Fréttablaðið - 28.06.2006, Síða 10

10 28. júní 2006 MIÐVIKUDAGUR
GJÓÐUR MERKTUR Ungur gjóður, sem er
smávaxinn flökkuörn sem kvað oft rang-
lega vera nefndur fiskiörn, er hér merktur í
Lasko í Póllandi áður en honum var sleppt
aftur út í frelsið í gær. FRÉTTABLAÐIÐ/AP
Föstudaginn 30. júní kl. 21
og laugardaginn 1. júlí kl. 15 og kl. 21
rgátuna“„Það var gaman að glíma við Flateyja
Úlfhildur Dagsdóttir, Kastljós
„Það er svo gaman að láta koma sér á óvart...“
Hrund Ólafsdóttir, Mbl.
„Einstakt andrúmsloft“
Katrín Jakobsdóttir, DV
Tilnefnd til Glerlykilsins 2004
VIKTOR ARNAR SEGIR FRÁ
FLATEYJARGÁTU ÍFLATEY
edda.is
mun Viktor Arnar Ingólfsson rithöfundur halda fyrirlestra
um skáldsögu sína Flateyjargátu og sýna myndir með skjávarpa
í Hótel Flatey. Allir velkomnir á meðan húsrúm leyfir.
Ferðaáætlun Breiðafjarðarferjunnar Baldurs er birt á www.saeferdir.is.
EITRUN „Ég hélt að þetta gæti
einungis gerst í bandarískum
kvikmyndum,“ sagði Magnús
Guðnason, faðir níu ára gamals
drengs, Arons Gauta, sem veiktist
vegna eitrunarinnar í sundlauginni
á Eskifirði í gær. Aron Gauti var
fluttur á fjórðungssjúkrahúsið á
Neskaupstað en slapp við alvarleg
meiðsli. Hann dvaldi á
sjúkrahúsinu fram eftir degi.
Magnús sagðist hafa orðið
skelkaður er hann gerði sér grein
fyrir því að hætta væri á ferðum.
„Það greip um sig mikil skelfing
þegar fólk gerði sér grein fyrir
því að það hefði myndast mikil
hætta í sundlauginni. Það reyndu
allir að hjálpa. Ég hjálpaði til við
að stjórna umferð á svæðinu, á
meðan mesti hamagangurinn var
við sundlaugina á Eskifirði.
Björgunaraðgerðum var virkilega
vel stjórnað og það er gott til þess
vita, að það séu fagmenn hér á
þessu sviði sem geta stýrt
aðgerðum á vettvangi þegar svona
kemur upp.“
Magnús, sem þjálfar unga
drengi í fótbolta á Eskifirði,
bannaði hópi drengja að fara í
sund í gær, þrátt fyrir mikla
veðurblíðu, þar sem drengirnir
áttu að etja kappi við jafnaldra
sína frá Egilsstöðum seinna um
daginn. Hann segist þakka guði
fyrir að hafa ekki leyft þeim að
fara. „Ég sé ekki eftir því að hafa
bannað þeim að fara í sund, enda
hefðu þeir líklega veikst eins og
aðrir sem voru í sundi á þeim tíma
sem eitrunin kom upp. Þetta voru
á milli tíu og tuttugu drengir, sem
eflaust hefðu farið í sund enda
veðrið gott.“ sagði Magnús.
Aðstandendur þeirra sem urðu
fyrir eitruninni hjálpuðust að við
að koma fólki sem fyrst undir
læknishendur og gengu þeir að
sögn Magnúsar vel. „Fólk sýndi
mikla samstöðu á vettvangi og
reyndi að hjálpast að eftir fremsta
megni. Atburðir eins og þessir
sýna vel hversu fólk stendur vel
saman þegar svona kemur upp.“
magnush@frettabladid.is
Skelfingin í
sundlauginni
Faðir drengs sem veiktist vegna eitrunarinnar
í sundlauginni á Eskifirði, segir ástandið sem
skapaðist hafa verið óraunverulegt.
EITRUN Í kjölfar atburðanna í gær
var ákveðið að rýma leikskólann
Dalborg á Eskifirði, sem er stað-
settur um tvö hundruð metra frá
sundlauginni þar sem slysið átti
sér stað.
Sóley Valdimarsdóttir, leik-
skólastýra á Dalborg, segist hafa
hringt í heilsugæsluna um leið og
henni bárust fregnir af slysinu og
var henni þá ráðlagt að rýma leik-
skólann í flýti. Hún segir enga
hættu hafa skapast í leikskólanum
og börnin hafi verið róleg yfir
þessu öllu saman.
Í gærkvöldi var mælt hvort eitt-
hvað af eiturefninu hefði borist inn
í leikskólann og segir Sóley að sér
hafi verið tilkynnt síðar um kvöld-
ið að svo væri ekki.
Um þrjátíu börn og átta starfs-
menn voru í leikskólanum þegar
atburðir gærdagsins dundu yfir.
- æþe
Leikskólinn Dalborg á Eskifirði rýmdur:
Börnin voru róleg
FRÁ VETTVANGI Á ESKIFIRÐI Mikill fjöldi fólks var á vettvangi þegar björgunaraðgerðir stóðu
sem hæst á Eskifirði. Eskfirðingar og aðrir hjálpuðust að við björgunina.
