Fréttablaðið - 28.06.2006, Blaðsíða 24

][
Þórbergssetur verður opnað
um næstu helgi að Hala í
Suðursveit. Þar birtist heimur
bóka meistarans og mannlífs
Suðursveitar.
„Hér verða tvær sýningar sem
tengjst bæði Þórbergi og sögu og
menningu Suðursveitar,“ segir
Þorbjörg Arnórsdóttir húsfreyja á
Hala um það sem fyrir augu ber á
setrinu nýja. „Annars vegar er
ljósmyndasýning af mannlífi í
Suðursveit á árum áður. Hún er í
sérstökum sal. Hins vegar er svo
fræðslu-og upplifunarsýning þar
sem mikillar fjölbreytni gætir,
bæði í útfærslum og efnisvali.
Þemað er ævi þórbergs en engu að
síður er komið víða við. Enda kom
hann víða við. Því var reynt að
hafa víða skírskotun til margra
hluta. Bæði fjallar sýningin um
árin sem hann dvaldi hér í Suður-
sveit og eftir að hann fór héðan og
heimur bóka hans er þarna í
nokkrum senum, sett upp í
leikmyndum.
„Þorbjörg hefur haldið utan um
Þórbergsverkefnið en vill þó ekki
láta kalla sig safnvörð. „Við erum
mörg sem höfum unnið að þessu
verki en höfum ekki efni á því að
hafa fastan starfsmann enn sem
komið er,“ segir hún. Tekur fram
að Jón Þórisson sé hönnuður
sýningarinnar og hann og Sveinn
Ívarsson, dóttursonur skáldsins,
hafi hannað húsnæðið og útlit
þess. En skyldi verða veitingasala
á staðnum?
„Já, það verður kaffisala alla
daga og einnig verður hægt að
panta mat. Veitingarnar verða í
þjóðlegum stíl. Á matborðið
ætlum við að bera fram kjötsúpu
og silung og hvorutveggja á vel
við. Sauðfjárbúskapurinn var
undirstaða búskaparins og hér
lifði fólk á silungi úr lóninu, löngu
áður en bleikjueldið kom til
sögunnar. Svo mun Manga gefa
kaffið!“
-Úr blárósóttum bollum?
„Nei, það er nú allt í frekar
nýtískulegum stíl í veitingasalnum.
Við ætlum ekkert að lifa í fortíð-
inni þó að við byggjum þetta upp á
þeim arfi sem okkur var færður af
fólkinu sem hér bjó áður. Við
verðum að líta til framtíðar líka.“
gunnthora@frettabladid.is
Þemað er ævi Þórbergs
Þórbergssetrið á Hala lítur út eins og bókahilla þar sem kilirnir snúa upp að veginum með titlum Þórbergs og merki Máls og Menningar.
Setrið verður opnað almenningi á laugardag. MYND/ÞORBJÖRG
Þeir Nico Heidnen og Anders
Druyf hafa ferðast um Ísland
síðastliðinn hálfan mánuð og
gist í tjöldum og gistiheimil-
um. Þeir segja landið býsna
frábrugðið heimalandi sínu
Hollandi en frábært engu að
síður. Blaðamaður og ljós-
myndari rákust á þá félaga á
tjaldsvæðinu í Laugardal.
„Við höfum ferðast hringinn í
kringum Ísland, við fórum meðal
annars á Snæfellsnes, Skaftafell,
Þingvelli og Árnes,“ segja þeir
Nico og Anders, en eiga í töluverðum
vandræðum með að bera fram
óþjál staðarheitin. Að þeirra sögn
var það jarðhitasvæðið í kringum
Kröflu sem heillaði þá mest við
Ísland. „Það er ótrúlegt að sjá
gufuna koma upp úr jörðinni. Það
er alveg frábært.“
Nico og Anders bera landi og
þjóða góða sögu og segjast þeir
allsstaðar hafa hitt fyrir vingjarn-
legt fólk og hvergi fengið það á
tilfinninguna að verið væri að
okra sérstaklega á þeim vegna
þess að þeir væru ferðamenn.
Hollendingarnir tveir hafa
hafst við á gistiheimilum og tjald-
svæðum um landið og báru þeir
sig vel eftir það, jafnvel þó svo að
í júnímánuði hafi mikið ringt og
þeir blotnað mikið. „Við komum
hingað til þess að skoða náttúruna
og njóta hennar, þannig að við
vorum við öllu búnir,“ segja þeir
og bæta því við að þeir myndu hik-
laust mæla með því við aðra að
heimsækja Ísland. Landið og nátt-
úran heillaði þá félaga þó meira en
Reykjavíkurborg hefur gert en
þegar Fréttablaðið hitti þá voru
þeir nýkomnir af listasafni í borg-
inni. „Þetta Listasafn var mjög
lélegt, það var bæði dýrt og
ómerkilegt. Ef Krafla var hápunkt-
urinn þá voru þetta örugglega
vonbrigði ferðarinnar.“ -vör
Krafla stóð upp úr
Tjaldsvæðið í Laugardal er hálf nöturlegt í
rigningunni. FRÉTTABLAÐIÐ/STEFÁN
Nico og Anders hafa ferðast um allt landið síðastliðinn hálfan mánuð. FRÉTTABLAÐIÐ/STEFÁN
Bók sem er sérsniðin fyrir
fjölskyldur á ferðalögum er
nýkomin út hjá Máli og menn-
ingu.
