Fréttablaðið - 29.12.2005, Page 27

FIMMTUDAGUR 29. desember 2005 3
Eitt það flottasta í kventískunni í vetur eru klass-
ísk kvenjakkaföt í smókingstíl.
Smóking er sannarlega að sækja í sig
veðrið, sambland af svörtu sveifl-
unni og kvenlegu línunum og
örugglega hefur það líka
áhrif að hinn margfrægi „Le
Smoking“ frá Yves Saint
Laurent fagnar um þessar
mundir 40 ára afmæli.
Það var árið 1966 sem
Saint Laurent kynnti
fyrir tískuheiminum
svörtu buxnadragtina
með herralega ívaf-
inu, jakki með þrem-
ur tölum, herralegar
buxur með silkibrydd-
ingu á hliðinni, silki-
blússa og svart bindi.
Margar konur tóku
ástfóstri við þessa
tísku eins og leikkon-
an Diane Keaton og
í dag klæðast stóru
stjörnurnar Gwyn-
eth Palthrow, Angel-
ina Jolie og Madonna
„Le Smoking“ reglu-
lega.
Hinn uppruna-
legi smóking frá Y S L
hefur tekið á sig ýmsar myndir í
höndum ólíkra aðila, en svarta buxna-
dragtin er fyrir löngu orðin klassík í
tískuheiminum.
Það er hægt að skarta hinum
ýmsu flottheitum við smókinginn
til að framkalla persónulegan stíl
og má þar nefna blússur í mismun-
andi útfærslum, vesti, korselett,
bindi, fullt af glingri, pallíettu-
toppi, herraskyrtu og svo mætti
lengi telja.
Konur klæðast smóking
Jakki kr. 22.990, skyrta kr. 11.990, buxur kr.
14.990 í Karen Millen.
Jakki kr. 19.900 (fjólublár),
skyrta kr. 11.990, buxur kr.
13.990, hanskar kr. 3.990 í
Kúltúr.
Úr háborg tískunnar
BERGÞÓR BJARNASON SKRIFAR FRÁ PARÍS
Líklega hafa margir verið að hugsa um hvað gera á um áramótin.
Parísarbúar skipta gjarnan hátíðunum í tvennt, jólin með fjölskyld-
unni og áramót með vinum. Þotuliðið eyðir áramótunum oftast í
einkasamkvæmum en almenningur safnast til dæmis saman á breið-
götunni Champs-Elysée þar sem þúsundir fagna nýju ári á miðnætti.
Þar getur reyndar verið hættulegt að vera, svo mikill er æsingurinn
og kampavínsflöskur á flugi sem hæglega má fá í höfuðið svo ekki er
hægt að mæla með gamlárskvöldi þar. Það heitasta er því að komast
í einkasamkvæmi eða í klúbba þar sem erfitt getur verið að komast
inn og kampavín flýtur um allt. Í slík boð dugir ekki að mæta í svarta
kjólnum frá því í fyrra og ekki sleppur maður með einn ódýran.
Eftir jólagjafainnkaup og önnur útgjöld getur það reddað mál-
unum að útsölur nálgast óðum og hefjast þær 12. janúar í París.
Tískuhúsin bjóða gjarnan sínum bestu viðskiptavinum að koma á
forútsölur, annaðhvort fyrir jól eða á milli jóla og nýárs, allt eftir
því hvað hvert fyrirtæki ákveður. Þá er hugsanlega hægt að kaupa
jóla- eða áramótakjól með þrjátíu, fjörutíu eða jafnvel fimmtíu pró-
senta afslætti. Vandamálið er hins vegar að þessar einkaútsölur eru
kolólöglegar og því þarf að fara varlega þegar viðskiptavinir koma
og biðja um að kaupa dress á útsöluverði á undan hinum eiginlegu
útsölum. En einkaútsölurnar eru mikilvægar til að ná sölumarkmið-
um desembermánaðar svo að starfsmenn fái sínar prósentur og því
er freistandi að segja já þegar fólk biður um að fá að kaupa á útsölu-
verði. Sölufólkið vonar bara að það lendi ekki á útsendurum rann-
sóknarnefndar um ólöglega viðskiptahætti, en sekt fyrir að selja
á útsöluverði, fyrir opinberar útsölur, getur hlaupið á hundruðum
þúsunda.
Svo eru þær sem hafa þegar keypt allt sem er áhugavert hjá
uppáhaldstískuhúsinu sínu í vetrartískunni og hafa engan áhuga á
því sem eftir er. Fyrir þær er „croisiére-línan“ sem tískuhúsin bjóða
upp á seint í nóvember eða í byrjun desember aðalmálið. Þessi lína
var í upphafi eins og siglinganafnið gefur til kynna eins og fáguð
hásumarlína sem var ætluð þeim sem fóru yfir veturinn í sigling-
ar á suðlægum slóðum. Um leið er þessi tískulína litrík, oft skreytt
Swaroskikristöllum eða perlum. Til dæmis tekur Prada gjarnan
fram munna- og hjartamunstrið sitt fyrir siglingalínuna sína. Stund-
um er þessi lína forsmekkur af sumartískunni en þó ekki endilega.
Þessi tískulína er því upplögð fyrir kampavínsteiti á stað eins og
„Millionaire“ í áttunda hverfi Parísar eða í Perlunni í fyrsta hverfi
Reykjavíkur.
Siglingaföt fyrir gamlárskvöld