Fréttablaðið - 06.06.2006, Blaðsíða 84
6. júní 2006 ÞRIÐJUDAGUR28
Ómar Ragnarsson hitti Bubba fyrst
á þeim árum sem hann var að
skemmta með Sumargleðinni en þá
voru Sumargleðin og Bubbi oft
bókuð á sömu uppákomurnar. „Á
þessum árum var Bubbi uppreisn-
argjarn pönkari en þegar ég kynn-
ist honum fyrir alvöru kom hann
mér mjög á óvart. Hann er mikill
hugsjónamaður og öðlingur og
sannari og betri vin er vart hægt að
hugsa sér,“ segir Ómar. Þegar hann
er beðinn um að rifja upp sögu af
Bubba koma nokkrar upp í hugann.
Sú fyrsta tengist samstarfi þeirra
Bubba við boxlýsingar fyrir Sýn.
„Í viðureign árið 1997 beit Tyson
eyrað af andstæðingi sínum, Holy-
field. Bubba varð svo mikið um að
hann lokaði símanum hjá sér og það
var ekki hægt að ná í hann í sólar-
hring,“ segir Ómar og bendir á að
þetta sé gott dæmi um það hversu
tilfinningaríkur Bubbi geti verið.
„Mér er líka mjög minnisstætt
þegar Bubbi fékk menningarverð-
laun DV. Það man örugglega enginn
eftir þessari samkomu nema fyrir
þær sakir að þegar Bubbi steig á
svið til að taka á móti verðlaunun-
um þá leit hann yfir salinn þar sem
sat prúðbúið fólk á flestum borðum
og sagði að þessi samkoma snerist
minnst um tónlist og menningu
heldur um það hver væri í flottasta
dressinu. Hann sagði að fólk hefði
örugglega eytt mörgum klukku-
stundum í það að búa sig
fyrir samkomuna bara
svo það gæti borið
sig saman við
næsta mann.
Það sem mér fannst hins vegar
fyndnast við þessa ræðu Bubba var
að þarna stóð hann uppstrílaður að
hætti pönkara með hanakamb,
barmmerki og nælur og hafði
örugglega eytt einna mestum tíma
af öllum þarna inni við að búa sig.“
Og Ómar á fleiri sögur af Bubba í
pokahorninu. „Einu sinni var hann
að spila á Broadway og tók þá amer-
ískt kántrí-blús lag og gerði það svo
vel að maður féll alveg í stafi. Þegar
hann kom af sviðinu þá sagði ég við
hann að hann væri nú þekktur fyrir
að vera góður laga- og textasmiður
en þarna hefði hann einnig sannað
að hann væri ekki síðri söngvari og
gítaristi. Það kom glampi í augun á
Bubba við þetta, en þetta er hlið
sem færri þekkja.“
Hugsjónamaður
ÓMAR RAGNARSSON FRÉTTAMAÐUR
Hefur lýst ófáum boxbardögum með
Bubba Morthens og kann margar sögur af
kónginum.
Silja Aðalsteinsdóttir skrifaði ævi-
sögu Bubba fyrir mörgum árum
sem vakti mikla athygli og seldist
eins og heitar lummur.
Hún man vel eftir fyrstu kynnum
sínum af kónginum: „Ég sá hann og
heyrði syngja á Félagsstofnun stúd-
enta 1979 og varð alveg hugfangin.
Ég var að gera útvarpsþætti um far-
andverkafólk og lét taka tónleikana
upp. Þarna var Tolli líka sem barði
gítar og söng við raust. Ég fékk svo
að nota Stál og hníf sem einkennis-
lag þáttanna,“ segir Silja. „Þetta
voru þrír klukkutíma þættir með
viðtölum við farandverkafólk og svo
sungu þeir bræður á milli. Ég held
að þetta hafi verið í fyrsta skipti sem
Bubbi kom fram í útvarpi. Ég veit
ekki hvort það urðu rauðglóandi
símalínur en þeir fengu ekki mikinn
frið á útvarpinu eftir þættina vegna
þess að fólk vildi endilega vita hver
það væri sem syngi þetta lag, sem
mér hefur stundum fundist síðan að
væri hálfgerður þjóðsöngur Íslend-
inga, Stál og hnífur,“ segir hún.
