Fréttablaðið - 21.11.2006, Side 44

21. nóvember 2006 ÞRIÐJUDAGUR28
Íbúar smábæjarins
Bracciano sitja nú og
telja aurana. Pitsusal-
inn á horninu hefur
hækkað verðið á einni
lítilli margaritu um
helming og gamla
ekkjan fyrir ofan er
búin að leigja svalirnar
sínar fyrir myndatökufólk á nokk-
ur hundruð þúsund lírur. Þeir
höfðu líka mætt í hópum og boðið
henni gull og græna skóga þannig
að sú gamla sá sér leik á borði og
tók hæsta boði. Sonurinn kom í
heimsókn og sá um að gestirnir
borguðu í reiðufé en tók síðan að
sér hálfgerða veisluþjónustu, eld-
aði pasta og lasagna sem aðrir
gestir gátu keypt á okurverði.
Ekkjan gamla þarf engar áhyggj-
ur að hafa það sem eftir lifir árs-
ins, hún á meira en nóg fyrir sard-
ínuskammti og ólífum út árið.
Bæjarstýran hefur vart haft
undan við að svara símtölum frá
hinum og þessum og karlinn heima
fyrir var orðinn langeygður eftir
kvöldmatnum en veit sem er að
frúin hefur í nógu að snúast. Þýðir
ekkert að kveinka sér núna þótt
garnirnar séu farnar að gaula.
Ákveður að heimsækja barinn
sinn en uppgötvar sér til mikillar
skelfingar að hann er fullur af
blaðasnápum sem kjafta hver ofan
í annan. Hann kinkar kolli til eig-
andans Luigis sem er skælbros-
andi og sér að veisluföngin hafa
hækkað upp úr öllu valdi. Smá-
brauðið og parmesanskinkan
verða að duga í kvöld. Ætli Lazio
sé ekki bara að spila, hugsar eigin-
maðurinn á meðan hann gengur
framhjá her ljósmyndara sem
smella af í gríð og erg út í loftið í
þeirri veiku von að ná einhverju
fréttnæmu.
Fyrir utan gamlan kastala
standa Rita og Maria með borða
og bíða spenntar eftir að sjá átrún-
aðargoðið sitt frá táningsaldrin-
um. Vinkonurnar óska þess að það
væru þær sem stæðu við glugg-
ann með litla barnið. Átrúnaðar-
goðið lét sjá sig í eina sekúndu,
vinkaði og stöllurnar höfðu fengið
sitt. Þær sofnuðu með þann draum
í maganum að eiginmaður þeirra
yrði jafn ríkur og frægur.
Stuð milli Stríða: laugardagur í ítölskum smábæ
FReyR GíGJA Gunnarsson var fluGa á veGG í brúðkaupi ársins
Jólaskreytingakvöld
Nú er komið að okkar vinsælu
jólaskreytingakvöldum.
Jólaskreytingakvöld miðvikudag 22. nóv.
og fimmtudag 23. nóv. kl 20-22
í glæsilegri verslun Blómavals í Skútuvogi.
Skreytingameistarar og starfsfólk
Blómavals taka á móti gestum
og sýna það nýjasta og flottasta
í jólaskreytingum og skrauti.
Uppákomur og kynningar.
Skráið ykkur í síma 5 800 500.
eða á blom@blomaval.is
Takmarkaður sætafjöldi
- ókeypis aðgangur.