Fréttablaðið - 29.09.2006, Blaðsíða 10

10 29. september 2006 FÖSTUDAGUR
Til vonar
og vara
varasalvi
Nú líka með
ALOE VERA
550 5000
AUGLÝSINGASÍMI
FJARSKIPTAMARKAÐUR Í skýrslu sem
Póst- og fjarskiptastofnun hefur
unnið með sambærilegum fyrir-
tækjum á hinum Norðurlöndunum
kemur fram að íslenski fjarskipta-
markaðurinn einkennist af
fákeppni þar sem tvö fjarskipta-
fyrirtæki skipti markaðnum á
milli sín.
Í skýrslunni segir að verð á far-
símaþjónustu sé hærra hér en á
hinum Norðurlöndunum og hafi
hækkað á síðustu árum en farið
lækkandi á hinum Norðurlöndun-
um. Þá hafi farsímaþjónusta mæld
í mínútum á viðskiptavin staðið í
stað hér og heldur minnkað frá
árinu 1999 en aukist á hinum Norð-
urlöndunum.
Eva Magnúsdóttir, upplýsinga-
fulltrúi Símans, gerir miklar
athugasemdir við þær fullyrðing-
ar Póst- og fjarskiptastofnunar að
verðið hafi hækkað hér og segir
skýrsluna á misskilningi byggða.
Við samanburð sé ekki tekið tillit
til þeirra afsláttarkjara sem
íslenskum neytendum stendur til
boða. „Eingöngu er tekið tillit til
þeirra afsláttarkjara sem erlend-
um neytendum stendur til boða.
Síminn býður GSM notendum
sínum alls kyns afslætti í vina-
númer en það er ekki tekið tillit til
þessa í þessum verðsamanburði. Í
erlenda verðsamanburðinum er
hins vegar tekið tillit til þeirra
afsláttarkjara sem viðgangast
þar.“
Gísli Þorsteinsson, upplýsinga-
fulltrúi Og vodafone, er sammála
Evu um að fullyrðingar Póst- og
fjarskiptastofnunar um verð á
GSM þjónustu hér á landi séu á
misskilningi byggðar. GSM notk-
un hafi aukist en meðalreikning-
urinn haldist nær óbreyttur í þrjú
ár. Samanburður á mínútuverði
gefi ekki rétta mynd af raunveru-
legum kostnaði neytenda.
„Og1 viðskiptavinir hringja
frítt heim og sín á milli í GSM.
Einnig býður Og vodafone öllum
viðskiptavinum sínum frí samtöl í
tvö önnur GSM númer að eigin
vali ásamt fjölda annarra fríð-
inda,“ segir hann og telur Og vod-
afone veita viðskiptavini sínum
aukna afslætti sem beri vott um
þá miklu samkeppni sem sé á
íslenskum farsímamarkaði.
Í tilkynningu frá Sko segir að
verðskrá fyrirtækisins sé einfald-
ari og lægri en keppinautanna.
Það sé því mat Sko að skýrslan
hefði gefið gleggri mynd af raun-
veruleikanum ef þjónusta og verð-
skrá fyrirtækisins hefði verið
innifalin.
Eva bendir á að Ísland sé með
sjötta lægsta verðið á farsíma-
þjónustu á yfir 30 landa lista.
ghs@frettabladid.is
Segja skýrslu
ekki rétta
Fjarskiptafyrirtækin stóru eru sammála um að nor-
ræn skýrsla um verðþróun og samanburð á farsíma-
markaði á Norðurlöndum sé á misskilningi byggð.
Skýrslan gefi ekki rétta mynd af raunveruleikanum.
VERSLUN SÍMANS Í KRINGLUNNI Í skýrslu um verðþróun símafyrirtækja kemur fram
að íslenski fjarskiptamarkaðurinn einkennist af fákeppni.
GÍSLI
ÞORSTEINSSON
EVA
MAGNÚSDÓTTIR
DÓMSMÁL Tæplega þrítug kona
hefur verið dæmd í 30 daga fang-
elsi vegna líkamsárásar. Héraðs-
dómur Austurlands kvað dóminn
upp, en fullnustu refsingar er
frestað, svo fremi sem konan held-
ur almennt skilorð í tvö ár.
Það var aðfaranótt 8. janúar
sem konan og tveir menn réðust á
þann þriðja, sem er til heimilis í
Reykjavík, við fjölbýlishús á Höfn
í Hornafirði. Konan barði hann
nokkur hnefahögg í andlitið svo
hann bólgnaði á vinstri augabrún
og vinstra kinnbeini. Annar félaga
hennar skellti síðan hurð fjölbýlis-
hússins á framhandlegg fórnar-
lambsins, þannig að ölnin brotn-
aði. Þriðji árásarmaðurinn
sparkaði loks í manninn þannig að
eitt rif brotnaði.
Dómurinn ákvað að aðskilja
mál árásarfólksins. Konan játaði
greiðlega brot sitt, en hún er ung
að árum og hafði ekki áður gerst
sek um refsiverða háttsemi. Dóm-
urinn leit til þessara þátta við
ákvörðun refsingar. Konunni var
gert að greiða sakarkostnað sem
hlaust af málinu. - jss
Kona og tveir menn fengu skilorðsbundinn dóm:
Réðust inn á heimili
og beinbrutu mann