Fréttablaðið - 06.06.2006, Page 25
ÞRIÐJUDAGUR 6. júní 2006 5
• ál / tré gluggar
• lágmarks viðhald
• falleg og nútímaleg hönnun
• aukin vörn gegn innbrotum
• 15 ára reynsla á Íslandi
• 10 ára ábyrgð á glugga / gleri
Gluggar - fjárfesting til framtíðar
■ Gangið úr skugga um að allar
öryggishlífar séu til staðar og að
vélin sé í góðu lagi.
■ Áður en slegið er er mikilvægt
að ganga um flötina og tína í burtu
alla lausamuni svo sem greinar,
leikföng, steina og rusl. Lendi þessir
hlutir í hnífunum geta þeir valdið
slysum og skemmdum þegar þeir
kastast frá vélinni.
■ Verið í góðum skófatnaði. Skór
með stáltá eru ákjósanlegastir.
■ Ýttu sláttuvélinni á undan þér og
dragðu hana aldrei að þér.
■ Þegar slegið er í halla á að slá
þvert á hallann. Ekki ýta vélinni upp
brekkuna því þá gæti hún runnið á
þig, ekki ýta vélinni niður brekku því
þér gæti skrikað fótur og þú runnið
undir vélina. Ef notuð er sláttuvél
með sæti á hins vegar alltaf að
keyra upp og niður hallann en
aldrei á hlið.
■ Börn ættu aldrei að vera nálægt
sláttuvél í notkun. Þau verða að
læra að sláttuvélin er ekkert leik-
tæki og ættu helst ekki að koma
nálægt sláttuvélinni þótt hún sé
ekki í gangi.
■ Ekki fylla á bensíngeyminn þegar
vélin er í gangi. Best er að fylla á
vélina þegar hún er köld og að sjálf-
sögðu ætti að forðast alla meðferð
elds nálægt bensínsláttuvél.
Öruggur garðsláttur
SLÁTTUVÉLAR GETA VERIÐ HÆTTU-
LEGAR EF EKKI ER FARIÐ AÐ ÖLLU
MEÐ GÁT. HÉR ERU NOKKUR ATRIÐI
SEM GOTT ER AÐ HAFA Í HUGA ÞEGAR
GARÐURINN ER SLEGINN.
Kraninn Quooker er skemmti-
leg viðbót við eldhústækin.
Úr krananum kemur sjóðandi
heitt vatn sem flýtir fyrir
eldamennskunni og öðrum
eldhússtörfum.
Kraninn Quooker hefur undanfarin
misseri náð talsverðum vinsældum
í nágrannalöndum okkar. Kraninn
er kærkomin viðbót við heita- og
kaldavatnskranann í eldhúsinu því
hann er þeim eiginleikum búinn að
úr honum streymir sjóðandi heitt
vatn. Margir kjósa að fá sér slíkan
krana í eldhúsið sitt enda ekki ama-
legt að geta skrúfað frá krana og
fengið soðið vatn í kaffið eða elda-
mennskuna. Útbúnaðurinn er
þannig gerður að í skápinn undir
vaskinum er látinn sérstakur vatns-
tankur sem hitar vatnið upp í 110
gráður og á leiðinni í kranann kóln-
ar vatnið um tíu gráður og er því við
suðumark þegar það rennur úr kran-
anum. Af öryggisástæðum er kran-
inn búinn sérstakri barnalæsingu.
Þar að auki ýrist vatnið úr kranan-
um en myndar ekki sterka bunu.
Kraninn hentar ekki bara vel til
þess að flýta fyrir í eldamennskunni
heldur kemur hann einnig að góðum
notum við þrif. Þegar kjúklingur er
skorinn er gott að geta stungið
hnífnum í sjóðandi vatn áður en ráð-
ist er á grænmetið og hluti eins og
barnapela eða rjómaþeytara má
þrífa vel í soðnu vatninu. Þá getur
einnig verið fljótlegt að stinga mat-
vælum undir bunununa, t.d. ef
skræla á tómata eða snöggsjóða
grænmeti.
Quooker-kraninn er ekki kominn
í sölu hérlendis, en geta má sér þess
að hann muni eiga upp á pallborðið
hjá nýjungagjörnum Íslendingum.
- to
Soðið vatn beint úr krananum
Úr krananum streymir 100 gráðu heitt vatn.
ÞAÐ ER GAMAN AÐ SKREYTA
GARÐINN MEÐ FALLEGRI MÖL OG
STEINUM.
Hvers kyns skrautsteinar eru meðal
þeirra nýjunga sem finna má í verslun
Garðheima fyrir þetta sumarið. Um
er að ræða möl í alls konar skemmti-
legum litum sem hentar vel t.d. í
blómaker. Skjannahvít möl sómir sér
vel með grænum gróðri og eins eru
í boði ýmsir fallegir gráir tónar og
bleikir. Mölin er innflutt og seld í 25
kílóa pokum.
Þá er einnig hægt að kaupa skemmti-
lega skrautsteina í stykkjatali sem
fallegt er að nota í garðinn. Þá má
nota til að afmarka blómabeð eða
innkeyrslur eða bara til að skreyta
garðinn á annan hátt. Í boði eru átta
mismunandi steinar sem seldir eru í
stykkjatali.
Skrautsteinar í garðinn
Steinarnir henta vel til að afmarka
innkeyrslur eða blómabeð.
húsráð }