Fréttablaðið - 29.09.2006, Qupperneq 13

FÖSTUDAGUR 29. september 2006 13
FERÐAÞJÓNUSTA „Það er endalaust verið að reyna
að svindla á fyrirtækjum í ferðaþjónustu og
það gerist oft í viku hjá mörgum hótelum,“
segir Erna Hauksdóttir, framkvæmdastjóri
Samtaka ferðaþjónustunnar.
Að sögn Ernu er oft um að
ræða tölvupóst frá aðilum
erlendis sem panta herbergi
og hafa ýmsar kúnstugar
óskir um að lagt sé út fyrir
hinu og þessu. „Við sendum
sífellt út boð til okkar félags-
manna um að vera á varð-
bergi og við brýnum sérstak-
lega fyrir fólki að skrifa ekki
undir neitt nema lesa smáa
letrið.“ Erna segir dæmi um
að fólk lendi í vandræðum jafnvel bara við það
að veita upplýsingar. Þá berst fyrirspurn frá
einhverju skráningarfyrirtæki þar sem ákvæði
eru vandlega falin í örsmáu letri. Svo þegar
fyrirspurninni er svarað hefur fólk sett nafnið
sitt undir samning um birtingu auglýsingar
fyrir einhverja upphæð til dæmis.
„Það eru margir að gera út á þetta úti um
allan heim en fólk er farið að kunna á þetta.
Það er búið að vara svo lengi við þessu og
margt er svo augljóslega skrítið,“ segir Erna.
Ferðamálastofa hefur einnig sent frá sér
aðvörun vegna svikahrappa. Segir að nokkuð
hafi borið á því í sumar að reynt sé að hafa fé
út úr gististöðum með fölskum bókunum. - sdg
Mikið er um að reynt sé að svindla á fyrirtækjum í ferðaþjónustu:
Svikahrappar herja á gististaði
ERNA HAUKS-
DÓTTIR
HÓTEL BORG Framkvæmdastjóri Samtaka ferðaþjón-
ustunnar segist ekki fá margar tilkynningar um að fólk
falli fyrir svikum en margir láti vita af svikahröppum.
Tekið skal fram að Hótel Borg tengist fréttinni ekki með
beinum hætti.
DÓMSMÁL Héraðsdómur Suður-
lands dæmdi konu í tveggja
mánaða fangelsi fyrir skjalafals í
gær. Hún hafði falsað undirritun
vinkonu sinnar á skuldabréf og gert
hana að ábyrgðarmanni að láni upp
á rúma hálfa milljón króna. Hún
sagði ástæðuna þá að yfirdráttar-
heimild hennar hafi verið að renna
úr gildi. Vitundarvottur skulda-
bréfsins sagðist hafa talið að allt
væri með felldu. Eftir að meintur
ábyrgðarmaður hafði haft samband
við hann og spurt hvernig á málinu
stæði hafi hann hringt í lántakand-
ann en fengið þau svör að þetta
væri í lagi þar sem hún hafi gert
þetta áður. Refsingin fellur niður
haldi konan skilorð í tvö ár. -kdk
Tveggja mánaða fangelsi:
Falsaði nafn
vinkonu sinnar
STJÓRNMÁL Ármann Kr. Ólafsson,
forseti bæjarstjórnar Kópavogs,
gefur kost á sér í þriðja sæti í
prófkjöri
Sjálfstæðis-
flokksins í
Suðvesturkjör-
dæmi. Ármann
er stjórnmála-
fræðingur að
mennt og var
síðustu ellefu
ár aðstoðar-
maður
ráðherra, fyrst
Halldórs
Blöndal og
síðar Árna Mathiesen. Ármann
hefur verið bæjarfulltrúi í
Kópavogi frá 1998 og setið í fjölda
nefnda á vegum bæjarins. -bþs
Ármann Kr. Ólafsson:
Sækist eftir
þriðja sætinu
ÁRMANN KR.
ÓLAFSSON
STJÓRNMÁL Örlygur Hnefill
Jónsson, héraðsdómslögmaður og
varaþingmaður, gefur kost á sér í
1. til 3. sæti í flokksvali Samfylk-
ingarinnar í
Norðaustur-
kjördæmi.
Örlygur
Hnefill hefur
verið virkur í
flokksstarfi
Samfylkingar-
innar á
Norðaustur-
landi, fyrst
sem formaður
Samfylkingar-
innar á
Norðurlandi eystra og síðar
formaður kjördæmisráðs
Samfylkingarinnar í Norðaustur-
kjördæmi.
Örlygur Hnefill hefur rekið
lögmannsskrifstofu á Húsavík frá
árinu 1982. - sdg
Örlygur Hnefill Jónsson:
Fram í prófkjör
Samfylkingar
ÖRLYGUR HNEFILL
JÓNSSON
STJÓRNMÁL Bryndís Haraldsdótt-
ir, varabæjarfulltrúi í Mosfells-
bæ, sækist eftir 4.-5. sæti í
prófkjöri Sjálfstæðisflokksins í
Suðvestur-
kjördæmi.
Bryndís, sem
nam alþjóða-
markaðsfræði
við Tækni-
skóla Íslands,
er verkefnis-
stjóri Evrópu-
verkefna hjá
Impru,
nýsköpunar-
miðstöð á
Iðntæknistofn-
un. Hún hefur gegnt ýmsum
trúnaðarstörfum fyrir Sjálf-
stæðisflokkinn og er meðal
annars varaþingmaður hans í
Suðvesturkjördæmi. -bþs
Bryndís Haraldsdóttir:
Í prófkjör Sjálf-
stæðisflokksins
BRYNDÍS HARALDS-
DÓTTIR