EITRUN Í sundlauginni á Eskifirði
var blandað saman röngum hlut-
föllum efna með þeim afleiðingum
að það myndaðist eiturgas. Elín G.
Guðmundsdóttir, fagstjóri hjá
Umhverfisstofnun og efnafræð-
ingur, útskýrir að hýpóklórít, sem
er efnasamband með klór og notað
til að leysa úr læðingi klórgas til að
sótthreinsa vatn, hafi lent saman
við sýru í röngum hlutföllum.
„Það sem hefur gerst er að það
er blandað saman sýrum við hýpó-
klórít sem lækkar sýrustigið svo
mikið að það losnar mikið klórgas.
Klórgas er mjög eitrað og þegar
einstaklingur andar því að sér þá
binst það vatni og myndar salt-
sýru í slímhúð. Þegar það gerist í
lungum er það afar hættulegt.“
Elín segir að þegar um bráðhrif
slíkrar eitrunar sé að ræða skipti
ekki máli hver aldur einstaklings-
ins sé. „Hins vegar við langvar-
andi áhrif eru börn meira í hættu
því frumuskiptingar þeirra eru
miklu hraðari. Viðkvæmir ein-
staklingar sem eiga við öndunar-
færasjúkdóma að stríða eru einn-
ig í aukinni hættu vegna þess að
þetta herjar á slímhúð þeirra sem
eru veikir fyrir.“
Elín segir að umrædd efni eigi
að vera í umbúðum sem séu mjög
vel merktar og allir sem flytja
slíkan varning eigi að hafa farið á
námskeið og lært um meðferð efn-
anna. „Ég veit ekki hvað gerðist
þarna nákvæmlega en ef einstakl-
ingur þekkir ekki munin á lyktinni
af ediksýru og hýpóklórít þá getur
farið svona.“ - shá
Elín G. Guðmundsdóttir, fagstjóri hjá Umhverfisstofnun, segir klórgas mjög eitraða lofttegund:
Gasið myndar saltsýru í slímhúð
FRÁ ESKIFIRÐI Í GÆR Þegar sýru er blandað í röngu hlutfalli við hýpóklórít myndast eitur-
gas. Það er afar hættulegt þegar það berst í lungu. MYND/HELGI GARÐARSSON
EITRUN Það var í nógu að snúast á
Fjórðungssjúkrahúsinu á Nes-
kaupstað í gær, en þangað leituðu
tuttugu og fimm sjúklingar vegna
mengunarslyssins í sundlauginni
á Eskifirði. Björn Magnússon yfir-
læknir var í sumarleyfi þegar
hann var kallaður til vinnu ásamt
fjölda annarra starfsmanna á
sjúkrahúsinu.
„Við fengum alla sjúklingana
inn í einu þannig að það var mikið
öngþveiti til að byrja með, en við
lögðum áherslu á að flokka sjúk-
linga eftir því hverja við þyrftum
að flytja og hverjum við gætum
sinnt. Þeir sem við fluttum voru
með súrefnisskort í blóði og við
vildum flytja þá á stað sem hefur
öndunarvél ef á þyrfti að halda.
Sjúkrahúsið í
Neskaupstað
er því miður
vanbúið hvað
varðar slík
tæki.“
Á sjúkra-
húsinu liggja
nú inni nítján
sjúklingar sem
verða þar yfir
nótt, en enginn er í mikilli hættu.
Björn segir eitrun af völdum klór-
gass geta haft alvarleg áhrif á
öndunarfæri, húð og augu. „Fjórir
eða fimm voru með augnskaða en
hann var sem betur fer ekki var-
anlegur. Starfsfólkið stóð sig ótrú-
lega vel og sinnti sínu starfi af
miklum sóma.“ - sþs
Yfirlæknir á Fjórðungssjúkrahúsinu á Neskaupstað:
Allir sjúklingarnir
komu inn í einu
BJÖRN MAGNÚSSON
FR
ÉT
TA
B
LA
Ð
IÐ
/H
EL
G
I G
A
R
Ð
A
R
SS
O
N
EITRUN Rauði kross Íslands opnaði
söfnunarstað aðstandenda í grunn-
skólanum á Eskifirði og á Fjórð-
ungssjúkrahúsinu í Neskaupstað
þar sem aðstandendur fórnar-
lamba slyssins fengu sálrænan
stuðning og upplýsingar um gang
mála. Nokkrir leituðu sér aðstoðar
hjá Rauða krossinum og héldu
sjálfboðaliðar aðstöðunni opinni til
hálf sjö að sögn Ástu Tryggvadótt-
ur, formanns Rauða krossins á
Eskifirði. „Fulltrúar Rauða kross-
ins í Reykjavík höfðu samband við
okkur og við fórum í viðbragðs-
stöðu.“ - sdg
Aðstaða Rauða krossins:
Stuðningur og
upplýsingar
FJÓRÐUNGSSJÚKRAHÚSIÐ Í NESKAUPSTAÐ