ljós a› fjór›ungur fræ›imanna sem er í fullu starfi vi›
Háskóla Íslands er nánast óvirkur í rannsóknum. Höfundur úttektarinnar
telur ekki tiltökumál a› setja kröfur um lágmarksafköst flessara starfsmanna.
RANNSÓKNIR Fjórðungur fræði-
manna í fullu starfi við Háskóla
Íslands er nánast óvirkur í rann-
sóknum. Þetta kemur fram í út-
tekt um gæði rannsókna við skól-
ann. Launakerfi fræðimanna er
afkastahvetjandi og þeir hafa
skyldu til að verja 43 prósentum
af tíma sínum til rannsókna en
engar lágmarkskröfur eru gerð-
ar um árangur. Elstu og yngstu
fræðimennirnir eru síst virkir,
en þeir síðarnefndu hófu margir
hverjir störf meðan minni
áhersla var lögð á rannsóknir.
„Skólinn er með afar gott
kerfi til að meta árangur í
fræðastörfum,“ segir Inga Dóra
Sigfúsdóttir, sem er doktor í
félagsfræði við Háskólann í
Reykjavík og aðalhöfundur út-
tektarinnar. „Það á vera auðvelt
að setja kröfur um lágmarks-
afköst,“ segir Inga Dóra. Hún
getur ekki séð að það séu
kennsla eða stjórnunarstörf
fræðimanna sem taki tíma frá
rannsóknum. „Þvert á móti. Þeir
sem eru virkir í stjórnun og
kennslu virðast oft vera með
þeim virkustu í rannsóknum.“
Í skýrslunni er bent á fjölda-
mörg fleiri atriði og ýmsar
ábendingar og hugmyndir settar
fram. „Það þarf að taka allt fjár-
veitingakerfi til rannsókna í há-
skólastarfi til endurskoðunar,“
segir Inga Dóra. Fastar fjárveit-
ingar sem háskólinn fær til rann-
sókna taka ekki mið af árangri.
„Það vantar hvata fyrir stofnanir
til að ná árangri í rannsóknum.“
Hún telur of mikið af rannsókn-
arfé eyrnamerkt stofnunum eða
verkefnum og segir að frekar
ætti að notast við samkeppnis-
sjóði.
Í úttektinni er lagt til að kom-
ið verði á einum rannsóknarsjóði
fyrir alla háskóla, stofnanir,
fyrirtæki og einstaklinga þar
sem úthlutað yrði eftir gæðum
rannsókna og frammistöðu um-
sækjenda. „Samkeppni er holl og
heilbrigð og kemur vísindastofn-
unum og samfélaginu til góða.
Við eigum að tryggja það að
Háskólinn geti tekið þátt í henni.
Háskólar ættu almennt að fá
góða grunnfjármögnun frá
ríkinu, en rannsóknarfjármagn
umfram hana ætti fyrst og
fremst að koma úr slíkum sam-
keppnissjóðum.“
Ekki náðist í Kristínu Ingólfs-
dóttur rektor. grs@frettabladid.is
MINNIST STRÍÐSLOKA Karl Bretaprins legg-
ur blómsveig við minnismerki um lok síð-
ari heimsstyrjaldar í Whitehall í Lundúnum.
Minningarathöfn í Lundúnum:
Minntist loka
heimsstyrjaldar
MINNINGARATHÖFN Karl Bretaprins
fór í fyrradag fyrir hátíðlegri at-
höfn til að minnast þess að sextíu
ár eru liðin frá því að Japan gafst
upp í síðari heimsstyrjöldinni en
það markaði einnig lok hennar.
Athöfnin var tileinkuð þeim her-
mönnum sem börðust fyrir hönd
Breta í Austurlöndum fjær.
Hundruð uppgjafarhermanna
fylgdust með þegar Karl lagði
blómsveig að minnismerki um
stríðslokin í miðborg Lundúna.
Um þrjátíu þúsund breskir
hermenn létust í átökum í Austur-
löndum fjær í síðari heimsstyrj-
öldinni og um hundrað þúsund til
viðbótar í fangabúðum. - sgi
SAMKOMUHÚSIÐ Skoðunarmenn Frum-
herja töldu gamlan ljósabúnað á sviði
Samkomuhússins varhugaverðan og því
verður hann endurnýjaður.
