Fréttablaðið - 29.12.2005, Qupperneq 53

FIMMTUDAGUR 29. desember 2005 37
J. K. Rowling, höfundur bókanna
um galdrastrákinn Harry Potter,
hefur sagt að hún bæði kvíði og
hlakki til þess að skrifa sjöundu
og síðustu bókina í bókaflokkn-
um um Potter. ,,Eftirvæntingin
kemur af því að ég get varla beðið
eftir því að byrja á bókinni og
segja frá seinasta hluta sögunn-
ar um Harry og þar með svara
öllum þeim spurningum sem
hafa brunnið á vörum aðdáenda
bókanna. Kvíðinn kemur auðvit-
að vegna þess að eftir þessa bók
verður sögunni um Harry lokið
og ég get eiginlega ekki ímyndað
mér lífið án hans.“
Rowling hefur undanfarnar
vikur verið að fínstilla beina-
grindina fyrir seinustu söguna
sem hún mun byrja að skrifa í
janúar næstkomandi. ,,Að lesa í
gegnum beinagrindina er eins og
að skoða kort af ókunnu landi sem
maður er um það bil að ferðast til.
Það koma ávallt kaflar sem eru
erfiðari en aðrir og maður heldur
að maður geti ekki komist lengra
í skrifunum. En að lokum rambar
maður alltaf á einhverja lausn.“
Seinasta bókin um Harry
Potter kom út í júlí á þessu ári og
varð strax metsölubók um allan
heim. Þrátt fyrir að ekki sé enn
ljóst hvenær seinasta bókin verð-
ur gefin út er ljóst að útgáfa henn-
ar verður vafalítið einn mesti
bókmenntaviðburður allra tíma.
Spurð um hvenær von sé á sein-
ustu bókinni, svarar hún því í
engu. ,,Þolinmæði þrautir vinnur
allar, vinir mínir.“ ■
Bæði tilhlökkun og
kvíði hjá Rowling
J.K. ROWLING Ekki er enn ljóst hvenær
seinasta bókin verður gefin út en ljóst
er að útgáfa hennar verður vafalítið einn
mesti bókmenntaviðburður allra tíma.
Eldaskálinn | Brautarholti 3 | 105 Reykjavík
sími: 562 1420 | eldaskalinn@eldaskalinn.is | www.invita.com
Áramótaskaupið á eldhúsflatskjánum
Gerum okkur glaðan dag og meðan birgðir endast
gefum við 20" Toshiba LCD flatskjái með Invita eldhúsinnréttingum.
Á www.invita.com sérðu enn fleiri innréttingalausnir.
Þetta er Invita
20" LCD
flatskjársjónvarp
25 ára afmælistilboð
550 5000
AUGLÝSINGASÍMI