Fréttablaðið - 21.11.2006, Page 46

21. nóvember 2006 ÞRIÐJUDAGUR30
menning@frettabladid.is
Kl. 10.00
Á Listasafni Reykjavíkur standa
yfir tvær áhugaverðar sýningar. Á
Kjarvalsstöðum sýnir Þórdís Aðal-
steinsdóttir verk sín í vestursal en í
Hafnarhúsinu stendur yfir sýningin
Uncertain States of America þar
sem finna má rjómann af amerískri
samtímalist. > Dustaðu rykið af...
verkum Wagners. Fátt er jafn
upplífgandi í skammdeginu og á
fimmtudaginn leikur Sinfóníuhljóm-
sveit Íslands þætti úr óperunum
Parsifal og Tristan & Isolde. Ein-
söngvarar eru Kristinn Sigmunds-
son, Kolbeinn Ketilsson, Wolfgang
Schöne og Petra Lang. Stjórnandi
er Johannes Fritzsch.
Hin vikulegu Skáldspíru-
kvöld Lafleur útgáfunnar
fara jafnan fram í Iðuhús-
inu á þriðjudögum og í
kvöld verður engin breyt-
ing þar á. Skáld kvöldsins
er Hermann Stefánsson,
rithöfundur og tónlist-
armaður, og mun hann
meðal annars lesa upp
úr nýrri ljóðabók sinni,
Borg í þoku, sem nýlega
kom út hjá Hávallaút-
gáfunni. Hermann hefur
áður gefið út skáldverkin
Stefnuljós og smásagna-
safnið Níu þjófalykla auk þýðinga og ritsins
Sjónhverfingar: fjarvistarsannanir fyrir íslenskan
veruleika.
Sögusvið ljóðabókarinnar er borgin Santiago de
Compostela á Spáni en
hana prýða aukinheldur
nokkrar ljósmyndir.
Hermann mun einnig
kynna jólalagadisk sem
væntanlegur er í verslanir.
Sá ber heitið Ofankoma
af fjöllunum en þar leikur
hann tregablandin jólalög
ásamt bróður sínum Jóni
Halli og Þórarni Kristjáns-
syni og Árna Kristjáns-
syni.
Dagskráin hefst kl. 20 og
áréttað skal að gestum
er frjálst að taka með sér
veitingar ofan af kaffihúsi á efri hæð.
Skipuleggjandi Skáldspírukvöldanna er sem fyrr,
listamaðurinn, útgefandinn, talnaspekingurinn
og sjósundkappinn, Benedikt S. Lafleur.
Skáldspíran Hermann
Hermann StefánSSon Kynnir tregafull jóla-
lög og þokukennd ljóð. FréTTaBLaðIð/vaLLI
!
FASTEIGNALÁN
Í MYNTKÖRFU
Nánari upplýsingar veita lánafulltrúar Frjálsa og á www.frjalsi.is
3,4%
Miðað við myntkörfu 3, Libor vextir 21.09.2006
Reykjavíkurborg hefur
skorið upp herör gegn götu-
list eða graffití sem sumir
telja lýti á umhverfinu.
Listamennirnir sjálfir eru
ekki sáttir við þá einföldun
og nota ýmsar aðferðir til
að koma list sinni á fram-
færi. Sum þeirra ferðuðust
meira segja um borgina
utan á strætisvagni á dög-
unum.
Listakonan Súrkúla hefur verið
að fást við götulist í þrjú ár en hún
segist finna töluvert fyrir hertari
aðgerðum borgaryfirvalda gegn
götulist. Hún kýs til að mynda að
koma ekki fram undir fullu nafni í
fjölmiðlum því hún segir borgar-
yfirvöld vera dugleg að kortlega
götulistafólk. „Nú er málað yfir
eða þrifið strax og fólk passar sig
betur á því að vera ekki tekið.
Maður skilur vel að fólk amist út í
að verið sé að skemma hluti og
eigur fólks en þegar um er að
ræða auða veggi, undirgöng eða
útveggi sem fólk er að skreyta og
gera eitthvað skemmtilegt við þá
finnst mér þetta ekki eiga neitt
skylt við skemmdarverk,“ segir
hún. „Maður skilur ekki að allt sé
sett undir sama hatt og álitið krass
og krot án þess að verkin séu skoð-
uð.“
Hún segist vonast til þess að
hægt sé að finna milliveg í málinu
og að leyfi fáist fyrir listafólkið til
að nýta sér tiltekin svæði án þess
að eiga von á því að list þeirra sé
eyðilögð. Súrkúla tekur undir að
umburðarlyndi og skilningur
almennings gagnvart götulist sé
að aukast og nefnir ennfremur að
nú sé í tísku að nota graffiti, til
dæmis í bakgrunn auglýsinga en
einnig sé von á íslenskri bók um
graffítilist á næsta ári.
Reykjavíkurborg ver háum
fjárhæðum í að uppræta graffití
en Súrkúla bendir á að stefna yfir-
valda sé ekki vænleg til árangurs.
