Fréttablaðið - 11.03.2006, Síða 2

2 11. mars 2006 LAUGARDAGUR
LÖGREGLUMÁL Tilkynnt var um inn-
brot í íbúð í Hlíðahverfi í Reykja-
vík rétt fyrir klukkan tíu í gær-
morgun og hafði lögregla skömmu
síðar hendur í hári tveggja manna
sem grunaðir eru um verknaðinn.
Voru þeir færðir til yfirheyrslu
en grunur leikur á að sömu menn
hafi verið viðriðnir önnur innbrot í
höfuðborginni fyrr um nóttina. Um
er að ræða menn sem áður hafa
komið við sögu lögreglu. - aöe
Innbrot í Hlíðunum:
Tveir gripnir
Ekið á gangandi vegfaranda
Ekið var á mann við Langarima í Grafar-
vogi en hann var á leið eftir pítsu sem
hann hafði pantað. Sjúkrabíll kom á
staðinn en að sögn vaktstjóra slökkvi-
liðsins afþakkaði maðurinn liðsinni
sjúkraliðsmanna og hélt ótrauður áfram
eftir kvöldverði sínum.
LÖGREGLUFRÉTTIR
PAKISTAN, AP Flugdrekar hafa verið
bannaðir í Lahore í Pakistan eftir að
snæri úr flugdrekum sem dýft
hefur verið í glerduft hafa orðið sjö
manns að bana. Tvö fórnarlambanna
voru börn.
Halda átti árlega flugdrekahátíð
í Lahore á sunnudag, en hátíðin er
aldagömul hefð sem markar vor-
komu í Pakistan. Hingað til hafa
þúsundir flugdreka svifið um loftin
blá þann dag. Seinustu árin hafa
flugdrekakappar hins vegar tekið
upp á að festa víra á strengi sína
eða dýfa þeim í glerduft í þeim til-
gangi að vinna einvígi við aðra
áhugamenn, en í loftinu skera
styrktu strengirnir dreka andstæð-
inganna lausa.
Stjórnvöld í landinu bönnuðu
drekana síðdegis á fimmtudag,
þremur dögum eftir að snæri fauk á
fjögurra ára gamlan dreng sem var
farþegi á mótorhjóli föður síns.
Snærið skar barnið á háls, en dreng-
urinn var sá sjöundi á tveimur
vikum sem fórst á þennan hátt. Öll
fórnarlömbin hafa setið á mótor-
hjólum þegar spottarnir fuku á þau.
Lögreglan segist hafa í síðustu viku
handtekið 1.100 manns grunaða um
að selja glerduftsþakið snæri eða
verið á annan hátt tengdir þessum
hættulegu spottum. - smk
Fjúkandi snæri skera börn á háls í Pakistan:
Flugdrekar bannaðir í Lahore
FLUGDREKAR BRENNDIR Pakistanar brenna
flugdreka, en hættuleg snæri úr þeim hafa
orðið sjö manns að bana. FRÉTTABLAÐIÐ/AP
ÍRAK, AP Bandaríkjaher hyggst
flytja þúsundir fanga úr hinu ill-
ræmda Abu Ghraib fangelsi í Írak
í nýtt fangelsi á næstu mánuðum,
og setja rekstur fangelsisins í
hendur íraskra stjórnvalda. Byrj-
að verður að flytja fyrstu fangana
eftir þrjá mánuði, að sögn tals-
manna Bandaríkjahers í gær.
Bandaríkjaher hefur síðan árið
2003 ítrekað verið ásakaður um
pyntingar á föngum í fangelsinu,
en áður var fangelsið alræmt fyrir
pyntingarsalina sem undirmenn
Saddam Hussein voru sagðir reka
þar. Um 5.000 fangar dúsa í fang-
elsinu, eða um þriðjungur allra
fanga hersins í landinu. - smk
Bandaríkjaher:
Hætta rekstri
Abu Ghraib
ABU GHRAIB Bandaríkjaher hyggst hætta
rekstri fangelsisins illræmda. FRÉTTABLAÐIÐ/AP
KOLBEINSEY Tæplega helmingur af
þyrlupalli Kolbeinseyjar er hrun-
inn og er ekki lengur hægt að
lenda þyrlu á eyjunni. Þetta kom í
ljós í venjubundnu eftirlitsflugi
Landhelgisgæslunnar.