Ferðahandbók fjölskyldunnar er
eftir þau Bjarnheiði Halldórsdóttur
og Tómas Guðmundsson. Markmið
þeirra er að fá fólk til að skoða,
upplifa, njóta og slaka á. Líka
styrkja fjölskylduböndin og efla
virðingu og tilfinningu fólks fyrir
umhverfinu og mannlífinu hvar
sem er. Bókin er samin með það í
huga að börn og unglingar hafa
önnur viðmið en fullorðið fólk
þegar kemur að ferðalögum.
Höfundarnir lögðu land undir fót
til að velja áhugaverða og
fjölskylduvæna staði þar sem
börn gætu unað sér í guðsgrænni
náttúrunni og ákváðu jafnframt
að það mætti ekki kosta neitt að
upplifa þá.
Staðirnir sem urðu fyrir valinu
eru flokkaðir eftir landshlutum og
farið réttsælis í kringum landið,
byrjað á Akranesi og endað á
suðvesturhorninu. Í borða efst á
síðunum er annars vegar Íslands-
kort þar sem staðirnir eru merktir
með litlum punkti og hins vegar
rammi með tilvísun í viðeigandi
blaðsíðutal í Kortabók Eddu/Máls
og menningar. - gg
Ferðafélagi
fjölskyldu
Ferðahandbók fjölskyldunnar
Það er gaman að fara í stuttar hjólaferðir með fjölskyldunni. Það
er til dæmis skemmtilegt að hjóla Ægisíðuna, svindla síðan aðeins
og enda túrinn á Kaffi Nauthól og fá sér eina kökusneið.
Bókið og staðfestið strax á ferðaskrifstofunni,
Hesthálsi 10, s. 587 6000, info@vesttravel.is
www.vesttravel.is www.trex.is
HAUSTFERÐIRNAR TIL
ST. JOHN’S Á NÝFUNDNALANDI
HAFA SLEGIÐ RÆKILEGA Í GEGN
Brottfarir 2006: 28. - 31. okt. (lau. - þri.),
31. okt. - 4. nóv. (þri. - lau.) og 4. - 8. nóv. (lau. - mið.)
Áhugaverðar og ljúfar borgar- og verslunarferðir fyrir
einstaklinga jafnt sem hópa. Aðeins 3 - 3,5 klst. beint
flug og gist á glæsilegum hótelum. Verð með sköttum
frá kr. 57.300 m.v. tvo í herbergi á Holiday Inn.
Komið með til Kanada!
KAUPMANNAHÖFN – LA VILLA
Heimagisting á besta stað í bænum.
Býður alla Íslendinga velkomna.
Geymið auglýsinguna.
www.lavilla.dk. S.0045 3297 5530. GSM. 0045 2848 8905
Sigling milli Danmerkur og
Þýskalands er skemmtilegur
kostur.
Íslenskir ferðalangar sem ætla
sér að aka milli Þýskalands og
Danmerkur í sumar ættu að huga
að ferjusiglingum milli landanna.
Enda er lítil afslöppun fólgin í því
að sitja undir stýri við framandi
aðstæður í langan tíma. Ferjurnar
eru fínn kostur fyrir þá sem vilja
stytta aksturinn og ferðatímann.
Skipafélagið Scandlines býður
upp á tvær mismunandi leiðir
milli landanna. Ferjan milli Rødby
á Lálandi og Puttgarten í Þýska-
landi gengur allan sólarhringinn á
hálftíma fresti og tekur siglingin
þrjú kortér. Kostar farmiði aðra
leiðina fyrir fjölskyldu og bíl, 420
danskar krónur. Hinn kosturinn er
ferjan milli Gedser og Rostock en
hún fer á tveggja tíma fresti en
sjaldnar á nóttunni. Siglingin tekur
tæpa tvo tíma og kostar 570 danskar
krónur. Það er vissara að bóka
pláss í ferjurnar með fyrirvara.
Á heimasíðu Scandlines eru
meiri upplýsingar og þar er hægt
að panta far. www.scandlines.com
Pása frá akstrinum
Friðrik krónprins sem siglir millir Gedser og Rostock.
Laus pláss í gönguferð
um hinn rómaða Strútsstíg
Spennandi sumarleyfisferðir framundan