Fréttablaðið - 22.02.2006, Blaðsíða 25

Krónubréf
Komin til
að vera
22
Upplýsingatæknifyrirtæki
Samþjöppun og
aukin samkeppni
12-13
Afríka
Fjórðungur
tekna til spillis
6
Sögurnar... tölurnar... fólkið...
Miðvikudagur 22. febrúar 2006 – 7. tölublað – 2. árgangur Veffang: visir.is – Sími: 550 5000
Í Hring | Sparisjóður Hafnarfjarðar
hefur fest kaup á 80 prósentum
hlutafjár í Hring ehf. sem á allt
hlutafé í Allianz Ísland ehf.
Ný greining | KB banki sendi
nýja greiningu á verðmæti
Landsbankans til viðskiptavina
sinna þar sem mælt var með kaup-
um í bankanum.
Ofar spám | Hagnaður Alfesca
var 1130 milljónir króna á síðasta
ársfjórðungi ársins 2005 sem var
betra en allar greiningardeildir
gerðu ráð fyrir.
Í bjórinn | FL Group er komið
með 10,7 prósenta hlut í danska
drykkjarframleiðandanum Royal
Unibrew. Verðmæti hlutarins er
4,2 milljarðar króna.
Flaga tapar | Flaga tapaði 90
milljónum króna árið 2005 sem
kom að mestu fram á fjórða árs-
fjórðungi við gjaldfæringu kostn-
aðar.
Bílum fækkar | Vísbendingar eru
um að hægt hafi á nýskráningum
bíla á Íslandi en í fyrra var metár
í sölu bíla hér á landi.
Slær met | Hagnaður á rekstri
SPRON á síðasta ári nam hann 4,1
milljarði króna, þar af var hagn-
aður á fjórða ársfjórðungi yfir 1,8
milljörðum.
Dregst saman | Atorka Group
hagnaðist um 1.491 milljón króna
á síðasta ári og dregst hagnaður
saman um um tæpan helming.
Tvöföldun | Hagnaður norsku
fyrirtækjasamstæðunnar Orkla
nam 15,3 milljörðum á fjórða árs-
fjórðungi og jókst um 86 prósent
milli ára.
F R É T T I R V I K U N N A R
Matsfyrirtækið Fitch hefur breytt
horfum á lánshæfismati ríkissjóðs
úr stöðugum í neikvæðar. Þetta
gerir fyrirtækið vegna vaxandi
þjóðhagslegs ójafnvægis, það er
mikils viðskiptahalla og hraðrar
erlendrar skuldaaukningar.
Matsfyrirtækið staðfesti lán-
hæfiseinkunn fyrir erlendar lang-
tímaskuldbindingar (AA-) og fyrir
innlendar skuldbindingar (AAA)
og ennfremur eru lands-einkunn
(AA) og lánhæfiseinkunn fyrir
erlendar skammtímaskuldbind-
ingar (F1+) þær sömu og áður.
Það er mat Fitch að einkenni
ofhitnunar hafi komið fram í
hagkerfinu sem endurspeglast í
vaxandi verðbólgu, hraðri útlána-
aukningu, hækkandi eignaverði,
miklum viðskiptahalla og aukinni
erlendri skuldasöfnun. Þróunin
hérlendis hefur verið óhagstæðari
en matsfyrirtækið reiknaði með.
Núverandi efnahagsstefna er
gagnrýnd. Of mikið hefur verið
lagt á peningamálastefnuna á
meðan ríkisfjármálin hafi mætt
afgangi. Þrátt fyrir tólf vaxta-
hækkanir síðan í maí 2004 hefur
raungengi krónunnar hækkað og
viðskiptahallinn aukist.
Tíðindin höfðu mikil áhrif á
gjaldeyrismarkaði og lækkaði
gengisvísitala krónunnar skarpt
eða um tvö prósent á skömm-
um tíma. Hlutabréfaverð lækkaði
einnig í Kauphöll Íslands, einkum
bréf í fjármálafyrirtækjum, og
hafði Úrvalsvísitalan lækkað um
fjögur prósent.
- eþa
Hlutabréf og krónan
féllu í kjölfar skýrslu Fitch
Neikvæðar horfur á lánshæfismati ríkissjóðs. Vaxandi erlend skuldaaukning
og mikill viðskiptahalli áhyggjuefni. Núverandi efnahagsstefna gagnrýnd.
Skuggahverfið er dýrasta hverfi
landsins að mati fasteignasala.
Eðlilegt verð á svæðinu er á bil-
inu 350-400 þúsund fermetrinn
og höfðar hverfið til efnaðra
Íslendinga. Oft er „slegist“ um
íbúðir á svæðinu.
