Fréttablaðið - 02.03.2006, Qupperneq 16

2. mars 2006 FIMMTUDAGUR16
nær og fjær
„ORÐRÉTT“
Og hver kennir þá
hverjum?
„Ljóst er að þekking ungra
lækna á ýmsum tækniþátt-
um er mun meiri en sumra
eldri sérfræðinga.“
BJARNI ÞÓR EYVINDSSON, FOR-
MAÐUR FÉLAGS UNGRA LÆKNA, Í
FRÉTTABLAÐINU.
Kannski gamli en....
„Nú er þetta sem sagt bara
gamli góði Skeljungur.“
PÁLMI HARALDSSON FJÁRFESTIR Í
MORGUNBLAÐINU UM KAUP SÍN Á
SKELJUNGI.
„Þetta var ekki skemmtilegt,“ segir
Guðbjörn Ævarsson, knattspyrnu-
áhugamaður og formaður Stuðnings-
mannaklúbbs Manchester United
á Íslandi, um landsleik Íslands og
Trínidad og Tóbagó á þriðjudagskvöld.
„Og hvar var brosið,“ spyr hann. „Það
má taka tillit til þess að þetta var fyrsti
leikur Eyjólfs og mörkin voru ódýr en
hvers vegna höfðu menn ekki gaman
af þessu?“ Og til að klikkja út segir
hann: „Þetta var eins og að vera í
vangadansi við ömmu sína, það var
skelfilegt að horfa á þetta.“
Guðbjörn vonar að Eyjólfur hressist og
liðið leiki betur í framtíðinni en áréttar
þá skoðun sína að ánægja leikmanna
sé grundvöllur þess. „Það er lágmark
að menn hafi gaman af þessu og svo
er hægt að fara að tala um árangur,“
segir hann.
SJÓNARHÓLL
LANDSLEIKUR ÍSLANDS OG
TRÍNIDAD OG TÓBAGÓ
Hvar var
brosið?
GUÐBJÖRN ÆVARSSON FORMAÐUR
MANCHESTER UNITED-KLÚBBSINS Á
ÍSLANDI
,,Það er allt frábært að frétta,“ segir Kolbrún Björns-
dóttir sem er með þrjú börn í Smáralindinni í ösku-
dagsleiðangri þegar blaðamaður slær á þráðinn. Það
er feikinóg að gerast hjá Kolbrúnu um þessar mundir
en hún er á þriðja ári í stjórnmálafræði ásamt því
að vera fréttamaður hjá Ríkisútvarpinu í hlutastarfi.
,,Námið er frábært og sérstaklega skemmtilegt fólk
með mér en við erum nokkur sem höfum haldið
hópinn gegnum árin.“
Kolbrún hóf störf á fréttastofu Ríkisútvarpsins í nóv-
ember eftir að hafa þreytt fréttamannapróf og kann
mjög vel við sig á þeim vinnustað. Aðspurð hvernig
gangi að samræma vinnu með skóla og fjölskyldulífi
segir Kolbrún að það gangi vel. Hún er í hlutastarfi hjá
Ríkisútvarpinu og misjafnt hve vaktirnar eru miklar á
hverjum tíma. Kolbrún er tveggja barna móðir og segir
lífið ganga sérstaklega vel þar sem hún eigi frábæran
mann sem tekur þátt í öllu og meira til. ,,Þetta hljómar
eins og það sé afskaplega mikið að gera en raunin er
sú þegar það er mikið að gera þá skipuleggur maður
sig betur og verður meira úr verki.“
Það gefst skiljanlega ekki mikill tími til að
sinna áhugamálum með svona þétta dagskrá
en Kolbrún segist þó alltaf vera á leiðinni að
bæta golfkunnáttuna. Hún hefur þegar farið á
tvö golfnámskeið en allir fjölskyldumeðlimir
eru smitaðir af golfbakteríunni og eiga nú sitt
golfsett í geymslunni.
Næst á dagskrá hjá Kolbrúnu er að fylgjast
með dóttur sinni keppa á hundasýningu um
helgina í flokknum ungir sýnendur. ,,Það er mikil
tilhlökkun í gangi enda hefur hún lengi beðið
eftir að ná aldri til að keppa,“ segir Kolbrún. Að
öðru leyti fer helgin í afslöppun með fjölskyld-
unni heima fyrir að sögn Kolbrúnar sem kveður
blaðamann á leið með börnin í bíó.
HVAÐ ER AÐ FRÉTTA? KOLBRÚN BJÖRNSDÓTTIR FRÉTTAMAÐUR
Best að hafa mikið að gera
Sala á hjól- og fellihýsum
hefur farið vel af stað þetta
árið. Seljendur eru himin-
lifandi og segja stefna í
metsölu. Sumir kaupa sér
nýtt hjól- eða fellihýsi á
hverju ári.
„Það er gríðarleg sala hjá okkur,“
segja Sveinbjörn Árnason, fram-
kvæmdastjóri Evró sem hefur lengi
haft sterka stöðu á hjól- og fellihýsa-
markaðnum. Gunnlagur Ingibergs-
son hjá Seglagerðinni Ægi, sem
einnig er stór á markaðnum, tekur
undir orð hans. „Salan er löngu hafin
og við höfum selt tugi hjól- og felli-
hýsa það sem af er ári.“
Kaup á lúxus á borð við hjól- og
fellihýsi er einn af púlsmælunum á
efnahagsástandi þjóðarinnar og
samkvæmt honum eru horfurnar
góðar. Sveinbjörn og Gunnlaugur
eru sammála um að ekki votti fyrir
áhyggjum af niðursveiflu. „Salan
hefur aukist frá í fyrra,“ segir
Sveinbjörn og bætir við að það
stefni í metsölu þetta árið.