Áhöfn varðskipsins Óðins og
starfsmenn Vita- og hafnamála-
stofnunar byggðu þyrlupallinn
árið 1989 og hefur eyjan minnkað
jafnt og þétt síðan þá. Þyrlupallu-
rinn er hæsti punktur eyjarinnar.
Nú má sjá steypustyrktarjárnin
stingast út úr pallinum þar sem
hann brotnaði. Syn flaug yfir Kol-
beinsey fyrir um einum og hálfum
mánuði og var þyrlupallurinn þá í
heilu lagi. - ghs
Enn brotnar af Kolbeinsey:
Þyrlupallurinn
brátt horfinn
LEIKHÚS Vinsælasta sýning Leikfé-
lags Akureyrar, gamanleikritið
Fullkomið brúðkaup, hefur slegið
sölumet í Borgarleikhúsinu. Í gær
hófst miðasala og voru rúmlega
4.000 miðar seldir í
lok dags. Að sögn
Guðjóns Pedersen,
leikhússtjóra Borg-
arleikhússins,
sprakk símkerfið
undan álagi um
morguninn.
Fullkomið brúð-
kaup sló öll aðsókn-
armet á Akureyri og er vinsælasta
sýningin í sögu leikhússins. Magnús
Geir Þórðarson, leikhússtjóri LA og
leikstjóri verksins, segist hlakka til
að koma suður og kitla hláturtaugar
borgarbúa. - sdg
Leikfélag Akureyrar:
Sölumet í Borg-
arleikhúsinu
MAGNÚS GEIR
ÞÓRÐARSON
SPURNING DAGSINS
Þórður, var þetta trúðasýn-
ing?
Nei, þetta var töframannasýning.
Þórður Friðjónsson, forstjóri Kauphallarinnar,
var ásamt Bjarna Ármannssyni, Hannesi
Smárasyni, Jóni Ásgeiri Jóhannessyni og
Ágústi Guðmundssyni í Tívolínu í Kaup-
mannahöfn að kynna íslensku útrásina fyrir
Dönum í fyrradag.
Ók á ljósastaur og valt
Ökumaður ók á ljósastaur og velti
bifreið sinni við Gullinbrú um kvöldmat-
arleytið í gær. Bifeiðin er illa farin en
ökumaður slapp án teljandi meiðsla.
LÖGREGLUFRÉTTIR
BRETLAND Englendingar sem verða
uppvísir að því að heilsa með nas-
istakveðju á Heimsmeistaramótinu
í Þýskalandi sem fram fer í sumar
verða ákærðir að sögn breska inn-
anríkisráðuneytisins.
Gert er ráð fyrir að um hundrað
þúsund enskir stuðningsmenn geri
sér ferð til Þýskalands vegna móts-
ins. Geri stuðningsmennirnir sig
seka um skrílshátt eða sýni með
einhverjum hætti hollustu við eitt-
hvað sem tengist nasistatímanum
verður þeim meinað að sækja leiki
Englands og alla leiki heima fyrir
að auki. ■
Fótboltabullur varaðar við:
Nasistakveðja
ekki liðin
BAUGSMÁL Tveir dómkvaddir
menn, sem falið var að meta trú-
verðugleika tölvugagna viðvíkj-
andi Baugsmálinu, hafa ekki enn
skilað niðurstöðum sínum. Upp-
haflega var gert ráð fyrir að nið-
urstaða þeirra lægi fyrir 23. febrú-
ar.
Sigurður Tómas Magnússon,
settur saksóknari í Baugsmálinu,
segir að á mánudag verði farið
yfir málið með matsmönnunum.
„Þar er ætlunin að svara spurn-
ingum matsmannanna varðandi
athugun þeirra á tölvugögnun-
um.“
Sigurður hefur enn fremur
óskað eftir því að lögregla afli
gagna varðandi nokkur atriði sem
tengjast ákæruliðunum 32, sem
vísað var frá dómi í Baugsmálinu.
Sigurður kveðst enga ákvörðun
enn hafa tekið um afdrif þessara
ákæruliða. „Ég þarf að spyrja
spurninga og kanna hluti.“
Þriggja vikna frestur, sem Hér-
aðsdómur Reykjavíkur hefur til
þess að kveða upp dóm um ákæru-
liðina átta í Baugsmálinu, rennur
út næstkomandi fimmtudag. Í
stórum málum getur dómurinn þó
tekið sér lengri frest.