„Það er óhætt að tala um
Skuggahverfið sem dýrasta reit-
inn á landinu. Þar fór stórglæsi-
leg, fullbúin íbúð á efstu hæð á
vel yfir fimm hundruð þúsund á
fermetrann. Það er það sama og á
bestu stöðum á Manhattan,“ segir
Ingólfur Gissurarson, fasteigna-
sali á Valhöll. Ólafur Blöndal,
fasteignasali á fasteign.is, segir
að 140 fermetra 3-4 herberja íbúð
á svæðinu geti farið á 60 milljón-
ir króna. Nægur kaupendamark-
aður er fyrir hendi að þessum
íbúðum að hans sögn.
Fasteignasalar merkja að fast-
eignamarkaður sé að færast í
eðlilegt horf þar sem framboð
hafi tekið við af eftirspurn. Þeir
búast ekki við miklum verðhækk-
unum á þessu ári.
- eþa sjá nánar fylgiblað um fasteignir
Skuggahverfi
dýrast
Gott til síðasta dropa
Fjöldi slysa í byggingariðn-
aði margfaldaðist hér á árun-
um 1991 til 2001, en aukningin
nam 141 prósenti. Á sama tíma
fækkaði slysum um 71 prósent
í Svíþjóð og um 20 prósent í
Danmörku. Slysum í bygging-
ariðnaði í Noregi og Finnlandi
fjölgaði hins vegar um 17 og 18
prósent.
Einar Guðmundsson for-
varnarfulltrúi Sjóvár lýsir
áhyggjum yfir þessari þróun og
segir að því miður sé öryggi á
mörgum byggingastöðum mjög
ábótavant hér á landi, ástandið
hafi þó heldur batnað síðustu
ár. Hann segir að í norrænni
skýrslu um málið komi fram að
allt að þriðjung slysanna megi
rekja til tímapressu og sam-
skiptaleysis milli verktaka á
sama vinnustað. Sjá síðu 17
Margfalt
fleiri slys
Hafliði Helgason
skrifar
Peter Gatti, bankastjóri Hauck & Aufhäuser, þýska
einkabankans, sem tók þátt í kaupum S-hópsins
á Búnaðarbankanum, segir bankann hafa sjálfan
keypt í Eglu sem eignaðist ríflega 70 prósent í hlut
ríkisins í bankanum. „Við keyptum í bankanum
vegna þess að við höfðum áhuga á að taka þátt í
einkavæðingu hans. Ég tel að ég hafi talað skýrt um
það að við ætluðum okkur ekki að eiga í bankanum
til langs tíma.“ Gatti vísar algerlega á bug ásökun-
um um að bankinn hafi verið leppur í þessum við-
skiptum, eins og haldið hefur verið fram í umræðu
hér á landi. „Við stóðum við okkar hlut og seldum
hlut okkar á tveimur til tveimur og hálfu ári.“
Gatti segir að bankinn hafi auðvitað haft áhuga
á að hagnast á þessum viðskiptum og talið sig vera
að taka vel ásættanlega áhættu. Hann segir umfang
fjárfestingarinnar ekki hafa verið af þeirri stærð-
argráðu að áhættan væri of mikil. „Við þurftum að
gera þar til bærum yfirvöldum hér grein fyrir fjár-
festingunni og fengum grænt ljós á kaupin.“
Meðal þess sem bornar hafa verið brigður á er
að eignarinnar í Eglu sjáist ekki stað í ársreikn-
ingum. „Við færðum eignina í veltubók bankans og
samkvæmt þýskum reglum höfum við fimm ára
frest til að ákveða hvort við hyggjumst eiga í öðru
fjármálafyrirtæki til langframa.“ Þýski bankinn er
einkabanki og segir Gatti að hann sundurliði ekki
slíkar eignir í gögnum sem birtar eru almenningi.
Þá segir Gatti að þegar menn séu að skoða hagnað
bankans gæti ákveðins misskilnings. „Við gerum
ekki upp eftir alþjóðareikningsskilum. Við höfum
samkvæmt þýskum lögum heimild til að fara öðru-
vísi með hagnað. Við viljum halda þessari bókun-
araðferð eins lengi og við megum. Ef menn skoða
sambærilega banka og okkar, þá sýna þeir ekki
mikinn hagnað, þrátt fyrir að vera miklu stærri en
við.“
Hann ítrekar að við einkavæðingu Búnaðar-
bankans hafi bankinn keypt sjálfur og ekki hafi
legið fyrir neinir skriflegir eða munnlegir bak-
samningar í tengslum við kaupin. Bankinn hafi
fjárfest og fengið ágætan hagnað af þeirri fjár-
festingu.
Segir bankann ekki
lepp í einkavæðingu
Peter Gatti, bankastjóri Hauck & Aufhäuser, vísar á bug
ásökunum um að bankinn hafi ekki verið raunverulegur
kaupandi við einkavæðingu Búnaðarbankans.