Fréttablaðið - 28.06.2006, Blaðsíða 32

MARKAÐURINN
Erlend verðbréfaeign íslensku
lífeyrissjóðanna hefur stóraukist
það sem af er ári eða um eitt
hundrað milljarða frá áramót-
um. Um áramótin áttu sjóðirnir
297 milljarða í erlendum eignum
en í lok mars fór erlend verð-
bréfaeign yfir fjögur hundruð
milljarða króna í fyrsta skipti í
sögunni. Þetta er 34,7 prósenta
aukning.
Við lok sama tímabils árið
2005 áttu sjóðirnir 237 milljarða
króna erlendis og hafa erlendu
eignirnar því aukist um 69 pró-
sent á einu ári.
Lífeyrissjóðir miða fjárfest-
ingar sínar í útlöndum aðallega
við hlutabréf; af þessum fjögur
hundruð milljörðum lágu þrjú
hundruð í hlutabréfum og hluta-
bréfasjóðum.
Heildareignir lífeyrissjóðanna
námu í endaðan apríl um 1.345
milljörðum króna samkvæmt
yfirliti frá Seðlabankanum en
augljóst er að hlutfall erlendra
eigna fer mjög vaxandi. Um ára-
mótin var hlutfall erlendra eigna
af heildareignum 24,6 prósent en
í lok apríl var hlutfallið komið í
tæp 30 prósent.
Aðstæður á erlendum hluta-
bréfamörkuðum voru hagstæðar
á fyrstu mánuðum ársins auk
þess sem veiking íslensku krón-
unnar jók verðmæti erlendra
eigna í krónum talið. Gera má
ráð fyrir að erlendar eignir haldi
áfram að vaxa hlutfallslega en
með réttri samsetningu verð-
bréfa getur helmingur eigna líf-
eyrissjóða verið erlendur. - eþa

Vika Frá áramótum
Actavis 1% 28%
Alfesca 13% -4%
Atorka Grou p 8% -3%
Bakkavör 0% -13%
Dagsbrún 3% -4%
FL Group 1% -8%
Flaga 0% -18%
Glitnir 4% 2%
KB banki 3% 0%
Landsbankinn 5% -16%
Marel 3% 9%
Mosaic Fashions 8% -14%
Straumur 9% 8%
Össur 4% -5%
*Miðað við gengi í Kauphöll á mánudaginn
G E N G I S Þ R Ó U N
28. JÚNÍ 2006 MIÐVIKUDAGUR2
H A U S
Erlend verðbréf í
400 milljarða króna
Lífeyrissjóðir bæta hratt við sig erlendum eignum.
LÍFEYRISSJÓÐIR KAUPA ERLEND VERÐBRÉF Hlutfall erlendra eigna er komið í 30
prósent af heildareignum.
Erlendar eignir* %**
Jan. 2005 222 22,10%
Júlí 2005 264 24,10%
Des. 2005 297 24,60%
Jan. 2006 311 24,80%
Feb. 2006 331 25,70%
Mars 2006 371 28,10%
Apr. 2006 400 29,70%
* Í milljörðum króna.
**Hlutfall erlendra eigna af heildareignum
E R L E N D A R E I G N I R
L Í F E Y R I S S J Ó Ð A N N A
Óli Kristján Ármannson
skrifar
Króatíska samheitalyfjafyrirtækið PLIVA upp-
lýsti í gær að stjórn þess litist best á kauptilboð
bandaríska lyfjarisans Barr Pharmaceuticals í öll
hlutabréf fyrirtækisins. Fyrirtækið hóf að meta
stöðu sína eftir að Actavis lagði fram óbindandi
kauptilboð í fyrirtækið 13. mars síðast liðinn.
Actavis hefur boðið rúmlega
150 milljarða króna í fyrirtæk-
ið og Barr tæplega 170 millj-
arða. Tilboð Barr er þó háð því
að Barr eignist yfir helmings-
hlut í félaginu. Söluferli PLIVA
lýkur hins vegar ekki fyrr en
eftir um mánuð og því ekki úti-
lokað að Actavis bjóði betur.
Greiningardeild Glitnis telur þó
að verðið kunni að vera orðið
það hátt að virðisaukning til
hluthafa Actavis réttlæti ekki
kaupin.
