Fréttablaðið - 06.01.2007, Page 29

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Flugbjörgunarsveit Reykjavíkur á
marga skemmtilega bíla í sínum flota.
Dodge Weapon árgerð ´52 hefur sinnt
mörgum störfum bæði við flutning á
hergögnum og sem björgunarbíll, en
nú nýtist hann til að vekja athygli á
störfum Flugbjörgunarsveitarinnar við
Flugvallarveg.
Bíllinn kom til landsins árið 1986 frá Belgíu
þar sem hann var í eigu Coca Cola og var
notaður í að aðstoða bilaða kókbíla í Brus-
sel.
„Hann var notaður í einhvers konar
hernaði í tengslum við sex daga stríðið, en
eftir það var hann aðeins í friðsamlegum
ferðum fyrir Kók,“ segir Sigurður Harðars-
son hjá Flugbjörgunarsveit Reykjavíkur.
Eftir að bíllinn kom til Íslands, var hann
yfirfarinn en hefur annars verið í góðu lagi.
„Bíllinn fór aldrei á skrá en þegar fyrri eig-
andi, Kristján Kristjánsson, lést fékk Flug-
björgunarsveitin bílinn að gjöf. Kristján
var mikill flugáhugamaður og hafði gefið
okkur góðar gjafir í gegnum tíðina, eins og
talstöðvar og slíkt,“ segir Sigurður sem
sjálfur hefur verið í sveitinni frá 16 ára
aldri. Bíllinn var málaður í litum björgunar-
sveitarinnar og er nú aðallega notaður sem
skraut. „Þessi bíll er alveg eins og fyrsti
björgunarbíll sveitarinnar, svo hann hefur
ákveðið sögulegt og tilfinningalegt gildi
fyrir okkur,“ segir Sigurður.
Úr hernum í björg-
unarstörf fyrir Coke