Fréttablaðið - 29.12.2005, Blaðsíða 55

Eva Longoria, stjarnan úr þátt-
unum Aðþrengdar eiginkonur, og
kærasti hennar, körfuknattleiks-
maðurinn Tony Parker, voru stöðv-
uð af lögreglu á jóladag vegna þess
að þau virtu ekki stöðvunarskyldu.
Var Parker sektaður á staðnum
bæði fyrir umferðarbrotið og að
vera ekki með ökuskírteini á sér
við aksturinn. Mun Parker hafa
reiðst mjög vegna þessa og ausið
svívirðingum yfir lögreglumann-
inn. Longoria mun hafa bent kær-
asta sínum á að líklega vildi þessi
aumi lögreglumaður bara fá eigin-
handaráritun. Hann væri bara lítil
mótorhjólalögga frá Mexíkó. Sam-
kvæmt lögreglumanninum sem
sektaði parið á Parker að hafa sagt
að þetta væri það eina sem löggan
gerði þessa dagana, að trufla fólk
með tilgangslausri vitleysu. Sam-
kvæmt tilkynningu frá blaðafull-
trúa Longoria viðurkennir hún að
parið hafi verið stöðvað af lögregl-
unni en neitar alfarið að hafa sví-
virt lögreglumanninn á nokkurn
hátt. ,,Að segja að ég hafi öskrað á
hann og sagt að hann væri aumur
mexíkanskur lögreglumaður er
fáránlegt. Það væri furðulegt af
mér að telja hann slæman fyrir
að vera frá Mexíkó þar sem ég er
sjálf þaðan.“
Rifust við lögregluþjón á jóladag
Kvikmyndin Walk the Line, sem
er byggð á ævi kántríhetjunnar
Johnny Cash, verður sýnd í
Folsom-fangelsinu í Kaliforníu.
Mun Joaquin Phoenix, sem leikur
Cash í myndinni, kynna myndina
fyrir föngunum 3. janúar næst-
komandi.
Cash hélt sögufræga tónleika
í fangelsinu alræmda árið 1968
sem hann gaf út á hljómplötu sem
seldist eins og heitar lummur.
Atriði í kvikmyndinni gerast ein-
mitt í þessu sama fangelsi.
„Við buðum 20th Century Fox
að sýna Walk the Line í Folsom
vegna þess að Johnny Cash sýndi
það og sannaði að það er aldrei of
seint fyrir menn að snúa lífi sínu
til betri vegar. Þetta er saga sem
þessir menn þurfa að sjá,“ sagði
Joe Avila, framkvæmdastjóri
samtaka bandarískra fanga.
Auk Phoenix fer Reese With-
erspoon með aðalhlutverk í
myndinni, sem verður frumsýnd
í byrjun febrúar.
Mynd um Cash
sýnd í fangelsi
JOHNNY CASH Kántríhetjan hélt sögufræga
tónleika í Folsom-fangelsinu árið 1968.
EVA LONGORIA OG TONY PARKER
Á góðri stund.