Fréttablaðið - 30.07.2006, Síða 66

30. júlí 2006 SUNNUDAGUR30
Andrew Mwesigwa, leikmaður
ÍBV, varð fyrir kynþáttafordóm-
um í Landsbankadeild karla nú í
sumar þegar Eyjamenn heimsóttu
Íslandsmeistara FH í Kaplakrika.
Stuðningsmenn FH öskruðu á
Mwesigwa en knattspyrnudeild
FH fékk hámarkssekt fyrir vikið
frá KSÍ, 30.000 krónur. Bæði
stuðningsmennirnir og knatt-
spyrnudeild FH sendu frá sér yfir-
lýsingar þar sem þeir báðu opin-
berlega afsökunar á málinu.
„Ég er kristinn maður og tók
það því ekki til mín. Ég fyrirgaf
þeim en ég var mjög ánægður með
að þeir sáu að sér og báðust afsök-
unar. Mér var sagt að þetta væri í
fyrsta skipti sem svona mál kemur
upp á yfirborðið á Íslandi en þetta
kom mér mikið á óvart þar sem ég
hef aldrei lent í þessu áður,“ sagði
Mwesigwa við Fréttablaðið. „Ég
fer í kirkju á hverjum sunnudegi
til að biðja og ég rækta andann.“
Mwesigwa greindi svo frá því í
viðtali við Eyjafréttir nýverið að
einn leikmaður FH hefði einnig
verið með kynþáttafordóma í hans
garð. „Leikmaður sem ég var tals-
vert að kljást við sem sýndi leiðin-
lega framkomu í minn garð. Við átt-
umst við í eitt skipti og ég vann af
honum boltann með því að tækla
hann. Dómarinn dæmdi ekkert og
kannski var það brot, ég veit það
ekki, en eftir að ég hafði komið bolt-
anum frá mér sneri ég mér við og
bauðst til að hjálpa honum á fætur.
Hann brást hins vegar við með því
að kalla mig svartan apakött,“ sagði
Mwesigwa í viðtali við Eyjafréttir.
„Þetta leit alls ekki vel út en ég
fyrirgaf honum þetta strax og lét
þetta sem vind um eyru þjóta. Mér
fannst þetta leiðinlegt en ég ákvað
að taka þetta ekki inn á mig. Heilt
yfir er fólkið hér á Íslandi alveg
frábært og allir hafa verið mjög
vingjarnlegir. Ég er svartur og
augljóslega eru hvítir hér í mikl-
um meirihluta en það er komið
fram við mig eins og alla aðra,“
sagði hinn geðþekki Úgandabúi.
Andrew Mwesigwa varð fyrir kynþáttafordómum í leik gegn Íslandsmeisturunum:
Kallaður svartur apaköttur
MWESIGWA Sést hér í baráttu við Björgólf Takefusa, leikmann KR, í leiknum í VISA-bikar karla í síðustu viku. FRÉTTABLAÐIÐ/HJALTI ÞÓR HREINSSON
Izudin Daði Dervic kom hingað til
lands árið 1990 frá félagsliði sínu í
Bosníu sem heitir Olimpija Ljub-
ljana. Hann hóf ferilinn hér á landi
með Selfossi í 2. deildinni og vakti
fljótlega áhuga liða í efstu deild,
svo þannig fór að hann gekk í raðir
FH og fór síðan til Vals þar sem
hann varð bikarmeistari 1992.
Eftir það fór hann til KR og fékk
íslenskan ríkisborgararétt og lék
þónokkra landsleiki fyrir Íslands
hönd en hann hefur einnig leikið
fyrir Leiftur og Þrótt.
„Persónulega finnst mér sú
umræða sem hefur komið upp
vera fáránleg að mörgu leyti. Ég
spilaði fótbolta í fjöldamörg ár og
hef fengið að heyra margt í gegn-
um tíðina frá ýmsum mönnum en í
lok leikja hef ég bara rétt fram
höndina og þakkað fyrir leikinn.
Alltaf tók sá hinn sami í höndina á
mér og allir skildu sáttir,“ sagði
Daði Dervic. „Ef eitthvað eins og
hótanir um líflát og limlestingar
er hins vegar farið að koma upp í
hita leiksins finnst mér að menn
ættu að tala saman eftir leik og
reyna að leysa þau mál innbyrðis
áður en farið er strax út í það að
kæra.“
Hann vill ekki kalla þau hróp
og köll sem hann hefur lent í for-
dóma heldur lítur frekar á þetta
sem hluta af leiknum. „Ég hef ótal
mörgum sinnum verið í bænum
um helgar á þeim fimmtán árum
sem ég hef verið hér og aldrei lent
í neinu veseni. Ég heyrði menn
hrópa á mig „helvítis útlendingur“
og slíkt á vellinum en þegar leik-
urinn var búinn var allt gleymt og
grafið og allir vinir. Þannig hefur
þetta alltaf verið og á alltaf að
vera,“ sagði Daði Dervic.
„Maður myndi halda að svona
hlutir gerðust í meiri mæli þegar
menn eru undir áhrifum áfengis
en ég hitti oft á tíðum þessa menn
þegar maður var úti á lífinu. Þá
ræddi ég oft við þá í mesta bróð-
erni, þó þeir hafi sagt ýmislegt í
hita leiksins eru þeir engir rasist-
ar. Það er búið að blása þetta rosa-
lega upp með þessari umræðu sem
hefur verið í gangi, þetta er langt í
frá eins alvarlegt og fólk er að
halda fram.“
Daði Dervic segir að það séu
ýmsir hlutir sem menn láti flakka
en það sé nú orðið frekar alvar-
legra þegar farið er að hóta lífláti.