Húsnæði Leikfélags Akureyrar:
Athugasemdir
vi› rafmagn
ÖRYGGI Stjórn fasteigna Akureyrar-
bæjar hefur samþykkt að ráðist
verði í endurbætur á gömlum ljósa-
búnaði á sviði Samkomuhússins á
Akureyri í kjölfar athugasemda frá
Frumherja skoðunarstofu. Áætlað-
ur kostnaður er 1,5 milljón króna
og segir Magnús Geir Þórðarson,
leikhússtjóri Leikfélags Akureyr-
ar, að áhorfendur verði ekki varir
við breytingarnar heldur sé ein-
göngu um öryggismál að ræða er
snúi að starfsmönnum hússins.
„Engar athugasemdir voru gerðar
við frágang rafmagns í húsinu að
öðru leyti,“ segir Magnús. - kk
Var Menningarnótt vel heppnuð?
SPURNING DAGSINS Í DAG:
Er FH-liðið besta fótboltalið
Íslandssögunnar?
Niðurstöður gærdagsins á visir.is
41%
59%
Nei
Já
Farðu inn á fréttahluta visir.is
og segðu þína skoðun
KJÖRKASSINN
M
YN
D
/A
P
FR
ÉT
TA
B
LA
Ð
IÐ
/K
R
IS
TJ
ÁN
Taílenskt grænmeti:
Innflutnings-
bann skolli› á
HEILBRIGÐISMÁL Umhverfisráðu-
neytið hefur tímabundið bannað
innflutning á ákveðnum tegundum
fersks og frosin grænmetis frá
Taílandi. Um er að ræða nokkrar
ferskar kryddjurtir, bananalauf,
bambuslauf, rætur og aspas.
Ákvörðunin kemur í kjölfar salmon-
ellumengunar í vörunum.
„Innflutningur á þessum vörum
er þó heimill ef innflytjandi fram-
vísar vottorði frá viðurkenndri
rannsóknastofu til Umhverfisstofn-
unar um að varan innihaldi ekki
salmonellu og að örveruástand
hennar sé að öðru leyti ásættan-
legt,“ segir í tilkynningu umhverfis-
ráðuneytisins. - óká
HÁSKÓLI ÍSLANDS Skýrsluhöfundur telur að taka þurfi fjárveitingakerfi til rannsókna í
háskólastarfi til endurskoðunar.
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/K
R
IS
TJ
ÁN
FRÁ AKUREYRI Sameinist níu sveitarfélög
við Eyjafjörð verða íbúar nýs sveitarfélags
um 23 þúsund talsins og ríflega 70 pró-
sent þeirra munu búa á Akureyri.
ÓLAFUR F. MAGNÚSSON
Borgarfulltrúi F-listans.
Á SLYSSTAÐ Á REYKJANESBRAUT Blautur
vegurinn var talinn hafa leitt til þess að
ökumaður annars bílsins missti stjórn á
honum.
Árekstur á Reykjanesbraut:
Stjórnlaus á
blautum vegi
LÖGREGLA Mildi þykir að fólk slapp
lítið meitt eftir harðan árekstur
fólksbíls og jeppa á Reykjanes-
braut nokkru fyrir klukkan þrjú
síðdegis í gær. Fólksbifreiðin fór
nánast í tvennt við áreksturinn.
Bílnum ók ung kona og í aftursæti
var þriggja mánaða gamalt barn.
Lögreglan í Keflavík segir öku-
mann jeppans einnig lítið meidd-
an, en bílarnir eru taldir ónýtir.
Nokkrar tafir urðu á umferð
vegna slyssins. Lögregla segir
ökumann fólksbifreiðarinnar hafa
misst stjórn á henni í bleytu eftir
að hafa farið út á vegöxlina fram-
hjá kyrrstæðum bíl sem öku-
maður ætlaði að beygja inn á
Njarðvíkurveg. Fólksbíllinn lenti
þversum framan á jeppanum, sem
var á suðurleið. - óká
M
YN
D
/V
ÍK
U
R
FR
ÉT
TI
R
Svínapest í Kína:
Hafa ná› tökum
á sjúkdómnum
KÍNA Yfirvöld í Kína segjast hafa
náð stjórn á sjúkdómi sem dreg-
ið hefur 38 til dauða í suðvestur-
hluta landsins.
Sjúkdómurinn, sem barst frá
svínum, olli nokkrum heilabrot-
um þegar hann kom fyrst fram.
Talið er að baktería af streptó-
kokkaætt hafi orsakað sýking-
arnar en fyrir utan þá sem lét-
ust sýktust um 200 af bakterí-
unni.
Í öllum tilfellum var hægt að
rekja sjúkdóminn til þess að
fólk hafði umgengist veik svín
eða hrátt svínakjöt. Ekkert
dæmi er um að veikin hafi
borist á milli manna. - sgi