„Mér er líka ákaflega minnis-
stætt þegar ég var á ferðalagi í
Grikklandi með Sigurði A. Magnús-
syni. Við vorum á Eyjahafinu að
sigla til Aþenu og allur hópurinn
söng Stál og hnífur hátt og skýrt. Þá
hugsaði ég nú með mér að asskoti
væri nú strákurinn búinn að standa
sig vel. Þetta var 1987 og hann er nú
kominn ansi miklu lengra, ef það er
hægt að komast lengra heldur en að
allir kunni lag og texta eftir mann
og syngi það á svona ótrúlegum
stað.“
Stál og hnífur
sungið í Grikklandi
SILJA AÐALSTEINSDÓTTIR Silja skrifaði
ævisögu Bubba sem rann út eins og heitar
lummur. FRÉTTABLAÐIÐ/GVA
Steinar Berg Ísleifsson byrjaði að gefa
út plötur Bubba eftir að hann gaf út
Ísbjarnarblús árið 1980. Stóð samstarf
þeirra yfir í mörg ár eftir það. Vitaskuld
kann hann margar sögur af Bubba.
„Bubbi hringdi í mig einhvern tím-
ann og bað mig um að bjarga sér með
þúsund kall. Það var alveg sjálfsagt en
við vorum uppi í Árbæ. Hann kom og
fékk þúsundkallinn en fimmhundruð
kall af þúsundkallinum fór í að borga
leigubílinn,“ segir Steinar Berg og hlær.
„Bubbi er ákafamaður. Hann gengur
hratt og ákveðið til verks og er ástríðu-
fullur. Það var einhverju sinni að við
vorum að plana útgáfu og hann var
með mér og sölufólki í Steinum. Ætli
þetta hafi ekki verið upp úr 1980 og vel-
gengni Utangarsðmanna var þó nokkur.
Áður fyrr, í „old days“ eins og sagt er,
þá tíðkaðist það að plötur voru gefnar út
miklu hraðar, eins og Bítlanir sem gáfu
út fimmtán plötur á níu árum. Það var
kannski ekki sama ferð á því þarna en
það var alla vega hraðara en í dag,“ segir
Steinar. „Bubbi var að plana plötu og
hann sagði við okkur: „Svo setjum við
eina á jólamarkaðinn, eina á vormark-
aðinn og eina á sumarmarkaðinn“. Þá
greip einn sölumaður fram í og sagði:
„Og eina á útsölumarkaðinn“. Honum
fannst hann fullákafur í sínum plönum
en auðvitað var Bubbi að springa úr
sköpun og samdi svo mikið af lögum
að hann vildi koma þessu öllu frá sér.
Bubbi hefur nú aldrei verið gestur á
útsölumörkuðum, sem betur fer,“ segir
hann.
500 kall
í leigubíl
STEINAR BERG ÍSLEIFSSON Fyrrverandi
útgefandi Bubba Morthens lánaði
honum þúsundkall uppi í Árbæ.
FRÉTTABLAÐIÐ/E.ÓL.
Listamaðurinn Tolli, eldri bróðir
Bubba, kann eina góða sögu af
kappanum þegar hann var ungur
að árum: „Hann var að ferðast
með Gullfossi til Danmerkur með
mömmu. Ég hugsa að hann hafi
ekki verið nema svona tveggja
ára, kannski rúmlega það,“ segir
Tolli. „Þá var svona háborð þar
sem skipstjórinn situr og aðrir
gestir. Þá er það sem hann heimtar
að fá að troða upp með sitt númer.
Hann átti einhvers konar badmin-
tonspaða sem hann hélt á og svo
söng hann færeyska lagið Ó,
Rasmus. Ég held að þetta sé fyrsta
giggið hans Bubba, árið 1958 eða
1959, þannig að þetta lá alveg fyrir
honum. Snemma beygist krókur-
inn.“
Fyrsta giggið 2ja ára
TOLLI OG BUBBI Bubbi sýndi skemmtilega
takta um borð í Gullfossi þegar hann var
tveggja ára. FRÉTTABLAÐIÐ/STEFÁN
Ásbjörn Morthens, betur þekktur sem Bubbi Morthens, er fimmtug-
ur í dag. Af því tilefni verður efnt til stórtónleika í Laugardalshöll þar
sem kóngurinn sjálfur ætlar að flytja öll sín bestu lög. Fréttablaðið
hafði samband við nokkra valinkunna einstaklinga sem hafa kynnst
Bubba og bað þá að rifja upp skemmtilegar sögur í tilefni dagsins.
