Fréttablaðið - 30.07.2006, Blaðsíða 14

30. júlí 2006 SUNNUDAGUR14
Hann umgengst tígrisdýr og hlébarða í návígi á hverjum degi og býr
aukinheldur á einu mesta átaka-
svæði heims þar sem stríðsástand
og hryðjuverk hafa verið daglegt
brauð undanfarna áratugi.
Óttar Egilsson er 44 ára gamall
Íslendingur sem hefur búið í Ísrael
síðan 1994. Hann er giftur ísrael-
skri konu, Anat Egilsson, og eiga
þau þrjú börn, 4, 12 og 15 ára. Fjöl-
skyldan býr í borginni Modin sem
er miðja vegu milli Jerúsalem og
Tel Aviv. Óttar og Daníel sonur
hans eru í heimsókn á Íslandi
þessa dagana. Daníel er í fyrsta
sinn á Íslandi síðan hann fór frá
landinu sex mánaða gamall.
Fólk orðið vant þessu
Óttar er brosmildur maður; glaður
í bragði og ber það ekki með sér að
búa í návígi við vopnuð átök og
hryðjuverk og hafa gert það síðast-
liðin tólf ár. „Við verðum í sjálfu
sér ekki svo mikið vör við átökin
núna og svo er fólk þarna bara búið
að venjast þessu ástamdi gegnum
árin, þetta er búið að vera meira og
minna daglegt brauð mörg undan-
farin ár og maður verður bara að
vera sterkur og taka því sem að
höndum ber,“ segir hann.
Hann segist vissulega finna
fyrir spennu hjá fólki og auknu
stressi þegar bardagar geysa eins
og nú á landamærum Ísraels og
Líbanon. En hvað með börnin,
hvernig taka þau þessu? „Það er
misjafnt en þau eru auðvitað orðin
vön þessu líka. Í mínu tilviki reyn-
ir maður að halda fréttaflutningi
frá átökunum eins mikið frá þeim
og hægt er, sérstaklega litlu
krökkunum. Þau þurfa að hugsa
um eitthvað annað en þetta og það
er mikilvægt að láta þau hafa nóg
fyrir stafni.“
Endalaus fréttaflutningur
Sjálfur segist Óttar líka forðast að
liggja yfir fréttaflutningi af átök-
unum. „Málið fyrir mig til að halda
einfaldlega sönsum er að hlusta
ekki of mikið á fréttir af þessu.
Íslendingar hlusta mikið á fréttir,
það koma nýjar fréttir á klukku-
tíma fresti, en ef ég ætla að lifa
eðlilegu lífi er gjörsamlega
ómögulegt fyrir mig að hlusta og
horfa á endalausar fréttir af
þessu.“
Ferðamennirnir farnir
Áhrif stríðsins á daglegt líf flestra
Ísraela eru enn sem komið er lítil
að sögn Óttars en dragist átökin á
langinn fer fólk að finna meira
fyrir þessu. Þó er þetta þegar
farið að hafa áhrif á ýmsum svið-
um. „Flestallir ferðamenn eru til
dæmis farnir frá landinu. Áður en
átökin byrjuðu voru ferðamenn
farnir að koma í vaxandi mæli til
landsins og meira að segja voru
alls kyns rokkhljómsveitir farnar
að koma og halda hljómleika, sem
hefur ekki gerst í langan tíma. Nú
er þetta allt búið aftur, þannig að
þetta á eftir að hafa mikil áhrif,
ekki síst á efnhag landsins, þó
þeirra áhrifa sé ekki fari að gæta
ennþá.“
Hlébarðar og tígrisdýr
Síðustu sjö árin hefur Óttar unnið
í dýragarði skammt utan við Tel
Aviv en garðurinn er stærsti
dýragarður í Mið-Austurlöndum
með alls um 2.500 dýr. Þetta er
safarígarður og þar eru bæði opin
svæði þar sem hægt er að keyra
um og svo dýr í búrum. „Ég vinn í
kattadeild dýragarðsins, sé um að
sinna hlébörðum og tígrisdýrum.
Þetta eru mjög skemmtileg dýr,
mjög gaman að umgangast þau,
mörg þeirra eru alin upp í dýra-
garðinum og þekkja okkur starfs-
mennina vel. Sjálfur er ég úr
sveit og hef gaman af því að
Reynum að halda
börnunum frá þessu
Daglega berast okkur fréttir af því skelfingarástandi sem nú
ríkir á landamærum Ísraels og Líbanon, þar sem ísraelski herinn
og skæruliðar Hizbollah-hreyfingarinnar eigast við. Linnulaus-
ar sprengjuárásir og stríðsátök eru þar daglegt brauð; hundruð
þúsunda manna hafa þurft að yfirgefa heimili sín; fjöldinn allur
af saklausum borgurum beggja vegna landamæranna liggur í
valnum og enn fleiri eiga um sárt að binda um langa framtíð.
Blessunarlega eiga flestir Íslendingar erfitt með að setja sig í
spor þess fólks sem býr við þetta hörmungástand, fæst okkar
hafa upplifað eitthvað þessu líkt. Engu að síður er nokkur hópur
Íslendinga sem þekkir það að búa við stöðuga stríðsógn og ótta
við hermdarverk. Sigurður Þór Salvarsson ræddi við Íslendinga
sem búsettir eru í Ísrael og hafa kynnst því eldfima ástandi sem
þar ríkir af eigin raun.
Þar sem stríðsátök eru daglegt brauð
ÓTTAR EGILSSON OG SONUR HANS DANÍEL Það er létt yfir þeim feðgum þrátt fyrir ótryggt
ástand á heimaslóðum þeirra, þar sem hættan á árásum er sífellt yfirvofandi.
HÖRMUNGAR STRÍÐSÁTAKA Íslendingar eiga erfitt með að gera sér í hugarlund þær hörmungar sem átökin milli Ísraela og Hizbollah í Líbanon hafa í för með sér fyrir óbreytta borgara. Hundruð hafa týnt lífi og eignartjón er gífurlegt.