Fréttablaðið - 28.06.2006, Blaðsíða 4

4 28. júní 2006 MIÐVIKUDAGUR
afrit.is
afrit.is
Afritun á hvers konar gögnum
Einfalt vi›mót og uppsetning
Hagkvæm fljónusta fyrir alla
Ókeypis a›gangur í 30 daga
Sjálfsafgrei›sla á Netinu
Vottu› fyrsta flokks fljónusta
Vöktun allan sólarhringinn
fiúsundir ánæg›ra vi›skiptavina
Örugg dulkó›un og samskipti
GENGIÐ
GENGI GJALDMIÐLA 27.06.2006
Bandaríkjadalur 75,69 76,05
Sterlingspund 137,82 138,50
Evra 95,12 95,66
Dönsk króna 12,755 12,829
Norsk króna 11,968 12,038
Sænsk króna 10,302 10,362
Japanskt jen 0,6494 0,6532
SDR 111,19 111,85
HEIMILD: Seðlabanki Íslands
KAUP SALA
131,8593
Gengisvísitala krónunnar
MANNRÉTTINDAMÁL Þing Evrópu-
ráðsins samþykkti nær einróma í
gær að halda skyldi áfram rann-
sókn á meintum leynilegum fanga-
flutningum og fangelsum á vegum
bandarísku leyniþjónustunnar
CIA í lögsögu Evrópuríkja. Franco
Frattini, sem fer með dómsmál í
framkvæmdastjórn Evrópusam-
bandsins, sló því föstu að menn
sem grunaðir hefðu verið um að
vera viðriðnir hryðjuverkastarf-
semi hefðu verið handteknir og
seldir í hendur útsendara Banda-
ríkjastjórnar í evrópskri lögsögu.
Frattini hvatti til þess að ítarleg
rannsókn færi fram í hverju landi
á meintu ólöglegu athæfi erlendra
útsendara og samsekt stjórnvalda
í viðkomandi Evrópuríkjum í
hugsanlegum mannréttindabrot-
um. Fór hann
þess jafnframt á
leit að reynt yrði
að tryggja að
erlendir útsend-
arar kæmust ekki
upp með það
framvegis að
fremja mann-
réttindabrot í
Evrópu.
Frattini sagði
það vera „staðreynd“ að slík tilvik
hefðu átt sér stað í evrópskri lög-
sögu eftir hryðjuverkaárásirnar á
Bandaríkin 11. september 2001, en
fjöldi þeirra væri óljós. Einnig
væri óljóst að hve miklu leyti
stjórnvöld í viðkomandi Evrópu-
löndum hafi verið upplýst um það
sem fram fór og að hve miklu leyti
þau lögðu hinum erlendu útsend-
urum lið. Hann sagði það vera á
könnu landsyfirvalda að ganga úr
skugga um hvað hæft sé í öllum
þeim ábendingum sem fram koma
um meint mannréttindabrot af
hálfu erlendra útsendara í hverju
landi fyrir sig.
Í nýlegri skýrslu svissneska
þingmannsins Dick Marty, sem
unnin var í nafni mannréttinda-
og laganefndar Evrópuráðsþings-
ins, er komist að þeirri niður-
stöðu að sterkar vísbendingar
séu um að í 14 Evrópulöndum
hefðu stjórnvöld gerst meðsek
um slík brot. Nýja ályktunin, sem
samþykkt var í gær, veitir umboð
til að halda þessari rannsókn
áfram.
„Það er nauðsynlegt að upplýsa
málið til fulls, það vantar ennþá
töluvert upp á að stjórnvöld í
öllum aðildar-
ríkjum Evrópu-
ráðsins hafi veitt
þær upplýsingar
sem beðið hefur
verið um, til að
skýra sinn hlut í
málinu. Það eru
dæmi um það að
mönnum var
rænt um hábjart-
an dag af útsend-
urum Bandaríkjastjórnar og það
er auðvitað ekki líðandi að slíkt sé
gert í lögsögu Evrópuríkja,“ sagði
Kristinn H. Gunnarsson alþingis-
maður, sem var annar tveggja
íslenskra þingmanna sem sóttu
fund Evrópuráðsþingsins að þessu
sinni. Hinn var Birgir Ármanns-
son. Báðir sögðu þeir að af því að
dæma sem fram er komið sé engin
ástæða til að ætla að Ísland hafi
tengst þessum málum á nokkurn
hátt.
