Fréttablaðið - 07.11.2005, Side 80

28 7. nóvember 2005 MÁNUDAGUR
sport@frettabladid.is
Kylfingurinn Birgir Leifur Hafþórsson
frá Akranesi er búinn að tryggja sér
þáttökurétt á lokaúrtökumóti fyrir
Evrópumótaröðina en tæpt stóð það.
Birgir lenti nefnilega í kröppum dansi
á úrtökumóti í Katalóníu um helgina
og hann var tveim höggum frá því að
komast áfram fyrir síðasta daginn. Það
var því lítið annað í spilunum hjá Birgi
en að spila ákveðið golf síðasta daginn
og það gerði hann.
Með mikilli baráttu tókst Birgi Leifi
að tryggja sér umspil ásamt átta öðrum
kylfingum en fjórir af þeim komust síðan
áfram. Birgir Leifur fór fyrstu holuna í
umspilinu á einu undir pari og hann var
því kominn áfram en hann fór annars
lokahringinn á 72 höggum eða á sléttu
pari.
„Þetta var svakaleg dramatík og það
var gaman að takast á við það. Sér-
staklega þar sem þetta fór allt
svona vel í lokin. Þetta var vissu-
lega góð reynsla fyrir mig,“ sagði
Birgir Leifur í samtali við Frétta-
blaðið frá flugvellinum í Barce-
lona í gær. Hann heldur næst til
Malaga þar sem síðasta úrtöku-
mótið fyrir Evrópumótaröðina
hefst á fimmtudag en á
því móti hefur Birgir
Leifur ansi oft komist
nálægt því að trygg-
ja sér keppnis-
rétt á Evrópu-
mótaröðinni.
„Þetta er síðasta
tækifæri fyrir kylf-
inga til að komast inn á Evróputúrinn,“
sagði Birgir Leifur en þrjátíu kylfing-
ar munu ganga frá mótinu um
næstu helgi með farmiða
á Evróputúrinn en rúmlega
160 kylfingar taka þátt í
mótinu þannig að það verður án
vafa við ramman reip að draga.
„Það verður hart barist en
ég tel mig eiga ágæta möguleika.
Það er hið fræga dagsform sem
ræður því hvort maður
komist áfram. Ég er í
þokkalegu formi og
mæti fullur sjálfs-
trausts á mótið,“
sagði Birgir Leifur
Hafþórsson.
BIRGIR LEIFUR HAFÞÓRSSON: KOMST MEÐ BARÁTTU Í GEGNUM ÚRTÖKUMÓT Á SPÁNI
Þetta var svakaleg dramatík
> Þórarinn til Keflavíkur
Knattspyrnumaðurinn Þórarinn Kristj-
áns- son mun að öllum líkindum
skr- ifa undir samning við
uppeldisfélag sitt, Kefla-
vík, í vikunni. Þórarinn
hefur verið í viðræðum
vð Grindavík og Keflavík
síðustu vikur en Grind-
víkingar hafa slitið
viðræðunum þar sem
þeir sáu sér ekki fært
að mæta launakröf-
um Þórarins sem
ku vera af dýrari
gerðinni. Keflvíking-
ar hafa aftur á móti
enn mikinn áhuga
á að fá Þórarinn
í sínar raðir og
þeir virðast vera
eina félagið sem er
á höttunum eftir Þórarni
í dag.
Sagan endalausa
Víkingar hafa enn ekki leyst mál þeirra
Grétars Sigfinns Sigurðssonar og Viktors
Bjarka Arnarssonar. Grétar er enn ekki
farinn að æfa með Víkingum og segir
sagan að enn sé langt í land í viðræðum
hans og Víkings og ekki loku fyrir það
skotið að hann endi á Hlíðarenda eftir
allt saman.
FÓTBOLTI „Gagnrýnin sem við leik-
menn höfum orðið fyrir að undan-
förnu fékk okkur til þess að skerpa
á einbeitingunni fyrir leikinn og
þessi sigur var að mínu mati fylli-
lega verðskuldaður. Við sýndum
úr hverju leikmenn Manchester
United eru gerðir,“ sagði Alan
Smith, leikmaður Man. Utd., eftir
að liðið lagði Chelsea að velli, 1-0,
í ensku úrvalsdeildinni.
Skoski landsliðsmaðurinn
Darren Fletcher skoraði sigur-
markið í leiknum á 31. mínútu með
laglegum skalla. Jafnræði var með
liðunum framan af en barátta og
dugnaður leikmanna Manchester
United var mun meiri heldur en
í undanförnum leikjum og gekk
leikmönnum Chelsea afar illa að
skapa góð marktækifæri.
Eiður Smári Guðjuhnsen kom
inn á í byrjun seinni hálfleiks
fyrir Mickael Essien og lét mikið
að sér kveða. Með tilkomu Eiðs
gekk Chelsea betur að halda bolt-
anum innan liðsins og gerði liðið
harða hríða að marki Manchest-
er United síðustu mínúturnar, en
tókst þó ekki skora.
Alex Ferguson, knattspyrnu-
stjóri Manchester United, var
ánægður eftir leikinn og sagði
leikmenn sína hafa svarað gagn-
rýninni sem þeir hafa orðið fyrir
að undanförnu með réttum hætti.
„Ég hef fundið vel fyrir pressunni
að undanförnu, en hún hefur samt
ekkert verið meiri en undanfar-
in ár. Manchester United er stórt
félag og það er alltaf mikil pressa,
en auðvitað eykst hún ef árang-
urinn er ekki nægilega góður.
Nú verðum við að komast á skrið
og ég tel okkur eiga möguleika á
sigri í deildinni ennþá.“
José Mourinho, knattspyrnu-
stjóri Chelsea, var rólegur í leiks-
lok. „Ég hef ekki áhyggjur þó við
höfum tapað þessum leik. Það býr
mikið í mínu liði og mér fannst við
eiga skilið að fá meira út úr leikn-
um, en varnarleikur Manchester
United var einstaklega góður.“
- mh
Manchester Utd.
stöðvaði Chelsea
Manchester Utd. varð fyrsta liðið til þess að sigra Chel-
sea í ensku úrvalsdeildinni síðan í október í fyrra.
SÖGULEGT MARK Darren Fletcher fagnar hér marki sínu gegn Chelsea í gær ásamt stuðn-
ingsmönnum Manchester United. FRÉTTABLAÐIÐ/GETTY IMAGES
ERFITT AÐ TAPA John Terry og Jose Mour-
inho voru þungir á brún eftir leikinn.