Fréttablaðið - 16.11.2005, Qupperneq 3

Laugardaginn 19. nóvember stendur Íslensk málnefnd fyrir málþingi um íslenska málstefnu og
starfsemi Íslenskrar málnefndar. Þingið hefst kl. 11:00 í hátíðasal Háskóla Íslands og er öllum opið.
Ungir Íslendingar taka sér margt fyrir hendur á öllum mögulegum sviðum. Fyrir
vikið þurfa þeir stöðugt fjölmörg ný orð um ný hugtök og nýja hluti, orð sem
voru ekki til þegar þeir fæddust.
Við þurfum ekki að líta mörg ár aftur í tímann til að gera okkur grein fyrir því
að orðaforði tungunnar vex hratt. Á einum áratug eða svo hafa komist í umferð
fleiri orð en við gerum okkur almennt grein fyrir. En þegar við hugum að því að
eitt megineinkenni íslenskrar málstefnu er orðasmíð verður þetta skiljanlegt.
Við getum tengt saman orðstofna, forskeyti og viðskeyti á óendanlega marga
vegu og myndað ný orð eftir þörfum. Þannig er hægt að tala og skrifa um allt
milli himins og jarðar með íslenskum orðum.
MS fagnar degi íslenskrar tungu. Líkt og málið er í stöðugri endurnýjun lagar
starfsemi MS sig að nýjum tímum undir kjörorðinu mjólkurvörur í sérflokki. MS
heldur áfram stuðningi við íslenska tungu á sama hátt og það hyggst eftir sem
áður hafa góð samskipti við nýjar kynslóðir Íslendinga.
Dagur íslenskrar tungu 2005.