Birgir lét þess jafnframt getið
að hafa bæri í huga að engar
óyggjandi sannanir væru bornar
fram í skýrslu Dick Marty, aðeins
rök færð fyrir missterkum vís-
bendingum um að umrædd brot
hefðu átt sér stað.
audunn@frettabladid.is
FRANCO FRATTINI OG DICK MARTY Á blaða-
mannafundi í Strassborg í gær.
FRÉTTABLAÐIÐ/AP
Meint fangaflug CIA
rannsakað áfram
Evrópuráðsþingið samþykkti í gær að halda skyldi áfram rannsókn á ásökunum
um að stjórnvöld í Evrópuríkjum hafi liðsinnt bandarísku leyniþjónustunni við
að brjóta mannréttindi á föngum, grunuðum um að tengjast hryðjuverkum.
KRISTINN H.
GUNNARSSON
BIRGIR ÁRMANNS-
SON
HEIMSÓKN Zhang Meiying, vara-
forseti kínverska ráðgjafarþings-
ins, hitti í gær Ólaf Ragnar Gríms-
son, forseta Íslands, á Bessastöðum
þar sem viðskiptasambönd land-
anna voru meðal annars rædd.
Einnig hitti hún Sólveigu Péturs-
dóttur, forseta Alþingis, og Magn-
ús Stefánsson félagsmálaráðherra
en einkum var rætt um viðskipti
og mannréttindi á þeim fundum.
Zhang Meiying fer af landi
brott í dag en hún hefur dvalið hér
ásamt sjö manna sendinefnd síðan
á sunnudag. - gþg
Zhang Meiying í heimsókn:
Þingforsetar
ræddu viðskipti
ZHANG MEIYING OG SÓLVEIG PÉTURSDÓTTIR
Sátu klukkustundar langan fund saman.
FRÉTTABLAÐIÐ/GVA
Sami herafli áfram George W. Bush
Bandaríkjaforseti sagði á mánudag
að orðrómur um að fækka ætti í liði
Bandaríkjahers í Írak um 7.000 hermenn
væri byggður á einni hugmynd af
mörgum sem yfirmaður heraflans í
Írak hefði sett fram. Hann sagði enga
ákvörðun hafa verið tekna um þetta.
BANDARÍKIN
DÓMSMÁL Héraðsdómur Reykja-
víkur sýknaði í gær íslenska ríkið
af skaðabótakröfum Péturs Þórs
Gunnarssonar.
Pétur krafðist þess að honum
yrðu greiddar tæpar 4 milljónir í
skaða- og miskabætur vegna synj-
unar Fangelsismálastofnunar um
reynslulausn úr fangelsi í júlí árið
2000. Þá hafði hann afplánað helm-
ing af sex mánaða fangelsisdómi
vegna fjársvika og skjalafals.
Synjunin var gerð á þeim for-
sendum að á sama tíma stóð yfir
rannsókn hjá embætti Ríkislög-
reglustjóra á meintum málverka-
fölsunum Péturs. Á grundvelli
þeirrar rannsóknar var Pétur
kærður árið 2003
og sýknaður í
Hæstarétti rúmu
ári síðar.
Fram kemur í
dómi héraðsdóms
að heimilt sé að
veita föngum
reynslulausn, en
það sé undantekn-
ing. Þá er einnig
ákvæði sem segir
að mönnum sé ekki veitt slík
reynslulausn, sé ólokið öðru máli
þar sem viðkomandi er grunaður
eða sakaður um refsiverða hátt-
semi.