„Fólk mun alltaf halda áfram að
tjá sig og það er hægt að gera
miklu skemmtilegri hluti við þessa
peninga,“ segir hún og áréttar að
Íslendingar þurfi ef til vill bara
meiri tíma til þess að taka götu-
listina í sátt. Súrkúla bendir á að á
mörgum stöðum í borginni séu
kraftmikil og falleg götulistaverk
af öllum stærðum og gerðum og
hvetur fólk til þess að líta sér nær.
„Það geta oft verið pínkulítil verk,
beint fyrir framan mann, sem
mikill húmor eða ádeila er í.“ Hins
vegar sé þetta listræna landslag
borgarinnar sífellt að breytast.
„Sífellt fleiri fá nú leyfi hjá einka-
aðilum til þess að vinna eða setja
upp verk en ég tel að það sé bæði
til hagsbóta fyrir borgarana og
listafólkið sem fæst við þetta.
Allir vilja jú hafa val,“ segir hún.
Fleiri sýna þessari listsköpun
áhuga og vegvild og fóru verk
Súrkúlu víða á dögunum en hún
samdi við Strætó og sýndi sín
fyrstu „málverk“ utan á einu far-
artækja þeirra. Verkið vann hún í
tengslum við áfanga í Listaháskól-
anum þar sem áherslan er á tvívíð
listaverk.
Raunar dreymdi hana fyrir
hugmyndinni um færanlegt gall-
erí. „Mig dreymdi að einhver úr
bekknum hefði hengt verkin sín
utan á strætó og mundi að í draum-
um hafði ég sagt: „Djöfull er þetta
flott - listin keyrir um göturnar“.
Síðan vaknaði ég og vissi þá að
þetta er alveg málið.“ Verkin
hennar voru í bókstaflegri merk-
ingu á götunni í tvær vikur og nú
vinnur Súrkúla ásamt fleiri lista-
mönnum að því að hanna strætó-
skýli sem vonandi mun rísa fyrir
framan Listaháskólann á næst-
unni. „Okkur hefur líka dottið í
hug að setja upp sýningu í strætis-
vögnunum og færa þannig listina
aðeins nær fólkinu,“ segir hún.
Sjálf segist hún ekki merkja
verkin sín né nota „tagg“ merk-
ingar sem eru eins og listræn und-
irskrift götulistamanna. Vinnuað-
ferðir götulistamanna eru
mismunandi, sumir nota stensla
en aðrir spreyja eða mála beint á
veggi. Súrkúla kveðst sjálf vinna
felst sinna verka á pappír sem hún
límir síðan upp. „Hvert verk getur
tekið margar vikur í vinnslu,“
segir hún en það er misjafnt
hversu lengi verkin fá að vera í
friði eftir að búið er koma þeim
fyrir. „Sum hanga uppi mánuðum
saman á meðan búið er að eyði-
leggja önnur eftir klukkutíma. Það
er ofboðslega sárt en líka partur
af þessu öllu. Götulist er mjög ber-
skjölduð en hún er líka í umhverfi
þar sem enginn verndar hana.
Þess vegna hefur hún svo sterk
áhrif, hún nær til margra en er
veik fyrir.“ kristrun@frettabladid.is
Síbreytileg en berskjölduð götulist
Líttu þér nær Götulistamaðurinn Súrkúla við eitt verka sinna í miðbæ reykjavíkur. FréTTaBLaðIð/Hörður
LiStin á rúntinum Listaverk Súrkúlu prýddu strætisvagn á dögunum.
„Móttökurnar hafa farið fram úr
björtustu vonum,“ segir Óttar
Martin Norðfjörð, ævisöguritari
Hannesar Hólmsteins Gissurar-
sonar, um fyrsta bindi ævisögu
prófessorsins sem kom út á dög-
unum.
Í fyrsta bindinu, sem nefnist
Hannes – Nóttin er blá, mamma,
er skautað yfir mótunarár Hann-
esar þegar hann var barn og ungl-
ingur. Kennir þar ýmissa grasa,
meðal annars kemur fram að
Hannes hafi verið fallegt barn og
snemma sýnt metnað til mennta.
Óttar segir það hafa verið gaman
að skrifa söguna því eins og segir
í inngangi ritsins er Hannes
„margslunginn persónutýpa. Hann
hefur komið sér á milli tennurnar
í fólki og það ekki af neinu ástæðu-
leysi.“
Nýhil
gefur út
bókina, sem
reyndar er
einblöðung-
ur, og til stóð
að hún yrði
gefins. „Í
ljósi þeirrar
miklu eftir-
spurnar sem
við höfum
orðið vör við
ákváðum við
hins vegar
að selja hana
á 99 krónur.
Allur ágóði mun renna til mæðra-
styrksnefndar,“ segir Óttar. Ritið
verður til sölu í bókabúð Máls og
Menningar á Laugavegi og í
Eymundsson í Pennnanum. -bs
Ævisaga
Hannesar
komin út
nóttin er bLá, mamma annað bindi
ævisögu Hannesar er væntanlegt næsta
haust.
óttar martin
Fannst gaman að skrifa
um Hannes og segir
hann „margslungna
persónutýpu“.