Tíminn - 05.02.1978, Blaðsíða 17

Sunnudagur S. febrúar 1978
17
fíftMIW
Útgefandi Framsóknarflokkurinn.
Framkvæmdastjóri: Kristinn Finnbogason. Ritstjórar:
Þórarinn Þórarinsson (ábm.), og Jón Helgason. Rit-
stjórnarfulltrúi: Jón Sigurðsson. Auglýsingastjóri: Stein-
grimur Gislason. Ritstjórnarskrifstofur, framkvæmda-
stjórn og auglýsingar Siðumúla 15. Simi 86300.
Kvöidsimar blaðamanna: 86562, 86495. Eftir kl. 20.00:
86387. Verð i lausasölu kr. 90.00 Áskriftargjald kr. 1700 á
mánuði. BSaðaprent h.f.
Er byggðastefnan
andstæð
þéttbýlinu?
Af skrifum vissra blaða mætti ætla, að byggða-
stefnan, sem fylgt hefur verið siðustu ár, hafi snú-
ið fólksstraumnum til höfuðborgarsvæðisins svo
við, að háski sé á ferðum. í tilefni af þvi, er ekki úr
vegi, að rif ja upp nokkrar tölur um þetta efni.
Samkvæmt siðustu ársskýrslu Framkvæmda-
stofnunar rikisins, bjuggu á Vesturlandi 6.9% allra
landsmanna árið 1960 en sú tala var komin niður i
6.4% árið 1974 og var óbrevtt 1976.
Hér hefur þvi tekizt að halda óbreyttu hlutfalli
en ekki meira. Á Vestfjörðum bjuggu 1960 5.9%
allra landsmanna, en 1971 var þetta hlutfall komið
niður i 4.8%, en var 4.6% árið 1976. Hér hefur ekki
tekizt að halda óbreyttu hlutfalli. Á Norðurlandi
bjuggu 16.9% allra landsmanna árið 1960, en 1971
var þessi tala komin niður i 15.6%, lækkaði i 15.5%
árin 1974 og 1975, en komst aftur i 15.6% á árinu
1976.Á Austurlandi bjuggu 1960 5.9% allra lands-
manna, en 1971 var þessi tala komin niður i 5.4%
en var 1976 komin upp i 5.6%.Hér hefur þvi litillega
tekizt að snúa vörn i sókn. Loks er svo Suðurland.
Þar bjuggu 9% allra landsmanna 1960 en 1971 er sú
tala komin niður í 8.8%, en var 1976 8.6%. Þannig
hefur á árunum 1971-1976 tekizt að halda nokkurn
veginn óbreyttu hlutfalli milli höfuðborgarsvæðis-
ins og byggðarinnar utan þess, en þó hefur höfuð-
borgarsvæðið heldur unnið á, þar sem ibúar
Reykjavikur og Reykjaneskjördæmis voru 58.9%
allra landsmanna 1971 en 59.2% árið 1976. Þetta er
hins vegar mun minni aukning en á áratugnum á
undan en 1960 bjuggu 55.6% allra landsmanna i
Reykjavik og Reykjaneskjördæmi, en þessi tala
var komin upp i 58.9% 1971, eins og áður segir. En
hefði verið æskilegt, að sú þróun héldi áfram?
Hefði það ekki orðið meira en hæpinn vinningur
fyrir höfuðborgina?
Það er mikill misskilningur að telja þá
breytingu, sem hér hefur orðið háskalega og
reyna að nota hana til að æsa höfuðborgarbúa
gegn byggðastefnunni. Þessi breyting er þeim ekki
minna til hags en öðrum, þvi að það er ekki þeirra
hagur, að höfuðborgarsvæðið þenjist út of hratt.
Hallar á
Reykjavik
Þótt höfuðborgarsvæðið hafi vel haldið hlut sin
um að undanförnu, hvað fólksfjölda snertir, er það
rétt, að sama gildir ekki um Reykjavik. Fólks-
fjölgunin á höfuðborgarsvæðinu hefúr farið fram
hjá Reykjavik. Fólki hefur fjölgað i Hafnarfirði.
Kópavogi, Garðabæ og Mosfellssveit og á Seltjarn-
arnesi, meðan Reykjavik hefur staðið i stað. Hver
er skýringin? Er hún nokkur önnur en sú, að
stjórnendur Reykjavikurborgar hafa orðið undir i
samkeppninni við stjórnendur nágranna-
byggðanna? Þetta hlýtur að verða Reykvikingum
ærið umhugsunarefni og verða mjög á dagskrá við
borgarstjórnarkosningar, sem eru framundan.
Þ.Þ.
ERLENT YFIRLIT
Thatcher breytir um
útlit og framgöngu
Færustu sérfræðingar látnir leiðbeina henni
ÞAÐ VAKTI sérstaka at-
hygli og umtal brezkra blaöa,
þegar þaö gerbist fyrir nokkr-
um dögum að gestur kom á
heimili Margarets Thatcher i
London og dvaldi þar i riima
klukkustund. Astæðan var sú
að gesturinn var Heath fyrrv.
forsætisráðherra. Síöan
Thatcher felldi hann við for-
mannskjör i Ihaldsftokknum I
febrúar 1975 hefur verið lítið
um viðræður milli þeirra.
