Fréttablaðið - 30.03.2006, Blaðsíða 26

30. mars 2006 FIMMTUDAGUR26
og fólk
? Vissir þú?að skráð afkvæmi gæðingaföður-
ins Ófeigs frá Flugumýri eru 781?
Hæst dæmda afkvæmið er Keilir
frá Miðsitju sem hefur hlotið 8.63 í
aðaleinkunn.
Heimild: www.worldfengur.com
Norðurlandamót í hestaíþróttum fer
fram í Herning í Danmörku í lok júlí
næstkomandi. Landsliðsnefnd Lands-
sambands hestamannafélaga vinnur nú
af fullum krafti við undirbúning þess
en landsliðseinvaldur verður Hafliði
Halldórsson. Hafliði hefur verið þjálfari
landsliðsins og sjálfur keppt á heims- og
Norðurlandamótum. Olil Amble verður
Hafliða til aðstoðar á mótinu nú.
Keppt verður í öllum hefðbundn-
um greinum hestaíþrótta í unglinga-,
ungmenna- og fullorðinsflokki. Hægt er
að fá nánari upplýsingar um þátttöku á
skrifstofu LH í síma 514-4030 til 15. maí.
■ Norðurlandamót í Herning
LANDSLIÐSEINVALDUR Hafliði Halldórsson
stjórnar landsliðinu á mótinu.
Aðeins örfá sæti eru laus á sýningu
hestahvíslarans Monty Roberts sem
haldin verður í Reiðhöllinni í Víðidal á
skírdag 13. apríl.
Forsala aðgöngumiða fer fram í
versluninni Hestar og menn. Þar feng-
ust þær upplýsingar að hringsætin væru
löngu uppseld en nokkrir miðar væru
eftir í stúku.
Nýlega var auglýst eftir hestum til að
taka þátt í sýningunni en Monty er frægur fyrir að róa stygga og sjónhrædda hesta
og temja hrekkjótta hesta á örskotsstundu.
■ Monty Roberts á skírndag
Samkvæmt mótaskrá Landssambands hestamanna verður heilmikið um að vera um
komandi helgi. Á föstudag verður svarfdælska mótaröðin að Hringsholti hjá hesta-
mannafélaginu Hring.
Á laugardaginn verður Freyfaxi með töltmót að Stekkhólmi, Geysir með ung-
hrossakeppni og sitt þriðja vetrarmót að Gaddstaðaflötum. Vetrarleikar verða hjá
Andvara að Kjóavöllum og hjá hestamannafélaginu Glað í Búðardal.
Hin norðlenska útgáfa af Æskunni og hestinum verður haldin í Svaðastaðahöll-
inni og Ístöltið fræga verður í skautahöllinni í Laugardal.
Á sunnudag verður Faxi með vetrarleika og lokahóf að Miðfossum.
■ Mótin um helgina
Ísleifur Jónasson tamningamaður í Kálfholti er
efstur eftir síðustu umferð VÍS-meistaradeildar-
innar. „Þetta eru bestu knapar og bestu hross
á stóru svæði sem mætt eru til leiks í mjög
fjölbreytta keppni,“ segir Ísleifur, sem sigraði í
smalakeppninni, sem snýst um að ríða þrauta-
braut fyrir hest og knapa á sem skemmstum
tíma. Hann segir nauðsynlegt að vera með
lipran, fljótan og kjarkaðan hest til að ganga
vel. „Svo er ekki verra að hafa reynslu af alhliða
tamningum og smalamennsku,“ segir Ísleifur,
sem ólst upp við sauðabúskap og er enn í dag
með um 300 fjár. Hann hefur því alloft smalað
á fjöllum, sem hann segir glettnislega að hafi
greinilega komið sér vel.
Ísleifur var einnig ofarlega í skeiði síðast-
liðinn fimmtudag og er því sem stendur með
flest stig í VÍS-meistaradeildinni. Ísleifur segir
útilokað að spá um hvort hann nái að halda
þeirri forystu. „Þetta er rétt hálfleikur en
ég er ánægður með það sem komið er.