Taldi Pétur að það ákvæði
stangaðist á við stjórnarskrá sem
og mannréttindasáttmála Evrópu
þar sem fram kemur að hver sá
sem borinn er sökum, skuli talinn
saklaus, uns sekt er sönnuð.
Dómurinn fellst ekki á að í
ákvæðinu felist, að fangelsisyfir-
völdum sé gert að meta sekt við-
komandi eða sýknu í málum þeim
sem kunni að vera ólokið.
Þá segir að ekki verði séð að
slíku mati hafi verið beitt við
afgreiðslu umsóknar Péturs um
reynslulausn.
Því var ríkið sýknað af öllum
kröfum en málskostnaður fellur
niður. Ekki náðist í Pétur vegna
dómsins í gær. - öhö
Héraðsdómur Reykjavíkur sýknaði íslenska ríkið af skaðabótakröfum:
Kröfum Péturs Þórs hafnað
PÉTUR ÞÓR
GUNNARSSON
Ákært vegna húshruns Þrír menn
sem áttu þátt í að hanna fjölnotahús
sem hrundi í Suðvestur-Póllandi í janúar
í vetur, með þeim afleiðingum að 65
manns létu lífið, hafa verið handteknir
og ákærðir fyrir að hafa vísvitandi stefnt
lífi og limum fólks í hættu með því að
brjóta gildandi byggingareglugerðir. Þeir
gætu átt allt að átta til tólf ára dóma yfir
höfði sér, verði þeir sakfelldir.
PÓLLAND
KAUPMANNAHÖFN, AP Dómar voru
kveðnir upp yfir níu manns í
Kaupmannahöfn í gær vegna
morðs á nítján ára stúlku,
Ghazala Khan, í september
síðastliðnum.
Það var eldri bróðir hennar
sem skaut hana tveimur dögum
eftir brúðkaup hennar vegna
þess að fjölskylda hennar, sem
er frá Pakistan, gat ekki sætt sig
við val hennar á brúðguma.
Hinir dæmdu eru allir úr fjöl-
skyldu hinnar myrtu, eða vina-
hópi fjölskyldunnar.
Eiginmaður hennar var skot-
inn tvisvar í magann, en hann
lifði af árásina. - gb
Stúlka myrt í Danmörku:
Níu sekir um
heiðursmorð
SAMKOMULAG Í gær var undirritað
aðildarsamkomulag Íslands og
Noregs að Evrópska lögreglu-
skólasamstarfinu í Þjóðmenning-
arhúsinu. Með samkomulaginu er
opnað fyrir nánara samstarf á
milli Lögregluskóla ríkisins og
evrópskra lögregluskóla um upp-
lýsingaskipti og þjálfun.
Viðfangsefni Evrópska lög-
regluskólasamstarfsins tengjast
meðal annars ólöglegum innflytj-
endum og baráttunni gegn afbrot-
um.
Þetta er í fyrsta skipti sem
lögregluskólum utan Evrópusam-
bandslanda er veitt aðild að þessu
samstarfi. - gþg
Tímamót fyrir Lögregluskólann:
Í samstarf við
evrópska skóla
FRÁ UNDIRRITUN Björn Bjarnason staðfestir
samkomulagið.
UNDIRSKRIFTASÖFNUN Rúmlega 20
þúsund manns hafa nú ritað nafn
sitt á undirskriftalista, þar sem
alþingismenn eru hvattir til að
samþykkja lagafrumvarp Ágústs
Ólafs Ágústssonar, um afnám
fyrningarfrests á kynferðisbrot-
um gegn börnum.
Það eru samtökin Blátt áfram
sem standa fyrir undirskriftasöfn-
uninni og munu þau í haust, þegar
þing kemur saman að nýju,
afhenda þær sex þúsund undir-
skriftir sem bæst hafa við frá síð-
ustu afhendingu. - öhö
Afnám fyrningarfrests:
Tuttugu þúsund
skrifa undir