Thatcher hefur ekki boðið
Heath sæti i hinu svonefnda
skuggaráðuneyti íhalds-
flokksins og hann siður en svo
falazt eftir þvi. Ástæðan til
þess að Thatcher hefur snið-
gengið Heath er m.a., að hún
hefur talið flokk sinn svo
sigurvissan aö hún þyrfti ekki
neitt á liðveizlu Heath að
halda enda bentu skoðana-
kannanir til þess lengi vel að
thaldsflokkurinn myndi
auðveldlega vinna næstu þing-
kosningar. Nú er þetta hins
vegar að breytast. Siðustu
skoðanakannanir benda til, að
úrslitin geti orðið mjög tvisýn.
Verkamannaflokkurinn hefur
undir forustu Callaghans
stöðugt verið aö vinna á
siðustu mánuöina. Thatcher
auglýsir það ekki lengur eins
ákveðiö og áöur i utanlands-
ferðum sinum, að hún verði
næsti forsætisráðherra Bret-
lands. Henni og nánustu sam-
verkamönnum hennar er ljóst
að Ihaldsflokkurinn þarf á
öllu sinu að halda ef hann á að.
sigra Verkamannaflokkinn i
næstu kosningum. Þess vegna
greip hún til þess ráðs eftir að
Heath var nýkominn úr ferða-
lagi um Austurlönd nær að
biöja hann um aö heimsækja
sig og gefa sér skýrslu um
ferðalagið en Heath ræddi við
helztu stjórnarleiðtoga þar.
Heath gat ekki neitað þessum
tilmælum. Hannþáði boðiö og
gizka blöðin á, að þau hafi rætt
um fleira en Austurlönd nær.
Sumir fréttaskýrendur telja
sig hafa heimildir fyrir þvi að
Thatcher hyggist bjóða Heath
stöðu utanrikisráðherra i
skuggaráðuneytinu. Blöðum
kemur yfirleitt saman um, að
þaö myndi reynast Thatcher
verulegur styrkur.
SPURNINGIN er hins vegar
sú hvort Heath kærir sig nokk-
uð um að þiggja boðið. Hann
hefur siöan hann féll við for-
mannskjörið unnið sér vax-
andi vinsældir jafnt með bók-
um sínum og ræðum sem hafa
þótt betur undirbúnar en þær,
sem hann var vanur að halda
meðan hann var ráðherra,eða
leiðtogi stjórnarandstöðu.
Jafnframthefurhann oft leyft
sér aö hafa aðrar skoðanir á
ýmsum málum en Thatcher.
Fréttaskýrendum kemur yfir-
leitt saman um, að staða
Heaths sé mun sterkari nú en
Hin nýja Margaret Thatcher
hún var, þegar hann féll við
formannskjöriö. Hins vegar
verður ekki hið sama sagt um
Thatcher. Hún hlaut veru-
legar vinsældir fyrst eftir að
hún sigraöi Heath og virtist þá,
aðþaðheföiverið réttráöið að
velja hana til formennsku. En
henni hefur ekki tekizt að
halda vinsældunum. Hún þyk-
ir i framkomu sinni minna of
mikið á yfirstéttakonu, þótt
hún sé raunar úr milÚstétt.
Málflutningur hennar virðist
ei ná nógu veltil almennings,
þótt hún sé vel máli farin. Eitt
blaðanna komst nýlega svo að
orði aö óneitanlega væri hún
glæsileg kona og hressileg„en
samt ekki viðfelldin. Þótt hún
standi sig allvel á þingi er
Callaghan ofjarl hennar.
Hann er slyngari og klókari.
Framkoma hans virðist h'ka
falla almenningi betur i geð.
Við það bætist svo að efna-
hagsleg staða Breta fer batn-
andi og þeim finnst Callaghan
vera vera seigur og traustur.
Hann er nýr Baldwin sagði eitt
Thatcher i Petticoat Lane
brezku blaöanna nýlega en
Baldwin var einn af vinsæl-
ustu stjórnmálamönnum
Breta á árunum milli heims-
styrjaldanna. Þótt hann væri
ekki talinn skörungur, vakti
hann traust með framkomu
sinni og nýtur nú vaxandi
viðurkenningar hjá brezkum
sagnriturum.
ÞAÐ VERÐUR ekki annað
sagt en að Thatcher hafi
brugðizt mannlega viö þeim
vanda sem nú steöjar aö
henni. Ráðunautar keppast
við að gera hana að nýrri
Margaret, hlýlegri og alþýð-
legri. Hárgreiðslu hennar hef-
ur venð breytt og einnig
klæðaburði. Hún er send út i
fátækrahverfin og látin ræða
við fólk þar blátt áfram og
óþvingaö. Nýlega heimsótti
hún East End i London og
labbaði um Petticoat Lane,
þar sem smásalar hafa alls
konar varning á boðstólum.
Hún rabbaöi við þá og fólkiö
sem var aö verzla og þótti
standa sig vel. Margir ljós-
myndarar voru til taks og tóku
af henni margar myndir, en
bezt þótti sú takast þegar einn
af sölumönnunum var að
kyssa hana á kinnina. Sam-
verkamenn Thatchers gera
sér góðar vonir um.að þeim
muni með slikum og öðrum
aðferöum heppnast aö auka
vinsældir hennar aö nýju. En
það veröur þeim aö takast.þvi
að skoðanakannanir sýna að
stöðugt fleiri kjósa heldur
Callaghan en hana sem for-
sætisráðherra. Ef thaldsflokk-
urinn sigrar i næstu kosning-
um verður þaö þvi ekki vegna
hennar.heldur þrátt fyrir hana
ef taka á mark á siðustu
skoðanakönnunum. Hin nýja
Margaret þarf þvi sannarlega
að standa sig vel.
Þ.Þ.