„Ég hef fylgst með þessu máli með
Hjört Hjartarson og það eru ein-
hverjir búnir að stimpla hann sem
rasista sem mér finnst alveg
fáránlegt. Þetta sem sagt er á vell-
inum gerist bara þar, mér finnst
hins vegar alvarlegra þegar verið
er að hóta mönnum lífláti og
þvíumlíkt. Ég sjálfur þekki Hjört
vel og veit að hann er mjög góður
strákur, þetta er bara blásið upp
og er ósanngjarnt gagnvart
honum,“ sagði Daði Dervic.
Daði Dervic segir þá umræðu sem hefur átt sér stað fara yfir strikið:
Öllu alvarlegra þegar lífláti og
limlestingum er hótað
BIKARINN Í HÖFN Daði fagnar hér með fyrrum liðsfélögum sínum. FRÉTTABLAÐIÐ/BRYNJAR
FAGNAÐ Í GÓÐRA VINA HÓPI Izudin Daði
Dervic fagnar hér bikarmeistaratitlinum
1994 eftir að KR vann Grindavík í úrslita-
leik. FRÉTTABLAÐIÐ/BRYNJAR
Ekkert nýmæli í íslenska fótboltanum
Fordómar í garð erlendra leikmanna í íslenska
fótboltanum hafa verið mikið í umræðunni undan-
farna daga í kjölfar þess að knattspyrnudeild Kefla-
víkur ákvað að leggja fram kvörtun eftir leik gegn
Skagamönnum um síðustu helgi. Hjörtur Júlíus
Hjartarson var þá sakaður um að vera með fordóma
í garð varnarmanns Keflavíkur. Rætt hefur verið
um hvernig bregðast eigi við hrópum og köllum á
erlenda leikmenn í deildinni en fólk horfir mjög
mismunandi á málið. Fréttablaðið setti sig í samband
við einn erlendan leikmann sem nú spilar í Lands-
bankadeildinni og tvo leikmenn frá gömlu Júgóslav-
íu sem spiluðu við góðan orðstír hér á landi og eru
nú orðnir íslenskir ríkisborgarar. Ljóst er að þessi
köll eru engin nýjung í íslenskum fótbolta.
Salih Heimir Porca þjálfar nú
meistaraflokk kvenna hjá Haukum
en hann er klárlega meðal bestu
leikmanna sem hafa komið hingað
til lands og leikið í íslenska fótbolt-
anum. Hann segir að á sínum ferli
hafi hann margsinnis orðið var við
allskonar hróp og köll á sig á knatt-
spyrnuvellinum. Hann segist þó
hafa látið þau orð sem vind um
eyru þjóta og tók ekki mikið mark
á því sem hrópað var að honum.
„Það er ýmislegt sem menn
segja í hita leiksins og ég vissi það
vel að þeir voru oft ekki að meina
það sem þeir sögðu. Þetta er svona
allstaðar í heiminum og alls ekk-
ert einsdæmi hér á landi. Það eru
bara sumir leikmenn sem eru
skapheitari en aðrir og eru dug-
legir í að láta í sér heyra. Þó mörg
ummæli sem þeir láta falla séu
ekki við hæfi þá lét ég þetta ekki
hafa nein áhrif, ég hugsaði bara
þannig að það væru þeir sem ættu
eitthvað erfitt,“ sagði Porca.
Á sínum tíma lék hann meðal
annars með Fylki, Val, KR og
Breiðabliki hér á landi og hefur
honum líkað lífið vel. „Þegar ég
kom hingað til lands fyrir um sex-
tán árum var ég atvinnumaður og
kom hingað úr mjög góðu liði. Ég
kvartaði ekki neitt því mér gekk
vel og var hjá flottum félögum hér
á landi og fékk góða samninga.
Þetta gekk því mjög vel fyrir sig
hjá mér, ég var mjög sáttur.“
Porca segir það bara hluta af
leiknum að ýmis orð séu látin falla
en meðal þess sem hann segist
margsinnis hafa fengið að heyra
er: „Helvítis júggi, farðu heim til
þín,“ og „Þú átt ekki heima hér.“
Hann tók þó ekkert mark á þess-
um orðum og lagði bara áherslu á
að spila vel.
„Áður en ég kom hingað til
lands var ég búinn að spila víða
erlendis. Svona munnsöfnuður í
garð erlendra leikmanna eins og
er hér á landi finnst allstaðar í
heiminum. Það er bara misjafnt
hvernig augum menn horfa á
þetta, hvort menn vilji standa í því
að gera eitthvað stórt úr einhverju
smáræði. Ég kaus þá leið að svara
þessu bara með því að gera mitt
besta í leikjum og reyna að skila
inn mörkum. Þegar allt kemur til
alls skiptir mestu máli að ná
árangri á vellinum,“ - egm
Salih Heimir Porca heyrði margskonar orðbragð í
sinn garð á ferlinum:
Menn segja ýmis-
legt í hita leiksins
INNANFÓTAR Porca vakti mikla athygli
þegar hann lék hér heima.
BIKARNUM FAGNAÐ Salih Heimir Porca lyftir hér Mjólkurbikarnum eftir að KR sigraði Fram
í úrslitaleik á Laugardalsvelli 1995. FRÉTTABLAÐIÐ/BRYNJAR