Það eru erfiðar greinar eftir og mikið
af sterkum keppendum þannig að
þetta er langt í frá búið.“
Í Kálfholti er rekin tamningastöð
með um fimmtíu hrossum á húsi.
„Við erum fjögur sem vinnum
í því allan daginn,“ segir
Ísleifur en fjórbýlt er
að Kálfholti. Búa þar
foreldrar Ísleifs og
systkini. Hesta-
mennskan er
þeim greinilega
í blóð borin og
er öll fjölskyldan
að einhverju leyti í
hestum þó sumir meira en
aðrir. Segir Ísleifur fjölskylduna til dæmis ferðast
mikið saman á sumrin uppi á fjöllum.
Ísleifur setur stefnuna eins og
aðrir knáir knapar á Landsmót í
sumar. „Ég er með hest sem
ég stefni með í B-flokk gæð-
inga og ætla einnig með í
gæðingafimina núna í næstu
keppnisgrein meistaramóts-
ins,“ greinir Ísleifur frá en hann
bindur talsverðar vonir við hestinn,
sem heitir Rauður frá Kálfholti og
er undan Asa frá sama stað.
„Þetta er feiknamikill gæð-
ingur og rýmishestur,“ segir
Ísleifur, sem eyðir flestum
helgum í hestamennskuna.
„Þetta er meiri lífsstíll en
vinna,“ útskýrir hann.
HESTAMAÐURINN: ÍSLEIFUR JÓNASSON
Meiri lífsstíll en vinna
Í kvöld kl. 20.30 verður sýndur á
TV2 í Danmörku fyrsti þátturinn
af sex sem teknir voru hér á landi,
þar sem íslenski hesturinn er í for-
grunni, ásamt íslenskri menningu
og náttúru. Sex danskar konur,
sem allar eru þjóðþekktar í sínu
heimalandi, tóku þátt í leiðangrin-
um sem þáttaröðin er byggð á.
„Upptökur fóru fram í sept-
ember og október,“ segir Hin-
rik Ólafsson, sem var gestgjafi,
leiðbeinandi og leiðsögumaður í
ferðinni. „Ákveðið var að fara um
Rangárþing, upp að Heklu og inn
í Landmannalaugar á hrossunum.
Hryssingsleg haustveður setti
hins vegar strik í reikninginn,
þannig að í stað Landmannalauga
var farið á móti fjársafninu sem
smalað hafði verið á Landmanna-
afrétti. Síðan fórum við með
Kristni Guðnasyni í svokallaða
hraunreið, að leita fjár í Heklu-
hrauni.“
H ó p u r i n n
gisti síðan tvær
nætur í gömlum
leitarmannakofa
í Áfangagili.
Þangað kom Guð-
rún Bergmann og
hitti konurnar.
Hún ræddi við
þær um hvern-
ig höndla mætti
orkuna í náttúr-
unni og læra að nýta hana. Hafði
það mikil áhrif á þær, að sögn
Hinriks.
Næst lá leiðin á Snæfellsnesið,
þar sem bíllinn var rétt floginn
út af veginum vegna veðurofsa.
Einnig var riðið í Þjórsárdal, þar
sem haustveðráttan lét leiðang-
ursfólkið finna fyrir sér. Eitthvað
var um að konurnar dyttu af baki
til að byrja með, en engin slys urðu
þó. Óblíð náttúruöfl og strangir
dagar á hestbaki urðu þó til þess
að tvær þeirra heltust úr lestinni.
Hinar fjórar stóðust allar raunir
með sóma og sögðust fara breytt-
ar manneskjur heim.
Gísli Sveinsson í Hestheimum
sá um að velja hrossin sem voru
20-35 talsins í leiðangrinum. „Við
vorum með hrossarekstur, sem
reyndi líka töluvert á þær,“ segir
Hinrik. „Konurnar sögðu mér að
hefðu þær haft tækifæri fyrr til að
takast á við hluti eins og íslenska
náttúru og þau öfl sem þær fundu
í henni hefði þeim ef til vill
vegnað öðruvísi á þeirri ströngu
ævi sem sumar þeirra hafa átt í
ýmsum efnum,“ bætir Hinrik við.