Sveinbjörn á að baki fimmtán ár
í bransanum og segir að áður fyrr
hafi fellihýsasalan byrjað 1. apríl.
Nú hefjist hún strax í janúar.
Fellihýsi eru af ýmsum stærð-
um og gerðum og kosta frá tæpri
milljón upp í næstum tvær. Hjól-
hýsi er einnig hægt að fá í ýmsum
verðflokkum og kosta þau ódýrustu
um eina og hálfa milljón en þau
dýrustu um 3,5 milljónir. Allur
gangur er á hvort fólk staðgreiðir
hýsin eða kýs að taka lán, hliðstæð
bílalánum. Er þá fjórðungur kaup-
verðs greiddur út og afgangurinn á
sjö árum.
Gunnlaugur hjá Seglagerðinni
Ægi segir hjól- og fellihýsi vera að
taka yfir útilegumarkaðinn. „Fólk
hefur áttað sig á að þetta er málið.
Það eru fáir í tjöldum nú til dags og
þá helst útlendingar og unglingar.“
Þá segist hann merkja ákveðna
pressu á fólki að eiga hjól- eða felli-
hýsi.
Og eins og með annað endurnýja
sumir búnaðinn sinn reglulega.
„Sumir skipta á árs eða tveggja ára
fresti eins og með bíla. Þá eru sumir
það nýjungagjarnir að þegar eitt-
hvað nýtt kemur á markaðinn þá
kaupa þeir það.“
Ekki er gott að segja nákvæm-
lega til um hversu mörg hjól- og
fellihýsi eru til á Íslandi en sam-
kvæmt upplýsingum Hagstofunnar
voru rétt tæplega tíu þúsund slík
hýsi skráð árið 2004 og hafði þeim
fjölgað um sjö þúsund á tíu árum.
bjorn@frettabladid.is
Hjól- og fellihýsi keypt af kappi
LÚXUS Á HJÓLUM Gunnlaugur Ingibergsson hjá Seglagerðinni Ægi hefur selt tugi hjól- og fellihýsa það sem af er ári. FRÉTTABLAÐIÐ/HEIÐA
Frá og með gærdeginum er hægt
að skila umbúðum úr pappa í þar
til gerða gáma á endurvinnslu-
stöðvum Sorpu eða í hverfum
borgarinnar. Mikið magn pappa-
umbúða berst inn á og frá heimil-
um flestra og eru umbúðir utan af
morgunkorni og þvottaefni hvað
algengastar.
Sérstakt úrvinnslugjald sem
lagt var á með lögum um síð-
ustu áramót gerir Sorpu mögu-
legt að taka á móti umbúðun-
um en fram til þessa hefur
ekki borgað sig að endurvinna
pappaumbúðir.
Áætlað er að árlega falli til
um 3.000 tonn af pappírsumbúð-
um á heimilum á höfuðborgar-
svæðinu.
Pappinn verður baggaður og
fluttur til Svíþjóðar til endur-
vinnslu. Búið er til karton úr
pappanum og það selt víðs vegar
um heiminnn til umbúða-
gerðar, meðal
annars til
Íslands. Ekki
er því ólíklegt
að Cheerios
pakki sem settur
er til endur-
vinnslu berist inn
á sama heimili á
nýjan leik í formi
annars konar
umbúða.
Pappaumbúðirn-
ar má setja í sömu
endurvinnslugáma og fernur.
ENDURVINNSLUGÁMUR Áætlað er að 3.000 tonn af pappaumbúðum falli til árlega á heim-
ilum á höfuðborgarsvæðinu. FRÉTTABLAÐIÐ/TEITUR
Pappírsumbúðirnar
í endurvinnslugáma
Ekki verður haldin fegurðarsam-
keppni á Vestfjörðum þetta árið
þar sem lítill áhugi reyndist meðal
vestfirskra stúlkna á þátttöku.
Undanfarin ár hefur keppnin
verið haldin annað hvert ár og fór
síðast fram fyrir tveimur árum.
Þá var mikill áhugi og reyndu níu
stúlkur með sér í hefðbundinni
keppni um útlit, limaburð og inn-
ræti.
Aðeins skráðu tvær stúlkur sig
til leiks að þessu sinni og þótti
ekki ástæða til að efna til keppni
þeirra á milli um hvor væri feg-
urri. Í gegnum árin hafa sigurveg-
arar Fegurðarsamkeppni Vest-
fjarða tekið þátt í keppninni um
Ungfrú Ísland sem haldin verður
á Broadway á vordögum. - bþs
Fegurðarsamkeppni Vestfjarða:
Slegin af vegna
áhugaleysis
FEGURÐ Kóróna og sproti fylgja sigrum í
fegurðarsamkeppnum.
Playboy
stúlka spilar
körfu með
Grindavík
-
GRINDVÍKINGAR BÚAST VIÐ METAÐSÓKN
2x15 1.3.2006 20:34 Page 1