Fréttablaðið - 12.01.2006, Síða 33

FIMMTUDAGUR 12. janúar 2006 5
Philip Treacy hefur verið feng-
inn til að hanna íþróttafatnað
fyrir Umbro.
Treacy þessi er einn þekktasti
hönnuður fínna og frumlegra
hatta sem mikil hefð er fyrir í
Bretlandi. Treacy var hins vegar
ekki fenginn til Umbro til þess
að gera hatta fyrir þetta stóra
íþróttuvörumerki frá Manchester
heldur mun hann hanna skó og
annan fatnað fyrir karla og konur.
Treacy gerði þriggja ára samning
við fyrirtækið, en að sögn stjórn-
enda hjá Umbro á að byggja upp
sterka línu hægt og þétt. Áður
hafði Umbro einnig samið við
tískuvöruhönnuðinn Kim Jones.
Að undanförnu hafa fleiri og fleiri
íþróttavörumerki fengið til sín
þekkta hönnuði til þess að vinna
að nýjum línum fyrir þessi merki.
Má þar meðal annars nefna Stellu
McCartney sem er hjá Adidas og
Alexander McQueen hjá Puma. Þá
er bara að bíða og sjá hvað önnur
stór íþróttavörumerki á borð við
Nike og Reebook gera.
Hattahönnuður
til liðs við íþrótta-
vörumerki
Ýmsir aðilar innan tískugeir-
ans hafa brugðið á það ráð að
keyra um á húsbílum og selja
vörur sínar beint úr þeim.
Á síðasta ári hóf tískuvöruverslunin
Caravan starfsemi sína í New York.
Verslunin er í húsbíl sem ekið er
milli hverfa og þar er seldur fjöl-
breyttur tískufatnaður fyrir konur
og karla, auk þess sem hægt er að
bóka bílinn í einkaverslunarveislu.
Levi‘s fyrirtækið hefur einnig
haft þennan hátt á við sölu á ódýrum
gallabuxum fyrir námsmenn. Þetta
þema Levi‘s má sjá í auglýsingum
fyrirtækisins sem sést hafa hér á
landi að undanförnu.
Ýmsir tískugúrúar spá því að
einhver framleiðandinn muni jafn-
vel kaupa einn af hinum þekktu
strætisvögnum Lundúna, sem nú
eru til sölu, og því er vel hugsanlegt
að tískuverslanir í strætisvögnum
og húsbílum verði ný tískubylgja á
árinu sem nú er nýhafið.
Tískuverslanir í
húsbílum
Philip Treacy er einn þekktasti hatta-
hönnuður Bretlands en hefur nú verið
fenginn til liðs við íþróttvörurisann Umbro.
Sumar tískuvöruverslanir og framleiðendur hafa breytt húsbílum eins og þessum í verslun
á hjólum. FRÉTTABLAÐIÐ/VILHELM