Zeljko Covic, forstjóri PLIVA, segir Barr vera
besta kostinn hvað varði framtíðarvöxt fyrir-
tækisins. „Saman erum við viss um að verða
eitt fremsta og farsælasta samheitalyfjafyrirtæki
heims,“ segir hann, en PLIVA hyggur á landvinn-
inga á sviði líftækni þar sem Barr hefur þegar náð
fótfestu. Enn er þó nokkuð óljóst um fyrirætlan-
ir bandaríska lyfjarisans og
kunna hugmyndir þeirra
um reksturinn að skipta
máli þegar að því kemur
að hluthafar PLIVA geri
endanlega upp hug sinn.
Bruce L. Downey, starf-
andi stjórnarformaður Barr,
er þó ekki í vafa um hagkvæmni samrunans enda
muni fyrirtækin saman hafa aðgang að mörkuðum
beggja vegna Atlantshafsins og samlegðaráhrif
við markaðssetningu nýrra lyfja væru veruleg.
Kaupin á PLIVA eru mjög umfangsmikil og falli
þau á endanum Actavis í skaut verða
þau með stærstu viðskiptasamning-
um Íslendinga og Actavis um leið
þriðji stærsti framleiðandi sam-
heitalyfja í heiminum.
Halldórs Kristmannsson, tals-
maður Actavis, sagði verið að
leggja á ráðin um næstu skref og
kvaðst ekki getað tjáð sig um málið að sinni þegar
leitað var eftir viðbrögðum hans í gær.
PLIVA hugnast best til-
boð frá Bandaríkjunum
Líkur hafa minnkað á að Actavis nái að ljúka einum af
stærstu fyrirtækjakaupum Íslandssögunnar. Stjórn sam-
heitalyfjafyrirtækisins PLIVA horfir til Barr Pharmaceuticals.
Bongó ehf. hefur keypt meiri-
hluta í upplýsingatæknifyrirtæk-
inu Exton ehf. sem er leiðandi
þjónustufyrirtæki á sviði ljósa-,
hljóð- og myndlausna.
Fyrirtækið er einkum þekkt
fyrir tækjaleigu vegna tónleika,
ráðstefna og skemmtana og sá
meðal annars um uppsetningu
á sviði og hluta af ljósabúnaði
og hljóðkerfi á tónleikum Roger
sWaters í Egilshöll á dögunum. Þá
hefur fyrirtækið sömuleiðis séð
um uppsetningu ljósa- og mynd-
búnaðar í smærri fundarher-
bergjum til stærri staða. Sverrir
Hreiðarsson, sem tekið hefur við
sem framkvæmdastjóri Exton,
segir fyrirtækið hafa meðal
annars sett upp ljósastýringar í
Smáralind og öll ljós í fundarher-
bergjum Kennaraháskólans.
Seljendur eru Óli Öder
Magnússon, Sveinn Benediktsson
og Ari Daníelsson. Eigendur
Bongó eru Ívar Ragnarsson,
fyrrverandi bassaleikari hljóm-
sveitarinnar Risaeðlunnar og eft-
irsóttur hljóðmaður sem hefur
einbeitt sér að hljóðvinnslu á
leikhúsmarkaði og í söngleikjum
á borð við Hafið bláa.
Sverrir segir kaupverð trún-
aðarmál. Engar breytingar eru
fyrirhugaðar á fyrirtækinu en
hjá því starfa 25 manns. - jab
Bongó kaupir Exton
STJÓRNENDUR ACTAVIS Róbert Wessman forstjóri og Björgólfur
Thor Björgólfsson, stjórnarformaður Actavis, sjást hér á aðalfundi
félagsins í fyrra. Óvíst er hvernig fer með kaup fyrirtækisins á króat-
íska samheitalyfjafyrirtækinu PLIVA. Markaðurinn/Valli
Halldór Kristmanns-
son, yfirmaður innri
og ytri samskipta hjá
Actavis.
Danska lyfjaverslanakeðjan
Matas verður seld breska fjár-
festingafélaginu CVC Capital.
Kaupsamningurinn var naum-
lega samþykktur á hluthafafundi
í Matas í gær.
CVC greiðir tæpa 66,5 millj-
arða íslenskra króna fyrir Matas.
Danskir fjölmiðlar höfðu áður
greint frá áhuga Baugs á Matas
en nú er ljóst að ekkert verður af
þeim kaupum.
Matas rekur 292 lyfjaverslan-
ir víðsvegar um Danmörku.
-jsk
Gengið frá
sölu Matas
FRÁ TÓNLEIKUM ROGER WATERS
Exton sá um uppsetningu á sviði og hluta
af ljósa- og hljóðkerfi tónleikanna.