Sögur af Bubba
Mike Pollock, sem var gítarleikari
Utangarðsmanna, sparar ekki
stóru orðin: „Bubbi er King Kong
tónlistarsenunnar á Íslandi.“ Hann
bætir svo við sposkur: „Hann
hefur reyndar alltaf verið góður
að herma eftir öpum. Eitt sinn
vorum við í dýragarðinum í Kaup-
mannahöfn og hann lék eftir apa
svo vel að aparnir í búrunum hopp-
uðu upp og niður.“ Mike kynntist
Bubba fyrst árið 1979 þegar þeir
unnu báðir í Kassagerðinni. „Dag
einn byrjuðum við að tala
saman í hádegis-
hlénu. Hann fór
strax að tala um
Bob Dylan og Iggy
Pop, og við
urðum
strax ást-
fangnir,
listrænt
séð.“
Mike lumar á tveimur sögum af
Bubba. „Árið 1980 vorum við
Utangarðsmenn að keyra í rútu úti
á landi. Við sáum fólk að húkka sér
far og tókum það upp í bílinn. Allt
í einu birtist Bubbi aftur í rútunni
og byrjaði að leika apa, með hljóð-
um og hreyfingum. Hann þurfti
engan búning, hann var svo góður.
Hann hallar sér svo að túristunum
sem voru frá Þýskalandi og byrjar
að snyrta einn manninn, fikta við
hárið á honum eins og apar gera
gjarnan. Bubbi gerði þetta í dálít-
inn tíma, og gaf frá sér apahljóð í
leiðinni, en mennirnir sátu graf-
kyrrir, steini lostnir, og augun
stóðu á stilkum. Nema hvað,
Bubbi byrjaði þá smátt og
smátt að fara úr öllum
fötunum, braut þau
snyrtilega saman og
setti í næsta sæti, settist
svo niður brosandi og
horfði á þá! Það leið ekki
langur tími
þangað til fólk-
ið öskraði upp
yfir sig að
þau væru komin á leiðarenda og
vildu út.“
Þetta var greinilega ekki eina
rútuferðalagið þar sem Bubbi fór
á kostum, því þegar hljómsveitin
var á ferðalagi í Noregi 1981 átti
hann það til að skipta yfir í annan
persónuleika, hinn spastíska og
treggáfaða Olla: „Við tókum par
upp í rútuna og buðum þeim far,
og Bubbi breyttist allt í einu í Olla.
Við sögðum fólkinu að þetta væri
frændi okkar og að við hefðum
fengið leyfi til að taka hann af
sjúkrahúsi í smá ferðalag. Við
bættum við að hann væri mjög
vingjarnlegur en maður þyrfti
alltaf að svara „já“ við hverju sem
hann sagði. Olli byrjaði allt í einu
að klappa fólkinu á hausinn, og
spurði þau hvort það sæi kafbát-
ana. Já, já, hrópaði fólkið, við
sjáum kafbátana! En eftir tíu mín-
útur gáfust þau upp og báðu okkur
um að stoppa rútuna. Greyið fólk-
ið, þú getur rétt ímyndað þér! Við
gátum verið frekar andstyggileg-
ir. En við vorum góðir strákar
innst inni,“ segir Mike Pollock.
Apamaðurinn Bubbi
POLLOCK Kynntist Bubba í Kassagerðinni og varð strax
ástfanginn af listrænu hliðinni hans.
KÓ
N
G
UR
IN
N
E
R
FI
M
M
TU
G
UR
FYRSTI AÐDÁANDINN Þrátt fyrir að Bubbi sé langþekktastur af afrekum sínum hér heima
reyndi hann fyrir sér á erlendri grundu. Sumarið 1977 kom Bubbi í heimsókn til Lignano,
sem var mikil Íslendingaparadís á þeim tíma, en Arthúr bróðir hans var þar staddur með
fjölskyldu sinni. Bubbi var að glamra eitthvað á gítar og eignaðist fyrsta aðdáandann, sem
var níu mánaða og heitir Sandra Dögg Árnadóttir. Hérna sitja þau saman og Bubbi er að
spila fyrir hana. LJÓSMYND: ÁRNI ÞÓR ÁRNASON