Hann segir að Danir og Íslend-
ingar séu afar ólíkir þegar kemur
að átaksverkefnum eins og þessu.
Danir vilji funda um hvert einasta
smáatriði, en Íslendingar láti bara
vaða. Þetta hafi valdið umræðum
en leyst farsællega.
jss@frettabladid.is
ÞJÓÐÞEKKTAR KONUR Konurnar sem þátt tóku í leiðangrinum eru allar þjóðþekktar í Danmörku. F.v. Pernille Højmark leikkona, Anna
Thygesen kaupsýslukona, Dorte W. Høgh kvikmyndaleikstjóri og Sara Blædel rithöfundur.
Íslenski hesturinn í
aðalhlutverki á TV2
Sex þjóðþekktar konur í Danmörku tóku sér ferð á hendur fyrir TV2 í Dan-
mörku og komu hingað til lands í haust. Þær dvöldu hér í nokkrar vikur og
voru einkum á hestbaki í óblíðum haustveðrum utan alfaraleiðar.
Spatt er talsvert algengt vandamál hjá
íslenska hestinum. Það lýsir sér sem
helti vegna brjóskeyðingar í hækillið á
afturfæti, en hækilliður er miðja vegu
frá lend niður á hóf.
Helgi Sigurðsson dýralæknir þekkir
vel til spattsins enda hefur hann gert
ófáa aðgerðina því tengda. Helgi segir
brjóskeyðinguna valda heltinni, hins
vegar sé það leið líkamans að lækna
sjálfan sig að mynda kalk í kringum
liðinn og það sé hin raunverulega
lækning. „Spattið getur valdið mjög
mismunandi mikilli helti. Hún getur
verið mjög lúmsk og lítil en oftast nær
kemur þetta fram sem veruleg helti,“
útskýrir Helgi en ávallt skal hafa spattið
í huga ef hestur er haltur og engin sýni-
leg ástæða eins og bólgur og áverkar er
fyrir hendi.
Til að athuga hvort hestur er með
spatt er hægt að nota svokallað beygju-
próf þar sem fóturinn er beygður í svo-
lítinn tíma. Ef hestur er spattaður koma
fram eymsli og hann verður haltari eftir
en fyrir. Besta sjúkdómsgreiningin er
þó röntgenmyndataka, sem tekur af
allan vafa.
Hægt er að gera aðgerð ef upp
kemur spatt. Þá er borað í liðinn
til að flýta fyrir kölkun. Hins vegar
segir Helgi að þegar hestar séu
orðnir haltir sé kölkunin oft komin
það langt á veg að aðgerðin þjóni
engum tilgangi.
„Besta aðferðin er hins vegar
íslensk sjúkraþjálfun,“ segir Helgi
en með því meinar hann að
hesturinn sé settur á útigang í
náttúruna í nokkra mánuði eða
ár. „Hestarnir eru þá á stöðugri
hreyfingu og stirðna aldrei og
þegar liðirnir nuddast saman kalka
þeir,“ segir Helgi en áréttir að ef heltin
hverfi ekki á einu til tveimur árum
minnki líkurnar á bata mjög.
Í rannsókn sem framkvæmd var fyrir
nokkrum árum kom í ljós að tíðni
spatts í íslenska hestsinum er nokk-
uð há. Af hópi sex vetra hesta voru
12 til 13 prósent með spatt og um
helmingur allra tólf vetra hesta.
Þetta er vissulega nokkuð
hátt en Helgi bætir við að
það sé hans tilfinning að
niðurstöðurnar séu ekki
alveg réttar og að hlutfall
hesta með spatt sé mun
minna. Dregur hann þær
ályktanir af þeim hestum
sem fara í útflutning en
þeir eru ávallt myndaðir
fyrir brottför.
SÉRFRÆÐINGURINN: HELGI SIGURÐSSON DÝRALÆKNIR
Hin íslenska sjúkraþjálfun er best við spatti
HINRIK ÓLAFSSON
Var gestgjafi og
leiðsögumaður í
ferðinni.
F
í
t
o
n
/
S
Í
A