Sigurði Tómasi, settum sak-
sóknara, þykir einsýnt að ákvörð-
un um afdrif ákæruliðanna, sem
vísað var frá dómi, verði tekin
eftir að héraðsdómur hefur fellt
dóm sinn um ákæruliðina átta.
- jh
Settur saksóknari biður lögreglu um að rannsaka nokkur atriði í Baugsmáli:
Tölvugögn enn til athugunar
SIGURÐUR TÓMAS MAGNÚSSON SETTUR
SAKSÓKNARI Endanlegt mat á gildi tölvu-
gagna í Baugsmáli liggur ekki enn fyrir.
STJÓRNMÁL Þingfundi um breyting-
ar á vatnalögum var frestað síð-
degis í gær og hefst fundur á ný
klukkan ellefu í dag.
Stjórnarliðar saka stjórnarand-
stöðuna um málþóf í annarri
umræðu um málið sem hófst á
miðvikudag. Sólveig Pétursdóttir,
forseti Alþingis, ákvað að halda
þingfund seint á fimmtudag gegn
hörðum mótmælum stjórnarand-
stæðinga. Sá fundur stóð fram yfir
miðnætti. Langar umræður urðu
um þingstörfin og verkstjórn for-
seta í gær. Að þeim loknum var
tekið til við umræður um breyt-
ingar á vatnalögum og ákveðið að
halda þeim áfram í dag.
Stjórnarandstæðingar leggjast
gegn breytingum á vatnalögunum
sem sett voru árið 1923. Með frum-
varpinu sé hróflað með óábyrgum
og óvarlegum
hætti við far-
sælli niðurstöðu
Alþingis um nýt-
ingarrétt á
vatni. Enn tog-
ast því á sjónar-
mið sem þá voru
uppi um séreign
eða sameign
þjóðarinnar á
vatni. Þá telja
stjórnarand-
stæðingar mein-
bugi vera á því
að breyta vatna-
lögum áður en
sett verða lög til
samræmis við vatnatilskipun Evr-
ópusambandsins. Nægur tími sé
því til stefnu.
Valgerður Sverrisdóttir iðnað-
arráðherra leggur áherslu á að
breytingarnar á lögunum snerti
aðeins formið en ekki efni lag-
anna.
Karl Axelsson, lektor við laga-
deild Háskóla Íslands, sagði í
opnum fyrirlestri í gær að lögin
frá 1923 væru barn síns tíma og
næðu tæplega yfir viðamikil mál
samtímans eins og flutning á jök-
ulvatni úr einum farvegi í annan
eins og við á um Jökulsá á Dal með
gerð Kárahnjúkavirkjunar. Karl
taldi jafnframt að það sem helst
færi fyrir brjóstið á mönnum
varðandi vatnalagafrumvarpið
væri sú formbreyting sem mælt
sé fyrir um í fjórðu grein. Þar er
kveðið á um að í eignarhaldi á
landi felist eignarréttur að vatni,
eins og öðrum náttúruauðlindum
sem þar finnist. „Við mat á þessari
breytingu verður að hafa það í
huga að um formbreytingu er að
ræða en ekki efnislega breytingu
á inntaki eignarráða fasteignar-
eiganda yfir vatni,“ sagði Karl.
Hann sagði að tími gildandi vatna-
laga væri liðinn og endurskoðunin
hefði verið nauðsynleg. Karl
Axelsson var formaður þeirrar
nendar sem samdi frumvarpið.
johannh@frettabladid.is / sjá síðu 18
Vatnalagafrumvarp
rætt áfram í dag
Hart var deilt um þingstörf og meðferð frumvarps til vatnalaga á Alþingi í gær.
Stjórnarandstæðingar eru tortryggnir og telja óþarft að hrófla við gildandi lög-
um. Iðnaðarráðherra segir aðeins um formbreytingar að ræða á lögunum.
SÓLVEIG PÉTURSDÓTTIR FORSETI ALÞINGIS Stjórnarliðar saka stjórnarandstæðinga um
málþóf, en þeir beina spjótum að fundarstjórn forseta. FRÉTTABLAÐIÐ / STEFÁN
KARL AXELSSON
LEKTOR VIÐ LAGA-
DEILD HÍ Vatnalögin
frá 1923 eru barn
síns tíma segir Karl.